ހިރާ ސްކޫލުން އޯލެވެލް ހެދި ހަތް ދަރިވަރުން -- ފޮޓޯ | ހިރާ ސްކޫލް
18 އޯގަސްޓް 2022 - 18:55
45 comments
އައްޑޫގައި ހުންނަ ހިރާ ސްކޫލުން އޯލެވެލް އިމްތިހާނު ހެދި ފުރަތަމަ ބެޗުގެ ހުރިހާ ދަރިވަރުން ހުރިހާ މާއްދާއަކުން އޭ އަދި އޭ ސްޓާ ހޯދައިފި އެވެ.
މީގެ 12 އަހަރު ކުރިން 52 ދަރިވަރުންނާ އެކު ހިރާ ސްކޫލް ފެށީ ހަމައެކަނި ޕްރީސްކޫލް ދަރިވަރުންނާ އެކުގަ އެވެ. މިދިޔަ އަހަރުގެ އޯލެވެލް އިމްތިހާނުގައި ބައިވެރިވެ ރަންވަނަތަކެއް ހޯދައި ހިރާ ސްކޫލް ފަހުރުވެރިކޮށްދިނީ އެ ސްކޫލަށް ފުރަތަމަ ބެޗުގައި ޕްރީސްކޫލަށް ވަން ދަރިވަރުންނެވެ. އެއީ ފިރިހެން ދަރިވަރަކާއި ހަ އަންހެން ދަރިވަރުންނެވެ.
ހިރާ ސްކޫލްގެ ޕްރިންސިޕަލް މަރިޔަމް ސިތާރާ މިއަދު "މިހާރު" އަށް ވިދާޅުވީ ކޮންމެ އަހަރަކު ވެސް ގުރޭޑެއް ސްކޫލަށް ދިޔައީ އިތުރުކުރަމުން ކަމަށެވެ. އަދި އެ ދަރިވަރުންނަކީ ހިރާ ސްކޫލުގެ ފުރަތަމަ ދަރިވަރުންގެ ތެރޭގައި ހިމެނޭ ހަތް ދަރިވަރުން ކަމަށް އޭނާ ވިދާޅުވި އެވެ.
"އޭރު އަޅުގަނޑުމެންނާ ޖޮއިން ކުރި ފަނަރަ ކުދިން. ދެން އެކި ސަބަބުތަކާ ހުރެ ބައެއް ދަރިވަރުން ސްކޫލް ބަދަލުވީމަ ހަތް ދަރިވަރުން މި ބެޗްގައި އޯލެވެލް ހެދީ،" ސިތާރާ ވިދާޅުވި އެވެ.
ސިތާރާ ވިދާޅުވި ގޮތުގައި އެ ހުރިހާ ދަރިވަރުން ވެސް ކެމްބްރިޖް އޯލެވެލް އިމްތިހާނުގައި ހޯދީ ހުރިހާ މާއްދާއަކުން ވެސް އޭ ނުވަތަ އޭ ސްޓާ އެވެ. އޭނާ ވިދާޅުވީ ފުރަތަމަ ބެޗުގައި އެހާ ރަނގަޅު ނަތީޖާއެއް ހޯދުމަކީ އެ ސްކޫލަށް ލިބުނު ވަރަށް ބޮޑު އުފަލަކާއި ކާމިޔާބީއެއް ކަމަށެވެ.
ނަމަވެސް ސިތާރާ ވިދާޅުވި ގޮތުގައި ސްކޫލްގެ އެންމެ ބޮޑު ޓާގެޓަކީ އޯލެވެލް އިމްތިހާނުން ދަރިވަރުން ރަނގަޅު ނަތީޖާއެއް ހޯދުމެއް ނޫނެވެ. އެ ސްކޫލުން ކުދިން ތައްޔާރުކުރަން ބޭނުންވަނީ ދިރިއުޅުމަށް ކަމަށާއި ހަރުދަނާ ކުދިންތަކެއް މުޖުތަމައަށް ނެރުމަކީ ޓާގެޓު ކަމަށް އޭނާ ވިދާޅުވި އެވެ.
ހިރާ ސްކޫލުން އޯލެވެލް ހެދި ހަތް ދަރިވަރުން -- ފޮޓޯ | ހިރާ ސްކޫލް
"މި ހިސާބަކުން ނޫން ގޯލް އެޗީވްވިތޯ ބަލަން ބޭނުންވަނީ، މުޖުތަމައަށް ނުކުމެ ދަރިވަރުންގެ އުޅުން ހުންނަ ގޮތުން އަޅުގަނޑުމެންގެ ގޯލް އެޗީވް ވާ ވަރެއް އެނގޭނީ،" ސިތާރާ ވިދާޅުވި އެވެ.
ސިތާރާ ވިދާޅުވީ އޯލެވެލްގެ ނަތީޖާއާ މެދު ވަރަށް ބޮޑަށް ފަހުރުވެރިވާކަމަށާއި ނަމަވެސް ހަމައެކަނި އޯލެވެލްގެ ނަތީޖާއަކުން ދަރިވަރުން ރަނގަޅު ކުދިންނަށް ނުހެދޭނެ ކަމަށެވެ. އެހެންކަމުން، ވަރަށް ބޮޑަށް ދިރިއުޅުމުގެ ހުނަރުތައް ދަސްކޮށްދިނުމަށް އެ ސުކޫލުން އަބަދުވެސް މަސައްކަތް ކުރެ އެވެ.
ހިރާ ސްކޫލުގެ ކިޔެވުން މީގެ 10 އަހަރު ކުރިން ފެށީ 15 ދަރިވަރުންނާ އެކު ހަމައެކަނި ޕްރީސްކޫލަށެވެ. ނަމަވެސް އާބާދީ އާއި ގުރޭޑްތައް ގިނަކޮށް، މިހާރު 380 ދަރިވަރުން އެ ސްކޫލުގައި ކިޔަވަ އެވެ.
އެ ސްކޫލުން ދެވަނަ ބެޗުގައި އޯލެވެލް ހަދަން މިހާރު 13 ދަރިވަރުން އަންނަނީ ތައްޔާރުވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖުޑަރު
20 August 2022
ތީ ކުޑަވަރެއްގެ އައިއސިސް ކޭންމްޕެއް
މުޙައްމަދުދީދީ
20 August 2022
ހާދަަހާ ވާ ހަސަދަވެރި ކަމެކޭ ދޯ. އެސްކޫލްގެ ބެލެނިވެރިއެއް އަހަރެންނަކީ. ކުއްޖާ މިވީ އަހަރު ތަކުގައި ހޯދި ކުރިއެރުން ވަރަށް ގާތުން ފެނޭ. މިކިޔާ ވަށާޖެހޭ ތަޢްލީމު އެސްކޫލުން ކުއްޖާ އަށް ލިބެމުންދޭ. އެކީގަ ކިޔަވާ ކުދިން އެހާ އެކުވެރި.
ހުސްދޮގު
19 August 2022
އަހްމަދިއްޔާ އިން އޯލެވަލް ގައި ހުރިހާކުދިން ބައިވެރިކުރޭ ޖޭވިއަސް ތީބޮޑުވަރު. އހްމަދިއްޔާ މާ މޮޅީ އިގޭތޯ. ސާބަސް އަހްމަދިއްޔާ މެނޭޖްމަންޓް.
ފަރީ
20 August 2022
100 ގެ ވާހަކައެއް
ބެލެނިވެރިޔާ
19 August 2022
މަގޭ ދަރިންކޮޅު ފޮނުވާކަށް މިނޫން ތަނެއް ނެތް. ހިރާ އިން ދެއްވާ ތަރުބަވީ، ޒަމާނީ ތައުލީމަށް ގޮން ޖަހާލެވޭނެ ސްކޫލެއް، މެނޭޖްމަންޓެއް އައްޑޫގައި ހަމަ ގައިމު ނެތް. އެހެންވީމަތާ ބައެއް ސްކޫލްތަކުގެ ލީޑިންގ ޓީޗަރުން ތަކުރާރުކޮށް އެއް އައިޕީއަކުން އެކި ނަންނަމުގަ މިޔަށް ކޮމެންޓު މިކުރަނީ!
މަސްކާށި
19 August 2022
ތަރުބަވީ ޒަމާނީ ތައުލީމު ދެނީ ކިހިނެތް؟ ތި ސްކޫލުން ކިޔެވޭނީ ހައި،-ކްލާސް ފެންވަރުގެ ކުދިންނަށް. އާދައިގެ ދިރިއުޅުމެއް އުޅޭ ކުއްޖަކަށް ތިތަނާ ކައިރިވެސް ނުވެވޭނެ ތަފްސީލް: ގރ-5: ސްކޫލް ފީ: 2700. ވޭން ފީ. 550.. ކުއްޖާގެ އިންޓަވަލް މަަހަކު 1000. ދެންހުރި ކަންތައްތައް ކޮބާ؟ މި ސަބަބުތައް މިހެން ހުރުމުން ސަރުކާރުު ސްކޫލަކަށް ކުއްޖާ ވައްދައިގެން ތަރުބަވީ ތައުުލީމު ދިނުން މާބޮޑަށްވެސް ރަނގަޅު.
ހާސަރު
19 August 2022
ކޮމެންޓް ތަކުންފެނުނީ މިހާރު ދިވެހިންގެ ސްލޫކް ހުރިމިންވަރު، ކިޔަވާ ކުދިންކޮޅެއް ރަގަޅު ނަތީޖާއެއް ހޯދީމާ މަރުހަބާ ކިޔުމުގެ ބަދަލުގައި ޖެލެސީ ވެތިބެ ފާޑުކީ! އަހަރެންދަންނަ ހިރާ ސްކޫލަކީ ރާއްޖޭގައި ނަމޫނާ ކޮށް ހިންގާ ސްކޫލެއް. މިކަމަށް ހެކިވާނެ އެތައް ބަޔަކުތިބޭނެ. މިއަދު މުޖްތަމައު އޮތްގޮތް ކޮމެންޓްތަކުން ފެނުނީ.
ނަސްރުއްދީ
19 August 2022
އަލީސީއެވެ….ޕްރިންސިޕަލްގެ ޒިންމާ އަކީ ހަތްކުދިން ބެލެހެއްޓުން އެކަންޏެއްނޫން. 10 ގްރޭޑްގަ އުޅޭ ހުރިހާކުދިންގެ ޒިންމާ ނެގޭނީ ވަރަށް ކެރޭ މީހުންނަށް ތިޔަހެން ކޮމެންޓުން މަލާމަތް ކުރާމީހުން ތިބޭނީ އަބަދުވެސް މީހުންނަށް މަލާމަތްކުރަން.
މަރިޔަމޫ
19 August 2022
ނުވިއެއްނު ކަމެއް ބޮޑުފީ ނަގައިގެން. 1 ވަނައެއްނެތް. އިސްލާމުން އޭ ސްޓަރ އެއްވެސް ނުގެނެވުނު އެހާ އިސްލާމްދީނަށް އިސްކަން ދޭއިރު. ސީ އޯ ލިބުނީ
ދަރިވަރުން
19 August 2022
ކަނޑައެޅިގެން ދޮގެއް. އިސްލާމުން އެއްވެސް ކުއްޖަކަށް ސީ ފާހެއް ނުލިބޭ.
ޙަލިމަ
19 August 2022
ހާދަ އަސަރެއްކޮށްފިއޭ މީނައަށް ދޯ.. ތީނަގެ ދަރިއަށް އޭ ސްޓަރ ލިބުނުތަ؟
އަލީބެ
19 August 2022
7 ކުދިން ނެޝަނަލް ޓޮޕު 10ގަ ވުން އެއީ ނޫސްތަކުގެ ހެޑިންއަށް އަރާ ވަރުގެ ވާހަކައެއްތަ. ހިތަދޫގަ ހުރި ސަރުކާރު ދެ ސްކޫލުން 20 30 ކުދިން އަރުވާ ގަދަ 10ކަށް. އެއްވަނައިގަ ވެސް ހިމެނޭ. ތިތަނުން ކިތަށް ކުދިން 1 ވަނައިގައި ހިމެނުނީ :)
ދޮހޮއްކޮއައްޑޫ
19 August 2022
އެހެން ސްކޫލްތަކާ މިތަނާ ތަފާތު. އަމިއްލަ ސްކޫލެއް. ސަރުކާރުގެ އެއްވެސް އެހީއެއް ނުދޭ. ފޮތެއް، ފަންސުރެއް، ޓީޗަރެއް ވެސް ނުދޭ. އަމިއްލަ މަސައްކަތުން ހޯދި ކާމިޔާބުގެ ވާހަކަ ދެކެވޭނެ.
އަހުމްދު
19 August 2022
ކީއްވެ އެންމެ ކުއްޖަކުވެސް 3 ވަނަޔާ ހަމަޔަށް ވެސް ނޭރެވުނީ. 24 ގަޑި އިރު ޕޭޕަރ ހަދަން ކުދިން ސްކޫލްގަ އެކަމު ޓެސްޓަށް ތައްޔާރު ނުކުރަމޯ :) ދޮގުހަދަންވެސް ކުޅަދާނަ. އެކަމު އިސްލާމީ ތަރުބިއްޔަތޯ. މުޅި ސޯޝަލް މީޑިއާގަ ނަތީޖާ ބޫނުންކޮށްގެން ސްކޫލް ޕްރޮމޯޓު ކުރުން، އެކަމު ނަތީޖާ ތިމަންނަމެނަށް މުހިއްމެއް ނޫނޯ. މިއީ ޔަހޫދީންގެ ވައްތަރެއްނު.
ޝަމްސޫ
19 August 2022
އިސްލާމީ ތަރުބިއަޔަތަށް އެހާ އިސްކަންދޭއިރު އިސްލާމް އިން އޭސްޓަރ ނުގެނުވުނީ ކީއްވެބާ. ދިވެހި އިސްލާމްގެ އައްޑުގަ ތިބި އެންމެ މޮޅުކަމަށް ދައުވާ ކުރާމީހުން ސްކޫލްގަ ތިބެމެ އެމާއްދާ ތަކުން ސީ ލިބުނީ ކީއްވެބާ. ސަރުކާރު ސްކޫލްތަކުގަ 20 30 ކުދިން ޓޮފު 10 އަށް އަރުވަނީ އެކި ބެކު ގުރައުންޑުގެ 100 ކުދިން ގެން ގުޅެގެން. ތިއީ ގުރުބާން ވާން ތައްޔާރަށްތިބި 7 ބެލެނިވެރިންގެ 7 ކުދިން. ކީއްވެ 1 ވަނަޔަށް އެންމެ ކުއްޖަކުވެސް ނޭރެވުނީ.
އަސްލަމ
19 August 2022
ހިރާ ކުދިންނަށް އިސްލާމީ ތަރުބިއްޔަތު ދޭ. މާނައެއް ނޫން ހިތު ދަސްކުރުވަނީއެކޭ. އޯކޭ/ އެއްވަނައިގަވެސް ކުދިން ހިމެނޭ.
ބަބޫ
19 August 2022
ޓީޗަރުން ތިބެގެން ކިޔައިދެންޔާ ވާނީ ތިހެން. ކުރިން އަހަރެމެން ކިޔެވި އިރު ޕޮލިސް އުޅޭ ޕެޕާ ސެކިއުރިޓީ އޭ ކިޔާ ޓެސްޓް ހަދާ ތަނަށްވަދެ. މިހާރު ކުދިން ބިރުގަންނަނީއޭ ކިޔާ ހަމަ އެކަނި ޓީޗަރުން ބަައިތިއްބަނީ. އެމީހުން ޔަގީނުންވެސް ކިޔައިދޭނެ.