ހުޅުމީދޫގައި އިމާރާތް ކުރި 48 ފްލެޓަށް އިތުރު ލުއިތަކަކާ އެކު ކުރތިމަތިލާން ތިން ވަނަ ފަހަރަށް ހުޅުވާލަން ވަނީ ނިންމާފައި.
ހިތަދޫގައި ހަދާފައިވާ ފްލެޓްތައް: މަސައްކަތް މިހާރު ހުރީ ނިމިފައި. ފޮޓޯ: ހައުސިން މިނިސްޓްރީ
17 އެޕްރީލް 2017 - 14:29
10 comments
ސަރުކާރުގެ ބޯހިޔާވަހިކަމުގެ ޕްރޮގްރާމްގެ ދަށުން އައްޑޫގައި އިމާރާތްކޮށްފައިވާ ފްލެޓްތަކުގެ ތެރެއިން ހިތަދޫގައި ހެދި 264 ފްލެޓަށް ކުރިމަތިލި މީހުންނާ އަންނަ މަހުގެ ތެރޭގައި ފްލެޓްތައް ހަވާލު ކުރެވޭނެ ކަމުގެ އުންމީދު ބޮޑު ކަމަށް ހައުސިން މިނިސްޓްރީން މިއަދު ބުނެފި އެވެ.
ހިތަދު އާއި ހުޅުމީދޫގެ ފްލެޓްތަކަށް ކުރިމަތިލާން އެންމެ ފުރަތަމަ ހުޅުވާލީ މިދިޔަ އަހަރުގެ މެއި މަހު އެވެ. މުއްދަތު ހަމަވި އިރު، ހިތަދޫ ފްލެޓްތަކަށް އެދި 585 މީހަކު ވަނީ ފޯމް ހުށަހަޅައިފަ އެވެ.
ހުޅުމީދޫގައި އިމާރާތް ކުރި 48 ފްލެޓަށް ދެ ފަހަރެއްގެ މަތިން ވެސް ހުޅުވާލައިގެން، އެދެވޭ ތަރުހީބެއް ލިބިފައެއް ނުވެ އެވެ. އެންމެ ފަހުން ހުޅުވާލި ސުންގަޑި ހަމަވީ މިދިޔަ މަހުގެ ދޭއްގަ އެވެ.
އެހެންވެ އެ ފްލެޓްތަކަށް ކުރިމަތިލާން އަނެއްކާ ވެސް ހުޅުވައިލަން ހައުސިން މިނިސްޓްރީން ވަނީ ނިންމައިފަ އެވެ. އަދި އަލުން ހުޅުވައިލާނީ ކުރީގެ ޝަރުތުތަކަށް ލުޔެއް ގެނައުމަށް ފަހު ކަމަށް މިނިސްޓްރީން ބުންޏެވެ.
ހައުސިން މިނިސްޓްރީގެ ޑެޕިއުޓީ ސްޓޭޓް މިނިސްޓަރު އަބްދުﷲ ޒިޔާދު "މިހާރު" އަށް ވިދާޅުވީ ހިތަދޫ ފްލެޓްތަކަށް ކުރިމަތިލި މީހުންގެ ފޯމްތަކުގެ އިވެލުއޭޝަން މިހާރު އެއްކޮށްހެން ނިމިފައިވާ ކަމަށެވެ.
ހިތަދޫގައި ހެދި 246 ފްލެޓްގެ ތެރެއިން ބައެއް ފްލެޓްތައް ހާއްސަކޮށްފައި ވަނީ މަރަދޫ، މަރަދޫފޭދޫ އަދި ފޭދޫ ރައްޔިތުންނަށެވެ.
"އަސްލު ހިތަދޫން ފްލެޓްތަކަށް ކުރިމަތިލި މީހުންގެ ފޯމްތައް ވެރިފައި ކުރުމުގައި އިތުރު ވަގުތު ނަގަން ޖެހިގެން މި ޕްރޮސެސް ހަގީގަތުގައި ޑިލޭވެގެން ދިޔައީ،" ޒިޔާދު ވިދާޅުވި އެވެ.
"އެހެން ނަމަވެސް މިހާރު ހަމަ ހުރިހާ ފޯމްތަކެއްގެ އިވެލުއޭޝަން މި ވަނީ އެއްކޮށްހެން ނިމިފައި."
އޭނާ ވިދާޅުވީ އުންމީދަކީ ފްލެޓްތައް ލިބޭ މީހުންނާ އަންނަ މަހުގެ ކުރިން ފްލެޓްތައް ހަވާލު ކުރުން ކަމަށެވެ.
ހުޅުމީދޫގެ ފްލެޓްތަކެއް: މި ފްލެޓްތަކަށް އެކަށީގެންވާ ތަރުހީބެއ ނުލިބޭ. ފޮޓޯ: ކިޔުންތެރިއެއް.
ފްލެޓްތައް ދޫނުކުރެވި ލަސްވާތީ ގިނަ ބަޔަކު ވަނީ ކަންބޮޑުވުން ފާޅުކޮށްފަ އެވެ.
ކުރީގެ ރައީސް މުހައްމަދު ނަޝީދުގެ ވެރިކަމުގައި ފޭދޫގައި ހެދި 25 ހައުސިން ޔުނިޓް ވެސް ހަވާލު ނުކުރެވި ތިން އަހަރެއްހާ ދުވަހަށް ދިގުލައިގެން ގޮސްފައި ވެ އެވެ.
އެ ފްލެޓްތައް ހަވާލު ކުރެވުނު އިރު، އެކި ކަހަލަ ގެއްލުންތައް ލިބިގެން ހުރީ އަލުން ބޮޑެތި މަރާމާތުތަކެއް ކުރަން ޖެހުނެވެ.
އައްޑޫގައި މި ފަހަރު އެޅި ފްލެޓްތަކަށް ޑައުންޕޭމަންޓްގެ ގޮތުގައި 25،000ރ. ދައްކަން ޖެހޭއިރު، މަހު ކުއްޔަކީ 3،000ރ. އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަބްދުﷲނާފިޒު
18 April 2017
ހުޅުމީދޫގައި އިމާރާތް ކުރި 48 ފްލެޓަށް އިތުރު ލުއިތަކަކާ އެކު ކުރތިމަތިލާން ތިން ވަނަ ފަހަރަށް ހުޅުވާލަން ވަނީ ނިންމާފައި. ސުވާލަކީ ލޯކަލްކައުންސިލް އިންތިޚާބުގެ ފަހުންތޯ ނޫނީ އޭގެ ކުރިން ތިޔަ ފްލެޓްތައް ލިބެންވާ ފަރާތްތަކަށް ލިބޭނެތޯ، ވޯޓު ދެއްތޮ..........ދެން މަ ހީހީހީ.
ކަޝިނަރ އަހައްމާ
17 April 2017
ކޮމެންޓު ކުރާ ކުދީންކޮޅައް....!!! އައްޑޫ ސިޓީ ގެ އަވަށެއް ކަމައްވާ ހިތަދޫ ޕުރޮވިންސުގައި ރައީސު މުހައްމަދު ނަޝީދު އަޅުއްވައިފައިވާ ފުލެޓު ތަކުގެ %97 ކުރިމަތި ލައިފައިވަނީ ރާއްޖޭގެ އައްޑޫ ސިޓީ ނޫން ރައްތަކުން އައިސްތިބި ރައްޔަތުން... ވީމާ ތިޔަކުދީންގެ ހިތުގެ ތެރޭގައި އުފެދޭ ނުރަނގަޅު ޝުއޫރުތައް ސާފުކުރުމައް މިމައުލުމާތުން ކޮންމެވެސް ވަރެއްގެ އަލިކަމެއްލިބުމަކީ އަޅުގަނޑުގެ އުއްމީދު ހާސިލުވުން.. އައްޑޫގައި ބިންއެބައޮތް ނެތީ ގެދޮރު އަޅާނެ ފައިސާ... މާލެ ސަރުކާރައް އެކި ގޮތްގޮތުން ނަގަމުންދާ ތޭކުސް ތައް ނުވަތަ މިސިޓީގައި އުޅެތީވެ ދައްކަންޖެހޭ ކުލިދެއްކުމައް ފަހު ބާކީ ވަނީ ކަޅުސައިތައްޓަކާއި ފާރޮށި ކޮޅެއް ކައިލެވޭވަރު.... ދެންކޮން ގެދޮރެއް އެލޭނީ ދެތްތޯ... ނަމަވެސް އަހަރުމެން އެއްމެނަކީ މަޖިލީސް މެމްބަރުންނަމަ 100 ބުރީގެ އިމާރަތްވެސް އަޅަން ފަސްނުޖޭނަން...
އަލިފް ޝީނު
18 May 2017
ތިޔަ ފްލެޓް ތަކުގެ މައުލޫމާތު ރަނގަޅަށް އިނގޭ މީހެއްގެ ހައިސިއްޔަތުން ބުނެލަން. ފްލެޓްތަކަށް ކުރިމަތިލީ މީހުއްނޭ ކިޔާފަ ތިހެދީ ކަނޑައެޅިގެން ވަރުގަދަ ދޮގެއް. ގިނައީ ހަމަ ހިތަދޫ މީހުން.
ާަޢަތޮޅު މީހާ
17 April 2017
ކޮބާތަ ކުޅުދުަޢްފުށީގަ އަޅާފުލެޓްތަައް
އަހުސަން
17 April 2017
ކުރާކޮންމެ ކަމެއް މުއިއްޒުވާއިރު. ޑޮކްޓަރު މުއިއްޒު ކިޔާތީ މަހައިރާންވޭ.
ހަވަރު ތިނަދޫ
17 April 2017
ތިނަދޫގަ އަޅާފަ ހުރި ފުލެޓުތަށް ހަވާލުކުރަނީ ކޮންއިރަކުންހޭ. ތިޔައުޅެނީ ބޭނުންވާ ބަޔަކަށް އެފުލެޓުތަށް ނުދެވިގެންތޭ! ޕިންކީނޭ ބުނަންތޭ ވާހަކައެއް މިއީ ހަވަރު ތިނަދޫ ބޭނުންވީމަ ބޭނުންހާ ކުޅިއެއް މިރަށަކުން ކުޅެވުނަކަ ނުދޭނަން. ޕިންކީންނޭ ބުރަސްފައްޗެ ( ބެރާސިއްތާ) އަކަށް ތިނަދޫ މީހުންއެއް ނުސިހޭނެ. މިބުނި އެއްޗެއް ތިނަދޫމީހުންނަށް އެނގޭނެ.
އަހުމަދުބެ
17 April 2017
އިންތިހާބު ކައިރިކޮށްފަ ފްލެޓް ދިނަސް ބޭނުންބަޔަކަށް ވޯޓް ދެވިދާނެއެވެ.
ހަސަން
17 April 2017
ހުޅުމީދޫ ފުލެޓް ގައި ދިރިއުޅެން ޖެހޭމިހުން ތިބީ މާލެއަށް ކުލި ދައްކައިގެން މާލޭގައި.
modaf
17 April 2017
ތިވެސް އިނބިލީހުގެ ކައިވެންޏަށްވެފަ އޮތް ކަމެއް. ތިފްލެޓެއް އަޅާފަ ބަޔަކަށް ނުވަދެވި ވީރާނާ އެވަނީ. އަނެއްކާ ހުޅުދޫގަ ތިއެޅި ފްލެޓްތަށް ގެސްޓް ހައުސް ހިންގަން ބަޔަކަށްދޭން ފެނޭ. ސަބަބަކީ ފަޅުގޯތިތަކުން ފުރިފައިވާ ރަށެއްގަ ހިލޭ ތިތަންތަން ދިނަސް ވަންނާނެ ބަޔަކުނުވާނެ. ހައްސާނުމެން ޝާޑުގެ ފޮޓޯއާ ތިފްލެޓްގެ ފޮޓޯ ކިތަންމެވަރަކަށް ޖެހިޔަކަސް ތިތަންތަނަށް ވަންނާނެ ބަޔަކު ނުވާނެ.
ވޮޗްޑޯގް
17 April 2017
ހުޅުމީދޫ ފްލެޓް މި ފެންނަނީ ޕްލޭންކޮށް ސިޔާސަތު ކަނޑައަޅާ މީހުން ސިޔާސީގޮތުން ނިންމަވާ ނިންމެވުންތަކުން ނިކުންނަށް ހިތި ނަތީޖާ. ތި ފްލެޓްތަކުގެ ފީސެބިލިޓީއެއް ހެދިތޯ؟ މީހުންގެ ޝައުގުވެރިކަން ބެލިތޯ؟ ރައްޔަތުން ބޭނުންވާ ގޮތެއް ބެލިނަމަ ތި 48 ފްލެޓް އަޅަން އެންމެ ރަނގަޅީ އައްޑޫގެ ގުޅިފައިވާ ރަށްތަކުގައި. މިގޮތުން ހިތަދޫ ނުވަތަ ފޭދޫގައި ތި ފްލެޓްއަޅާ ހަމައެކަނި ހުޅުމީދޫ ރައްޔަތުންނަށް ކުރިމަތިލެވޭ ގޮތަށް ހުޅުވާލިނަމަ ވަރަށް ތަރުހީބު ލިބުނީސް.