ރާއްޖެއިން ބޭނި މަހެއް ދުނިޔޭގެ ރެކޯޑް ފޮތަށް

ތެރަރޯޓްއާ އޭނާ ބޭނި ބްލެކް ސްނޫކާއެކު. މިއީ މިހާތަނަށް ދުނިޔޭގައި ބޭނި އެންމެ ބޮޑު ބްލެކް ސްނޫކްކަމަށް ވަނީ ކަނޑައަޅާފައި.

އަހުމަދު ޝަބީން، މިހާރު

09 މެއި 2022 - 10:13

17 comments

ރާއްޖޭގެ ކަނޑުގެ ސަރަހައްދުން ބޭނި "ސްނޫކް" މަހެއް, މިހާތަނަށް ދުނިޔޭގައި ބޭނި އެންމެ ބޮޑު ބްލެކް ސްނޫކްގެ ގޮތުގައި އިންޓަނޭޝަނަލް ގޭމް ފިޝް އެސޯސިއޭޝަން (އައިޖީއެފްއޭ) އިން ކަނޑައަޅައި ދުނިޔޭގެ ރެކޯޑް ފޮތަށް އަރައިފި އެވެ.

މިދިޔަ މާޗު މަހުގެ 18 ވަނަ ދުވަހު އައްޑޫގެ ކަނޑުގެ ސަރަހައްދުން 300 މީޓަރު އަޑިން މި މަސް ބޭނީ ސިންގަޕޫރުގެ ދޮށި އުފައްދާ ކުންފުންޏެއްކަމަށްވާ ''ޓެމްޕަލް ރީފް'' ގެ ދޮށިތަކެއް ޓެސްޓުކުރަން އައި އެމެރިކާގެ މީހެކެވެ.

ތެރަރޯޓްއާ ބޭނި އެ މަހުގެ ބަރުދަނުގައި 14.06 ކިލޯ ގްރާމް ހުރިއިރު ދިގުމިނުގައި 68.5 އިންޗި (5.7 ފޫޓު) ހުއްޓެވެ.

View this post on Instagram

A post shared by Tristan (@tristan_tero51)

ދުނިޔޭގެ ރެކޯޑް ފޮތުގައި ހިމެނިކަން ރަސްމީކޮށް އިއުލާނުކުރުމުން ތެރަރޯޓްއާ އޭނާގެ އިންސްޓާގްރާމްގައި ކުރި ޕޯސްޓެއްގައިވަނީި މިކަން ކާމިޔާބުވުމުގައި ގިނަ ބަޔަކު ޝާމިލްވާކަން ފާހަގަކޮށް އެ މީހުންނަށް ޝުކުރު އަދާކޮށްފަ އެވެ. ތެރަރޯޓްްއާގެ ޕޯސްޓުގައި ވަނީ އޭނާ ގޮވައިގެން މަހަށްދިޔަ އައްޑޫ ސްޕޯޓްސް ފިޝިން ޗާޓަރުގެ ވެރިޔާ އަބްދުﷲ އާނިފްގެ ނަން ފާހަގަކޮށް އޭނާއަށް ވެސް ޝުކުރު އަދާކޮށްފަ އެވެ.

މީގެކުރިން އައިޖީއެފްއޭގައިި އެންމެ ބޮޑު ސްނޫކެއްގެ ގޮތުގައި ރެކޯޑްކޮށްފައިވަނީ 2017 ވަނަ އަހަރު ޖަޕާނުގެ މަސްވެރިއެއްކަމަށްވާ ޓޮކުނޮއޮޝިމާ ކިޔާ މީހަކު ބޭނި 12.50 ކިލޯގެ ސްނޫކެވެ.

ސިންގަޕޫރު އައިޖީއެފްއޭ އައްޑޫ މަސްވެރިކަން

17 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަޖްވާ

10 May 2022

މި ސްނޫކު މަހަށް ކިޔާ ދިވެހި ނަމެއް ނޯވޭތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުވަޒީރު

10 May 2022

ރާއްޖޭގައި ވަރަށް ބާރަށް ފުޅާވަމުން އަންނަ ރިކްރިޢޭޝަނަލް ފިޝަރީޒް ރާވާހިންގާ ނުބެލެހިއްޓެޖިނަމް އިސާހިތަކު ނެނގި ހިގާއިދާނެ، ފިޝަރީޒް މިނިސްޓްރީގެ ހިފޭ މަހުގެ މައުލޫމާތުގަ ކަނޑުމަހުގެ ތިންބާވަަތް ނޫން ބާވަތެއް ނުހުރޭ - މިއީ އަރަތެއް - 10 ވަރަކަށް އަހަރު ފަހަތުގައި މިނިސްޓްރީގެ ޑީއެންއޭގައި އެއްގޮތަކަށް ދުރާލާވިސްނައިގެން ކަންތަށް ކުރުމުގެ ފިކުރެެއް ނުހުރޭ. ރިކްރިއޭޝަނަލް ފިޝަރީޒް އަކީ އިޤްތިޞާދީ އާމްދަނީ ބޮޑުކޮށް ލިބޭ ފަތުރުވެރިކަމާ ގުލޭކަމެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެކުނު ސަރަހައްދު

09 May 2022

މިއަށްވުރެ މާ ބޮޑެތި މިވައްތަރު މަސް މަސްވެރިން ބާނާ. އާއްމުކޮށް ކައްޓެޅި ބާނަން އުޅޭއިރު ތަންކޮޅެއް ފުނުން ބޭނޭ މަހެއް. އައްޑޫ އަދި ފުވައްމުލަކުގައި ޖިގް ކުރަން އުޅޭ ކުދިންނަށް އިގޭނެ ވަރަށް ރަގަޅަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

09 May 2022

މހަށް ބިޑި ޖެހުމުން މަސްވެރިކަން ހަލާކު ވެ އެވެ. މިއީ މިހާރު އާއްމު ކަމެކެވެ. ބަޑި އަތުލާ ފަރާތުންވެސް ބަޑުޖަހާ މަސް މަރަ އެވެ. މިއީ ސީރިއަސް ކޮށްބަލަން ޖެހޭ މައްސަލަ އެކެވެ. މަސް މަރަން ބަޑިޖަހާ ނަމަ ވަކި ސަރަހައްދެއް ހަދަން ވީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

09 May 2022

ރިސޯޓްތައް ހެދުމަށް ކަނޑުފަޅު ހިއްކުމުގެ ސަބަބުންނާއި ކ.އަތޮޅު މާލެ ސަރަޙައްދުގެ ރިސޯޓްތަކުގެ ބަދިގެތަކުން އުކާލަންޖެހޭ ކުނިބުނި ކަނޑަށް އެޅުމުގެ ސަބަބުން ފަތުތަކާއި ކަނޑުއަޑީގެ ދިރުން ގެއްލިފައިވާ ސަރަޙައްދަކަށްވުރެން ފަސޭހަކަމާއިއެކު ސްޕޯޓްސް ފިޝިންގ ގެ ވިޔަފާރި ހިންގެންއޮތީ ދެކުނު ސަރަޙައްދުގައި. # އާނިފް އާއި ކުރީގެ މަޝްހޫރު ފުޓްބޯޅަ ކުޅުންތެރިޔާ ޝަމްވީލް ޤާސިމް (ބޮންޑާ) މެންފަދަ ޒުވާން ކުދިންނަށް ހިތްވަރު ކައުންސިލުން މިކަން ކުރުވަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

09 May 2022

ކޮޅުމަޑުލުން އައްޑުއަށް ހިމެނޭ ސަރަހައްދު ކ.އަތޮޅު މާލެ ސަރަހައްދާއި ޙިލާފަށް ތަފާތު ޓްއަރިޒަމް ޑެސްޓިނޭޝަނެއްގެ ގޮތުގައި ތަރައްޤީކުރުމަށް ވަކި ޑެސްޓިނޭޝަނެއްގެ ގޮތުން "SUVADIVE Atolls" ގެ ނަމުގައި އިސްތިހާރުކޮށް ހިންގާންޖެހޭ މަންޒިލެއް. # މިގޮތުން ސްޕޯޓްސް ފިޝިންގ، ކުރޫޒަރ ލައިނާ، އެޑިއުކޭޝަނަލް އާއި މެޑިކަލް ޓްއަރިޒަމް، މެޜިޓައިމް ކޯސްޓަލް ނެވިގޭޝަނާއި ސިކިއުރިޓީ ސާވިސް ފަދަ މިސަރަޙައްދާއި ގުޅޭ އެތައް ކަހަލަ ވިޔަފާރި ކުރެވިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުވަދޫ އަލިބެއްޔާ

10 May 2022

މިކޮމެންޓަށް ހާދަ ހަސަދަވެރިން ގިނައޭ.. ބުނެލަން ބޭނުންވަނީ ސުވަދީވް އަކީ ރާއްޖޭގެ ޓޫރިޒަމްގެ މައި ހަބަށް ވާނޭ.. ރުޅި އަންނަ ބަޔަކު އަންނަންވީ.. ދައުލަތުގެ އިޤްތިސާދީ ދުވެލި ހުރީ ދެކުނު ހުވަދޫ އައްޑު ފުވައްމުލަކުގަ..