ރާއްޖެ ގެންދާނެ ކަމަށް ބުނެ ފައިސާ އަތުލައި އޮޅުވާލި މައްސަލައިގައި ތައިލެންޑް އަންހެނުންތަކެއް މައްސަލަ ފުލުހުންނަށް ހުށަހަޅަން ގޮސްފައި. - ފޮޓޯ: ދަ ނޭޝަން
20 އެޕްރީލް 2018 - 17:56
ރާއްޖޭގައި ވަޒީފާ އަދާކުރުމުގެ ފުރުސަތު ދޭނެ ކަމަށް ބުނެ ތައިލެންޑުގެ އަންހެނުންތަކެއްގެ އަތުން ބަޔަކު ފައިސާތަކެއް އަތުލި މައްސަލައެއް އެ ގައުމުގެ ފުލުހުން ބަލަން ފަށައިފި އެވެ.
ތައިލެންޑުގެ "ދަ ނޭޝަން" ނޫހުން ބުނީ ދެ މީހަކު ވެގެން، 100 އަށް ވުރެ ގިނަ ތައިލެންޑު އަންހެނުންނަށް އޮޅުވާލައިގެން ފައިސާ އަތުލި ކަމުގެ ރިޕޯޓު ލިބިފައިވާ ކަމަށެވެ. އެކަމަކު ފައިސާ އަތުލި ކަމަށް ބުނާ ދެ މީހުންނަކީ ދިވެހިންނެއް ނޫނެވެ.
އޭގެ ތެރެއިން އެއް މައްސަލަ ފުލުހުންނަށް ހުށަހެޅީ ތައިލެންޑުގެ 49 އަންހެނަކު ގުޅިގެން ކަމަށް އެ "ދަ ނޭޝަން" ނޫހުގައި ވެ އެވެ.
ފައިސާ އަތުލި ކަމަށް އެ އަންހެނުން ތުހުމަތު ކުރަނީ ޕިސާމީ ޗަމްޕަކްވީން އަދި ޖިންޓަނާ ވޮންވީޗާ ނަމަކަށް ކިޔާ މީހަކަށެވެ. މި ދެ މީހުން، ފައިސާ އަތުލީ، ރާއްޖެ އިން މަސާޖް ކުރުމުގެ ވަޒީފާ ދޭނެ ކަމަށް ބުނެ ކަމަށް ނޫހުން ބުނެ އެވެ.
އެކަމަކު، ފައިސާ އަތުލި ދެ މީހުންނަކީ ކޮން ގައުމެއްގެ ބައެއް ކަމެއް ބުނެފައެއް ނެތެވެ.
ތައިލެންޑުގެ އަންހެނުންތަކެއްގެ އަތުން އެ ދެ މީހުން ފައިސާ ހޯދީ ވަޒީފާ ހޯދައި ދޭނެ ކަމަށް ބުނެ އޮންލައިން ގުރޫޕެއްގައި ދޮގު މައުލޫމާތު ޕޯސްޓްކޮށް، އެ މީހުންނާ މުއާމަލާތު ކޮށްގެން ކަމަށް ވެ އެވެ.
އެ އަންހެނުން ދަ ނޭޝަން އެ ނޫހަށް ކިޔައި ދިން ގޮތުގައި ކޮންމެ މީހެއްގެ އަތުން 30،000 ބާތު ޓްރާންސްފާ ކުރީ ޖިންޓަނާ ނަމަކަށް ކިޔާ މީހާ އަށެވެ.
އެކަމަކު، ރާއްޖެ ދިއުމަށް ޓިކެޓު ލިބިފައި ނުވާ ކަމަށް ވެސް އެ މީހުންނާ ހަވާލާދީ ނޫހުގައި ވެ އެވެ. ތައިލެންޑް ފުލުހުން އެ މައްސަލަ ބަލަނީ މަނީ ލޯންޑްރިން މައްސަލައެއްގެ ގޮތުގަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ރީތި
20 April 2018
ތިތާކު ނެތް ރީތި ކަމުދާ އެންމެ ކުއްޖެއްވެސް..
މީހުން
20 April 2018
ސިޔާސީ ބައެއް ފަރާތްތަކުން ދިވެހިން އަތުންވެސް ވަޒީފާ ހޯދައިދޭނެކަމަށްބުނެ ހައިސާ ނަގާ
ކޮމާންޑަރު
20 April 2018
މަނީލޯންޑިންގެ މައްސަލައެއްގައި 7އަހަރާއި 10އހަރުގެ ޖަލުހުކުމެއް އެތާގާނޫނުން އަންނާނެ.ދުވަސްތައް ގުނާނީ އެބަޔަކު ޖަލަށް ގެންނަ ދުވަހުންފެށިގެން.ކޯޓުން ހުކުމްކުރާނެ 48ދުވަސްތެރޭ!ހުރިހާކަމެއް ނިންމާނީ ކެމެރާތަކުގެ ވީޑިއޯގެ މައްޗައް ބުރަވަގޮތައް.މާގިނަ ސުވާލެްނުކުރާނެ. ހުކުމުން ދުވަސްތައް ކެނޑޭނެ ކިންގުގެ އުފަންދުވަސް ފަދަ ދުވަސްތަކުގެ. އަދި ޖަލުގަ 2އަހަރު މައްސަލަނެތި ހުރެއްޖެނަމަ އޭނަ ސަލާމަތްވާލިއް ވަރަށް އަވަސްވާނެ. މާނައަކީ 7 އަހަރުގެ ކަމެއް 3 އަހަރުންވެސް ނިމޭ!
އަލީބަލީ
20 April 2018
ގޯސްކޮއް މާނަ ނުނަގައްޗޭ. ދުނިޔޭގެ އެންމެ މައްސޫރު ސްޕާ ރިސޯޓުތައްހުރީ ރާއްޖޭގަ. އެތަންތަނުން ވަޒީފާ ހޯދުމަށް ވަރައްގިނަ މީހުން މަސައްކަތްކުރޭ.