ޖުމްހޫރީ ޕާޓީގެ ލީޑަރު ގާސިމް އިބްރާހިމް ހައްޔަރުކޮށް، ބަންދުގެ މުއްދަތު އިތުރުކުރުމަށް ކޯޓަށް ހާޒިރުކުރުމާ ދިމާކޮށް މަގުމައްޗަށް އެއްވި މީހުން ފަހަތަށް ޖައްސަން ފުލުހުން މަސައްކަތްކުރަނީ: ރާއްޖޭގެ ހާލަތާ މެދު ޖަރުމަނުން ވަނީ ކަންބޮޑުވުން ފާޅުކޮށްފައި-- ފޮޓޯ: ނިޝާން އަލީ/މިހާރު
07 އެޕްރީލް 2017 - 20:05
24 comments
ރާއްޖޭގެ ޑިމޮކްރަސީގެ ހާލަތު އިތުރަށް ގޯސްވެ މިހާރު އޮތީ ދެމެހެއްޓެނިވި އިގްތިސާދީ ތަރައްގީއަށް ފަހި ހާލަތެއް ނޫން ކަމަށް ޖަރުމަނުން ބުނެފި އެވެ.
ރާއްޖޭގެ ހާލަތާ މެދު ކަންބޮޑުވުން ފާޅުކޮށް، ސްރީ ލަންކާގައި ހުންނަ ޖަރުމަނު އެމްބަސީން މިއަދު ނެރުނު ބަޔާނުގައި ބުނީ ޑިމޮކްރަސީގެ ހާލަތު ރާއްޖޭގައި އިތުރަށް ގޯސްވުމުން އެކަމާ ކަންބޮޑުވާ ކަމަށެވެ. އެ ބަޔާނުގައި ބުނީ ރައްޔިތުންގެ މަޖިލީހުގެ ރައީސް އަބްދުﷲ މަސީހަށް އިތުބާރު ނެތް ކަމަށް ހުށަހެޅި މައްސަލާގައި ވޯޓު ނަގާފައި ވަނީ މަޖިލީހުގެ އުސޫލުތަކާއި ގަވަައިދާ ކަނޑައެޅިގެން ޚިލާފަށް ކަމަށެވެ.
"ސިޔާސީ އިދިކޮޅު ފަރާތްތަކަށް ގޯނާކުރާ ކަމުގެ މައުލޫމާތު ލިބެމުން ދާއިރު މިއީ ޑިމޮކްރަޓިކް ހަމަތަކާ ޚިލާފް ކަމެކެވެ. މިހާރު ހިނގަމުންދާ ކަންކަމަކީ ރާއްޖޭގެ ދެމެހެއްޓެނިވި އިގްތިސާދީ ތަރައްގީއަށް ފަހި ކަންކަމެއް ނޫނެވެ." ބަޔާނުގައިވެ އެވެ.
ޖަރުމަނުން ވަނީ މީޑިއާ އާއި މަޖިލީހުގެ އިދިކޮޅު މެންބަރުންނާއި މަދަނީ ޖަމިއްޔާތަކަށް ގޯނާކުރުން ހުއްޓާލުމަށް ސަރުކާރަށް ގޮވާލައިފަ އެވެ.
މަސީހުގެ އިތުބާރު ނެތް ކަމަށް ހުށަހެޅި މައްސަލާގައި، އިލެކްޓްރޯނިކް ވޯޓިން ސިސްޓަމް ބޭނުން ނުކޮށް ރޯލް ކޯލް ވޯޓު ނަގަން ނިންމުމުން މަޖިލިސް ތެރޭ އުފެދުނު ހަލަބޮލިކަމަށް ފަހު ވޯޓު ނަގާފައި ވަނީ އިދިކޮޅު ބައެއް މެންބަރުންގެ ނަން އިއްވައި މަޖިލީހުން ނެރުމަށް ފަހު އެވެ. އަދި އިދިކޮޅު މެންބަރުން ވަނީ ވޯޓު ބޮއިކޮޓް ކޮށްފަ އެވެ.
މި ވޯޓަށް ފަހު، މަސީހްގެ މައްސަލަ އަލުން ހުށަހަޅަން ތައްޔާރުވަމުން ދާއިރު އެކި ތުހުމަތުތަކާ ގުޅިގެން އިދިކޮޅު ފަރާތްތައް ފުލުސް އޮފީހަށް ހާޒިރުކޮށް ޖުމްހޫރީ ޕާޓީގެ ލީޑަރު ގާސިމް އިބްރާހިމް ވަނީ ހައްޔަރުކޮށްފަ އެވެ. އޭނާ ހައްޔަރުކޮށްފައި ވަނީ މަޖިލިސް މެންބަރުންނަށް ރިޝްވަތު ދީ ގާނޫނާ ޚިލާފަށް ވެރިކަން ބަދަލުކުރުމަށް ހިތްވަރުދޭ ކަމުގެ ތުހުމަތުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހްމަދު
09 April 2017
ތިބުނީ ހައްޤު ތެދު. އެކަމަކު މިޤައުމުގެ ކުދިން ހަމަޖެހުމާއި އުފާވެރިކަމަށްވުރެ ބޮޑަށް ބޭނުންވަނީ، ވަކި މީހަކަު ނުވަތަ ބަޔަކު ވެރިކަމުގައި ތިބުމޯ؟ އެބަޔަކު އެދޭ އެއްޗެއްދޯ އެބަޔަކަށް ލިބޭނީ...
ލޮވް
08 April 2017
ތަރައްޤީއަކަށް ހުރަހެއް އެޅޭތަނެއް ނުފެނޭ، ކުރިއަށްދާތަން މިފެންނަނީ، ބޮޑެތިން އިންވެސްމެންޓްސްތައް އޮއްސާލާތަން މިފެންނަނީ، މަގުމަތިއަމާންވެ، ހަމަނިދިން ނިދާލެވޭތަން މިފެންނަނީ، އިޤްތިސޯދު ކޮޅަށްޖެހި އިންކަމް އެތައްގުނައެއް މައްޗަށްޖެހުނުތަން މިފެންނަނީ، 5000ރުފިޔާ މުސާރަ ލިބުނުމީހާގެ މުސާރަ 12000ރުފިޔާއަށް ޖެހުނުތަންވެސް ފެނިއްޖެ.
ލ.އަތޮޅު
10 April 2017
ލޮވް 5000 ރުފިޔާއިން 12000 ރުފިޔާއަށް މުސާރަ މަތިވުން އެއީ ކަނޑައެޅިގެން ދޮގެއް...ވެދާނެ ފަހަރެއްގަ ތިޔަފަރާތުގެ މުސާރަ މަތިވީކަމަށް....ޔާމީން ވެރިކަމަށް ހޮވުމުގެ ކުރިން ލިބުނު މުސާރަ އަދިވެސް މި ލިބެނީ.....އަދި ބުނެލަން އޮތީ ފަރުދީ މުއްސަނދިކަމެއް މިގައުމަކުން ނުފެނެޔޭ.....
ޔޭޔޭސް
08 April 2017
ތަރައްޤީއަށް ހުރަހެއް ނޭޅޭނެ.. ޑިމޮކްރަސީގެ ނަމުގައި ފިތުނަފަސާދަ އުފައްދަން ޖަރުމަނުންވެސް ނޫޅުނިއްޔާ ރަނގަޅުވާނީ.
އަފިހުން ގޮއްޔެ
09 April 2017
ޑިމޮކްރަސީތޭ ، ނޫނީ ދިމާކުރާތީތޭ.........ކުޑައޮޅުމެއް އަރާހެން ހީވާތީ ހަމަ އަހާލީ.
ބަތްކައްކާ
08 April 2017
ނުވާނެ އެހެނެއް. ޑިޕްރެޝަންއާހެދި ތަރައްގީ ނުވަނީ. ދެން އަނެއްހެން މީހުން ޑިޕްރެސްވަނީ ކޮންކަމަކާތޯ ބަލާނެ ކަމެއްނެތް.
މޫސާބޭ
08 April 2017
ބައެއް ބޮޑުންގެ އަމާޒަކީ ތައްގީއަށް ހުރަސްއެޅުން. ލިސްޓުގެ އެންމެ ކުރީގަ އަންނި އަބަދުވެސް. ދެވަނައިގައި މިހާރު އޮތީ މައުމޫން. ތިންވަނައިގައި ކާސިމް. މުޅި އެމްޑީޕީ އެއްކޮށް އަބަދުވެސް ތަރައްގީއާއި އިދިކޮޅު. މިހާރުވެސް. ހިތާމަ ހުރި ކަމެއް.
ޕޮކަންޑި މޭން
09 April 2017
މޫސަބޭ، އެއީ އުފާ ކުރަންޖެހޭ ކަމެއް ނޫންބާ! ގައިމު އަހަރުން އުފާވޭ އިންތިހާއަށް.
މަރީ
08 April 2017
ދެން އަވަހަށް ސަރަުކާރުން ނިންމާ ޖަރުމަނުގެ އެހީއެއް ސަރުކާރުން ބޭނުމެއްނޫން ކަމަށާއި، ޖަރުމަން ކުދިން ރާއްޖެއައިސްގެން ނުވާނެކަމަށް. ހަމަ ހިލާ ލާހިކެއް ނޫން!
ޖަރުމަނު މޮޅު މުންޑު
09 April 2017
"ޖަރުމަނު ވިލާތް" ދެއްތޮ.
އާސިމު
08 April 2017
ޖަރމަނީއަކީ މިފާޑުގެ ރަބަރ ސުޓޭމްޕުގެ މެމްބަރުން ހެޓިލަރައް ކޮށްދިން އެތަކެއް ޖަރީމާތަކަކުން އަދިވެސް ސަލާމަތް ނުވެވިގެން.. މިއަދުވެސް ޖަރމަނީ ސަރަންޑު ވި 4 ބާރު ޖަރމަނީގެ ބިމުގައި ސުޓޭޝަންވެގެން ތިބޭ ތިބުމަކީ ޖާރމަނީގެ މިނިވަންކަމައް މިއަދުވެސް އެޅިފައިވާ ހިޔަންޏެވެ..
ސަތަރޭ
08 April 2017
ދުނިއޭގެ އެންމެބޮޑު ޓުއަރިޒަމް ފެޔާ އޮންނަނީ ޖަރުމަނުގައި މުޅިދުނިއެއާ ގުޅުން ކަނޑަލުމެއް އެއީ ރަގަޅު ކަމެއްނޫން
ހާޖީ
08 April 2017
ކިއްކުރާނީބޮޑުކާށި ދޮންބެވެސް ނިޔާވެއްޖެވިއްޔަ އެހެންނަމަތާ ތިޔާމީނާ ކުރިމަތިލާނީވެސް އޭނަހުރިނަމަ އޭނަވެސް ގޮޅިއަށްލާނެކަންނޭގެ
ނަޝީދު
07 April 2017
ރަނފަޅުވާހަޖައެއް. ރާއްޖޭގައި މިހާރު މިހިނގާ ކަންތައްތަކަކީ މަ ވެރިކަން ބޭނުންވެގެން ޑިޕްރެސްވެގެން ހިނގާ ކަންތައްތައް. ޢެހެންވީމާ ތަރައްގީ އަށްހުރަސް އެޅޭނެ ވަރަށްބޮޑަށް.