ޑްރަގް ކޯޓުގެ ޝަރީއަތްކުރާ ކޮޓަރިއެއް: އެ ކޯޓަށް ހުށަހެޅި މައްސަލަތަކުގެ އަދަދު މިދިޔަ އަހަރު ވަނީ ވަރަށް ބޮޑަށް އިތުރުވެފައި. -- ފޮޓޯ: ޑްރަގް ކޯޓް
02 ޖެނުއަރީ 2017 - 13:24
4 comments
ޑްރަގް ކޯޓަށް މިިދިޔަ އަހަރު ހުށަހެޅި މައްސަލަތައް، އޭގެ ކުރީ އަހަރާ އަޅާބަލާއިރު 66 ޕަސެންޓް އިތުރުވެއްޖެ އެވެ.
އެ ކޯޓުން އާއްމުކުރި ތަފާސްހިސާބު ދައްކާގޮތުން މިދިޔަ އަހަރު ޑްރަގް ކޯޓަށް ހުށަހަޅާފައި ވަނީ 1525 މައްސަލަ އެވެ. އަދި އޭގެ ކުރީ އަހަރު 914 މައްސަލައެއް ހުށަހަޅާފައިވެ އެވެ.
އެ މައްސަލަތަކުގެ ތެރެއިން 1521 މައްސަލައަކީ ޕްރޮސެކިއުޓާ ޖެނެރަލް (ޕީޖީ) އޮފީހުން ދައުވާކުރަން ފޮނުވާފައިވާ މައްސަލަތަކެވެ. އަދި ބާކީ ހަތަރު މައްސަލައަކީ، ޑްރަގް ކޯޓުގެ ފަރުވާ ޕްރޮގްރާމުގައި ބައިވެރިކޮށްދިނުމަށް އެދި ނެޝަނަލް ޑްރަގް އޭޖެންސީ (އެންޑީއޭ) މެދުވެރިކޮށް ހުށަހަޅާފައިވާ މައްސަލަތައްކަމަށް ޑްރަގް ކޯޓުން ބުންޏެވެ.
ކޯޓުން ބުނީ މިދިޔަ އަހަރު އެންމެ ގިނައިން ހުށަހެޅީ ޑައިމޯފިން ބޭނުންކުރުމުގެ މައްސަލަތައް ކަމަށެވެ. އޭގެ 795 މައްސަލައެއް ހުށަހަޅާފައިވެ އެވެ. ދެން އެންމެ ގިނައިން ހުށަހެޅީ ކެނަބިސް ބޭނުންކުރުމުގެ މައްސަލަތަކެވެ. އޭގެ 648 މައްސަލަ ހުށަހަޅާފައިވާ ކަމަށް ވެސް ކޯޓުން ބުންޏެވެ.
ޑައިމޯފިން ޕެޑްލް ކުރުމުގެ މައްސަލައަކާއި ކެނެބިސް ޕެޑްލް ކުރުމުގެ 18 މައްސަލައާ އެކު މަސްތުވާތަކެތި ޕެޑްލް ކޮށްގެން 19 މައްސަލައެއް މިދިޔަ އަހަރު ހުށަަހަޅާފައިވާކަމަށް ހިސާބުތަކުން ދައްކަ އެވެ
މިދިޔަ އަހަރު ޑްރަގް ކޯޓުން ބަލައި ނިންމާފައިވަނީ 965 މައްސަލަ އެވެ. އަދި 269 މީހަކު، އެކި ސަބަބުތަކާހުރެ ފަރުވާއިން ވަކިކޮށްފައިވެ އެވެ.
ޑްރަގް ކޯޓަށް މިިދިޔަ އަހަރު ހުށަހެޅި މައްސަލަތަކަށް ބަލާއިރު އެއީ އެ ކޯޓުގައި މަސައްކަތްކުރާ ފަސް ފަނޑިޔާރުންގެ ތެރެއިން ކޮންމެ ފަނޑިޔާރަކަށް 305 މައްސަލަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދދ
03 January 2017
އޭގެ މާނަޔަކީ މިރާއްޖޭގައި ޑުރަގު އިތުރުވެ ބޭނުން ކުރާ މީހުންވެސް ގިނަވީކަން ނުންތޯ؟ އެއީ ދެން އުފާކުރަން ނޫހުގެ ފަލަ ސުރުހީޔަށް އަރަން ޖެހޭވަރުކަމެއްތޯ؟
މެންޓަލިސްޓް
02 January 2017
ޑްރަގް މައްސަލައަކީ ރާއްޖޭގައި ވަރަށްބޮޑުމައްސަލައެއް ،،، ސަބަބުތަކެއްނެތިއެއްވެސް ނޫން ، މިރާއްޖެމިއޮތީ ޝޯޝަލީ ބޭނކުރަޕްޓްވެފައި ވީމާ ވާނީވެސް އެހެން ،،،،، ކޮންމެއަހަރުކު 5000 ހެއްހާކުދިން ޖީސީނިންމާފައި މަގުމައްޗަށް ގިނަވެގެންދާނެ ،،، އޭގައިގިނަވާނީ ރަގަޅަށް ފާސްނުވާކުދިން ،، އެހިސާބުން އެކުދިންވެސް މަގުތަކަށް ގިނަވެ އެނބުރެންފަށާ ދެން ބޭނުންވާނެ ކޮފީބޯނެފައިސާޔާއި ސްމާޓްފޯން ގަންނާނެ ފައިސާއާއި ސައިކަލް އާއި ރީތިހެދުން ގަންނާނެ ފައިސާ ،، ގިނަކުދިންގެ މައިންބަފައިން އެތަށް ޙަރަދެއްކޮއްގެން ކިޔަވާދި އެކުއްޖާފެއިލްވީމައި ދެން އިތުރަށް މިބުނާ ޙަރަދުތަށް ކުރާކަށް ބޭނުމެށްނުވާނެ ،،،އަދި ކުރެވޭކަށްވެސް ނޯވޭ ،، ،ދެން މިބުނާ ކުދިން ވަންނަނީ ކުށުގެ ވެށީގެތެރެއަށް ދެން ފައިސާވެސް ލިބޭ އެންމެފަހުން ޑްރަގްބޮއެ ވިއްކާ ހުރިހާކަމެށް އެމީޙުންގެ ތެރޭ އަށަގަނެގެންދަނީ ،،، ކޮންމެ 5 އަހަރަކުން ޒުވާނުންގެ މިބުނާ ގުރޫޕްގެ 30000 ނޫނީ 40000 ކުދިން ރާއްޖޭގެ އެކިކަންކޮޅުތަކުގައި ގިނަވެގެން ހަލާކުވެގެން ދާނެ ،، އެކުދީންބޭނުންވާވަރަކަށް މިތާކު ވަޒީފާއެއް އުފެދިގެން ނުދޭ ،،،، ވީމާ މިމައްސަލައަކީ ސިޔާސި މީހުން ވަރަށް ވިސްނައިގެން ހައްލުކުރަން ޖެހިފައިވާ ކަމެށް ،،، ވަރަށްވެދުން
މައެން
02 January 2017
ޑުރަގު ކޯޓަށް ހުށަހެލޭ މައްސަލަތައް އިތުރު ވުމަކީ ބޯމީހުން ގިނަވުން އަދި މި ލޫޕްހޯލުގެ ތެރެއިން ބޯނެފުރުސަތު ހޯދަން އެދޭމީހުން ގިނަވުން
ބަލަގަ
02 January 2017
ތި ޔަގީން ގިނަ ވާނީ އެމެންގެ ތެރޭން އަންނަ އެއްޗެހި ކަމަށް ދޯ. އަދި ވެސް ހޮނޑާފުށި މައްސަލަ ވެސް ޕެންޑިންގް ދޯ. އެމައްސަލަ ވެސް އެބަޖެހޭ ނިންމަން އެއިރުން އިހު ޒަމާނުގައި ވަކަރުގޭ ކުދިން ހަނގު ބޭކަލުން ސައްލާ ކުރާ ޖަލްސާ މާލަމުގައި ކައުންޓަރު މައްޗަށް އަރާ މަށަށް ޕީސް އެއް ދޭން އުޅޭ ދޭން އުޅޭ އެހެން ނުގޮވާނީ ވެސް ދޯ.