ޓީސީ އާއި މާޒިޔާ ރޭ ކުޅެނީ. --ފޮޓޯ: ނިޝާން އަލީ/ މިހާރު
12 ޑިސެމްބަރ 2017 - 23:46
10 comments
މާޒިޔާ 2-0 އިން ބަލިކޮށް ޕްރެޒިޑެންޓްސް ކަޕް ފުޓްބޯޅަ މުބާރާތުގެ ފައިނަލުގެ ފަހު ޖާގަ ޓީސީ ސްޕޯޓްސް ކްލަބް މިރޭ ހޯދައިފި އެވެ.
އަންނަ ހުކުރު ދުވަހުގެރޭ ކުޅޭ ރައީސުލްޖުމްހޫރިއްޔާގެ ވާދައިގެ ތަށީގެ ފައިނަލުގައި ޓީސީ ބައްދަލުކުރާނީ، އެފްއޭ ކަޕުގެ ފައިނަލާއި ޕްރެޒިޑެންޓްސް ކަޕުގެ ފުރަތަމަ ސެމީގައި އެ ޓީމު އަތުން މޮޅުވި ނިއު ރޭޑިއަންޓާ އެވެ. މިއީ ދެ އަހަރު ތެރޭ ޓީސީ ކުޅޭ ފަސް ވަނަ ފައިނަލެވެ. މިދިޔަ އަހަރުގެ އެފްއޭ ކަޕާއި ޕްރެޒިޑެންޓްސް ކަޕް އަދި މި އަހަރުގެ އެފްއޭ ކަޕް ފައިނަލުން ބަލިވެފައިވާއިރު މި އަހަރު ބަންގަލްދޭޝްގައި ބޭއްވި ޝެއިޚް ކަމާލް ގޯލްޑް ކަޕުގެ ޗެމްޕިއަންކަން ހޯދި އެވެ.
މިރޭގެ މެޗާ އެކު މާޒިޔާ އަށް ސީޒަން ނިމިފައިވާއިރު މިއީ އެ ޓީމަށް ނިސްބަތުން ނާކާމިޔާބު އަހަރެކެވެ. އޭއެފްސީ ކަޕުގައި ރަނގަޅު ނަތީޖާތަކެއް ނެރެ އެސްޓީއޯ މާލޭ ލީގު ކާމިޔާބުކުރި ނަމަވެސް އުރީދޫ ދިވެހި ޕްރިމިއާ ލީގާއި އެފްއޭ ކަޕް އަދި ޕްރެޒިޑެންޓްސް ކަޕުގައި ތަށްޓާ ހަމަޔަށް ނުދެވުނެވެ. އެއާ އެކު އެ ޓީމަށް ވަނީ އަންނަ އަހަރު އޭއެފްސީ ކަޕުން ވެސް ފުރުސަތު ގެއްލިފަ އެވެ.
ޓީސީން 11 ދުވަހުގެ ތެރޭގައި ކުޅުނު ހަތަރު ވަނަ މެޗަށް މިރޭ ނުކުންނައިރު ކެޕްޓަން އަބްދުﷲ ހަނީފް (ބެންޖޯ) އާއި ފޯވާޑް ކޮނޭލިއަސް ސްޓެވާޓް ފިޔަވައި މުހިއްމު ކުޅުންތެރިން ފުރަތަމަ އެގާރައިގައި ވަނީ ހިމަނައިފަ އެވެ. އެ ޓީމުން ވަނީ މެޗުގެ 12 ވަނަ މިނެޓުގައި ޕެނަލްޓީއަކުން ލީޑު ނަގައިފަ އެވެ. މާޒިޔާގެ ސަމޫހު އަލީ (ސަމުއްޓެ) އަތުގައި އޭރިއާ ތެރެއިން ބޯޅަ ޖެހުމުން ލިބުނު ޕެނަލްޓީ ވައްދާލީ ސެންޓްރަލް ޑިފެންޑަރު އަލާ ނާސިރެވެ.
އެ ޓީމުގެ ދެ ވަނަ ލަނޑު 37 ވަނަ މިނެޓުގައި ޖެހީ ހަލީލް ޖަމާލެވެ. މުހައްމަދު ސާމިރު ކޯނަރަކުން ހުރަސްކުރި ބޯޅަ އޭނާ ގޯލުގެ މަތީ ކަނަށް ވައްދާލީ ބޮލުން ޖަހަ އެވެ.
ދެ ވަނަ ހާފުގައި މާޒިޔާ އިން ވަނީ ގޯލް ޖަހާނެ ރަނގަޅު ފުރުސަތުތަކެއް ހޯދައިފަ އެވެ. އެގޮތުން 59 ވަނަ މިނެޓުގައި އޭރިއާ ތެރެއިން އަސްހަދު އަލީ (އަޑުބަރޭ) އަށް ލިބުނު ފުރުސަތުގައި ފޮނުވާލި ބޯޅަ ޓީސީގެ ގޯލްކީޕަރު ކިރަން ކުމާރު މަތަކުރި އެވެ. އޭގެ ފަހުން 64 ވަނަ މިނެޓުގައި ޓީސީގެ ސާމިރު ފޮނުވާލި ނުރައްކާތެރި ބޯޅައެއް މާޒިޔާގެ ގޯލްކީޕަރު މުހައްމަދު އަލް ޔޫސުފް ސަލާމަތްކުރި އެވެ.
މެޗުގެ ފަހުބައިގައި، 72 ވަނަ މިނެޓުގައި މާޒިޔާގެ މޫސާ ޔާމީނަށް ވެސް ރަނގަޅު ފުރުސަތެއް ލިބުނެވެ. އެކަމަކު ޓީސީގެ ކީޕަރުގެ ހުށިޔާރުކަމާ އެކު އެ ބޯޅަ ގޯލަށް ވައްދާނުލެވުނެވެ. އަދި 83 ވަނަ މިނެޓުގައި އޭރިއާ ރޮނގު މަތިން މާޒިޔާގެ ބަދަލު ކުޅުންތެރިޔާ މުހައްމަދު އުމެއިރު ފޮނުވާލި ނުރައްކާތެރި ހިލޭ ޖެހުން ޓީސީގެ ކީޕަރު ކިރަން މަތަކުރި އެވެ. ޓީސީގެ މުހައްމަދު އައްޒާމް ވެސް ވަނީ މެޗުގެ ފަހުކޮޅު ހިލޭ ޖެހުމަކުން ނުރައްކާކޮށްފަ އެވެ. އެ ބޯޅައިގެ ހުރަހަކަށްވީ މާޒިޔާ ކީޕަރެވެ.
ޓީސީގެ ކޯޗު މުހައްމަދު ނިޒާމް (ނިޒާމްބެ) ބުނީ ގާތްގާތުގައި މެޗުތައް ކުޅެން ޖެހުމުން ކުޅުންތެރިންނަށް ބުރަބޮޑުވެ އަނިޔާގެ މައްސަލަތައް ކުރިމަތިވެފައިވާ ކަމަށާއި އެކަމަކު ވެސް ކުޅުންތެރިން ދެއްކީ ވަރަށް ރަނގަޅު ކުޅުމެއް ކަމަށެވެ.
"ގާތްގާތުގައި މެޗުތައް ކުޅެން ޖެހޭއިރު މިއީ ކަމާބެހޭ ފަރާތްތަކުން ވިސްނަން ޖެހޭ ކަމެއް. ހަތަރު މެޗު މި ކުޅުނީ ވަރަށް ކައިރިކައިރީގައި. އަނެއްކާ ހުސް ޕްރެޝަރު މެޗުތައް. ސެމީ ފައިނަލަކަށް ފަހު ފައިނަލެއް. އަނެއްކާ ސެމީ ފައިނަލަކަށް ފަހު ފައިނަލެއް. މީގެ ސަބަބުން ބޭކާރު އެތައް އަނިޔާތަކެއް އެބަވޭ ކުޅުންތެރިންނަށް. މި ހުރިހާ ކަމަކާ އެކު ވެސް ކުޅުންތެރިން ދެއްކި ޕާފޯމަންސާ މެދު ހިތްހަމަޖެހޭ،" ނިޒާމްބެ ބުންޏެވެ.
މާޒިޔާގެ ކޯޗު އިސްމާއިލް މަހަފޫޒް (އިންމަ) ބުނީ މެޗުން ބަލިވުމުން އެ މާޔޫސްކަން އެބަހުރި ކަމަށާއި އެކަމަކު ކުޅުންތެރިންނާ މެދު އެއްވެސް ޝަކުވާއެއް ނެތް ކަމަށެވެ.
"ޕްލެޔަރުން ދަނޑުމަތީގައި އެ ދެއްކި ކުޅުން ވަރަށް ރަނގަޅު. ޓީސީގެ ތަފާތަކަށްވީ އެ ޓީމުން ނަތީޖާ ނެރުން. އަޅުގަނޑުގެ ނެތް ކުޅުންތެރިންނާ މެދު އެއްވެސް ޝަކުވާއެއް. ވަރުބަލިކަމާ އެކު ވެސް ވަރަށް ރަނގަޅަށް ކުޅުނު ހުރިހާ ކުޅުންތެރިން ވެސް،" އިންމަ ބުންޏެވެ.
ދިވެހި ލީގުގެ ވަކި ހިސާބަކުން ޓީމާ ހަވާލުވި އިންމަ ބުނީ މި ހިސާބުން މި ސީޒަން ހަނދާން ނައްތާލާނެ ކަމަށާއި މާޒިޔާ ކުރިއަށް އޮތްތަނުގައި ވެސް އެ ޓީމުގެ ގޮތުގައި ފެންނާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހާ !
14 December 2017
السلام عليكم ، بِسْمِ اللَّهِ الرَّحْمَنِ الرَّحِيم ، ( ހިސާބުގަނޑު (މާޒިޔާ) މީހުން ޓީމަށް ސަޕޯޓު ނުކުރާތީ ވާގޮތް މިފެންނަނީ...ކިތަންމެ އަގުބޮޑު ޓީމެއް ނެރުނަސް ސަޕޯޓެއް ނެތީމަ މޮޅުވުމުގެ ރޫހެއް ނުހުންނާނެ.....ޓީސީން އެދައްކަނީ އެތަފާތު....ސަޕޯޓަރުން ކިތަންމެ މަދަސް އެ އެންމެން އެކައްޗަކަށް ވެގެން ދަނޑަށް އައިސް އެދޭ ހިތްވަރު އެއީ ޓީސީގެ ތަފާތަކީ!!މީ އެހެން ޓީމުތަކުންވެސް ވިސްނަންވެއްޖެ ކަމެއް !!! މަރުހަބާ ޓީސީ!! ތީ ސަޅި ޓީމެއް ) މީކޮންމެވެސް ވަރެއްގެ އޮޅުމެއް މުޅިއަކުން ގޯހެކޭ ނުބުނަން ރަންގަޅު އެކުވެރި ކަމަކީ ގަދަފަދަ ބާރެއް ވަކިވެ ގަތުމީ ނިކަމެތިަކަމެއް އެކަމަކު މިކަމުގަ މިސާލަކައް މިދިޔަ އަހަރު ދެވަން ޑިވިޝަނުން އެއްވަނަ ޑިވިޝަންގަ ކުޅޭ ގްރީންސްޓްރީޓް ބަލާ އެއްވަނަ ޑިވިޝަންގެ ހުރިހާ ޓީމެއް ބަލިކުރިއޭ ބުނިކަމުގަ ވިޔަސް ރަންގަޅު އެއީީ ވަކި ސަޕޯޓަރުން ގިނައިން އައިސް ސަޕޯޓް ކޮއްގެނެއްނޫން ނިއު ގެ ސޕޯޓަރުން ނައް ވުރެމަދު ގާމުވެސް އެކަމަކު ނިއުވެސް ބަލިކުރި ، إنشاء الله ، أمين ،،،،،!.
ހުންގާނު
14 December 2017
ނިއުރޭޑިއަންޓް ނޫން އެހެން ހުރިހާ ޓީމެއްގެ ސަޕޯޓަރުން އެއްކޮށްލައިގެންވެސް ނިއުގެ ސަޕޯޓރންގެ އަދަދާ އެއްވަރެއް ނުވާނެ، ދެން ކޮން ސަޕޯޓަރުންނެކޭ ކިޔާކަށް
ހެންވޭރުގޯޅި
13 December 2017
ހިސާބުގަނޑު (މާޒިޔާ) މީހުން ޓީމަށް ސަޕޯޓު ނުކުރާތީ ވާގޮތް މިފެންނަނީ...ކިތަންމެ އަގުބޮޑު ޓީމެއް ނެރުނަސް ސަޕޯޓެއް ނެތީމަ މޮޅުވުމުގެ ރޫހެއް ނުހުންނާނެ.....ޓީސީން އެދައްކަނީ އެތަފާތު....ސަޕޯޓަރުން ކިތަންމެ މަދަސް އެ އެންމެން އެކައްޗަކަށް ވެގެން ދަނޑަށް އައިސް އެދޭ ހިތްވަރު އެއީ ޓީސީގެ ތަފާތަކީ !! މީ އެހެން ޓީމުތަކުންވެސް ވިސްނަންވެއްޖެ ކަމެއް !!! މަރުހަބާ ޓީސީ!! ތީ ސަޅި ޓީމެއް
އަހާ !
13 December 2017
السلام عليكم ورحمة الله وبركاته ، بِسْمِ اللَّهِ الرَّحْمَنِ الرَّحِيم ، ﷲއިރާދަފުޅުކުރެއްވިއްޔާ ދުވަހަކުވެސް ދެރަ ގޮތެއްވުމަކައް ނޭދެން އެއްވެސް ބަަޔަކައް ނުވަތަ އެއްވެސް އިންސާނަަކައްވެސް ނޭދެން ބަދުބަހެއް ވެސް ބުނާކައް ނެތިން ބައްދުއާއެއް ވެސް ނުކުރަން إن شاء الله ! މީކީ ކޯޗްގެ މައްސަލަ އެއް ނޫން ( އުމެއިރް އާ މާޒިޔާ ސަޕޯޓަރުން ހެދުނުގޯހުގެ އަލާމާތް ) އެބަހުރި އެކަމަކު ހަޖަމްނުވެ އެވަރު އިގޭގޮތް ނުވާނަމަ ކުޑަކޮއް މިސާލެއް ތަފްސީލެއް ހާމަ ކޮއްލާނަން މިބުނާ ވާހަކަ މިކިޔާ އިންސާނަކު ނިކަން ގޮސް އަހާލަބަލަ މާޒިޔާ އުމެއިރު ކައިރީގަ އަހާ މީކިހާވަެރެއްގެ ކަމެއްއެއްތޯ އުމެއިރު Septemb 23, 2017 މާޅޮހާ ކުޅުނުމެޗްގަ ފަހުހާފްގަ ދަނޑު ބޭރުން ސަޕޯޓަރެއް ސަޕޯޓް ކުރުމުގެ ބަހެއް ބާރައް ގޮވީމަ އުމެއިރު ސަޕޯޓް ކުރި ސަޕޯޓަރައް ބަލާފަ އުމެއިރު އިޝާރާއް ކޮއްލީމަ ނަހައްޣް ގޮތުގަ މާޒިޔާ ސަޕޯޓަރުން އައިސް އެސަޕޯޓަރައް ދިން އަނިޔާ އެއައް ފަހު އެ އުމެއިރު ފަރާތުން ކުޅުން ނުދެއްކެނީ ، إن شاء الله ، أمين ،،،،،!.
ހެންޑެލި
13 December 2017
ދިވެހި ޕްރެމިއަރ ލީގަށް މާލޭ ޒޯނުން ކޮލިފައިވާ ޓީމުތައް ހޯދުމަށް ކުޅުނު މާލޭ ލީގުގެ 1ވަނަ ލިބުންފިޔަވާ އިތުރު ކާމިޔާބެއް މާޒިއާ އަކަށް ނުލިބޭ، މާލޭ ލީގު ލިބުން އެއީ މާބޮޑު ކާމިޔާބީއެއްކަމަށް ވަންޏާ ކުޑަހުވަދޫއިން މިނިވަން 50ގެ ޗެމްޕިއަންކަން ހޯދުމަކީ މާޒިއާ މާލޭ ލީގު ހޯދުމަށްވުރެ މާބޮޑު ކާމިޔާބީއެއް. އޭއެފްސީ ކަޕުގައި ރަނގަޅު ނަތީޖާތަކެއް ނެރުނުކަމަށް ބުނާއިރު މިސަރަހައްދުގެ ޓީމުތަކާ ވާދަކޮށްގެންވެސް މުބާރާތުގެ ގްރޫޕް ސްޓޭޖް ފަހަނައަޅާ ނުދެވުނު. އުރީދޫ ދިވެހި ޕްރިމިއާ ލީގާއި އެފްއޭ ކަޕް އަދި ޕްރެޒިޑެންޓްސް ކަޕުގައި ދިޔައީ ޗޮކުން، މާލޭ ލީގް ފިޔަވާ ކުޅުނު ހުރިހާ މުބާރާތަކުން ލިބުނީ 3ވަނަ. މުޅި ގައުމީޓީމު އެއްކޮށްގެން އަދި ޔޫރަޕާއި އޭޝިއާއިން އަތްފުނާ އަޅައިގެން ގެނައި ނަމުން މޮޅެތި ކުޅުންތެރިންނާ މާމޮޅު ބޭރު ކޯޗަކާއެކު މިސީޒަނުގަ ނެރުނު ދަށް ނަތީޖާތަކުގެ ސަބަބުން އަންނަ އަހަރު އޭއެފްސީ ކަޕުން ވެސް ވަނީ ފުރުސަތު ގެއްލިފަ. ދެން މިއީ މާޒިޔާ އަށް ނިސްބަތުން ނާކާމިޔާބު އަހަރަކަށްވީ ކިހިނެތްބާ؟
ޖިންނި
13 December 2017
މިފަހަރު ޕްރެޒިޑެންޓްސް ކަޕްގެ ތަށި ނަގާނީ ޓީސީ. ނަމަވެސް ނިއުގެ ސަޕޯޓަރެއްގެ ހައިސިއްޔަތުން އެދެނީ ނިއު މޮޅުވުން. މަރުޙަބާ ޓީސީ
ވީ އާރ ބުލޫސް
13 December 2017
ފައިނަލުން ޖެހޭނި ހަމަ ވިނަކާން. ކުރީފަހަރު ފެންދީފަ ކަތިލީ. މިފަހަރު ފެންނުދީ ކަތިލާނި. ހެހެހޭ
އާރީ
13 December 2017
މާޒިޔާ މުޅި ގައުމީޓީމް ލައިގެން މިހާލަތަށް ވެއްޓްމަކީ ލަދުވެތި ކަމެއް. ޓީސީ 2 ގޯލް ޖަހާފަ އޮތް އިރުވެސް ނޫޅެ އެޓޭކު ކުރާކަށް ޓީމް ކުރިއަަށް ޖަންސާކަށް އަޑްބަރޭ އެކަނި ދުވެ ދުވެ ހުރީ ވަރުބަލިވެފަ. ޓީމްގެ އެއްވެސް މޮޅުވުމުގެ ރޫހެއް ނެތް. މިހާލަތުން އަރާގަންނަަށް މާޒިޔާއަށް ވަރަށް އުދުގޫވާނެ. އަހަރެން ހަމްދަރުދީވަން..
އެމިހުން
13 December 2017
ނިޒާމްބެ ބުނާޙޭން އެމީހުންބަލިވެގެންއެކަންނިމޭނީ
ސ.ރަދުން
13 December 2017
މަރުހާބާ ނިޒާމްބޭ....ހައްޤުމޮޅެއް....ފަސްއބުރިބަލާނެ ކަމެއްނެތް!! ކރ ކރ ބާރަތް ކުރިއަށް....އިރާދު ކުރެއްވިއްޔާ ފައިނަލުން މޮޅުވާނެ އިންޝާﷲ...