ނޫސްވެރިކަމުގެ މިނިވަންކަމުގައި ރާއްޖެ ހައްތަހާ ފަހަތަށް

ނޫސްވެރިން މުޒާހަރާކުރަނީ: ނޫސްވެރިކަމުގެ މިނިވަންކަމުގެ އިންޑެކްސްގައި ރާއްޖެ މި އަހަރު ވަނީ މިދިޔަ އަހަރަށް ވުރެ ތިން ދަރަޖަ ފަހަތަށް ގޮސްފައި.

އާސިޔަތު މުހައްމަދު ސައީދު، މިހާރު

03 މެއި 2018 - 09:30

8 comments

ނޫސްވެރިކަމުގެ މިނިވަންކަމުގައި ރާއްޖެ މި ފަހަރު ވެސް ދިޔައީ ފަހަތަށެވެ. މިދިޔަ ހަފްތާގައި ރިޕޯޓާސް ވިތައުޓް ބޯޑާސް އިން ނެރުނު މި އަހަރުގެ ޕްރެސް ފްރީޑަމް އިންޑެކްސް ދައްކާ ގޮތުން މިދިޔަ އަހަރަށް ވުރެ ތިން ދަރަޖަ ދަށަށް ގޮސް، ރާއްޖެ މިހާރު ވަނީ 120 ވަނަ އަށް ވެއްޓިފަ އެވެ.

ދުނިޔޭގެ 180 ގައުމެއް ހިމެނޭ އިންޑެކްސްގައި 2016 ވަނަ އަހަރު 112 ވަނައިގައި އޮތް ރާއްޖޭގައި މިނިވަން ނޫސްވެރިކަމަށް މި ފަހުން ކުރިމަތިވި އެންމެ ބޮޑު ހުރަހަކީ އެ އަހަރުގެ އޮގަސްޓް މަހު އަބުރުގެ ގާނޫނަކަށް އަމަލުކުރަން ފެށުމެވެ. ރިޕޯޓާސް ވިތައުޓް ބޯޑާސް އިން އިތުރަށް ފާހަގަކޮށްފައިވާ ގޮތުގައި ވަކިވަކި ނޫސްވެރިންނަށް ވެސް ހަމަލާތަކާއި އިންޒާރުތައް ވަނީ ކުރިމަތިވެފަ އެވެ. ބްލޮގަރު ޔާމީން ރަޝީދު މަރާލީ ވެސް މިދިޔަ އަހަރު އެވެ.

ރާއްޖޭގައި އޮތް، ނޫސްވެރިންނަށް ހަމަލާދިނުމާއި އެފަދަ އަމަލުތައް ހިންގާ މީހުންނާ މެދު ފިޔަވަޅު ނޭޅުމުގެ "ވިހަ މާހައުލު"ގެ ސަބަބުން ނޫސްވެރިންނަށް މިނިވަންކަން އަމިއްލަ އަށް ދޫކޮށްލަން މަޖުބޫރުވާ ކަން ވެސް އެ ޖަމްއިއްޔާ އިން ފާހަގަކުރެ އެވެ.

މި އަހަރު ކުއްލި ނުރައްކަލުގެ ހާލަތު އިއުލާންކުރުމާ ގުޅިގެން ހާލަތު އިތުރަށް ގޯސްވެގެންދިޔަ ކަމަށް ވެސް ރިޕޯޓާސް ވިތައުޓް ބޯޑާސް އިން ބުނެފައިވެ އެވެ.

ދެކުނު އޭޝިއާ ސަރަހައްދަށް ބަލާ އިރު ރާއްޖެ އުޅެނީ ބޫޓާނާއި ނޭޕާލާއި އަފްޣާނިސްތާނަށް ފަހު ހަތަރު ވަނައިގަ އެވެ. ރާއްޖެ އަށް ވުރެ ފަހަތުގައި ސްރީ ލަންކާ 131 ވަނައިގައި އޮތް އިރު ދެން ހުރި ގައުމުތަކަށް ލިބިފައިވާ ދަރަޖަތަކަކީ އިންޑިއާ އަށް 138، ޕާކިސްތާނަށް 139 އަދި ބަންގްލަދޭޝް އަށް 146 ވަނަ އެވެ.

ޕްރެސް ފްރީޑަމް އިންޑެކްސްގައި ވޭތުވެދިޔަ ހަ އަހަރު ރާއްޖެ

1. 2013 - 103

2. 2014 - 108

3. 2015 - 112

4. 2016 - 112

5. 2017 - 117

6. 2018 - 120

Maldives : Persecuting independent and opposition media | Reporters without borders

In the six years since the February 2012 coup d’état, the government has repeatedly stepped up its persecution of independent media. In August 2016, parliament passed a new law criminalizing defamation and allowing the authorities to close media outlets for “defamatory” content. Many Maldivian journalists say they have been the targets of threats. According to a report by the Maldives Broadcasting Corporation (MBC), political parties are the leading source of these threats to journalists, followed by criminal gangs and religious extremists. Yameen Rasheed, a citizen-journalist who had been investigating government corruption, was stabbed to death in April 2017. The poisonous climate of violence and impunity forces journalists to censor themselves. The limitations on press freedom were increased in early 2018 by a state of emergency, which allowed the government to intimidate reporters and close independent media outlets.

RSF

މިދިޔަ އަހަރެކޭ އެއްގޮތަށް މި އަހަރުގެ ޕްރެސް ފްރީޑަމް އިންޑެކްސްގެ އެއްވަނަ މަގާމް ވެސް ހޯދީ ނޯވޭ އެވެ. އެއަށް ފަހު ނޫސްވެރިކަމުގެ މިނިވަންކަން އެންމެ ބޮޑު ގައުމުތަކަކީ ސްވިޑްން، ނެދަލެންޑްސް، ފިންލެންޑް އަދި ސްވިޓްޒަލެންޑެވެ. އާދައިގެ މަތިން އިންޑެކްސްގެ އެންމެ ފުލަށް ދިޔައީ ނޯތު ކޮރެއާ އެވެ.

މީޑިއާ ނޫސްވެރިކަން ޕްރެސް ފްރީޑަމް ޑޭ ނޫސްވެރިން ނޫސްވެރިކަމުގެ މިނިވަންކަން

8 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝޮކްތެރަޕީ

03 May 2018

މިތާ އޮތީ ނަޝީދު ޕްރޮމޯޓުކޮއްދޭ ނޫސްވެރިކަމެ އިޒްޒަތާ އަބުރަ އަރާ ނޫސްވެރިކަމެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯރީ

03 May 2018

ތި ދަށްދިޔައީ ނޫސްވެރިންގެ ފެންވަރު ނެތިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާފަ ދ

03 May 2018

މީ ކިހާ ބުރަދަނެއްހުރި ބަޔަކު ކުރާ ކަމެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ

03 May 2018

ނޫސްވެރި ކަމަކީ ބަޔަކު އާމްދަނީ ހޯދަން ކުރާ މަސައްކަތެއްގެ ގޮތުގަ ނޫނީ ނުފެނޭ . މިހާރުމިކުރާ ނޫސްވެރިކަމުން ގައުމަށް ލިބެނީ ހުސްގެއްލުން. ގައުމަށް ފައިދާހުރި މުޖްތަމައަށް ނޫސްވެރިކަމުގެ ފައިދާ އެއް މިހާރު ނުކުރޭ . މިހާރުގެ ނޫސްވެރިކަމުގެ ސަބަބުން މުޖްތަމައުގެ އަހްލާގީ ފެންވަރު ދަށް ވުމާއި އެކަކު އަނެކަކަށް ކުރާ އިހުތިރާމް ދަށްވުމާއި .ގާނޫނަށް ބޯލެނބުން ބައެއް ނޫސްވެރިންގެ ފަރާތުން ފެނުމުން މުޖްތަމައުވެސް ވަނީ ހަލާކު . ވީމާ މިނިވަން ނޫސްވެރިކަމެއް ބޭނުމެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްމަބޭ

03 May 2018

ތިޔާކަމެއް ނޭގުނު ހެއްދެވިހާ އެއްޗެއް ހިޔާލަށް އަންނަންޔާއައިހާ އެއްޗެއް މިގައުމުނޫން ކޮންގައުމެއްގަތޯ ތިލަކުރެވެނީ.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަލިޔާ

03 May 2018

ވަރިހަމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަނިކު

03 May 2018

ދޮންމަނިކުބެ ތިބުނީ ވ.ތެދު ވާހަކަ އެއް..މިނިވަން ކަމަކީ ފަސާދަ ކުރުމެއްނޫން. އެމީހުންހުން ހެޔޮ ކޮންމެ އައުގުރާނެއް ގޮވިޔަސް ނޫސްވެރިންނޭ ކިޔައިގެން ފާޑެއްގެ ފާސްގަނޑެއް އަޅުވައިގެން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންމަނިކުބެ

03 May 2018

ނޫސްވެރިކަމުގެ މިނިވަންކަމުގައި ރާއްޖެ ކިތަންމެ ފަހަތަކަށް ދިޔަސް އެއީ އެއްވެސް މައްސަލައެއްނޫނެވެ. ނޫސްވެރިކަމުގެ މިނިވަންކަމުގައި ކުރި ލިބިގެން ޤައުމަށް ނުވަތަ ރައްޔިތުންނަށް ލިބޭ ފައިދާއެއް ނުވަތަ ގެއްލުމެއްނެތެވެ. ބޭނުން އެއްޗެއް ބޭނުން މީހަކަ ދިމާލަށް ކިޔެވޭ ނުވަތަ ނޫސްވެރިންނޭ ކިޔާފަ ޓެގް އަޅުވައިގެން ނުކުންނަ ސިޔާސީ ފިކުރުގެ ނޫސްވެރިކަމެއް މިޤައުމަށް ބޭނުމެއް ނޫނެވެ.