މާލޭގެ ގޯތިގެދޮރާ ގުޅޭ މިލިއަނެއްހާ ލިޔެކިއުން ޑިޖިޓަލްކުރަނީ

ހައުސިން މިނިސްޓްރީގެ ގޯތިގެދޮރާ ބެހޭ ސެކްޝަންގައި ބެހެއްޓި ކިއު ސިސްޓަމް މިނިސްޓަރު މުއިއްޒު މިއަދު އިފްތިތާހުކޮށްދެއްވަނީ -- ފޮޓޯ: މުހައްމަދު ޝަރުހާން /މިހާރު

29 ޑިސެމްބަރ 2016 - 12:18

4 comments

މާލޭގެ ގޯތިގެދޮރާ ގުޅޭ މިލިއަނެއްހާ ލިޔެކިއުން ޑިޖިޓަލްކުރަން ހައުސިން މިނިސްޓްރީން ބަޔަކާ މިއަދު ހަވާލުކޮށްފި އެވެ.

ހުރަވީ ބިލްޑިންގައި ބޭއްވި ރަސްމިއްޔާތެއްގައި އެ މަސައްކަތް ހަވާލުކުރުމަށް ފަހު މިނިސްޓަރު ޑރ. މުހައްމަދު މުއިއްޒު ވިދާޅުވީ އެ މިނިސްޓްރީގައި 40 ވަރަކަށް އަހަރުގެ ކުރެހުންތަކާއި ގޭގޭގެ ރަޖިސްޓްރީތަކާއި އެނޫން ވެސް ގޯތިގެދޮރާ ގުޅޭ ޝަރުއީ ލިޔެކިއުންތަކުގެ ފައިލް އެބަހުރި ކަމަށެވެ.

"އެތަކެތި ނަގައިގެން ކުރެހުމަކަށް ބަދަލު ގެންނަން ޖެހުނަސް، އެފަދަ އެހެން ކަމެއް ކުރަން ޖެހުނަސް މުވައްޒަފުން ޖެހެނީ ފައިލްތައް ހޯދައިގެން އެކަމުގައި އެތައް ދުވަހެއް ހޭދަކުރަން. އެކަމުގެ ސަބަބުން ވަރަށް ގިނަ ދުވަސްތައް ނަގާ،" މިނިސްޓަރު ވިދާޅުވި އެވެ.

މުއިއްޒު ވިދާޅުވީ އެ ލިޔެކިއުންތައް ސްކޭންކުރުމަށް ފަހު ރައްކާކުރުމުން، ގެއެއްގެ ކުރެހުމަށް ބަދަލު ގެންނަން ޖެހުނަސް ވަރަށް ފަސޭހަވާނެ ކަމަށެވެ.

"މި މަސައްކަތް އަންނަ އަހަރުގެ ޖުލައި މަސް ނިމުމުގެ ކުރިން ނިންމަން ހަވާލުކުރެވުނީ. މަދުވެގެން އެއް މިލިއަން ލިޔެކިއުން އެބަހުރި،" މިނިސްޓަރު ވިދާޅުވި އެވެ.

ހައުސިން މިނިސްޓްރީން ބުނީ އެ މަސައްކަތް ހަވާލުކޮށްފައި ވަނީ "ޖަވާބު" ކިޔާ ފަރާތަކާ ކަމަށެވެ.

މުއިއްޒު ވިދާޅުވީ އަލަށް މިހާރު ގެނައި ބަދަލާ ގުޅިގެން މީގެ ކުރިން އެތައް މަހެއް ހޭދަވަމުންދިޔަ ހިދުމަތްތައް މިހާރު އެތައް ގުނައެއް އަވަހަށް ނިންމާލެވޭނެ ކަމަށެވެ. އެގޮތުން ހުރިހާ ތައްގަނޑުތައް ހުރި ކުރެހުމެއް ފާސްކުރަން ހުށަހަޅާތާ ގިނަވެގެން ތިން ދުވަހުގެ ތެރޭގައި ނިންމާލެވޭނެ ކަމަށް މިނިސްޓަރު ވިދާޅުވި އެވެ. އަދި ހުރިހާ ތައްގަނޑެއް ނެތް ކުރެހުމެއް ނަމަ ގިނަވެގެން 14 ދުވަހުގެ ތެރޭގައި ނިންމާލެވޭނެ ކަމަށް ވެސް ވިދާޅުވި އެވެ.

"މިއީ މީގެ ކުރިން ތިން މަސް ނުވަތަ ހަ މަސް ހޭދަވާ ކަމެއް. އެކަމަކު މިހާރު ތިން ދުވަހުން ނިންމާލެވޭނެ،" މިނިސްޓަރު ވިދާޅުވި އެވެ.

ހައުސިން މިނިސްޓަރު ބޯހިޔާވަހިކަން ހައުސިން މިނިސްޓްރީ

4 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުހަންމަދު

30 December 2016

އައްދިއްޔޯތް! ނުރައްކަލުގެވެސް ނުރައްކާ! މާލޭގެ ޕްރައިމް ސަރަޙައްދުގައިހުރި ބިންބިމާއި ޢިމާރާތްތަކުގެވެރިންނަށް ބިރުބޮޑު! ދިމާވި "ޓެކްނިކަލް އެރާ" އެއްގެސަބަބުން ހުރިހާ ލިޔެކިއުމެއް ނެތިދިއުމުން ތަންތަނުގެ މިލްކުވެރިކަމާއި ކޮށްދީފައިވާ ރަޖިސްޓްރީގެ ޞައްޙަކަން ގެއްލި އެމީހާއަށް މިލްކުވެރިކަން ސާބިތުކޮށްދެވޭނެގޮތެއްނެތި، އެންމެފަހުގެ ނިންމުމަކީ ޝަރީޢަތުން ނިންމާ ނިންމުމަކަށް ވާކަމަށްވެއްޖެނަމަ، ތިއޮތީ ބޭނުންގޮތް ހެދިފަ! ދެންއިވިގެންދާނީ "އުސޫލު" ނިމޭގޮތްނޫންބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރަނގު

29 December 2016

ވައްކަމާއި ބެހޭ ރިކޯޑްތައްވެސް ޑިޖިޓަލް ކުރަން ފެނޭ. އެއީ ގައުމގެ ތާރީކަށް ވަރަށް މުހިއްމު ލިޔެ ކިޔުން ތަކެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުތަ

29 December 2016

އެކްސެލުން ބަލަހައްޓާ. އޭރުން ފަސޭހަވާނެ ކަންކުރާމީހުން ކަން ކުރަން. މިބުނީ އެއްޗެއް އިނގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިޗްވޭ

29 December 2016

މާލޭގެ ގޯތި ގެދޮރާއި ބެހޭ ލިޔެކިޔުން ޑިޖިޓަލް ކުރުން އެއީ ރަނގަޅު ކަމެކެވެ. އެކަމަކު ތިކަން ކުރަން ޖެހޭނީ ވަރަށް ރަނގަޅަށެެވެ. ސަރުކާރުގެ އައިސީޓީ ސިސްޓަމް އެބަޖެހޭ މެއިން ފްރޭމް ނެޓް ވޯރކް އަކުން ގުޅާލާ ނަމަވެސް މާލޭގައި ބޮޑު އެއް ބިލްޑިންގް ހަދާ އެބިލްޑިންގް ތެރޭގައި އެފަދަ ސާރވާ ތައް ބަހައްޓާ ސަރުކާރުގެ މިބާވަތުގެ ހުރިހާ ޑޮކިއުމެންޓޭޝަންސް އަދި ޑްރޯވިންގްސް ތައް އާރކައިވް ކުރަން. މީ ވަރަށް ކުރިން ވެސް ކިޔާ ލަވަ އެކެވެ. އެކަމަކު މިކަން އަދި ވެސް މިއަދާއި ހަމައަށް އައިއިރު ވެސް ވަނީ ނެވެފައެވެ.