އިދިކޮޅު އިއްތިހާދުގެ ބޭފުޅުން އިންޑިއާގެ އޮބްޒާވާ ރިސާޗް ފައުންޑޭޝަންގައި. -- ފޮޓޯ: އެމްޔޫއޯ
23 ޖޫން 2016 - 21:55
34 comments
ރައީސް އަބްދުﷲ ޔާމީންގެ ވެރިކަން ބަދަލުކުރުމަށް އިދިކޮޅު ފަރާތްތަކުން އުފައްދާފައިވާ އިއްތިހާދު، މޯލްޑިވްސް ޔުނައިޓެޑް އޮޕޮޒިޝަންގެ މަސައްކަތް ކާމިޔާބު ކުރުމުގައި އިންޑިއާގެ އެހީތެރިކަމަށް އެ އިއްތިހާދުން އެދެފި އެވެ.
އިދިކޮޅު އިއްތިހާދުން މިހާރު އިންޑިއާ އަށް ކުރަމުން ގެންދާ ދަތުރުގައި، އެ އިއްތިހާދުގެ ޝެޑޯ ކެބިނެޓްގެ ފޮރިން މިނިސްޓަރު އަދި ކުރީގެ ރައީސް މުހައްމަދު ނަޝީދުގެ ވެރިކަމުގައި ފޮރިން މިނިސްޓަރުކަން ކުރެއްވި އަހްމަދު ނަސީމް ވިދާޅުވެފައި ވަނީ ރާއްޖެ ހަމަ މަގަށް ގެންނަން އިންޑިއާގެ އެހީތެރިކަން ވަރަށް ބޮޑަށް ބޭނުންވާ ކަމަށެވެ.
"ރާއްޖޭގެ މައްސަލާގައި އިންޑިއާ އަށް މިހާރަށް ވުރެ ބޮޑު ދައުރެއް އަދާކުރެވޭނެ ... ޑިމޮކްރަސީ އަނބުރާ ގެންނަން އިންޑިއާގެ އެހީތެރިކަން ބޭނުންވޭ،" އިންޑިއާގެ އޮބްޒާވާ ރީސާޗް ފައުންޑޭޝަން (އޯއާރްއެފް)ގައި ނަސީމް ވިދާޅުވި ކަމަށް އެ ޖަމިއްޔާ އިން ބުނެފައިވެ އެވެ.
ނަސީމް ތުހުމަތުކުރެއްވި ގޮތުގައި ރައީސް ޔާމީން މަސައްކަތްކުރައްވަނީ ރާއްޖޭގައި ހުދުމުހުތާރު ދައުލަތެއް ގާއިމުކުރެއްވުމަށެވެ. އަދި ރާއްޖޭގައި އިސްލާމިކް ސްޓޭޓް (އައިއެސް)ގެ ހަރަކާތްތައް ހިނގާ ކަމަށާއި ރައީސް ޔާމީންގެ ކޯލިޝަނުން އެކަމަށް ތާއީދުކުރާ ކަމަށް ވެސް ނަސީމް ވަނީ ތުހުމަތުކުރައްވައިފަ އެވެ.
"ރާއްޖޭގެ ގާނޫނު އަސާސީ އަށް ރުޖޫއަވެ، މިނިވަންކަމަށް އިހުތިރާމްކޮށް އަދި ޑިމޮކްރަސީ ސަލާމަތް ކުރެވެން އޮތް ހަމަ އެކަނި ގޮތަކީ ރައީސްކަމުގެ މަގާމުން ޔާމީން ދުރުކުރުން،" އޯއާރްއެފް އިން ނެރުނު ބަޔާނުގައި، ނަސީމް ވިދާޅުވި ކަމަށް ލިޔެފައިވެ އެވެ.
އޭނާ ވިދާޅުވެފައި ވަނީ ދުނިޔޭގެ ސިޔާސީ ބޮޑެތި މައްސަލަތަކުގެ މައިގަނޑު އަމާޒަކަށް އިންޑިއާ ކަނޑުގެ ސަރަހައްދު ވަމުން އަންނައިރު ދިވެހިރާއްޖެ އަކީ ނުރައްކާތެރި، އިތުބާރު ނުކުރެވޭ އަދި ފެއިލް ވެފައިވާ ދައުލަތަކަށް ބަދަލުވަމުން އަންނަ ކަމަށާއި މިއީ ވަރަށް ބޮޑު ހިތާމައެއް ކަމަށެވެ. އަދި އިންޑިއާ އާއި ޗައިނާގެ މަސްލަހަތަށް ބެލުމުގައި އެއްވެސް ހަމައެއް، ރޭވުންތެރިކަމެއް ވެސް ރައީސް ޔާމީން ނުގެންގުޅުއްވާ ކަމަށް ނަސީމް ވަނީ ވިދާޅުވެފަ އެވެ.
ރާއްޖޭގެ ގާނޫނު އަސާސީ އަށް ރުޖޫއަވެ، މިނިވަންކަމަށް އިހުތިރާމްކޮށް އަދި ޑިމޮކްރަސީ ސަލާމަތް ކުރެވެން އޮތް ހަމަ އެކަނި ގޮތަކީ ރައީސްކަމުގެ މަގާމުން ޔާމީން ދުރުކުރުން: ނަސީމް
ރައީސް ޔާމީނާއި ސަރުކާރަށް ބޮޑެތި ތުހުމަތުތަކެއް ކުރައްވަމުން ނަސީމް ވިދާޅުވެފައި ވަނީ އެންމެ ފަހުގެ ރިޔާސީ އިންތިހާބުގެ ނަތީޖާ އެމްޑީޕީން ގަބޫލުކުރި އިރު ޔާމީން މިހާރު އަމަލުކުރައްވާ ގޮތަށް އަމަލުކުރައްވަފާނެ ކަމަށް ހިއެއް ނުކުރެ އެވެ. އޭނާ ވިދާޅުވެފައި ވަނީ ރައްޔިތުންގެ މަޖިލީހާއި މިނިވަން މުއްސަސާތައް ވެސް ވަނީ ރައީސް ޔާމީން ހައިޖެކް ކުރައްވާފައި ކަމަށެވެ. މީގެ އިތުރުން، ތިމާވެށީގެ ހިމާޔަތަށް ރާއްޖޭން ކުރާ މަސައްކަތަށް ވެސް ހުއްޓުން އައިސްފައިވާ ކަމަށާއި ތައުލީމީ ނިޒާމު ވެސް ޑިމޮކްރަސީއާ ދުރަށްދާ ކަމަށް ނަސީމް ވިދާޅުވެފައިވެ އެވެ.
އިދިކޮޅު އިއްތިހާދުން ވާހަކަ ދެއްކެވި ބޭފުޅުން ވިދާޅުވެފައި ވަނީ އެ އިއްތިހާދުން މަސައްކަތް ކުރަނީ ރާއްޖޭގައި ޑިމޮކްރަސީ އިއާދަކުރަން ކަމަށާއި އެކަމަށް އިންޑިއާގެ އެހީތެރިކަން ބޭނުންވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަން
27 June 2016
އެމްޑީޕީއަކް މަދާއީދެން ނުކުރާނަން.
އިބިރިހިން ތައްކާނު
24 June 2016
މާތްކަލާކޮ! މި ނަސީމުތަ ފޮރިންމިނިސްޓަރަކީ؟ ހަމަ ހަދާންއެބަހުރި އައިޖީއެމްއެޗް އާއި ޙަވާލުކުރުމުން ކުރިމަތީގައި އޮތްބިމުގައި މެކްޑޮނަލްޑެއް ހަދަން އުޅުނުހަދާން. ތިކަހަލަ ކޮހުން ޝެޑޯކެބިނެޓްގައި ތިބެންޏާ ވާނެއެތި އެންމެނަށްވެސް އެގޭނެ.
ޒާ
24 June 2016
ފިޔާ ކިލޯއާއި ހިލަޓަނަށް ސަލާން ޖެހިދުވަސް މާޒީގަ އޮތީ. މޮޔަވީތަ؟
އަލިފުތު
24 June 2016
މަށަކީވެސް މިގައުމުަގއި ދިރިއުޅޭ މީހެއް. އެބުނާ އިގިރޭސިވިލާތާއި، އެމެރިކާ އަށް ކިތައްމެ ފަހަރަކު ދިޔައިން. އަދި އެހެން ބައެއް ގައުމުތަކަށްވެސް ގޮސްފިން. އެގައުމުތަކުގައި އޮތް މިނިވަންކަމުން ރާއްޖޭގައި ނެތީ އެއްޖިންސުން ކައިވެނިކުރުމާއި، ބޭނުން ދީނަކަށް އުޅުމުގެ މިނިވަންކަން. މިގައުމުގައި އިންސާނަކު ދިރިއުޅެން ދީނުގައި ހުއްދަކުރާ ހުރިހާ މިނިވަންކަމެއް އެބައޮތް. ޑިމޮކޮރަސީވެސް މިގައުމުގައި ވަރަށް ފުރިހަމަ. ވެރިކަން ކުރުމަށް ބައެއްފަހަރު ޚުދު މުޚުތާރުކަން ވެސް ބޭނުންވޭ. ކެންރީގެ ނަޝީދުގެ ރައީސްކަން ގެއްލުނީވެސް ޚުދުމުޚުތާރުކަން ބޭނުންކުރަން ނޭގުނީމާ. ދެން މިގައުމަށް ގައުމު ގައުމު ތަކުގެ ވަފުދުތައް ގެނެސް އައިއެސް ޖަމާޢަތަށް ސަރުކާރު ކުރާ ތާއީދު ދައްކަބަލަ. އެއީ ވާނެ ކަމެއްނޫން. މިއަށްވުރެ އަމާން ސުލްޙަވެރި ހަމަޖެހޭ ގައުމެއްނެތް. އިރާދަ ކުރެއްވިއްޔާ ޔާމީންގެ ޓާމް ނިމޭއިރު ކޮންމެ ދިވެހި ރައްޔިތަކީ ފައިސާވެރި މީހަކަށްވާނެ. ބޭރުދުނިޔޭގެ ގައުމުތަކުން ޝައުގުވެރިވެގެން ރާއްޖެއަށް ނަފާ ލިބޭގޮތަށް އަންނާނެ. ވީމާ ދިވެހި ގައުމު ބަދުނާމު ކޮށް ބޭރު ގައުމު ތަކުގައި ވާހަކަ ނުދައްކާ
އަހުމަދު
24 June 2016
ތިކަމުގެ ބަދަލަކަށް އެއަރޕޯޓް ހުށައަޅާ 50 އަހަރަށް.އިންޑިޔާ އަކަށް ނުކުރޭނެ ތިކަމުގެ ތެރެއަށް ވަންނަން.ޖިއޯ ޕޮލިޓަކް ސްކްޓްރަމް އޮތީ މިހާރު ބަދަލުވެފަ.އިންޑިޔާ ކިތަންމެ ބޮޑަސް ރާއްޖެ ހިތްހަމަ ނުޖެހޭނެ ކަމެއް ކުރަން ކެރޭނެ ކަމަކަށް ނުބެލެ އެއީ ރާއްޖެއާއި ޗައިނާގެ އޮތް ގުޅުމުގެ ސަބަބުން.
ލުގުމާން
24 June 2016
ޑިމޮކްރަސީ އިޔާދަ ކުރާށޭ ބުނާއިރު ލަދު ކޮބާއިތޯ؟ 1- ދައުލަތުގެ މީޑިއާ ޓީވީއެމް ހަވާލުކުރެވުނުތޯ މަޖިލީހުން އުފެއްދި އެމްއެންބީސީއާއި 2- މާލޭގެ ބިންތަށް އެއްވެސް ހަމައެއް ނެތި ވިއްކައި ކުއްޔަށް ދޫކުރަމުން ދިޔައިރު 3- ރަށްރަށާއި ފަޅުފަޅު އެއްވެސް އިއުލާނެއް ކުރުމެއްނެތި ގާތްމީހުނަށް ބެހިއިރު 4- ދައުލަތުގެ ކުންފުނިތަށް ވިއްކައި ކުއްޔަށް ދިންއިރު 5- ސިވިލްސާވިސް ކުޑަކޮށް އެކި ނަންނަމުގައި ކޯޕަރޭޝަންތަށް ހަދަމުންދިޔައިރު 6- ބޭކާރު ޚަރަދު ދައުލަތުގެ ފައިސާއިން ކުރަމުންދިޔައިރު މިސާލަކަށް އައްޑޫ ކޮންވެންޝަން ސެންޓަރު 7- އެއްވެސް ހަމައެއް ލަމައެއްނެތި ދެވަނަ ފުރުސަތޭ ބުނެ އެތަށް ސަތޭކަ ކުށްވެރިންތަކެއް މުޖުތަމައަށް ދޫކޮށްލީ 8- ދުވާލަކު ދެދަޅަޔަށް މަގުމަތީގަ މުޡާހަރާ ކުރަމުންދިޔައީ 9- އެއްވެސް ހައްގެއް ނެތި ދުވާލަކު ދެދަޅަޔަށް ސިޔާސީ މީހުން ހައްޔަރުކުރަމުން ގެންދިޔައީ، އެއްމެގިނައިން ހައްޔަރު ކުރިމީހާ މިހާރު އެއްމެ އަރިހުގައި ތި އިންނެވީ 10- ގާނޫން އަސާސީ އާޚިލާފަށް ކޯޓެއްގެ ގާޒީއަކު ހައްޔަރުކޮށް ގެއްލުވާލީ 11- ބޭރުގެ ފަރަންޖީންނަށް ރައީސް އޮފީހުން ވަޒީފާދިނީ 12- ގުންޑާއިން ފޮނުވާ އިދިކޮޅުމީޑިއާތަކަށް އަނިޔާކޮށް ރޯކޮށް ހެދީ މިހެންގޮސް ކިތަށްމެ ކަމެއް އަދިވެސް ކީދާނެ... ދެން ޑިމޮކްރަސީ އިޔާދަ ކުރާށޭބުނީމާ ވަރަށް ރީއްޗެއް ނޫންތޯ؟
މުހައްމަދު
24 June 2016
ކޯލިޝަންގެ ފިޔަގަނޑު ފުޅާވަމުން ދާތަން މިފެންނަނީ. ގާނޫނީ އިމުގެ ތެރެއިން މިކަން ކުރެވޭނެ، އަދި އެކަމުގަ ކަންކަން ކުރާނެ ގޮތުގެ ލަފާ އިންޑިޔާއިން ލިބޭނެ. ބަގާތްވާތްކޮށްގެން ވެރިކަން ވައްޓާލާ، ކޯނީ ރިޕޯޓެއް ހަދައި ދެލޯކުރިމަތީ ފެނުންކަމެއް ނުވާ ކަމަކަށް ހަދާފަ ލިޔުނަކަސް އެ ގަބުލު ކުރާނެ ބަޔަކު ނުތިބޭނެ. ރިޕޯޓާއި އޭތިމީތި ހޭދޭނަމަ، ގާނޫނުން ވެރިކަން ބަދަލު ނުކުރެވެންވީ ކީއްވެތޯ. ކުރެވޭނެ އިގޭތޯ.
މަސްރޮށި
24 June 2016
ފިލި ކޯލިޝަނުން ބަޔަކު އަޅާނުލީމަ ... ތެޅި ފޮޅެނީ..
ނުރަބޯ
24 June 2016
ތިޔަށްކިޔަނީ ގައުމުގެ ދާޚިލީ ކަންކަމަށް ބޭރުގެ ނުފޫޒު ވެއްދުން.....!!!
ދޮންދީދީ
24 June 2016
އަޅެ މިގައުމުގެ ވާހަކަ ބޭރުގާ ތިބެގެން ނުދައްކަބާ! މިތަނަށް އައިސްތިބެ ދައްކަބާ! އެއިރުން ނޫހަކުން ތިކަމަކާ ނުބެހޭނެ ނޫންތޯ؟ ޕްލީޒް ނުދައްކަބާ.