ޝައިޚް އަލީ ޒައިދް މިސްކިތެއްގައި ދަރުސް ދެއްވަނީ
28 މެއި 2018 - 13:50
41 comments
ދީނީ އިލްމުވެރިޔާ ޝައިހް އަލީ ޒައިދަށް ދީފައި އޮތް، ދީނީ ނަސޭހަތާއި ދަރުސް ދިނުމުގެ ހުއްދަ އިސްލާމިކް މިނިސްޓްރީން މިއަދު ބާތިލުކޮށްފި އެވެ.
އިސްލާމިކް މިނިސްޓްރީން ބުނީ ޒައިދާ ގުޅޭ މައްސަލަތަކެއް ބަލަމުން ދާތީ، ދީނީ ނަސޭހަތާއި ދަރުސް ދެއްވުމަށް އޭނާ އަށް ދެއްވާފައިވާ ހުއްދަ މިއަދުން ފެށިގެން ވަގުތީ ގޮތުން ބާތިލު ކޮށްފައިވާ ކަމަށެވެ. އެއީ ކޮން މައްސަލަތަކެއް ކަމެއް އެ މިނިސްޓްރީން ނުބުނެ އެވެ.
މިކަމާ ގުޅޭ ގޮތުން ވާހަކަ ދައްކަވަން ޒައިދު ދެކޮޅު ހެއްދެވި އެވެ. އެކަމަކު މިދިޔަ ހޮނިހިރު ދުވަހު އޭނާ ކުރެއްވި ޓްވީޓެއްގައި ވިދާޅުވީ އިސްލާމިކް މިނިސްޓްރީން "ކޮންމެވެސް ކަމެއް" ކުރަން އުޅޭ ކަމުގެ މައުލޫމާތު ލިބިވަޑައިގެންފައިވާ ކަމަށާއި "މިކަމުގައި އުޅޭ މީހުން، ﷲ އަށް ބިރުވެތިވުމަށެ"ވެ.
ރާއްޖޭގެ ރަށެއްގެ 70 ޕަސެންޓް މީހުން ރޯދަ ނުހިފާ ކަމަށް މިދިޔަ އަހަރު ޒައިދު ވިދާޅުވި މައްސަލަ ވެސް ވަރަށް ބޮޑަށް ހޫނުވެ، އެކަމާ ގުޅޭ ގޮތުން ސުވާލު ކުރުމަށް މިނިސްޓްރީ އަށް އޭނާ ހާޒިރު ކުރި އެވެ.
ފަހަކަށް އައިސް ޒައިދު ގެންދަވަނީ ދީނީ ކަންކަމާ ގުޅޭ ގޮތުން ސަރުކާރުގެ ބައެއް ނިންމުންތަކަށް ސޯޝަލް މީޑިއާގައި ވަރަށް ބޮޑަށް ފާޑުވިދާޅުވަމުންނެވެ. ހާއްސަކޮށް، އަމިއްލަ ޖަމިއްޔާތަކުން ދީނީ ދަރުސްތަކާއި ވޯކްޝޮޕްތަކާއި ތަފާތު ހަރަކާތްތައް ބޭއްވުމަށް ސްކޫލްތަކުގެ ހޯލްތައް ދޫ ނުކުރާ ކަމަށް ބުނެ ސަރުކާރަށް ފާޑުވިދާޅުވި އިރު، އެޑިއުކޭޝަން މިނިސްޓްރީގައި "ލާދީނީ" މީހަކު ހުރި ނަމަ އެތަން އަވަހަށް ސާފު ކުރެއްވުމަށް ވެސް ވިދާޅުވެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައީސްޖުހާ
30 May 2018
މިއީތަ ޕީޕީއެމް އިން އެބުނާ ދީން ހިމާޔަތް ކުރުމަކީ؟ ވޯޓުލުން ބާއްވާފައިފިއްޔާ ރައްޔިތުން މިކަމާއި ފުންކޮށް ވިސްނަވާނެކަން ޔަޤީން.
123654
30 May 2018
ރާއްޖޭގައި ސައުދީ އީރާން ސީރިޔާ ކުރާ ދާޚިލީ ހަނގުރާމަޔަށް ދިވެހިން ގެންދަން (އެކަމުގައި އުޅޭ މީހުން ޝަހީދުވާން ނުގޮސް) ވައުދު ބުނާ މީހެއްގެ އެއްވެސް ލައިސަންސެއް ހިފެހެއްޓިއްޖެތޯ އަހާބަލަ.
ބީކޭކޭ
28 May 2018
(ޝައިހް އަލީ ޒައިދޫ މިކަމުން ސަލާމަތް ކުރައްވާތޯ ރެއާ ދުވާލު ދުއާ ކުރައްވާ!)
އަލިބެއްޔާ، އެކުވެރިސުވައިދީބް
28 May 2018
ދީނީ ނަސޭހަތާއި ދަރުސް ދިނުމަކީ އިސްލާމް ދީނުގެ ކަންކަން އޮޅުން ފިލުވައި ދިނުމާއި އަދި މީސްތަކުންނާއި ހަމައަށް ހައްޤުބަސް ފޯރުވައި ދިނުމެއް ނޫންތޯއެވެ. ދީނީ ނަސޭހަތާއި ދަރުސް ދިނުމާއި ޙައްޤުބަސް ބުނުމާއި ދީނުގައި ކަންކަން އޮންނަގޮތް ތެދުބަހުން ބަޔާން ކުރުމަކީ ވަކި ބައެއްގެ މަދަދާއި ރުހުން ހޯދމައްޓަކައި ކުރަންޖެހޭ ކަމެއް ނޫނެވެ. މާތްﷲ ޝެއިޚް އަށް ސާބިތުކަން ދެއްވާށި.. އާމީން
ނެޝަނަލިސްޓް
28 May 2018
މުސްލިމަކު ދީނީ ނަސޭހަތް ދިނުން އެހެން އިންސާނަކަށް މަނާކުރެވޭނެ ކަމަކަށް ނުދެކެން!
އަލީ ނާޒިމް
29 May 2018
އައިނު އެޅީމަ ފެނިދާނެ ތޯއްޗެއް،!
އަލީ ނަސީރު
28 May 2018
މިއީ މަ ރ.ޔާމީނައް ސަޕޯޓު ކުރާ ކަމަކީ! ޕާކީ އައް ދެދުވަހަކައް އަރާފަ، ދިވެހިން މަގު ފުރައްދާ އެއްވެސް މީހަކައް ރޔ ފުރުސަތެއް ނުދޭނެ!
ނަޖިދުކަލޭގެ
28 May 2018
އިބިލީސް ވެސް ވަރަށް ސަޕޯޓް ކުރޭ ދީނީ ގޮތުން މީހުން ހޭލުންތެރިވިޔަ ނުދޭން މަސައްކަތްކުރާ ނުބައި ނުލަފާ މީހުންނަށް. އެސޮރުގެ އައުވާނުންގެ ކަމަކީ އެފަދަ މީހުންނަށް ހިތްވަރުދީ މީހުން ޖާހިލުކަމުގެ މަގަށް ލެންބުން.
ބުރޯބެ
28 May 2018
ކަލޯ...ޝައިޙަކީ ޕާކީން ކިޔެވިމީހެއްނޫން.. މަޢުހަދުގެ އެއްވަނަހޯދި ފަޙުރުވެރި ދަރިވަރެއް.. އެތައްފަހަރަކު ޤައުމީ ޤުރުއާން މުބާރާތުގެ އެއްވަނަ.. ޝައިޙް ފަރީދުގެ ފަޙުރުވެރި ކޮއްކޮ... އިސްލާމިކް ޔުނިވާސިޓީ މަދީނާގެ ދަރިވަރެއް..
ޖެނީ ފްރޮމް ދަ ބްލޮކް
30 May 2018
ބުރޯބެ. މައުހަދު އެއީީ މާ މޮޅު ތަނެއްތަ؟ ލޮލް. މަކްތަބް ވިސްނުންތީ.
ތުބުއްޅާ
28 May 2018
ދިވެހިން އެތައް ބަޔަކު ރޯދަ ނުހިފައޭ ކިޔައިގެން މޮޅުވާހަކައެއް ފަޅާލީމާ މީހުންތައް ހޯބޯލަވައިގަތީމާ ބުނީ އެއީ ދޮގޮ ނުހަދާނެ ވަރުގެ މީހަކު ބުނި ވާހަކައަކޯ! މިވަރުގެ މީހަކު ދައްކާފަ ނުދައްކާނީ ކޮންވާހަކައެއް! ބައެއް މީހުންނަށް ހީވަނީ ޝޭހު ހެދިގެން މިއުޅޭ މީސްމީހުންނަކީ މަތިންފައިބައިގެން އުޅޭ ބަޔެކޭ. އަދި މިބައި މީހުން ޓީވީއަށް އަރާ ދައްކާ ވާހަކައިގެ ފަންސާސް ޕަސަންޓުގަ އޮންނަނީ މިމީހުން މީ މާ މޮޅު ބަޔަކޯ މިމީހުންނާ ދިމާލަށް އެއްވެސް އެއްޗެއް ބުނެގެން ނުވާނެޔޯ! މީބައި މީހުން މީހުންނަށް ވިސްނައިދޭނީ މިމީހުން ކުރާ އެއްވެސް ކަމަކަށް ފާޑުކިއުމަކީ ދީނަށް ފާޑުކިޔުން ކަމަށް. އެކަމަކު އިސްލާމް ދީނަކީ އެހެން ބައެއް ދީންތަކުގަ ހުންނަ ޕްރީސްޓުން ހުންނަ ދީނެއް ނޫން. މާތް ރަސްކަލާނގެ އާއި އަޅާއައި ދެމަދަކަށް "ދަންނަބޭކަލެއް" ލާކަށް ނުޖެހޭނެ އިސްލާމު ދީނުގަ.
ޒަނީނު
29 May 2018
މީހަކު ބުނާހާ އެއްޗެއް ޝައިޚުން ބުނެގެން ނުވާނެ އެކަން ޝައިޚަށް އެނގޭނެ ދެން ކީއްވެ ބުހުތާން ވާހަކަ ފަތުރަންވީ ބުނި ބުނި ބުނި ބުނި ސައްޙަ އެއް ނުވާނެ އެހެނީ އެމީހާ ވެދާނެ ފާސިދަކަށް
ޙިނި
28 May 2018
އެއްލަ ރަށުގަ މި ރޯދަމަހު ރޯދަހިފަނީ ކިތައް ޕަސަންޓުމީހުން ބާ.
ޅާނބު
28 May 2018
ޝުކުރިއްޔާ އިސްލާމިކް މިނިސްޓްރީ. މިބޭފުޅާއަށް ކިޔޭ ނުކިޔޭއެއް އެއްބައިފަހަރު ނޭނގޭ.
ރައުނާ
28 May 2018
ޝޭޚް އަށް ހެޔޮޖަޒާ ދެއްވާށި. މި ސަރުކާރުގަ ތެދުބަހުން އެއްޗެއް ބުނާ މީހެއްގެ ކަރުބުޑުގަ ހިތިރަހަ ލައްވާލާނެ. ﷲ ފިޔަވައި ބިރުވެތިވާންވީ ފަރާތެއް ނުވޭ. ޝޭޚް ޢަލީ ޒައިދު އަށް ވަރަށް ސާބަސް.