ސްކޭމްތަކާ ބެހޭ ގޮތުން ފުލުހުން ބާއްވާ ޕްރެސް ކޮންފަރެންސްގައި އެކަމާ ބެހޭ މައުލޫމާތު ދެނީ. -- ފޮޓޯ: ފަޔާޒް މޫސާ / މިހާރު
19 ފެބުރުއަރީ 2024 - 15:09
43 comments
މީހެއްގެ ފޯނު ކޮމްޕްރޮމައިޒްކުރުމަށް ފަހު އޭނާގެ އެމްއައިބީގެ ބޭންކް އެކައުންޓުން 1.8 މިލިއަން ރުފިޔާ ނެގި މައްސަލައެއްގައި ބަޔަކު ހައްޔަރުކޮށް އެ ފައިސާގެ ބޮޑު ބައެއް ހޯދައިފި އެވެ.
އިސްކަންދަރުކޮށީގައި މިއަދު ބޭއްވި ޕްރެސް ކޮންފަރެންސްގައި، އިކޮނޮމިކް ކްރައިމް ޑިޕާޓްމަންޓުގެ ހެޑް، ސުޕްރިޓެންޑެންޓު އޮފް ޕޮލިސް އަބްދުﷲ ރަޝީދު ވިދާޅުވީ މިދިޔަ އަންގާރަ ދުވަހުގެ ހަވީރު ފެންމަތިވި އެ މައްސަލައިގައި ފައިސާ ހޯދާފައިވަނީ ފޯނާއި ބީއެމްއެލް އެޕްގެ ޕާސްވޯޑު އެނގޭ މީހެއް މެދުވެރިވެގެން ކަމަށެވެ.
އެކަމުގެ ތުހުމަތު 16 އަހަރުގެ ކުއްޖަކާއެކު ތިން ފިރިހެނަކާއި އެއް އަންހެނަކަށް ކުރެވޭއިރު، އޭގެ ތެރެއިން ތިން މީހަކު ވަނީ މިހާރު ހައްޔަރުކޮށްފަ އެވެ. އެނގިފައިވާ ގޮތުގައި އެ ކުޑަކުއްޖާއަކީ، މި ހާދިސާގައި ގެއްލުން ލިބުނު ފިރިހެން މީހާއާ އާއިލީ ގުޅުން އޮންނަ މީހެކެވެ.
ދެން ހައްޔަރުކޮށްފައިވަނީ 24 އަހަރުގެ އަންހެނަކާއި ފިރިހެނެއް އަދި 23 އަހަރުގެ ފިރިހެނެކެވެ.
އިސްކަންދަރު ކޮށީގައި މިއަދު ބޭއްވި ޕްރެސް ކޮންފަރެންސްގައި، އިކޮނޮމިކް ކްރައިމް ޑިޕާޓްމަންޓުގެ ހެޑް، ސުޕްރިޓެންޑެންޓު އޮފް ޕޮލިސް އަބްދުﷲ ރަޝީދު ވާހަކަދައްކަވަނީ.-- ފޮޓޯ: ފަޔާޒު މޫސާ/ މިހާރު
ރަޝީދު ވިދާޅުވީ ގެއްލުނު ފައިސާގެ 98 ޕަސެންޓް، މައްސަލަ ހުށަހެޅިތާ 48 ގަޑިއިރު ތެރޭ ރިކަވާކޮށްފައިވާ ކަމަށެވެ. އެ ފައިސާއިން ވިޔަފާރިކޮށްފައި ހުރި ތަންތަނާއި ތުހުމަތުކުރެވޭ އެކަކު ދިރިއުޅޭ ގެ ބަލައި ފާސްކޮށްގެން 1.6 މިލިއަން ރުފިޔާ ހޯދާފައިވާ ކަމަށް އޭނާ ވިދާޅުވި އެވެ.
ފުލުހުން ބުނީ ނުވަ ދުވަސް ތެރޭގައި ފޭރުނު ފައިސާ ބޭނުންކޮށްފައިވަނީ މޮބައިލް ފޯނު، އިލެކްޓްރޯނިކްސް ސާމާނު، ދޫނި އަދި އަތުކުރި ގަޑި ފަދަ ތަކެތި ގަތުމަށް ކަމަށެވެ.
އޭނާ ވިދާޅުވީ ސްކޭމްގެ މައްސަލަތައް ބޮޑުވަމުންދާއިރު، މިއީ ހަމައެކަނި ޖަލުން ކުރާ ކަމެއް ކަމަށް ބުނެ ނިންމާލެވޭކަށް ނެތް ކަމަށެވެ.
އޭނާ ވިދާޅުވީ ވިކްޓިމްގެ އެކައުންޓުން ރުފިޔާ ފޮނުވުމުގައި ޓްރެންޑެއް ފާހަގަވި ކަމަށެވެ. އެގޮތުން، ނަމާދަށް ގޮސްފައި ހުންނަ ވަގުތުތަކުގައި ރުފިޔާ ފޮނުވާފައި ހުރިކަން، މިހާތަނަށް ކުރި ތަހުގީގުން އެނގިފައިވާ ކަމަށް ރަޝީދު ވިދާޅުވި އެވެ.
ހެޑް އޮފް ފްރޯޑް އިންވެސްޓިގޭޝަން، އިންސްޕެކްޓާ އޮފް ޕޮލިސް މަރިޔަމް ރަޝީދާ ވިދާޅުވި ގޮތުގައި އެ މައްސަލަ މިހާތަނަށް ބެލިއިރު، އެމްއައިބީގެ އިހުމާލު އޮތްކަން ފާހަގަނުކުރެވޭ ކަމަށެވެ.
އިންވެސްޓިގޭޝަން އޮފިސަރު، ސާޖަންޓު އަބްދުﷲ ނަދީމް ވިދާޅުވީ އެ ފައިސާ ޓްރާންސްފާ ކޮށްފައިވަނީ ދެ ލޭޔަރަކުން، ތިން މީހެއްގެ އެކައުންޓަށް ކަމަށެވެ. އެންމެ ބޮޑު އަދަދެއް ޓްރާންސްފާ ކޮށްފައިވަނީ ސަސްޕެކްޓް 1 އަށެވެ. އެ މީހާގެ އެކައުންޓަށް، ފަސް ފަހަރެއްގެ މަތިން އެއް މިލިއަން ރުފިޔާ ފޮނުވާފައިވާ ކަމަށް އޭނާ ވިދާޅުވި އެވެ.
އެ މައްސަލަ ފުލުހުންނަށް ހުށަހެޅުމާ ދޭތެރޭގައި، އެ މީހުންގެ އެއް އެކައުންޓުން އަނެއް އެކައުންޓަށް ރުފިޔާ ފޮނުވާފައިވާ ކަމަށް ނަދީމް ވިދާޅުވި އެވެ. އެ ފައިސާތައް މިހާރު ވަނީ ހިފަހައްޓައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
19 February 2024
އެކައުންޓް ލޫޓުވައިގެން މުޅިންވެސް ފައިސާ ނަގާފައިވަނީ އަހަރުމެންގެ ބޭންކް ދިވެހިންގެ ބޭންކުން ކަމަށްވެފައި މިކަމުގައި ބޭންކް މުވައްޒަފުންނަށް އިގިލި ދިއްކުރެވޭތީ ބެންކުން ކަސްޓަމަރުންގެ މައުލޫމާތު ބެންކު މުވައްޒިފުންގެ ފަރާތުން ލީކުވެގެން ނުދާނެގޮތަށް އެއްވެސް ފިޔަވަޅެއް އަޅާފައިވޭތޯ؟! ކަސްޓަމަރުންގެ މައުލޫމާތު ޙަވާލުކުރާ މުވައްޒިފުންވެސް އޮފީސް ގަނޑީގައި ތިބެނީ ފަތި ޓީވީ އެއްވަރުގެ އަމިއްލަ ސްމާޓް ފޯނު އަތަށް ލައިގެން. މިފަދަ އެތައް ކަމެއް..!
ނަށީދު
19 February 2024
ވަނަވަރު ހިއްސާ ނުކުރަނީ ކީއްވެބާ؟
މަހުވެއި
19 February 2024
ފޯނާއިއެޕްގެ ޕާސްވޯޑް އެނގުނީމަ ބޭންްކުން ކީއްތަކުރާނީ. މިލިއަނުން ޖަމާކުރިއަސް އެމީހުން ޝައްކުނުކުރާހާހިނދަކު ވެރިމީހާ ހެވިދިލިގެން ކުރާކަމެއްކަމަށްބަލާނީ....
ޙިސާބު ނުބައި
19 February 2024
1.8 މިލިއަންގެ %98 އަކީ 1.6 މިލިއަން އެއްނޫނެވެ. ޢެއީ 88% އެވެ. 1.8 މިލިއަންގެ %98 އަށް ވާނީ 1.76 މިލިއަން ރުފިޔާ އެވެ.
އޮޅުންސުވާލި
19 February 2024
ފޭރިގެންވެސް ދޫންޏާ ފޯނާ ގަޑިއާ އަޅަންޖެހޭނެދޯ. މުދަލަށް އިންސާބާ ދަހިވެތިވާޗަރެކޭ
އަލައުރާ
19 February 2024
ހަމަ ތިޔަބުނާ ކޮންޕްރޮމައިޒް ކޮށްގެން އާދައިގެ މީހެއްގެ އެކައުންޓުގައި ހުރި 10،000.00 ރުފިޔާ އުރީދޫ ނަމްބަރުތަކަކަށް ރީލޯޑް ކޮށްގެން ފުލުސް އޮފީހަށް މައްސަލަ ހުށަހެޅިތާ މިހާރު 3 ވަރަކަށް އަހަރުވެއްޖެ އަޅާވެސް ނުލި،، މުއްސަދި މަހުޖަނެއްވީމަ 48 ގަޑި އިރުތެރޭ ތިޔަފައިސާ ހޯދައި ދެވުނު ކިހާ ސަޅި
މަރިއްކޮއި
19 February 2024
އެއްފަހަރާ ދެ ލައްކަ އެކައުންޠަށް ޖަމާ ކުރާއިރު ބެންކަށް ނޭގޭބާ! -/50000 ޖަމާ ކުރިޔަސް ބެންކުން ސުވާލުކުރޭ މިކަން މިހިނގީ ކިހިނަކުންބާ!
ކިހިނެއްހޭ
19 February 2024
މިއީ ކިހިނެއްވާކަމެއްކަން އަދިވެސް މަށައްނުވިސްނޭ. ގާތް ތިމާގެ މީހަކައް ބޮޑުކަމެއް މެދުވެރިވެގެން ދެފަހަރަކު ފައިސާ ފޮނުވާއިރައް އެއީވެސް މާކުދިކުދި އަދަދުތަކުން މިއޮންނަނީ އެކައުންޓު ބޮލޮކްކޮއްލާފަ ދެން އެތައްފަހަރަކު ބޭންކައްދުވެގެން އެކައުންޓުބޭނުންކުރެވޭވަރުވަނީ. ހަފްތާއަކުން މިވަރުގެބޮޑު އަދަދެއް އެހެންއެކައުންޓުތަކައް ކިހިނެއް ޓްރާންސްފަރކުރަނީ.
ރަދީފްއޮފިޝަލް
19 February 2024
16 އަހަރުގެ ކުއްޖާ ވެސް ހާދަ ނުލަފައޭ. 16 އަހަރުގަ މިބާވަތުގެ ކަމެއްގެ ތެރެއަށް ވަދެ ތިމާގެ ބޭބެއަކަަށް މިފަދަ ލަގާއެއް ދޭން ފަސްނުޖެހޭނީ ވަރަށް ބޮޑަށް ''މައިންޑް'' ތައައްޔަރުވެފަ ހުރީމަކަން ޔަގީން.
ރަދީފްއޮފިޝަލް
19 February 2024
މިހާރު ކޮންމެ ގެއެއްގަ މަސް ޓޭންކެއް ހުންނަން ޖެހޭ. ދޫންޏެއް ނުވަތަ ބުޅަލެއް އޮންނަން ޖެހޭ.މިހާރުގެ ޓްރެންޑަކީ އަހަރުމެން ހުވަފެނުން ވެސް ނުދެކޭ ކަހަލަ ކަންކަން. ބުޅާ އެއީ އިންސާނަކަށް ނުދޭ އިއްޒަތް ދީގެން ބައެއް ގޭގޭގަ ގެންގުޅޭ އެއްޗެއް.އެހެންވީމަ އެކައުންޓްތަކުން ފައިސާ ޕަކަޅާކޮށްލައިގެން ވެސް ދޫންޏެއް ނުވަތަ ބުޅަލެއް ގަންނާނެ.ވ.ވ.ެދުން