ފްލެޓް ދިން ގޮތާ މެދު ހިތްހަމަނުޖެހިގެން ހައުސިން މިނިސްޓްރީ އަށް މިއަދު ބަޔަކު ޝަކުވާ ހުށަހަޅަނީ: ފްލެޓް ލިބުނު މީހުންގެ ލިސްޓު އާއްމުނުކޮށްގެން ގިނަ ބަޔަކު ދަނީ ކަންބޮޑުވުންފާޅުކުރަމުން. --ފޮޓޯ: ނިޝާން އަލީ/ މިހާރު
17 ސެޕްޓެމްބަރ 2017 - 14:28
42 comments
މި ސަރުކާރުން ހުޅުވައިލި ބޯހިޔާވަހިކަމުގެ ފުރަތަމަ މަޝްރޫއުން ފްލެޓް ދިން ގޮތާ މެދު ހިތްހަމަނުޖެހިގެން ގިނަ އަދަދެއްގެ ބަޔަކު މިއަދު ވެސް ހައުސިން މިނިސްޓްރީ އަށް ޝަކުވާ ހުށަހަޅައިފި އެވެ.
ފްލެޓަށް ޝަރުތު ހަމަވީ މީހުންގެ ލިސްޓު އާއްމުކޮށް، ޝަކުވާ ހުށަހެޅުމުގެ ފުރުސަތު ދީފައި އޮތީ މިއަދުގެ ނިޔަލަށެވެ. މި މަޝްރޫއުގައި ހުޅުވައިލި ދެ ކެޓަގަރީން ފްލެޓް ދޫކުރި ގޮތް އޮޅުންފިލުވައިދޭން ފުލުފުލުގައި ގިނަ އަދަދެއްގެ ޝަކުވާ ވަނީ ހުށަހަޅައިފަ އެވެ.
އެންމެ ގިނަ ބަޔަކު ޝަކުވާ ހުށަހެޅީ ފްލެޓް ދިނީ ކިތައް ޕޮއިންޓުންތޯ ސާފުކޮށްދޭން އެދި އެވެ.
ފްލެޓް ދިން ގޮތާ މެދު ހިތްހަމަނުޖެހިގެން ހައުސިން މިނިސްޓްރީ އަށް މިއަދު ހުށަހަޅާފައިވާ ސިޓީތަކެއް. --ފޮޓޯ: ނިޝާން އަލީ/ މިހާރު
"އަހަރެންނަށް އެބައޮތް 98 މާކްސް ލިބިފައި، އަހަރެންނަށް ވުރެ މާ ތަނަވަސްކޮށް އުޅޭ 70 ޕޮއިންޓް ލިބުނު މީހަކަށް އެބައޮތް ފްލެޓް ދީފައި. މިއީ ކޮންކަހަލަ އިންސާފެއްތޯ ސާފުކޮށްދޭން އަޅުގަނޑު މި އެދުނީ،" ހައުސިން މިނިސްޓްރީގައި ހުރި ހަސަން މުހައްމަދު ބުންޏެވެ.
އެހެން މީހަކު ބުނި ގޮތުގައި މިފަހަރު ފްލެޓް "ބެހީ" ރައީސް އަބްދުﷲ ޔާމީން ކެމްޕޭން އޮފީހުން ބައެއް މީހުންނަށް ގުޅައި މައުލޫމާތު އެއްކުރުމަށް ފަހު އެވެ. އޭނާގެ ފްލެޓް ކެޓީ، ސަރުކާރާ މެދު ހިތްހަމަނުޖެހުން ފާޅުކުރުމުން ކަމަށް ގަބޫލުކުރެވޭ ކަމަށް ބުންޏެވެ.
"ރައީސް ޔާމީންގެ ކެމްޕޭން އޮފީހުން ގުޅާފައި މި އަހަނީ ސަރުކާރުގެ އިގްތިސާދީ ސިޔާސަތާއި ބޯހިޔާވަހިކަމާއި އެހެން ވައުދުތައް ކުރިއަށް ދާ ގޮތާ މެދު ހިތްހަމަޖެހޭތޯ. އަޅުގަނޑު ބުނީ އެއްގޮތަކަށް ވެސް ކަމަކުނުދޭ، އުއްމީދުކުރި ގޮތާ ޚިލާފަށް ރައްޔިތުންނަށް އަނިޔާވެރިވަމުންނޭ ދަނީ. އެހެން ބުނެގެން ކަމަށް މި ގަބޫލުކުރަނީ ފްލެޓް ކެޓީ،" އޭނާ ބުންޏެވެ.
ފްލެޓް އިން އުސޫލް ހާމަކޮށްދޭން އެދި މީހަކު ހައުސިން މިނިސްޓްރީ އަށް މިއަދު ޝަކުވާ ހުށަހަޅަނީ. --ފޮޓޯ: ނިޝާން އަލީ/މިހާރު
ފްލެޓް ދޭންވެގެން ރައީސް ޔާމީން އޮފީހުން މީހުންނަށް ގުޅި ކަމަށް ކުރާ ތުހުމަތު ހައުސިން މިނިސްޓްރީން ވަނީ ދޮގުކޮށްފަ އެވެ. ހައުސިން މިނިސްޓްރީން ބުނެފައި ވަނީ، ފްލެޓް ދިނުމުގެ ހުރިހާ ކަމެއް ވެސް ކުރިއަށް ގެންދިޔައީ އެ މިނިސްޓްރީގެ ބެލުމުގެ ދަށުން ކަމަށެވެ.
މިފަހަރު ފްލެޓަށް ޝަރުތު ހަމަވީ 661 މީހުންގެ ލިސްޓު އާއްމުކުރީ، އެއީ ކޮން ބައެއް ކަން ސިއްރުކޮށްފަ އެވެ. މީގެ ކުރިން ކުރިއަށް ގެންދިޔަ ބޯހިޔާވަހިކަމުގެ ހުރިހާ މަޝްރޫއުތަކެއްގައި ވެސް ފްލެޓް ލިބުނީ ކޮން ބައަކަށް ކަން އާއްމުކުރި އެވެ. ފްލެޓް ދިން ގޮތާ މެދު ހިތްހަމަނުޖެހިފައި ތިބި މީހުން ބުނި ގޮތުގައި ލިސްޓް އާއްމު ނުކުރީ، ސަރުކާރުން ބޭނުން ބަޔަކަށް ފްލެޓް ދީފައި އޮތުމުންނެވެ. އެކަމަކު ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވެފައި ވަނީ ހަމައެކަނި ފޯމު ނަމްބަރާ އެކު ލިސްޓު އާއްމުކުރީ ފްލެޓް ލިބުނު މީހުންގެ ހައްގުތައް ރައްކާތެރިކޮށް ދިނުމަށް ކަމަށެވެ.
ފްލެޓް ދިން މީހުންގެ ލިސްޓު އާއްމުކޮށްދޭން އެދި ރައްޔިތުންގެ މަޖިލީހުގެ މާލޭ ދާއިރާތަކުގެ މެމްބަރުންނާއި މާލޭ ސިޓީ ކައުންސިލްގެ ކައުންސިލަރުން ވެސް ވަނީ ހައުސިން މިނިސްޓްރީ އަށް ވަޑައިގެންފަ އެވެ. އެކަމަކު އެ މިިނިސްޓްރީގެ އެއްވެސް އިސް ވެރިއަކު އެ ބޭފުޅުންނާ ބައްދަލެއް ނުކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންޕުލަސް
18 September 2017
މަ މެން ޕިންކީ ކޮބާ؟
ކަލޭފާނު
18 September 2017
ކުރިން އިޢުލާން ކުރި ބޯހިޔާވަހިކަމުގެ ޕްރޮގްރާމްތަކުގަ ވެސް ނަން ހާމައެއް ނުކުރޭ. ގެޒެޓްގަ ލިސްޓު އިޢުލާން ކުރިއިރު ހަމަ ފޯމު ނަންބަރު އެކަނި ޖަހާފަ އިންނާނީ
ބުރާންޗޯ
18 October 2017
ހުސްދޮގު، ކުރިން ނަމާއި އައިޑީކާޑު ނަންބަރު އިއުލާން ކުރަނީ، ކުރިން އިއުލާނެއް ނުކުރާނެ ފޯމު ނަންބަރެއް،
ރަބަރު
18 September 2017
މަގޭ ޝަކުވާއެއް ސުވާލެއް ނެތެވެ. ޝަކުވާކުރަނީ މިގައުމުގެ މިއަދު ނެއެނގޭ ނުވަތަ އެނގިތިބެ ނެއެނގޭކަމަށް ހެދިގެން އުޅޭމީހުންނެވެ. މަގޭ ޝަކުވާ އޮތީ މަގޭ އަމިއްލަ ނަފްސާއެވެ. މިއަދުގެ މިހާލަތު ގެނައުމުގެ ބައިވެރިއަކަށްވީ ކީއްވެގެންހޭ؟ ދެރަވަނީ އަދި ހިތާމަކުރަނީވެސް މިކަމާއެވެ.
އާމިނަ
18 September 2017
ޕީޕީއެމުގެ ބޭފުޅުން ވިސްނާލުން މުހިއްމު. މީ ތެދު ހަޤީގަތްކަން އެގޭ. ނަމަވެސް ހަނުހުންނަވަނީ ނަފްސު ވިއްކާލެވިފައި ވީމަ ނޫންތޮ.
ހަބީބު
18 September 2017
5 އަަހަރު ނިމުމުގެ ކުރިން ލިބޭނެބާދޯ މަށައްވެސް 50 ޕޮއިންޓް ލިބުނު
ސުމެއް
17 September 2017
މިއީވެސް މިހާތަނަށް މިގައުމުގައި ހިންގި ބޮޑެތި ޖަރީމާތަކުގެތެރޭން ޖަރީމާއެއްކަން ކަށަވަރުވެއްޖެ. ފްލެޓް ލިބުނު މީހުންގެ ވަނަވަރު އާއްމުވަމުންދާވަރަކަށް މިކަން ދަނީ އެނގެމުން!!!
ޒަމީރު
17 September 2017
ކިހާ ދެރަކަމެއް! ދުވާލަކު ދެ ދަޅާޔަށް ފްލެޓޭކިޔައިގެން ކޮންމެވެސް މޮޅު ރިޕޯޓެއް ހަދާފަ ގޭސް އަނބުރަން ބައެއް މީޑިއާ ތަކުން ވަރަށް މަސައްކަތް އެބަ ކުރޭ! ރައީސް ޔާމީންގެ ބޯހިޔާވަހިކަމުގެ ވައުދުގެ ދަށުންނެ އެއްވެސް މީހަކު ބާކީކުރުމެއް ނެތި 15،000 މީހުނަށް ބޯހިޔާވަހިކަން ހާސިލްކޮށްދެވޭނެ އިންޝާﷲ! ދެން ރައީސް ގެ ކެންޕޭން އޮފީހުން ގުޅާފަ ދިން ކަމަށް މިވަނީ! އެހެންވީމަ ލިބެން ވާނީ ހުސް ޕީޕީއެމް މީހުނަށްތާ! އެމްޑީޕީ މީހުނަށް ލިބިގެން ނުވާނެތާ! ލިބުުނުވާޙަކަ ބުނާ އިރަށް ބުނާނެ އެއީ ފޯނުން ބުނީ އޭ ތާއީދު ކުރަމޭ! އެހެންވިއްޔާ އެންމެނަށްވެސް އެގޮތް އޮތެއް ނޫންތަ؟
އަރޫ
18 September 2017
ތިބޭފުޅާއަކީވެސް ކޮރަޕްޝަނަކީ ތޮބީޢީކަމެއް ކަމަށް ޤަބޫލުކުރާ ބޭފުޅެއްކަން އެނގި ހާމަވެއްޖެ
ޫުުބގޖ
17 September 2017
ނާޒިމް ފްރޭމްކޯށް ޖަލައްލީ އިންސާފުން. މމޕރސ ގެ ފައިސާއަށް ހިޔާނާތްތެރިވީ މީހން އެތިބީ ޖަލުގައި. ގައުމު ދަނީ ކުރިޔަށް. ﷲގެ ވާގިފުޅާއެކު ހުރިހާ މީހުންނަށްވެސް ފްލެޓް ލިބޭނެ.
ދޮންފުތުބޭ
17 September 2017
ދޭނެ މީހަކަށް ދިނަސް، އަދި ނުދޭނެ މީހަކަށް ނުދިނަސް ކުރެވޭނެ އެއްވެސްކަމެއް ނޯންނާނެއެވެ. ބާޠިލޭ، އަނިޔާއޭ، ބޭއިންޞާފޭ، ނުޙައްޤޭ، ބުނުމަކުން، ލިބޭނެ ފްލެޓެއްވެސް ނޯންނާނެއެވެ. ރުޅިއަޔަސް ލޯބިވިޔަސް ފަރުވާލެއްނެތެވެ. ޕީޕީއެމް ބާރު ދުވެލީގައި މައުމޫނާއި ނުލާ ދާނީ ކުރިއަށެވެ. ނުރުހުންވާ މީހާ ޖެހޭނީ ނުރުހުންވެފައި ހުންނާށެވެ. އެއްވެސް ވުޒާރާއަކުން، ކޯޓަކުން، މުޢައްސަސާއަކުން ލިސްޓަށް އެއްވެސް ބަދަލެއް ނުގެންނާނެއެވެ. ޕޮއިންޓް ލިބުނަސް، ނުލިބުނަސް އެއޮތީ، އެކަން ނިންމާފައެވެ. މިކަމާބެހޭގޮތުން އެހެންމީހަކަށް ކުރެވޭނެކަމެއްވެސް އަދި ބުނެވޭނެބަހެއްވެސް ނޯންނާނެއެވެ.
ފޮނިޓައްޕު ހަސަނު
17 September 2017
ފްލެޓް ލިބޭނެ ކަމަށް ޕިންކު ހެދިގެން ތިބި މީހުންނަށް ވެސް އެދިނީ ކޮޅުކެހި. 2018 ގައި ޔާމީނަށް ވޯޓް ހޯދަން ތިކުރާ މަަަސައްކަތުގެ ރިޒަލްޓު ތިދައްކަނީ ދިމާ އިދިކީލަކޮށް. ހީހީ ހަލާކު.