ޚަބަރު / މަގުމަތީގެ އެކްސިޑެންޓް

ތިނަދޫގައި ހިނގި އެކްސިޑެންޓެއްގައި އެކަކަށް އައިސީޔޫގައި ފަރުވާދެނީ

ތިނަދޫ މަގެއް މަތިން ދެ މީހަކު ސައިކަލު ދުއްވަނީ.-- ފޮޓޯ: ފަޔާޒު މޫސާ/ މިހާރު

އާސިމާ ނިޒާރު، މިހާރު

28 ސެޕްޓެމްބަރ 2025 - 22:25

1 comments

ގދ. ތިނަދޫގައި މިއަދު ހިނގި އެކްސިޑެންޓެއްގައި އަނިޔާވި މީހަކަށް އައިސީޔޫގައި ފަރުވާ ދޭން ފަށައިފި އެވެ.

ފުލުހުންގެ މީޑިއާ އޮފިޝަލަކު ވިދާޅުވީ އެކްސިޑެންޓު ހިނގީ އެ ރަށުގެ ގާޒީ މަގާއި ރަންނަބަނޑޭރި މަގާ ގުޅޭ ކަންމަތިން ސައިކަލަކާއި ކާރެއް ޖެހިގެން ކަމަށެވެ.

އެ އެކްސިޑެންޓުގައި ސައިކަލުގައި ތިބި ދެ އަންހެނުންނަށް ވަނީ އަނިޔާވެފަ އެވެ. އޭގެ ތެރެއިން، އެ އުޅަނދު ދުއްވަން އިން އަން މީހާއަށް އައިސީޔޫގައި ފަރުވާ ދެމުން އަންނަ ކަމަށް އޮފިޝަލް ވިދާޅުވި އެވެ.

ފުލުހުން އެ މައްސަލަ ތަހުގީގުކުރާތީ އިތުރު މައުލޫމާތެއް އަދި ސާފެއްނުވެ އެވެ.

އެ ރަށުގައި މިދިޔަ މެއި މަހު ހިނގި އެކްސިޑެންޓެއްގައި އަނިޔާވި މީހަކަށް ފަރުވާ ދެމުން ދަނިކޮށް އޭގެ ދެ މަސް ފަހުން ވަނީ މަރުވެފަ އެވެ.

ގދ. ތިނަދޫ މަގުމަތީގެ އެކްސިޑެންޓް

1 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަގުތަކުގެ

29 September 2025

ތިނަދޫގައި ނަހަދާހުރި މަގުތައް ފެނިފައި ހިތައް އެރިއެވެ. ވޯޓުއަޅައިގެން ކޮންމެފަހަރަކު ބަޔަކު ވެރިކަމަށް މިގެންނަނީ ކީއްކުރަން ހެއްޔެވެ. ރައްޔިތުން ތަކެއް އެފަދަ މަގު ތަކެއްގައި ދުއްވައި ހިގައި ހަދާނަމަ ވެރިކަމުގެ ބޭނުމަކީ ކޮބައިހެއްޔެވެ. އެފަދަ އަޑިގުޑަން މަގުތަކުން ގޮސް ފިހާރައިން އެއްޗެހި ގަތީމަ އެނަގާ ޓެކްސް ލާރިން ވެރިން ބޮޑު މުސާރަނަގައިގެން އޭސީ ރޫމްތަކުގައި ދުވާލު ހަތަރުދަމު ހޭދަކޮށްފައި ރޭގަޑު ހަމަނިދި ނުލިބި އެކަމާމެދު ވިސްނޭނެ ނަމަ !؟