ީޕީޕީއެމްގެ ވެރިކަމުގައި މިދިޔަ އަހަރު ބޭއްވި ރަސްމިއްޔްތެއްގައި އެ ޕާޓީގެ އިސްވެރިންތަކެއް ބައިވެރިވެވަޑައިގަންނަވަނީ---ފޮޓޯ: ރައީސް އޮފީސް
14 އެޕްރީލް 2019 - 23:36
67 comments
އިދިކޮޅު ޕީޕީއެމްގެ ލީޑަޝިޕްގައި މިވަގުތު ތިއްބެވި ހުރިިހާ ބޭފުޅުން އިސްތިއުފާ ދެއްވުމަށް އެ ޕާޓީގެ ޕާލިމަންޓް ގްރޫޕުގެ ލީޑަރުގެ މަގާމުގައި މިހާތަނަށް ހުންނެވި ވިލިމާލެ ދާއިރާގެ މެމްބަރު އަހުމަދު ނިހާން މިރޭ ގޮވާލައްވައިފި އެވެ.
މި މަހުގެ ހަ ވަނަ ދުވަހު ބޭއްވި ރައްޔިތުންގެ މަޖިލިހުގެ އިންތިޚާބުގައި ޕީޕީއެމަށް ލިބުނު ބޮޑު ނާކާމިޔާބީއާ ގުޅިގެން، އެ ޕާޓީގެ އިސްވެރިން އިސްތިއުފާ ދެއްވުމަށް ނިހާން ގޮވާލެއްވިއިރު، އޭނާ ވަނީ ޕާލަމެންޓްރީ ގުރޫޕުގެ ލީޑަރުކަމުން ވެސް ވަކިވެވަޑައިގެންފަ އެވެ.
ޕީޕީއެމްގެ ލީޑަޝިޕްގެ ހުރިިހާ ބޭފުޅުން އިސްތިއުފާ ދެއްވުމަށް ނިހާން ގޮވާލެއްވިއިރު، އޭނާ އަކީ ވެސް ލީޑަޝިޕްގެ ބޭފުޅެއް ނޫންތޯ މީހަކު ދެންނެވުމުން ނިހާން ވިދާޅުވީ އިސްތިއުފާ ދެއްވާފައިވާ ކަމަށެވެ.
މި ފަހަރުގެ އާންމު އިންތިޚާބުގައި ތިނަދޫ އުތުރު ދާއިރާ އަށް ވާދަކުރައްވައި ނާކާމިޔާބު ވެފައިވާ ނިހާން ކުރެއްވި ޓްވީޓެއްގައި ވިދާޅުވީ، ޕީޕީއެމްގެ ލީޑަޝިޕުން އާ ބަޔަކަށް ޖާގަ ދިނުމަށްޓަކައި، އެ ޕާޓީން ފެއިލްވި ހުރިހާ ބޭފުޅުން ދުރަށް ވަޑައިގަންނަވަން ޖެހޭ ކަމަށެވެ.
PPM Ge Leadership in Fail Vi Hurihaa Enmmen Dhurah Dhaan Jehey. Adhi Aa Leadership akah Jaaga Dheyn Jehey. 2017 Local Council Inthikhaabu, Adhi 2018 Riyassee Inthikhaabu, ge ithrun 2019 Majlis in thikhaabu PPM ah Gellunee Harudhanaa Leadership eh Nethumun. E enmmen Isthiufaa!!
— Ahmed Nihan (@ahmed_nihan) April 14, 2019
ނިހާންގެ ޓުވީޓު
ނިހާން ވިދާޅުވި ގޮތުގައި މިދިޔަ ރިޔާސީ އިންތިޚާބާއި އެންމެ ފަހުން ބޭއްވި ލޯކަލް ކައުންސިލްތަކުގެ އިންތިޚާބު އަދި މި ފަހަރުގެ އާންމު އިންތިޚާބުން ވެސް ޕީޕީއެމް ބަލިވީ ހަރުދަނާ ލީޑަޝިޕެއް ނެތުމުންނެވެ.
"އެ އެންމެން އިސްތިއުފާ،" ނިހާންގެ ޓުވީޓުގައި ގޮވައިލެއްވި އެވެ.
ޕީޕީއެމްގެ ލީޑަޝިޕްގެ ހުރިހާ ބޭފުޅުން އިސްތިއުފާ ދެއްވުމަށް ނިހާން ގޮވާލެއްވިއިރު، އެ ޕާޓީ ހިންގުމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދާއި ކުރީގެ ހޯމް މިނިސްޓަރު އުމަރު ނަސީރު ހަވާލުވެވަޑައިގަންނަވާ ވާހަކަތައް ވަނީ ފެތުރިފަ އެވެ. އެ ބޭފުޅުންގެ މައިގަނޑު މަސައްކަތަކީ ޕީޕީއެމަކީ އިދިކޮޅު ޕާޓީއެއްގެ ގޮތުގައި ވަރުގަދަ ކުރުމެވެ. އެކަމަކު، ޑރ. ޖަމީލާއި އުމަރު ޕީޕީއެމާ ހަވާލުވަނީ އެ ޕާޓީގެ މިހާރުގެ ރައީސް އަދި ކުރީގެ ރައީސް އަބްދުﷲ ޔާމީންގެ ލީޑަޝިޕްގައި ކަމެއް ނުވަތަ ނޫން ކަމެއް އަދިއެއް ނޭނގެ އެވެ.
"ޕީޕީއެމްގެ އާއްމު މެމްބަރުން ނުހަނު އިހުލާސްތެރި، އެ މެމްބަރުންނަށް އިތުރަށް ހިތާމަ އާއި ގެއްލުން ދިނުމަށް ޖާގައެއް ނެތް،" ނިހާން
ނިހާން މިރޭ ވިދާޅުވީ ޕީޕީއެމަކީ ވަރަށް ކުރު މުއްދަތެއްގައި ރާއްޖޭގެ ވެރިކަމާ ހަމައަށް ދަތުރުކުރި ޕާޓީއެއް ކަމަށެވެ. އެ ޕާޓީން މިހާތަނަށް ހޯދި ހުރިހާ ކާމިޔާބީއެއްގެ ހައްގުވެރި ފަރާތަކީ އާއްމު މެމްބަރުންކަމަށް ވިދާޅުވި އެވެ. އެއާ އެކު އޭނާ ބޭނުންކުރެއްވީ ޕީޕީއެމް އިސްލާހު ކުރުމުގެ ހޭޝްޓެގެވެ.
"ޕީޕީއެމްގެ އާއްމު މެމްބަރުން ނުހަނު އިހުލާސްތެރި، އެ މެމްބަރުންނަށް އިތުރަށް ހިތާމަ އާއި ގެއްލުން ދިނުމަށް ޖާގައެއް ނެތް،" ނިހާން ވިދާޅުވި އެވެ.
އާއްމު މެމްބަރެއްގެ ގޮތުގައި ޕީޕީއެމަށް އަދި ރައްޔިތުންނަށް ސިޔާސީގޮތުން ހިދުމަތް ކުރުމުގައި ދެމި ހުންނެވޭތޯ މަސައްކަތް ކުރައްވާނެ ކަމަށް ވެސް ނިހާންގެ ޓުވީޓުގައި ވެ އެވެ.
މިދިޔަ އާންމު އިންތިޚާބުގައި އިދިކޮޅު ޕާޓީގެ ހައިސިއްޔަތުން ވާދަކޮށް ޕީޕީއެމަށް ނެގުނީ އެންމެ ފަސް ގޮނޑި އެވެ. އެ ޕާޓީއާ އެކު ކޯލިޝަން ހެދި ކޮންގްރެސް ޕާޓީ އަށް ލިބުނީ އެންމެ ތިން ގޮނޑި އެވެ.
ޕީޕީއެމަކީ ކުރީގެ ރައީސް މައުމޫން އަބްދުލްގައްޔޫމް އިސްވެ އުފެއްދެވި ޕާޓީ އެކެވެ. އެކަމަކު، މައުމޫނާއި ކޮއްކޯފުޅު ޔާމީނާ ދެމެދު އުފެދުނު ސިޔާސީ ބޮޑެތި ހިޔާލު ތަފާތުވުންތަކަށް ފަހު، މައުމޫން ޕާޓީން ވަކިކޮށް ހިންގުމާ ހަވާލުވަޑައިގަތީ ޔާމީނެވެ. އަދި ޕާޓީގެ ކޯޅުންގަނޑުގެ މައްސަލަ ޝަރުއީ މަރުހަލާ އިން ކާމިޔާބު ކުރެއްވީ ވެސް ޔާމީނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިލް
15 April 2019
ތިހެން ފޭރިގަންނަ ކޮންމެ އެއްޗެއް އޭގެން ލައްޒަތެއް ފޮނި މީރުކަމެއް ނުލިބި ހަމަ ތިޔަހެން އަޅިޔަށްވެ ބީވެގެން ދާނެ. ވައްކަންކޮށް ހައްޤަށް އަރައިގަތުން ތިހުރީ ކަލޭމެންގެ ކަށީގަޔާ ކަށީގެ އެތެރޭގައި ހުރި މަދުގަވެސް ހިފާ ލެޔަށްވެސް އޭގެ އަސަރުކޮށްފަ. ދެން ކޮން ބޭކާރު ވާހަކައެއް؟
އައިމިނާ
15 April 2019
ފުރަތަމަ ތިމާ އަމިއްލަގެވެސް އިޚްލާސްތެރިކަމެއް ނެތީމަ ތިޔަ ޕާޓީތިދަރަޖައަށްވެއްޓުނީ. ވައްކަން ނުކުރާއަމާނާތްތެރި ތެދުވެރި އިޚްލާސްތެރިން ނެތީ. އެއްމެންވެސް އުޅުނީ ފައިސާއަށްކަންމިހާރު އެނގިގެން މި ދަނީ. ފައިސާނުލިބޭތީ މިހާރު ޔާމިންވެސްނުފެނޭ އެކަކަށްވެސް.
ފިލާވަޅު
15 April 2019
އުމަރު ނަސީރުއާ ޕާޓީ ހަވާލުކުރަންވީ، ނިހާން،އަދުރޭ،ޒަމީރު، ރައީސް ޔާމީން ،ރައީސް މައުމޫންވެ އުމަރުގެ ފަހަތައް ނިކުންނެވުމަށް ގޮވާލަން.. އުމަރު އާއި އެކު މުޅިންއައު ލީޑަރޝީޕްއެއް އުފައްދާ ޖަމީލްވެސް މިހާރު އުމަރުގެ ފަހަތައް އަރަންޖެހޭ.. ޖުމްހީރީ ޕާޓީވަނީ ފެއިލްވެފައި ރިޔާޒް އަދި ނާޒިމް، އަލީ ހުސެން ވެސް އުމަރާއެކު ނިކުންނަވާ
އިހުސާން
15 April 2019
ޕާޓީ އެއްގެ ކުރިމަގު ބައްޓަންކުރަން މުގުލުގައި ތިބެންވީ އިލްމީ މީހުން. ނިހާންމެންނަކީ އެކްޓިވިސްޓުން. ތެދެއް . ޕީޕީއެމް އަކީ ވަރުގަދަ ޕާޓީއެއް. އިޚުލާސްތެރި މެމްބަރުން ރޮމުންވެސް އެމްޑީޕީ އަށް ވޯޓްދިނީ އިބްރަތެއް ނިހާނު އާއި އަދުރޭމެންގެ ނުފޫޒުން އެތެރޭގެ އިންތިޚާބެއްނެތި އަމިއްލަ އަށް ޓިކެޓް ނަގާ އަދި ނުވިތާކަށް ދަރިންނަށްވެސް.
ނައިފާނު މޫސާ
15 April 2019
ވަރަށް ރަނގަޅު ކަމެއް، ކޮންމެ ލީޑަރަކުވެސް ބަލިވީމަ ބަލި ގަބޫލުކޮށް ފަހަތު ގޮނޑިއަށް ނުވަތަ ދުރަސް ޖެހިލަންވާނެ ދެންތިބި ބަޔަކަށް ފުރުސަތު ދިނުމަށް، ޔާމީނުގެ ސަބަބުން މިއަދު އެމްޑީޕީ އެހާ ވަރުގަދަވީ، މައުމޫނުގެ ސަބަބުން އެމްޑީޕީ އުފެދުނީ، ތިޔަ އާއިލާގެ ސަބަބުން އަހަރުމެން މިހާ ނިކަމެތިވަނީ،
ާއަލިބެ
15 April 2019
އެހެންމީހުން ކުރަންޖެހޭކަންތައް ނިހާން ކިޔައިދޭކަށްނުޖެހޭނެ. މިއަދު ޔާމީންއަށް ވެރިކަން ނުލިބުނީމަ ކަމުނުދިޔައީ. ކޮންމެބަޔަކު ކޮންމެއެއްޗެއްކިޔަސް ޔާމީނުގެ ވެރިކަމުގެ 5 އަހަރު ރާއްޖޭގައި ކުރެވިފައިހުރި މިންވަރަށް ކުރިން ފައިސާގައި ނުޖެހި ވެރިކަންކުރި އެކަކަށްވެސް ތަރައްޤީގެ މަސައްކަތެއް ކުރެވިފައެއްނެތް. ރާއްޖޭގެ ހުރިހާ ހިސާބެއްގެ މީހުން މާލެއަށްޖަމާކޮށް ތޮއްޖެއްސުމުގެ މަސައްކަތް އެމީހުން ކިތަންމެ ފުރިހަމައެއްކޮށްވެސް ކުރި.
ފާތޭ
15 April 2019
ޚުދުމުހުތާރު މީހުންނަކަށް ނޭނގޭނެ ރައްޔިތުންނާއެކު ގުޅިގެން މަސައްކަތް ކުރާކަށް... ލީޑަރުންގެ ގައިގައި ހުންނަޖެހޭ އެއްވެސް ކަމެއް ނެތް އެންމެ ފުރަތަމަ ލީޑަރޝިޕް ކިޔަވަންވީ... ކޮންމެ ޕާޓީއެއް ހެދިޔަސް ޕާޓީއޮތަސް ބޮޑާވެ ކިބުރުވެރިވެ ތިބޭ ބަޔަކު ތިބެންޖެހޭނީ އެގޮތުގައި...
ދީމާހު
15 April 2019
ޔާމީނު މުޅި އެތި ގަޑުބަޑުކޮށް ހަލާކުކޮށްފި. މީނާއަކީ ޕާޓީއެއް ހިންގުމުގެ ގާބިލުކަމެއް ނެތް މީހެއް. މީހުން ގޮވައިގެން އުޅެން ނޭގޭ މީހަކަށް ގައުމެއްވެސް ނުހިންގޭނެ. ޕާޓިއެއްވެސް ނުހިންގޭނެ. އެކަމަކު މައުމޫނު ހަވާލުވެއްޖެނަމަވެސް ޕީޕީއެމް އޮންނަންވާނީ އިދިކޮޅު ޕާޓީއެއް ގޮތުގައި. މިނޫންގޮތަކަށް މައުމޫނު ހަވާލުވިޔަސް ޕާޓީއެއް ނުދިރޭނެ. ޑިމޮކްރަސީއެއްގައި ޒިންމާދާރު އިދިކޮޅު ޕާޓީ އެއް އޮތުން މުހިންމު. ނޫނީ އަނެއްކާވެސް މާޒީ އިއާދަވާނީ
ދުވެއްސެއް..
15 April 2019
ތިއެއްނޫންތަ ލީޑަޝިޕް އަކީ؟
ރާއްޖޭގައި ޔާމީނަކީ ބަލިފައި
15 April 2019
ޔާމީނު ފަހަތުގަ ތިބެގެން ޕާރޓީ ހަލާކުވެ ދިޔައީ މިހާރު ޕާރޓީއާ ޙަވާލުވާން ހަރުގަނޑު އުމަރާ ޖަމީލު އެހުރީ އައިސް އެދެމީހުން އުފައްދާ އުދަބާނި ޕާރޓީގެ ތެރޭން މިއިވެނީ އެމީހުންގެ ބަސް އެމީހުން އަޑީގަ ތިބެގެން އިއްވަން މިވަނީ ފަށާފަ އެމީހުންނަށް އެނގޭ ޔާމީނު ދުރުކުރާނެ ގޮތް އެކަން މިހާރު އެވަނީ ފޯރިއާ ޖޯޝާއި އެކު ފެށިފަ އެކަން ދެން ނުހުއްޓުވޭނެ އެމީހުންނަށް އެނގޭ ޔާމީނަކީ ލާރި ހުރި މީހެއްކަން ލާރި ދޭނެ މީހެއް ނޫންކަން ލާރި ބައްކުރާ މީހެއްކަން