އައްޑޫ ސިޓީއަށާއި ދެކުނުގެ ރަށްތަކަށް ފޮނުވާ އިންޖީނުތައް ލޯޑް ކުރަނީ-- ފޮޓޯ: ފެނަކަ
07 އޮކްޓޯބަރ 2017 - 21:57
6 comments
އައްޑޫ އިންޖީނުގޭގައި ހުރި ޖަނަރޭޓަރުތަކުގެ ތެރެއިން މައްސަލަ ޖެހުނު ހަތަރު އެއް ޖަނަރޭޓަރު ހަދައި ކަރަންޓު ދޭން ފަށާފައިވާ ކަމަށް ފެނަކަ ކޯޕަރޭޝަނުން ބުނެފި އެވެ.
ހިތަދޫ، މަރަދޫ، މަރަދޫފެދޫ އަދި ފޭދު އަށް ކަރަންޓް ދޭ މަރުކަޒީ އިންޖީނުގޭގެ ހަތަރު ޖަނަރޭޓަރު މައްސަލަ ޖެހިގެން ކަރަންޓު ކެނޑުމަކީ އާންމުވެފައި އޮތް މައްސަލައެކެވެ. މިކަމާ ގުޅިގެން އާންމު ދިރިއުޅުމަށް ވެސް ވަރަށް ބޮޑަށް ބުރޫ އަރާފައިވެ އެވެ. ކަރަންޓް ދިނުމަށް 11 ޖަނަރޭޓަރެއް ބޭނުން ކުރެއެވެ.
ފެނަކައިގެ މެނެޖިން ޑިރެކްޓަރު އަހުމަދު ޝަރީފް މިރޭ މިހާރު އަށް ވިދާޅުވީ ހަލާކުވި ޖަނަރޭޓަރުތަކުގެ ތެރެެއިން އެއް މެގަވޯޓްގެ ޖަނަރޭޓަރެއް މަރާމާތުކޮށް މިއަދު ހިދުމަތް ދޭން ފަށާފައިވާ ކަމަށެވެ.
"ދެން ހަލާކުވެފައިވާ ތިން ޖަނަރޭޓަރުގެ ސްޕެއާޕާޓްސް އެއް ރާއްޖެއަކުން ނުލިބޭ، އެހެން ވީމަ އެޖަނަރޭޓަރުތައް ހެދުމަށް ވަގުތު ނަގާނެ،" އޭނާ ވިދާޅުވި އެވެ.
ޝަރީފް ވިދާޅުވީ އައްޑުއަށް ފޮނުވާ 1.2 މެގަވޯޓުގެ ޖަނަރޭޓަރަކާއި އެއް މެގަވޯޓުގެ ޖަނަރޭޓަރެއް މިރޭ ފުރުވާލެވޭނެ ކަމަށާއި އެ ދެ ޖަނަރޭޓަރު އައްޑޫ ސިޓީއަށް ދެ ދުވަހުގެ ތެރޭގައި ގެންދެވޭނެ ކަމަށެވެ. އެއާއެކު ކަރަންޓްގެ މައްސަލައަށް ދާއިމީ ހައްލެއް ލިބިގެންދާނެ ކަމަށް ޝަރީފް ވިދާޅުވި އެވެ.
އައްޑޫގެ އިތުރުން ފެނަކައިން މިރޭ ވަނީ ފުވައްމުލަކަށް 1.2 މެގަވޯޓުގެ ޖަނަރޭޓަރަކާއި ލ. ފޮނަދޫއަށް އެއް މެގަވޯޓުގެ ޖަނަރޭޓަރެއް ފޮނުވުމަށް ނިންމާފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔުނިސާފްގެ ފާއިޒްގެ ކާފަގެ ބައ
08 October 2017
އަހަރެން މާދަމާ ތިކަން ނިންމާލާނަން.
ދަވޭ
08 October 2017
ރާއްޖެތެރެއަށް ކަރަންޓް ދީގެން ސަރުކާރަށް މަހަކު 10 މިލިއަން ރުފިޔާ ގެއްލުންވާ ނަމަ އެކަން އިތުރަށް ތަރައްގީ ކުރަން ސަރުކާރުން ރާއްޖެތެރޭގެ ކަރަންޓަށް އޭޑީބީ ތަންތަނުން ލޯން ނަގައިގެން އިންވެސްޓް ކުރުމަކީ އެއީ ފޫނެތް ފަޔަށް ފެން ފުރުން ފަދަ ކަމެކޭ. އެކަން ނުކޮށް ރާއްޖެތެރޭގެ 25 ހާހުން ދަށުގެ އާބާދީ ތައް މާލެ ސަރަހައްދަށް ބަދަލު ކުރަން މާލެ ސަރަހައްދުގައި އަހަރަކު 25 ހާސް ހައުސިންގް ޔުނިޓްސް ހިމެނޭ ފްލެޓްސް ތައް އިމާރާތް ކުރުމޭ މީގައި އިގްތިސާދީ ގޮތުން ވެސް އަދި ފައިސާގެ ގޮތުން ވެސް ގައުމަށް އެންމެ ފައިދާ ބޮޑީ، މިކަންކަން ދަނެގަންނަން ޖެހޭނެއޭ ސަރުކާރުގެ މަތީ ލޭޔަރ އިން ކޮންމެ ގޮތެއް ވިނަމަވެސް.
ސަންމޭ
08 October 2017
ޢައްޑޫއަށް ކީއްކުރާ ޖރނަރޭތަރ އެއްތަ ހުރިހާ ވެރިން މށލޭގަ އުޅެނީ ހެހެހެ
އާމިނަތު މީނާޒް
07 October 2017
ސެންޓުރަލް ޕަވަރ ސުޓޭޝަން އައްޑޫ ސިޓީ އިން ކަރަންޓު ފޯރުވައިދެމުން ގެންދާ ރެޒިޑެންޓު އޭރިއާގެ އިތުރުން އައްޑޫ ރީޖަނަލް ޕޯރޓު، ގެން އިންޓަރނޭޝަނަލް އެއަރޕޯރޓު އަދި މީގެ އިތުރުން ޕުރޮޖެކު އޮފް ޕޮލިސް އެކަޑަމީ އާދެ މިއިން ކޮންމެ ތަނަކަށްވެސް މަތީ އަދަދަކަށް ކަރަންޓު ބޭނުން ކުރަމުންގެންދެއެވެ. ޚަބަރުގައި މިކަންތައް ހިމަނާފައި ނެތުމުން މިނައުލޫމާތު ހިއްސާކޮށްލީއެވެ.
ބެއްޔާ އައްޑޫ
07 October 2017
މިމީހުން ތެދެއް ނަހަދާނެ. ޢިއްޔެގަ ބުނީ ހަފުތާ ބަންދުގައި އިންޖީނުތައް އައްޑުއަށް ފޯރާނެ ކަމަށް. މިއަދު އެބުނީ މިރޭ ފުރުވާލާނެ ވާހަކަ. ކަލޭމެން ރައްޔިތުންގެ ކަންކަމާއި ހަވާލުވެ ތިބެން ލަދެއް ނުގަނޭތަ
ގިވްއިން
07 October 2017
އައްޑޫގައި ހަލާކުވި އެއް ޖަނަރޭޓަރު ހަދައި ހިދުމަތް ދޭން ފަށައިފި ނަމަ އެކަމާއި މަމެން އުފާ ކުރަމޭ. ފެނަކައިގެ އެމްޑީ ވިދާޅުވާ ގޮތުން މަހަކު 10 މިލިއަން ރުފިޔާ ގެއްލުންވެއޭ ފެނަކައަށް. ކަން މިހެން ހުރުމުން މިކަން ދަށް ކުރުމަށް ޓަކައި ސަރުކާރުގެ އިކޮނޮމިކް ކައުންސިލުން އެބަޖެހޭ މާލެ ސަރަހައްދުގައި އަހަރަކު 15 ހާސް ފްލެޓްސް ތައް އަޅާ މަހު ކުއްޔަކީ އެއީ 1 ހާސް ރުފިޔާ އަދި ޑައުން ޕޭމެންޓް އަކީ ވެސް 1 ހާސް ރުފިޔާ ކަމުގައި ހަދާ މާލެ ސަރަހައްދުން 1 ހާސް އަކަފޫޓް ގެ ބިމެއް ނެތް ކޮންމެ މީހަކަށް މި ގޮތުން އަޅާ ފްލެޓްސް ތައް ކުއްޔަށް ދޭން. އެއިރުން ދެން ރާއްޖޭގެ އާބާދީގެ ތެރޭން 45 ހާސް މީހުން މާލެ ސަރަަހައްދަށް މައިގްރޭޓް ކުރާނެ ނޫންތޭ އެހެން ވެއްޖެނަމަ 5 އަހަރު ފަހުން ފެނަކަ އަށް މިހާރު މަހަކު ގެއްލުންވާ 10 މިިލިއަން ރުފިޔާ ހަދާލެވޭނެ އޭ 10 ހާސް ރުފިޔާ އަށް. މިކަން މިއުސޫލުން ކުރަންވީއޭ. ގިވް އިޓް ވެން އައި ވޯންޓް އިޓް، ކްއެންޗް އަވަރ ޑިޒައާރ. ގިވް އިން ޓު މީ ގިވް އިން ޓު މީ ގިވް އިން ގިވް އިން.