ސިސްޓަމް ޓެސްޓް ކުރަން ބޭނުންކޮށްފައި ވަނީ ޑި-އޭޖިން މެތަޑް
15 ޖޫން 2017 - 10:39
23 comments
އުމުރުން ދުވަސްވުމުން މީހުން ހުންނާނެ ގޮތް އަންގައިދިނުމަށް ދިވެހި ސައެންސްވެރިޔާ ހަސަން އުގައިލް އާއި ބްރެޑްފޯޑް ޔުނިވާސިޓީގެ ރިސާޗް ޓީމުން ތައްޔާރުކުރި ސޮފްޓްވެއާ މާ ފުރިހަމަކަން ހާމަވާން ފަށައިފި އެވެ.
މި ސޮފްޓްވެއާ އިން ކުރާނެ އެއް ފައިދާ އަކީ ގެއްލޭ މީހުން ދުވަސްތަކެއް ފަހުން ހުންނާނެ ގޮތް ދެނެގަނެވި އެ މީހުން ހޯދަން ފަސޭހަވުމެވެ. ކޮންމެ އަހަރަކު ވެސް އެމެރިކާ އާއި އިނގިރޭސިވިލާތުން އެތައް މިލިއަން ބަޔަކު ގެއްލިގެން ރިޕޯޓް ކުރެ އެވެ. އެ މީހުން ހޯދުމުގައި އާއިލާތަކަށް ބައެއް ފަހަރު މާޔޫސްކަން ކުރިމަތިވެ އެވެ.
ގެއްލޭ މީހުން ހޯދަން ފަސޭހައަކަށް ބަލައި އުގައިލްގެ ޓީމުން ތައްޔާރުކުރީ އުމުރުން ދުވަސްވުމުން ވެސް މީހުން ހުންނާނެ ގޮތް ދައްކުވައިދޭ ސޮފްޓްވެއާ އެކެވެ. އިނގިރޭސި ވިލާތުގެ ބްރެޑްފޯޑް ޔުނިވަސިޓީގެ ވިޝުއަލް ކޮމްޕިއުޓިން ޑިޕާޓްމަންޓުގެ ހެޑް އުގައިލްގެ ރިސާޗް ޓީމުން ވަނީ 1991 ވަނަ އަހަރު ގްރީކުގެ ކޮސް އައިލެންޑަށް ގެއްލުނު ބެން ނީދަމް ކިޔާ ކުޑަކުއްޖާ ހުންނާނެ ގޮތުގެ ފޮޓޯތައް ޓެސްޓްކޮށްފަ އެވެ. އެކަމަކު ބެން ހުންނާނެ ގޮތް ކަމަށް އެހެން ބައެއް މީހުން ކޮމްޕިއުޓަރުން ޖެނެރޭޓްކުރި ފޮޓޯތަކާއި އުގައިލްގެ ޓީމުގެ ފޮޓޯތައް ތަފާތެވެ. އެހެންވެ އުގައިލްގެ ޓީމުން އުއްމީދު ކުރަނީ އާ ސޮފްޓްވެއާ ބޭނުންކޮށްގެން ގެއްލޭ މީހުން ހޯދުމުގައި ކުރިމަގުގައި އެހީތެރިކަން ލިބޭނެ ކަމަށެވެ. އެ ޓީމުން ވަނީ މީގެ 10 އަހަރު ކުރިން ޕޯޗުގަލުގައި ގެއްލުނު މެޑަލިން މެކްކޭން މިހާރު ހުންނާނެ ގޮތުގެ ފޮޓޯތައް ޖެނެރޭޓް ކުރަން ނިންމައިފަ އެވެ.
ބެން ނީދަމް އެކި އުމުރުފުރާތަކުގައި ހުންނާނެ ކަމަށް އެކި އިންވެސްޓިގޭޓަރުން ލަފާކޮށްފައިވާ ގޮތް.
ރިސާޗުގައި އިސްކޮށް ހުންނެވި ޕްރޮފެސަރު އުގައިލް މެއިލް އޮންލައިން އަށް ވިދާޅުވީ ގެއްލޭ ކުދިން ހޯދުމުގައި އޭނާގެ ޓީމުގެ ސޮފްޓްވެއާ ދުނިޔޭގެ އެކި ކަންކޮޅުތަކުގެ ކަމާބެހޭ ފަރާތްތަކުން ބޭނުންކުރާ ތަން ފެންނަ ކަމަށެވެ. މި ސޮފްޓްވެއާގެ އެހީގައި އެކި އުމުރުތަކުގައި މޫނުގެ ސިފަ އާއި ކޮލާއި އަނގަ އާއި ނިތްކުރި ހުންނާނެ ކަމަށް ލަފާ ކުރާ ގޮތް ކުޑައިރުގެ ފޮޓޯއެއްގެ އެހީގައި އަންގައިދެ އެވެ. މި މައުލޫމާތު ކޮމްޕިއުޓާ އެލްގޮރިދަމް އަށް އެޅުމަށް ފަހު އެ ކުއްޖާ އެކި އުމުރުތަކުގައި ހުންނާނެ ގޮތުގެ މޫނުގެ ފޮޓޯތައް ދައްކުވައިދެ އެވެ. އުގައިލްގެ ޓީމުގެ ސޮފްޓްވެއާގެ ޚާއްސަ އެއް ކަމަކީ އުމުރުން ދުވަސްވުމުން މީހުންގެ މޫނުގެ ސިފަ ހުންނާނެ ގޮތް ސިސްޓަމަށް "ދަސްކޮށްދީފައި"ވުމެވެ. އެކަން ކުރުމަށްޓަކައި ވަނީ އެލްގޮރިދަމް އަށް ތަފާތު ނަސްލުތަކުގެ ތަފާތު އުމުރުތަކުގެ މީހުންގެ މޫނު ހުންނަ ގޮތުގެ ޑޭޓާ އަޅައިފަ އެވެ. އަދި ކުރިން އުފެއްދި މި ބާވަތުގެ ސޮފްޓްވެއާތަކަށް ވުރެ އުގައިލްގެ ޓީމުގެ ސޮފްޓްވެއާ ފުރިހަމަވާ އެއް ސިފައަކީ މިއީ އެވެ.
ބެން ނީދަމް 14 އަދި 22 އަހަރުގައި ހުންނާނެ ގޮތް އުގައިލްގެ ޓީމުގެ ސޮފްޓްވެއާ އިން ދައްކުވައިދޭ ގޮތް.
އުގައިލް ވިދާޅުވީ ކޮންމެ އަހަރަކު ވެސް އިނގިރޭސިވިލާތުން ތިން ލައްކައެއްހާ މީހުން ގެއްލިގެން ރިޕޯޓްކުރާ ކަމަށެވެ. އަދި ގެއްލިފައިވާ މީހުން ހޯދުމަށް މިހާރު ގެންގުޅޭ ޓެކްނިކްތަކަށް ވުރެ ރަނގަޅު އެއްޗެއް އުފެއްދުމަށް ރިސާޗަރުންގެ ޓީމަށް ހިތްވަރު ލިބުނު އެއް ސަބަބަކީ އެއީ ކަމަށް ވިދާޅުވި އެވެ.
ސިސްޓަމް ޓެސްޓް ކުރުމަށް ރިސާޗަރުންގެ ޓީމުން ބޭނުންކޮށްފައި ވަނީ ޑި-އޭޖިން މެތަޑެވެ. އެއީ އުމުރުން ދުވަސްވެފައިވާ މީހަކު އޭނާގެ ޅަ އުމުރުގައި ހުންނާނެ ގޮތެވެ. ދެން އެ މީހެއްގެ ކުޑަ އިރުގެ އަސްލު ފޮޓޯ އާއި ސޮފްޓްވެއާ އިން އުފެއްދި ފޮޓޯ އެއްގޮތްތޯ ބަލަ އެވެ.
ޕްރޮފެސާ އުގައިލް.
ޓެސްޓް ކުރުމުގެ ގޮތުން ރިސާޗަރުން ބޭނުންކޮށްފައި ވަނީ ޖުލައި 24، 1991 ގައި ކްރީކުގެ ކޮސް އައިލެންޑަށް އުމުރުން އެންމެ 21 މަހުގައި ގެއްލުނު ބެން ނީދަމްގެ ތަސްވީރެކެވެ. ބެން އަދިވެސް ފެނިފައި ނުވާއިރު އެކި އުމުރުތަކުގައި އޭނާ ހުންނާނެ ގޮތުގެ ފޮޓޯތައް އިންވެސްޓިގޭޓަރުން އުފައްދާފައިވެ އެވެ. މިގޮތުން 11-14 އަހަރު، 17-20 އަހަރު އަދި 20-22 އަހަރުގައި ބެން ހުންނާނެ ކަމަށް ލަފާކުރާ ފޮޓޯތައް ހަދާފައިވެ އެވެ. އުގައިލްގެ ޓީމުން ވަނީ ހަ އަހަރާއި 14 އަހަރު އަދި 22 އަހަރުގައި ބެން ހުންނާނެ ގޮތުގެ ފޮޓޯތައް އުފައްދައިފަ އެވެ. އުގެއިލްގެ ޓީމުގެ ފޮޓޯތަކާއި ކުރީގެ ފޮޓޯތައް ވަރަށް ތަފާތެވެ.
އުގައިލް ވިދާޅުވީ ގެއްލިފައިވާ މީހުން ހޯދުމުގައި ފުލުހުންގެ މަސައްކަތަށް ވެސް އޭނާގެ ޓީމުގެ އުފެއްދުމުގެ ސަބަބުން އެހީތެރިކަން ލިބޭނެ ކަމަށް ގަބޫލް ކުރާ ކަމަށެވެ. އަދި ސޮފްޓްވެއާ ޓެސްޓް ކުރުމުގައި ތަފާތު ޕާޓީތަކާ ގުޅިގެން މަސައްކަތް ކުރައްވަމުން ގެންދަވާ ކަމަށް ވިދާޅުވި އެވެ. މީގެ އިތުރުން ސޮފްޓްވެއާ އިތުރަށް ޑިވެލޮޕްކޮށް ބަޔޯމެޓްރިކް ފީޗާ ފަދަ ކަންކަން ހިމެނުމަށް މަސައްކަތް ކުރައްވާނެ ކަމަށް އުގައިލް ވިދާޅުވި އެވެ.
ގެއްލިފައިވާ މެޑެލިން ކެމްކޭން ހޯދުމަށް އުގައިލްގެ ޓީމުން އެހީތެރިވެދޭން ބޭނުންވޭ.
އުގައިލްގެ ޓީމުން އުއްމީދު ކުރަނީ ގެއްލިފައިވާ މީހުން ހޯދުމުގައި މި ސިސްޓަމް ތަޖްރިބާ ކުރުމެވެ. މި ގޮތުން މެއި 2007 ގައި އުމުރުން ހަތަރު އަހަރުގައި ޕޯޗުގަލްގެ ހޮލިޑޭ އެޕާޓްމަންޓަކުން ގެއްލުނު މެޑެލިން މެކްކޭން ފަދަ ކުދިން ހޯދުމަށް ސިސްޓަމުގެ ސަބަބުން އެހީތެރިކަން ލިބޭނެ ކަމަށް އުއްމީދު ކުރެ އެވެ.
އުގައިލް ވިދާޅުވީ މެކްކޭން މިހާރު ހުންނާނެ ގޮތުގެ ފޮޓޯއެއް ސިސްޓަމުން އުފައްދާފައި ނުވި ނަމަވެސް އެފަދަ ފުރުސަތެއް ލިބިއްޖެ ނަމަ އުފާ ކުރައްވާނެ ކަމަށެވެ.
ކުށުގެ ތުހުމަތު ކުރެވޭ މީހުންގެ މޫނުގެ ސިފަތައް އެއްކޮށް، އެ ކަންކަމަށް ބަލައިގެން އެއީ ކާކުކަން ދެނެގަނެވޭ ކެމެރާ ސިސްޓަމެއް އުގައިލްގެ ޓީމުން ވަނީ އިނގިރޭސި ފުލުހުންނަށް ހަދައި ދީފަ އެވެ. ފޭޝަލް ރިކޮގްނިޝަން ބޭނުންކޮށްގެން ކުށްވެރިން ދެނެގަނެވޭނެ ޒަމާނީ ކެމެރާ ސިސްޓަމަށް އުގައިލްގެ ޓީމުން ދީފައިވާ ނަމަކީ "ހޭލޯ" އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލީނާ
17 June 2017
ސާބަހޭ ޢުޤައިލް ސަރ ޓީމަށް.
1234
16 June 2017
ތީގެން ނިކަން ރިލްވާނު ހޯދަބަލަ މޮޅިއްޔާ!
ހަސަން
16 June 2017
ހަސަން ޢުޤައިލަކީ މި ޤައުމު ފަޚުރުވެރިވުން ޙައްޤު ޕްތޮފިސަރެއް. އެކަމަކު އެމަނިކުފާނާ ދޭތެރޭ މި ސަރުކާރުން ކަން ކުރެއްވި ގޮތުން މިހާރު ވަރަށް ފޫހިވޭ.
މާ،މަ
16 June 2017
،އުގެއިލް އު،ޅެނީ މައް،ޝޫރު ކަންހޯދ،ާ ދުނިޔޭތެރޭގެ އެކި ތަންތާގަ އޭނަގެ ނަންކިޔާތޯ. އާ އެހެންޏާ ކުޑަކުޑަ މެޑެލިން ގެ "ގެއްލުމާ" ބެހޭ އެތައް ތަހުގީގެއް ކޮއް އެތައް ޑޮކިއުމެންޓްރީ އެއްހަދާފަ ވަނީ. ތުހުމަތުގެ އިގިލި ދިއްކުރެވެނީ އޭނަގެ ބައްޕަ އާއި މަންމަ އައް. މެޑަލިން ގެއްލުނު ރޭ ހިސާބު އެންމެން ނިކުމެ ހޯދި އިރުވެސް އެދެމަފިރިން ތިބީ ހޮލިޑޭ އެޕާޓްމަންޓް ގަ. ތިބެގެން ދޮވުނީ އެއްޗެއްސާ ތިން. މެޑަލިން ހޯދުމުގެ ނަމުގަ އެތައްލާރިއެއްހޯދާ އެމީހުންގެ ލޯނުތައް އަދާކޮއް ހަދައިފި. އެދެމަފިރިން ސުވާލްތަކައް ޖަވާބު ނުވެސްދޭ. ކިރިޔާ ސުވާލްތައް "އުދަގޫ" ވެލާއިރައް ރުޅިއަސްގެން ނިކުމޭ. އެހެންވެ މެޑެލިން ދުވަހަކުވެސް ދިރިހުއްޓާ ނުފެންނާނެކަން ތި އުގެއިލައްވެސް އެގޭނެ.
ތުއްތު
16 June 2017
ހާދަ ހަސަދައެއް
ހަސަދަ
31 January 2018
ދިވެއްސަކަށްވީމަރުޅިއައީދޯ؟
ބެއްޔާ8
16 June 2017
ދިވެހިން ނުވަތަ ދިވެހި ރާއްޖެ އަދި އުގެއިލް ކަހަލަ ޕްރޮފެސަރުންނަށް ތައްޔާރެއް ނޫން. ދިވެހި ރާއްޖެއަށް ބޭނުން ވަނީ އިރު އޮއްސޭ ގަޑި، ހަށަން ބަންނަން ވީގޮތް މިހަކަލަ އެއްޗިހި ކިޔާވާދެވޭނެ ކަހަލަ ގިނަ ޝޭހުން.
މަވެސް ޕްރޮފެސަރެއް
15 June 2017
ހާދަ ވަރަކަށް އުގެއިލް ޕްރޮމޯޓް ކުރަނީ
އަލީ
15 June 2017
ދިވެހިން މިތިބީ ގެއްލިފައި.
2018
15 June 2017
ހާދަ ވަރަކަށޭ އުގޭލު ބޮޑުގޮނޑިޔަށް ލާން ބޭނުންވަނީ. ދޯ؟؟؟؟
މޫސަ
15 June 2017
މިރާއްޖޭންވެސް ވެއްޖެ ވަރަށްގިނަމީހުން ގެއްލިފާ. ހަސަންފަރީދުވެސްވީ ގެއްލިފާ. މިމީހުންގެ ފޮޓޯތައް ލާގެން ފެނޭތޯ ބައްލަވާދެއްވުން އެދެން.
ތަލަބޯ
15 June 2017
މިއީ ސަޅި އެއްޗަކަށް ވެދާނެއެވެ. އުންމީދުކުރަނީ މީގެ އެހީގައި ގެއްލޭމީހުންނާއި ވަގުންނާއި ދެންތިބިމީހުންވެސް ހޯދޭނެކަމަށެވެ. އެކުން އެހެރަ ފިރިހެންސޮރު 30 އަހަރުވާއިރު ބޮލުގައި ފަތެއްނުހުންނާނެކަމަށް ސިސްޓަމުން ދައްކާތީ ބޮލުގައި ރިއްސައިފިއެވެ.