ގިރާވަރު ފަޅު ހިއްކުމުގެ މަސައްކަތް ކުރަނީ
13 ސެޕްޓެމްބަރ 2023 - 12:11
84 comments
ގިރާވަރު ފަޅުން ގޯތި ލިބުނު މީހުންނަށް ގޯތި ހަވާލުކުރުމާއި ފްލެޓް ލިބުނު މީހުންގެ ދާއިމީ ލިސްޓު ނެރުން އަންނަ ހަފްތާގައި އޮންނާނެ ކަމަށް ހައުސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ވިދާޅުވެއްޖެ އެވެ.
އަލަށް ދޫކުރި ގޯތި ލިބުނު މީހުންގެ ތެރެއިން ބަޔަކާ އެކު އިއްޔެ ބޭއްވެވި ބައްދަލުވުމެއްގައި އަކްރަމް ވިދާޅުވީ ހުޅުމާލޭގެ ތިން ވަނަ ފިޔަވަހި ހިއްކުމުގެ މަސައްކަތް ވެސް އަންނަ ހުކުރު ދުވަހާ ހިސާބުގައި ފެށޭނެ ކަމަށެވެ.
އަކްރަމް ވިދާޅުވި ގޮތުގައި ހުޅުމާލެއިން އަލަށް ހިއްކާ ބައިގެ އީއައިއޭއަށް ދެ ދުވަހެއްގެ ތެރޭގައި ހުއްދަ ލިބޭނެ އެވެ. އޭގެ ފަހުން، އަންނަ ހުކުރު ދުވަހާ ހިސާބުގައި ހިއްކަން ފަށައި އެންމެ ލަސްވެގެން މަސް ދުވަސް ތެރޭގައި ނިމޭނެ ކަމަށް އޭނާ ވިދާޅުވި އެވެ.
ބިންވެރިޔާގެ ސްކީމްގެ ދަށުން ސަރުކާރުން މިހާރު އަންނަނީ ހުޅުމާލެ އާއި ގުޅީފަޅުން ގޯތި ދޫކުރަމުންނެވެ. އަކްރަމް ވިދާޅުވީ ގިރާވަރުފަޅުން ވެސް އަންނަ ހަފުތާގައި ގޯތި ދޭން ފަށާނެ ކަމަށެވެ. މި ތަންތަނުގައި ޖެނުއަރީ މަހު މަގު ހަދައި ކަރަންޓު ލާން ފަށާނެ ކަމަށާއި ހުރިހާ ތަނެއްގައި އަހަރެއްގެ ތެރޭގައި މަސައްކަތް ނިންމައި ގެ އިމާރާތްކުރަން ފެށޭނެ ކަމަށް ވެސް އަކްރަމް ވިދާޅުވި އެވެ.
އޭނާ ވިދާޅުވި ގޮތުގައި ފްލެޓު ލިބޭ ދާއިމީ ލިސްޓު އަންނަ ހަފުތާގައި އިއުލާނުކުރާނެ އެވެ.
ހުޅުމާލެ 2 ގައި ފަހިދިރިއުޅުން ކޯޕަރޭޝަނުން ފްލެޓުތަކެއްގެ މަސައްކަތް ކުރަމުން އަންނަނީ.-- ފޮޓޯ: ފަޔާޒު މޫސާ | މިހާރު
ސަރުކާރުން ފުރަތަމަ އިއުލާންކުރީ 5،000 ގޯތި ދޫކުރާށެވެ. އެކަމަކު، ފަހުން ވަނީ ޝަރުތު ހަމަވާ އެންމެންނަށް ގޯތި ދޭން ނިންމައިފަ އެވެ. އިތުރަށް ގޯތި ދިނުމުގެ ވިސްނުން ވެސް އެބަހުރި ކަމަށާއި އެކަން ކުރާނެ ކަމަށް އޭނާ ވިދާޅުވި އެވެ.
އަކްރަމް ވިދާޅުވީ އަންނަ ނޮވެމްބަރު 5 ގެ ކުރިން ހުރިހާ ގޯއްޗެއްގެ ރަޖިސްޓްރީ ހަވާލުކުރުމުގެ އަޒުމް އެބައޮތް ކަމަށެވެ. އެކަން އަވަސްކުރަން ވަކީލުން މެދުވެރިކޮށް ކުރީ ބައިގައި ރަޖިސްޓްރީ ހަވާލުކުރާ ކަމަށާއި ގިނަ ދުވަހެއް ނުވެ ބިން ހަވާލުކުރާނެ ކަމަށް ވެސް ވިދާޅުވި އެވެ.
ފަހި ދިރިއުޅުން ކޯޕަރޭޝަނުން އަންނަނީ ހުޅުމާލޭގައި 18 ބުރީގެ 32 ޓަވަރު އިމާރާތް ހަދަމުންނެވެ. އޭގެ ތެރޭގައި ހިމެނެނީ ދެ ކޮޓަރީގެ 1،200 އެޕާޓްމެންޓާއި ތިން ކޮޓަރީގެ 2،800 އެޕާޓްމެންޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުއްރާސް
17 September 2023
އިންތިހާބުގެކުރިން ބަލިވާނެކަން ޔަގީންވާ ކެނޑިޑޭޓު?
ވަރަވެސްބިންދާލި
14 September 2023
މަތިކޮމަންޑުއާ ދަށު ކޮމަންޑޫ ގުލާލީތަ .؟ ބުރިޖްއަޅާނިމުނީތަ ؟ ހަދިޔާފޮއްޓެއް ދިނިންތަ ؟ ނާސްތާދޭތަ ؟ ރަސްކަން ފުޅަށް ޓަކައި ވެރިކަން ހޯދުމުގެ ބޭނުމުގަ ރައްޔިތުން ނަހައްދާ . ވީހާވައުދު ތައް ރޯނުފިލާ އަނެއް ފަހަރު ވެރިކަމެއްގެ ބޭނުމަށް ވައުދު ވުމަކީ ޚިޔާނާތެއް . ވައުދަކީ އަމާާނާތެއް ހައްޤުވާއެތައް ބަޔަކު ތިބެ ރައްޔިތުން ނަށް ތިވެވެނީ ޣައްދާރު . ވައުދު ވީ އިންސާފާއަދުލުވެރި ވެރި ކަމެއް ކޮއްދޭން .
ފިޔާހުން
14 September 2023
ދިވެހިން ކޮތަރު ކޮށްޓަށް ވައްދާ، ޖީބަށް ވަންނަ ގޮތަށް އަތޮޅު ވިއްކަން އަންނަ ގޮރޫޕަށް ވޯޓްނުދެމާ. 10 އަހަރު ފަހުންވިޔަސް ބިންކޮޅެއް ލިބެންޔާ މާރަނގަޅު.
ހަރާންކޯރު
14 September 2023
ރައީސް އިބޫ މިގެންނެވި ބަދަލުތަކަކީ، ދުވަހަކުވެސް އަޅުގަނޑުމެން ހަދާން ނައްތައިލާނެ ކަމެއް ނޫން. ރައީސް ދެރަ ވަނީ ކީއްވެތޯ. އިންސާނުން ނަކީ ރައްބަށްވެސް ހަރާންކޯރުވުން ގިނަ ބަޔެއްގެ ގޮތުގަ ސިފަ ކޮށްފަ ވަނީ.
އަލީމު
14 September 2023
ކިތަންމެ ބިމެއް އަދި ފުލެޓެއް ދިނަކަސް، މ.ޑ.ޕ ދެން ސަލާމަތެއް ނުވާނެ! 5 އަހަރު އަރާމުގެ ނިދަންތިބެފަ ކުއްލިއަކަށް ތިހޭލީ އިންތިޙާބެއް އައީމަނޫންތޯ؟ ކޮބާ އެއްކަލަ ދުނިޔެވަށާ ބުރުޖު ޖަހަމުން ދިޔަ ޚާރިޖީ ވަޒީރު؟ ފެނޭ ޖަލްސާތަކުގަ ނިދާފަ އިންނަ ތަން! ރައްޔިތުން މިހުރިހާކަމެއް ގާތުން ބަލަމުން މިދިޔައީ ދިގު 5 އަހަރު ވަންދެން.
މުޑަހަންޖާ
13 September 2023
ފަޅެއްހިއްކާފަ ވަކި ގަބީލާއަކަށް ގޯތިދިނީމަ ރާއްޖޭގެ އެހެން ރަށްރަށާ ތަރައްގީގައި އެއްވެސް ތަފާތެއް ގެންގުޅެފިއްޔާ އެއީ ހަމަ ރަތްލާޖެހި ނަސްލީ އިމްތިޔާޒު. ތިތަނަށްވެސް އޮންނަންވާނީ ރާއްޖޭގެ އެހެން ރަށްރަށެކޭ އެއްގޮތަށް 5 އަހަރުން ބަނދަރެއް، އަނެއް 5 އަހަރު ފުޓްސެލް ދަނޑެއް، އަނެއް 5 އަހަރު އައުޓްޑޯ ޖިމް ސާމާނުކޮޅެއްގެ އުސޫލު.
މުޑާ
14 September 2023
ހަމަ ނުފެންނަނީބާ؟ ރާޢްޖެތެރެއަށް ގެނައި ބަދަލުތަކާޢި، ހިއްކައި ގޯތިދެމުންދާ މަންޒަރު
ރެޓޭ
13 September 2023
މިއީ މިހާތަނަށް ރާއްޖޭގެ ވެރިޔަކު ކުރި އެންމެ ވިޔާނުދާކަންތައް! ނަސްލީއިމްތިޔާޒުގެ ލާމަސީލު މިސާލެއް! 14 މިލިޔަން ރުފިޔާގެ އަގުހުރި މުދަލެއް ހިލޭ މި އަގުބޮޑު ސަރަހައްދުން ވަކި ބިމިކަށް ނިސްބަތްވާ ބަޔަކަށް، މަސްނޫއީ އެހެން ބިމަކުން ހަމައެކަނި ލިބޭގޮތަށް ބަހާލުމަކީ އިންސާފާ ޢަދުލުވެރިކަމާ ހަމަހަމަކާ ރާއްޖޭގެ ޤާނުނު އަސާސީގެ ރުހާ އިންސާނީ ކަރާމަތާއިވެސް މުޅިންޚިލާފަށް ހިންގަމުންދާ ވަރަށްބޮޑު ޖަރީމާއެއް! ނާއިންސާފް ހައްދުފަހަނައަަޅާފަ!
ދެންނޯ
14 September 2023
މުއިއްޒު އެތަންތަން ނަގާނީ؟؟/
ނުނިމޭނު
13 September 2023
ގިރާވަރު ފަޅުން ވޯޓް ނުދޭ މީހުން މާ ގިނަވީދޯ؟ ގުޅިފަޅުގެ ގޯތިތައް މި ހަފްތާ ނިމުނުއިރު އަދި ހަވާލެއް ނުކުރެވޭ.
އިހްލާސް
13 September 2023
އިންތިހާބާ ދިމާކޮއް ކަންތައްކުރާ ސަރުކާރެއް މިނޫނިއްޔާ ނުދެކެން އިހްލާސްތެރި ކަމާއެކު ކުރާނަމަ މިޔައް ވުރެން ރަނގަޅުވާނެ ހީވޭ
އަފްރާސިޔާބު
13 September 2023
ކޮބާތަ ޕީޕީއމް ގެ ސަރުކާރު އޭގެ ފަހުންދޯ ދުނިޔޭގެ އަލިކަން ތިޔަދުށީ. އެވެސް ތިބުނި ގޮތަށް ތަންތަން ހަދައި ހުޅުވަމިންދިޔަ ސަރުކާރެއް އޮތް ދުވަސް ވަރެއް.
87878
13 September 2023
އެއަރޕޯޓް ރަންވޭ ހަދާ ހުޅުވުމާ ބުރިކު ހުޅުވުމާ ހިޔާ ފްލެޓްތަށް ދިނުންތަ ތި ގޯސްވީ؟ ލޮލަށް ފެންނަންހުރިތަންތަނޭ އެއީ. ބޭނުނކުރެވޭވަރުކޮށްފަހުޅުވީ. ކަނޑު އަޑިން ފިނޮޅަކުންނޫން ފްލެޓް ދިނީ!
ނޫނޭވާ
14 September 2023
ކޮބާ ފުށިދިއްގަރު ފަޅުން ޔާމީނު ގޯތިދިން މީހުން އެގޯތިތައް ފެނުން މައްޗަށް ނާރައޭ، މައްޗަށް އެރީ، އެވެރިންގެ ގެޔޭ؟
ޖުހާނާ
13 September 2023
5000 ގޯތި ދޭން އިއުލާންކޮށްފައި 9001 ގޯތި ދިނީ "ދިރިއުޅުމަށްޓަކައި ބަންޑާރަ ގޯތި ދޫކުރުމުގެ ގަވާއިދު" އާ ޚިލާފަށް. އިޢުލާންކުރާ އަދަދަށްވުރެ އިތުރަށް ގޯތި ދޭނަމަ ޖެހޭނީ އަލުން އިޢުލާންކުރަން. އެއީ، ދޭނެ ގޯތީގެ އަދަދާއި ގޯތި ދޭނެ އުސޫލުތައް އިޢުލާނުގައި ބަޔާންކުރަން ވާނެކަމަށް ގަވާއިދުގައި ބަޔާންކޮށްފައި އޮންނާތީ. އަދި ގޯތި ދިނުމުގައި ޢަމަލުކޮށްފައިވަނީވެސް އިޢުލާންކުރި އުސޫލުތަކާ ޚިލާފަށް.
ޖޖޖޖޖ
13 September 2023
އުސޫލުގައިނެތް ގޯތިދޭނެ ތަން ކަނޑައަޅާނެ ގޮތެއްވެސް. ބަޔަކު ސިއްރުން ސައްލާކޮށްލާފަ މިމީހުންބޭނުންގޮތަކަށް ކަނޑައެޅީ.
ދޯ ދަރިޔާ
14 September 2023
ކުދންނަށް ލައިސަންސް ދިނީ ސީދާ ގާނޫނާ ޚިލާފަށް ނޫތަ
ސިހާމު
13 September 2023
ފުލެޓެއް ނޭޅުނު ބުރިޖެއް ނޭޅުނު
ދީދާރު
14 September 2023
އެޅި ބުރިޖާއި، ހިޔާއާއި، ހޮސްޕިޓަލަށް ލިބުނު ފައިސާގެ 3 ގުނަ ގެންދިޔައި ގެއަށޭ ދޫންޏާ.