"އަނިޔާވެރިކަމާއި ބިރުވެރިކަމާ ދިމާއަށް ދާންތޯ ނޫނީ އުފާވެރި އަމާން ރާއްޖެއަށް މި ކުރާ ދަތުރުގައި ކުރިއަށް ދާނީތޯ ނިންމަވާނީ ތިޔަ ރައްޔިތުން. އަނިޔާވެރިކަން އެއްވެސް ރައްޔިތަކު ބޭނުމެއް ނުވާނެ،"
ވެރިކަމުގެ ދެ ވަނަ ދައުރަކަށް "އުފާވެރި، އަމާންރާއްޖެ" ސްލޯގަންއާ އެކު ރައީސް އިބްރާހިމް މުހައްމަދު ސޯލިހްގެ ރިޔާސީ ކެމްޕޭން ފައްޓަވައި މިއަދު ށ. ކޮމަންޑޫއަށް ވަޑައިގެންނެވުމުން ރައްޔިތުން މަރުހަބާ ދަންނަވަނީ. --ފޮޓޯ:
09 ޖުލައި 2023 - 11:54
19 comments
ތަރައްގީގެ ގޮތުން ކުރިއެރުންތަކެއް ހޯދަމުން އަންނަ ށ. ކޮމަންޑޫ ކައިރީގައި އެއާޕޯޓެއް އޮތުން މުހިންމު ކަމަށާއި އެމަނިކުފާނުގެ ވިސްނުންފުޅަކީ ކޮމަންޑުއާ ޖެހިގެން އޮތް ކުޑަފަރުގައި އެއާޕޯޓެއް އެޅުން ކަމަށް ރައީސް އިބްރާހިމް މުހައްމަދު ސޯލިހް މިއަދު ވިދާޅުވެއްޖެ އެވެ.
ދެ ވަނަ ދައުރެއްގެ ރިޔާސީ ކެމްޕޭންގައި ރައީސް މި ރަށަށް ވަޑައިގަތުމުން ކައުންސިލްގެ ރައީސް މުހައްމަދު ޝިނާން ވަނީ ރައްޔިތުންގެ ޑިމާންޑްތައް އެމަނިކުފާނާ ހިއްސާކުރައްވައިފަ އެވެ. އެންމެ ބޮޑު ކަމަކަށް ރައްޔިތުން އެދުނީ އެއާޕޯޓެއް އަޅައިދިނުމަށެވެ.
ރައްޔިތުންނާ ބައްދަލުކުރައްވައި ދެއްކެވި ވާހަކަފުޅުގައި އެ ޑިމާންޑަށް ޖަވާބު ދެއްވަމުން ރައީސް ވިދާޅުވީ 20 މިނެޓްގެ ދަތުރަކުން އެއާޕޯޓުން ރަށަށް އާދެވޭނެ ގޮތް ހަދައިދިނުމަކީ މި ސަރުކާރުގެ އަމާޒެއް ކަމަށެވެ. ކޮމަންޑޫ ހިމެނެނީ 20 މިނެޓުން ރަށަށް ނާދެވޭ ރަށްތަކުގެ ތެރޭގައި ކަަމަށް ވިދާޅުވި އެވެ.
"ކުރިއަށް އޮތް ފަސް އަހަރު ތެރޭ ކުޑަފަރުގައި އެއާޕޯޓެއް އަޅާނަން،" ރައީސް ވިދާޅުވި އެވެ.
އުފާވެރި ދިރިއުޅުމެއް ލިބެންޖެހޭ، ދިވެހި ކޮންމެ ފަރުދަކީ އުފާވެރިކަމާ އެކު ރާއްޖޭގައި އުޅެވޭ މީހަކަށް ވާން އެބަޖެހޭ. އަސާސީ ހިދުމަތްތަކުން މަހުރޫމްވެގެން ތިބެ ހަމަޖެހޭ އުފާވެރި ދިރިއުޅުމެއް ނުހޯދޭނެ. އެއްވެސް ރަށެއް ތަފާތު ކުރުމެއް ނެތި މި އަންނަނީ އަސާސީ ހިދުމަތްތައް ރާއްޖޭގެ ހުރިހާ ރައްޔިތުންނަށް ފޯރުކޮށްދެމުން. -- ރައީސް
ކޮމަންޑޫއާ މިހާރު އެންމެ ކައިރީގައި އޮންނަނީ ރ. އިފުރު އެއާޕޯޓެވެ. އެ އެއާޕޯޓުން ސްޕީޑްލޯންޗެއްގައި ކޮމަންޑޫއަށް އާދެވެނީ ގާތްގަނޑަކަށް 45 މިނެޓުންނެވެ.
ރައީސް އިބްރާހިމް މުހައްމަދު ސޯލިހުގެ ރިޔާސީ ކެމްޕޭނު ފެށުމަށް ށ. ކޮމަންޑުގައި ބޭއްވި ޖަލްސާގައި އެމަނިކުފާނު ވާހަކަ ދައްކަވަނީ. --ފޮޓޯ | ރައީސް އޮފީސް
ކޮމަންޑުއަށް މި ސަރުކާރުން މިހާތަނަށް ވެފައި އޮތް އެންމެ ބޮޑު ވައުދަކީ ކޮމަންޑޫ އާއި މަތިކޮމަންޑޫ ގުޅާލުމުގެ މަޝްރޫއު އެވެ. މިދިޔަ އަހަރު ބޭއްވި މި ދާއިރާގެ ބައި އިލެކްޝަންގެ ތެރޭގައި އެ މަޝްރޫއު ފެށި ނަމަވެސް، މިހާތަނަށް މާބޮޑު ކުރިއެރުމެއް ނުލިބެ އެވެ.
އެކަމަކު ރައީސް މިއަދު ވިދާޅުވީ އެ މަޝްރޫއު ނިންމާނެ ކަމަށެވެ.
އެމަނިކުފާނު ވިދާޅުވި ގޮތުގައި މި ސަރުކާރުން ގެންނަ އާ ޑްރެޖަރު ފުރަތަމަ ގެންދަނީ ހއ. އިހަވަންދުއަށެވެ. ހަފުތާއެއްހާ ދުވަހުގެ ތެރޭގައި އެ ރަށުގެ ބިން ހިއްކުން ނިންމާލައި ދެން ފަށާޏީ ދެ ކޮމަންޑޫ ގުޅާލުމުގެ މަސައްކަތް ކަމަށް ވިދާޅުވި އެވެ.
ރައީސް ލަފާކުރައްވާ ގޮތުން، ދެ ކޮމަންޑޫ ގުޅާލުން މި އަހަރުގެ ނިޔަލަށް ނިމޭނެ އެވެ. އެއާއެކު އެ ތަނުގައި އަސާސީ ހިދުމަތްތައް ގާއިމްކޮށް 300 ހައުސިން ޔުނިޓް އެޅުމުގެ މަސައްކަތް ފަށާނެ ކަމަށް ރައީސް ވިދާޅުވި އެވެ.
އަނިޔާވެރިކަމާއި ބިރުވެރިކަމާ ދިމާއަށް ދާންތޯ ނޫނީ އުފާވެރި އަމާން ރާއްޖެއަށް އަޅުގަނޑުމެން މި ކުރާ ދަތުރުގައި ކުރިއަށް ދާނީތޯ ނިންމަވަނީ ތިޔަ ރައްޔިތުން. ހަމަ ގައިމު ވެސް އެއްވެސް ރައްޔިތަކު ބޭނުމެއް ނުވާނެ އަނިޔާވެރިކަމަކަށް ދާކަށް. -- ރައީސް
ކޮމަންޑޫ ހިމެނޭ ގޮތަށް މި ސަރުކާރުން ވެފައިވާ ވައުދުތަކުގެ 90 ޕަސެންޓް، ރައީސް ވިދާޅުވި ގޮތުގައި މިހާރު ވަނީ ނިމިފަ އެވެ. ނުވަތަ އެކަންކަަން އަންނަނީ ހިނގަމުން ކަމަށް ވިދާޅުވި އެވެ.
ރައީސް ވިދާޅުވީ ކޮމަންޑޫއަކީ ކެމްޕެއިނަށް ފަރިތަ، މޮޅަށް ކެމްޕެއިން ކުރާ ރަށެއް ކަމަށާއި މި ރަށުން ފަށާ ކެމްޕެއިނެއް ބަލިވެފައެއް ނެތް ކަމަށެވެ. އެހެންކަމުން ފެށުން މި އޮތީ ރަނގަޅު މިސްރާބަކަށް ކަމަށާއި ސަރުކާރު ކޯލިޝަނަށް ބޮޑު ތަނުން ތާއިދު ލިބިގެންދާނެ ކަމަށެވެ.
ވެރިކަމުގެ ދެ ވަނަ ދައުރަކަށް "އުފާވެރި، އަމާންރާއްޖެ" ސްލޯގަންއާ އެކު ރައީސް އިބްރާހިމް މުހައްމަދު ސޯލިހްގެ ރިޔާސީ ކެމްޕޭން ފައްޓަވައި މިއަދު ށ. ކޮމަންޑޫއަށް ވަޑައިގެންނެވުމުން ރައްޔިތުން މަރުހަބާ ދަންނަވަނީ. --ފޮޓޯ:
"އުފާވެރި، އަމާން ރާއްޖެ" އަކަށް ޝިއާރުގެ ދަށުން ކެމްޕެއިން ކުރައްވާ ރައީސް ވިދާޅުވީ އުފާވެރި އަމާން ރާއްޖެއެއް އެންމެން ވެސް ބޭނުންވާ ކަމަށާއި އެކަމަށްޓަކައި ހަމަޖެހޭ މުޖުތަމައުއެއް ގާއިމް ކުރަން ޖެހޭ ކަމަށެވެ. މި ސަރުކާރުން ކުރި އެންމެ ބުރަ މަސައްކަތަކީ ހަމަޖެހޭ އަމާން މުޖުތަމައުއަކަށް ހޯދުމަށް ކުރި މަސައްކަތް ކަމަށާއި ރައްޔިތުންނަށް އެ އަމާންކަން މިއަދު ފެންނަ ކަމަށް ވިދާޅުވި އެވެ.
"އުފާވެރި ދިރިއުޅުމެއް ލިބެންޖެހޭ، ދިވެހި ކޮންމެ ފަރުދަކީ އުފާވެރިކަމާ އެކު ރާއްޖޭގައި އުޅެވޭ މީހަކަށް ވާން އެބަޖެހޭ. އަސާސީ ހިދުމަތްތަކުން މަހުރޫމްވެގެން ތިބެ ހަމަޖެހޭ އުފާވެރި ދިރިއުޅުމެއް ނުހޯދޭނެ. އެއްވެސް ރަށެއް ތަފާތު ކުރުމެއް ނެތި މި އަންނަނީ އަސާސީ ހިދުމަތްތައް ރާއްޖޭގެ ހުރިހާ ރައްޔިތުންނަށް ފޯރުކޮށްދެމުން،" ރައީސް ވިދާޅުވި އެވެ.
"މަގާއި ބަނދަރާއި ކަރަންޓާއި ދަތުރުފަތުރާއި ފެނާއި ނަރުދަމާ މި ދަނީ ގާއިމްވަމުން، ޓާޝަރީ ހޮސްޕިޓަލުތައް އެބަ ގާއިމްވޭ، ޖޫނިއާ ކޮލެޖްތައް އެ ދަނީ އެޅެމުން."
ރައީސް ވިދާޅުވީ މި ސަރުކާރުން އެކަންކަން ރައްޔިތުންނަށް ކޮށްދެނީ ދަތިތަކަކާ ކުރިމަތިލާން ނުޖެހޭތީ ނޫން ކަމަށެވެ. މި ހިދުމަތްތައް ދޭން މަސައްކަތް ކުރާއިރު ވެސް މެދުނުކެނޑި ސަރުކާރަށް އުނދަގޫކުރި ބަޔަކު ތިބި ކަމަށް ވެސް ވިދާޅުވި އެވެ.
ރައީސް ސޯލިހު ކޮމަންޑޫގައި ވާހަކަ ދައްކަވަނީ. -- ފޮޓޯ | ރައީސް އޮފީސް
އެމަނިކުފާނު ވިދާޅުވި ގޮތުގައި އަމިއްލަ މަސްލަހަތު އިސްކޮށް އެ ކަންކަމަށް ހުރަސްއެޅިޔަސް ސަރުކާރުން އެއަށް ޖާގައެއް ނުދެ އެވެ. އެމަނިކުފާނު އިސްކުރެއްވީ ރައްޔިތުންގެ ދިރިއުޅުން ކަމަށް ވިދާޅުވި އެވެ.
"ފަސްދޮޅަސް ދުވަސް ފަހުން ނިންމުމެއް ތިޔަބޭފުޅުން އަނެއްކާވެސް ނިންމަވާނެ. ވަރަށް ގިނަ ބޭފުޅުން ވަޑައިގަންނަވާނެ. ގިނަ ވައުދުތައް ވާނެ. ވިސްނަންވީ ފަސް އަހަރު ކަންހިނގައިދިޔަ ގޮތް، އޭގެ ކުރި ވެސް ބަލަންވީ. އެ ކަންހިނގައިދިޔަ ގޮތް ވަށައިގެން ބައްލަވައި މިނެކިރަންވާނެ،" ރައީސް ވިދާޅުވި އެވެ.
"އަނިޔާވެރިކަމާއި ބިރުވެރިކަމާ ދިމާއަށް ދާންތޯ ނޫނީ އުފާވެރި އަމާން ރާއްޖެއަށް އަޅުގަނޑުމެން މި ކުރާ ދަތުރުގައި ކުރިއަށް ދާނީތޯ ނިންމަވަނީ ތިޔަ ރައްޔިތުން. ހަމަ ގައިމު ވެސް އެއްވެސް ރައްޔިތަކު ބޭނުމެއް ނުވާނެ އަނިޔާވެރިކަމަކަށް ދާކަށް،"
ރައީސް ވިދާޅުވީ ކޮމްންޑޫ ރައްޔިތުންގެ ނިންމުމަކީ ވަރަށް މުހިންމު ނިންމުމެއް ކަމަށާއި އެއީ މުޅި ރާއްޖޭގެ މުސްތަގުބަލް ގުޅިފައިވާ ނިންމުމެއް ކަމަށެވެ.
"އެ ނިންމުން ގުޅިފައިވަނީ މި ރަށަކަށް މި އަތޮޅަކަށް އެކަންޏެއް ނޫން، މުޅި ރާއްޖޭގެ އެންމެންނާ ގުޅިފައިވާ ނިންމުމެއް، އެހެންވީމަ ފުންކޮށް ވިސްނުމަށްފަހު ތިޔަބޭފުޅުން ނިންމަވާނެ ގޮތާ މެދު އަޅުގަނޑު ޝައްކެއް ނުކުރަން،" ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙހހހހހ
09 July 2023
5 އަހަރުތެރޭ ނުވިކަމެއް ކުރަން އިތުރަން ނޫޅުން ރަގަޅުވާނީ. ކުރިން ދައުލާތާ ހަވާލުވިއިރު ރިޒާވްގަ ފައިސާ ހުރި މިހާރު ދައުލަތުގެ ރިޒާވް ހުސްވެއްޖެ. ލޯނު ނަގަން އިތުރަށް ރަހުނު ކުރާނެ އެއްޗެއް މިގައުމުގަ ނެތް. ހުރިހާ ސްކޫލާ ދައުލަތުގެ ބިންތައް ރަހުނުކޮށް ނިމިފަ ހުރީ. ދެން ތިހަދަމުންދަނީ ހުސް ދޮގޭ ބުނެވޭނީ.
ރަމަ
09 July 2023
މަނިކުފާނުގެ ވެރިކަމުގައި ރާއްޖެތެރޭ ރަށްރަށް ތަރައްޤީ ވެގެން ދިއުމަކީ ވޭތުވެދިޔަ އެއްވެސް ސަރުކާރެއްގައި ފެނިފައިވާ ކަމެއްނޫން. މަނިކުފާނަށް އައްސަރިބަހާއި ސާބަސް.
ފޮނިފޮނިޓައްޕު ކުމާރު
09 July 2023
ކޮމަންޑޫގޮނޑިއަކީ އަގުދީފާ ރައްޔިތުންއަތުން ގަތްގޮނޑިއެއް. މިކަމަކާ އެކަކަށްވެސް ދެބަހެއްނުވެވޭނެ.
އިއްޒަތު
09 July 2023
ކޮވިޑްގެ ހިތްދަތި ބިރުވެރި 3 އަހަރު ކަޑާލާފަ އިބްރާހިމަށް މަސައްކަތްކުރަން ލިބުނު 2 އަހަރު އަހަރެން ބުނާނީ ހަމަ އެއްވަނައޭ. %100 އަހަރެން ތާއީދު.
87878
09 July 2023
މަބުނާނީ 3 އަހަރު ދައުލަތުގެ ހަޒާނާހުސްކޮށްލަން ލިބުނޭ. ދައުލަތުގެ އަގުބޮޑު މުދާ ނުއަގުގަ ވިއްކައިގެން ރައްޔިތުންނަށް ހޯދައިދެވުނު ލުއިފަސޭހައެއް ނިކަން ދައްކަބަލަ. ގޯތިދޭން އެއުޅެނީ ކުރީ ސަރުކާރުން ހިއްކި ތަނުން. މިސަރުކާރަށްބިލިއަނުން ޚަރަދުކޮށްގެން ހިއްކުން ތަނެއް ނިކަން ދައްކާލަބަލަ؟
އަލީކަލޯ
10 July 2023
100 ނުދީވެސްނުވާނެ. ދައުލަތުގެ ދަރަނި އަރާފައިވާ މިންވަރަށް ބަލާލިޔަސް 100 ކީއްކުރަން 1000 ވެސް ދޭންވާނެ. މިރައީސް ވެރިކަމަށް އެރިއިރު ދައުލަތުގެ ދަރަންޏަކީ 60 ބިލިއަންވަރު. މިއަދު ދައުލަތުގެ ދަރަންޏަކީ 150 ބިލިއަން. މޮޅެތި ކޮމެންޓް ކުރާއިރު މިވަރު އެނގޭބާ!
ހީހީ ސުލީހް
09 July 2023
ދެން ވެރިކަމަށް އައްނަ ބަޔަކު އެއާޕޯޓް އެއްރަށްނަމަވެސް ބާއްވާތި ޕުލީސް
ފުނަދޫ ސޮރު
09 July 2023
ކޮމަންޑޫއާ ފުނަދޫއާ ހުރީ 28ކމ. ތުލުސްދޫގަވެސް އެއާރ ޕޯރޓްއެއް އަޅަންފެނޭ.
ދޮހޮއްތު
09 July 2023
ވަރަށް ބިރުވެރި ޑޮލަރު 18/- އެނގޭތޯ… ވ ސަލާން
1828
09 July 2023
ވައުދު ސީޒަން ފެށުނީ. ދެން އޮންނާނީ ހުސް ވައުދުވުން. އިތުރު ވައުދުވާންވާނީ ކުރިން ރިޔާސީ ކެމްޕޭންގައި ވި ވައުދު ފުއްދުމަށްފަހު.
ދަ ޑިމޮކްރެޓްސް
09 July 2023
ސާބަހޭ ސާބަހޭ! އަރާ ކޮންމެ ރަށެއްގައި އެއަރޕޯޓަކާއި ޓާޝަރީ ހޮސްޕިޓަލެއް އަޅާލަން ވަޢުދުވޭ. އޭރުން ނިކަން ގިނަވޯޓް ލިބޭނެ. މިބޭފުޅާ ދެން ވެރިކަމަށް ހޮވިއްޖެނަމަ މިޤައުމުގައި ކުރިއަށް އޮތްތަނުގައި ވެރިކަންކުރަން އަންނަމީހާ ޖެހޭނީ ވެއްޓިފައި އޮތް އަނދަވަޅުން ޤައުމު ނަގާ ކޮޅައްޖަހަން. އިޤްތިޞާދީގޮތުން އެއްވެސް ކަހަލަ ވިސްނުމެއް ފިކުރެއް ހިންގާލުމަކާ ނުލައި ތަނެއް ފަޅާލާފައި ނަމަވެސް ވޯޓެއް ލިބޭތޯ މަސައްކަތްކުރާތަން މި ފެންނަނީ
ބޭބޭ ގޯތި އަހަންމަދު
09 July 2023
ޢަލިފުށި އެެއާޕޯޓް ރަންވޭ ވެސް ހިއްކާ ނިމެނީ . ޢޮކްޓޯބަރ ހިސާބުގައި ނިންމާނެކަމަށް މަސައްކަތްކުރާ ފަރާތުންބުނޭ. ޢަލިފުށިން ފުރައިގެން ދޯންޏެއްގަވެސް ކޮމަންޑޫއަށް ދެވޭ 35 މިނެޓުން . ލޯންޗުގަ 15 ނުވަތަ 18 ވަރަކަށް މިނެޓްނަގަނީ . ދެން ކޮމަންޑޫ މީހުންގެ އެދުމޭ ކިޔާފަ ކޮން އިސްރާފެއް ކުރާކަށް.