އިދިކޮޅު ޕާޓީތަކުގެ އިސްވެރިންތަކެއް ނޫސް ކޮންފަރެންސެއްގައި: ޕާޓީތަކުގެ ވަކިވަކި އަމާޒުތައް އެއްކައިރިކުރުމަށް އަދާލަތުން ގޮވާލާ.
21 ޖޫން 2018 - 20:51
20 comments
ޕާޓީތަކުގެ ވަކިވަކި އަމާޒުތައް އެއްކައިރިކޮށް، ގުޅިފައިވާ ޕާޓީތަކުން އެއް ކެންޑިޑޭޓަކު ނެރުމަށް އަދާލަތު ޕާޓީން ގޮވާލައިފި އެވެ.
އެ ޕާޓީން މިރޭ ނެރުނު ނޫސްބަޔާނެއްގައި ބުނީ ގުޅިފައިވާ ސިޔާސީ ޕާޓީތަކުގެ މެދުގައި އޮންނަ ވާދަވެރިކަމާއި ޕާޓީތަކުގެ ވަކިވަކި އަމާޒުތައް އެއްކައިރިކޮށް، ގައުމުގެ އެންމެ މަތީ މަސްލަހަތު އިސްކުރަން ޖެހޭ ކަމަށެވެ. އަދި ރައީސް އަބްދުﷲ ޔާމީންގެ ކިބައިން ގައުމު ސަލާމަތްކުރުމަށް، އަންނަ ރިޔާސީ އިންތިހާބުގައި ކުރިމަތިވާނެ ހުރިހާ ގޮންޖެހުންތަކަށް އެކުގައި ކުރިމަތިލުމަށް، ގުޅިފައިވާ ޕާޓީތަކުން އެއް ކެންޑިޑޭޓަކު ނެރުމަކީ ކޮންމެހެން މުހިންމު ކަމެއްގެ ގޮތުގައި ދެކޭ ކަމަށް ވެސް އެ ނޫސްބަޔާނުގައި ބުނެފައިވެ އެވެ.
"ޕާޓީތަކަށް ކުރިމަތިވެފައިވާ ގޮންޖެހުންތަކާ އެކުވެސް ކުރިޔަށްއޮތް ދުވަސްތަކުގައި އެކުވެރި ބައެއް ޕާޓީތަކުގެ ކޮންގްރެސްތައް ބޭއްވިގެންދާކަމީ ރާއްޖޭގެ ޑިމޮކްރަސީއަށް ލިބޭ ވަރަށް ބޮޑު ހިތްވަރެކެވެ. އެހެންކަމުން ޕާޓީތަކުގެ އެތެރޭގެ މަސައްކަތްތައް ކުރިޔަށްގެންދަވާއިރު ގުޅިގެން ކުރެވޭ މަސައްކަތްތައް ކާމިޔާބުކުރެވޭނެ ބީދައަކުން ކަންކަން ބައްޓަންކުރުމަށް ވެސް އަދާލަތު ޕާޓީގެ ފަރާތުން ގޮވާލަމެވެ،" އެ ޕާޓީން ބުންޏެވެ.
އަދާލަތު ޕާޓީން އެ ނޫސްބަޔާން ނެރުނުއިރު، އެންމެ ބޮޑު އިދިކޮޅު ޕާޓީ، އެމްޑީޕީ ނުހިމަނައި ޖުމްހޫރީ ޕާޓީގެ ލީޑަރު ގާސިމް މިދިޔަ އަންގާރަ ދުވަހު ހިޔަނި ކެބިނެޓެއް އިއުލާންކުރުމުން އިދިކޮޅު ބައެއް ފަރާތްތަކުން ވަނީ އެކަމަށް ނުރުހުން ފާޅުކޮށްފަ އެވެ. ހިޔަނި ކެބިނެޓެއް އިއުލާންކުރެއްވީ އެހެން ޕާޓީތަކާ މަޝްވަރާނުކުރައްވައި ކަމަށް ވެސް އަދާލަތު ޕާޓީ އާއި ރައީސް މައުމޫނަށް ތާއީދުކުރާ ބައެއް ބޭފުޅުން ވިދާޅުވެފައިވެ އެވެ.
ސެޕްޓެމްބަރު 23 ގައި އޮންނަ ރިޔާސީ އިންތިހާބަށް އިދިކޮޅު ޕާޓީތަކުން އެއް ކެންޑިޑޭޓް ނެރުމަށް އަންނަނީ މަޝްވަރާކުރަމުންނެވެ. ނަމަވެސް އެކަމުގައި އެއްބަސްވުމަކަށް ނާދެވި ލަސްވަމުން ދާތީ އެ ޕާޓީތަކުގެ ތެރޭގައި ވެސް ކަންބޮޑުވުން އެބަ އޮތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތުނޑު ހަސަނު
22 June 2018
އެއް ބަޔަކު އަމިއްލަ އަމިއްލައަށް ކެންޑިޑޭޓް ކަނޑައަޅައި ކެމްޕޭން ކުރާއިރު އަނެކަކު ހިޔަނި ކެބިނެޓެއް އެކުލަވާލީމާ މާބޮޑު މައްސަލައަކަށް މިވީ ކީއްވެބާވައެވެ. ބޮޑު ޕާޓީގެ ވިސްނުން ހުރިގޮތުން ހިތަށް ސިފަވީ 99 ކަންބަޅި އޮތް މީހާ 1 ކަންބަޅި އޮތް މީހާއާމެދު ގެންގުޅުނު ވިސްނުމެވެ.
މިހާރު ނޫސް
22 June 2018
އަށް އިނގޭ ދޯ ވެރިކަމަށް ލާންއުޅޭ ކެނޑިޑޭޓް. އިބްރާހީމް ސޯލިޙް ޖޭޕީ ޓިކެޓްގައި ނިކުންނަނީ.
އަޙްމަދް
22 June 2018
ހެހޭ ގުނބޯ ހެއްދުން ނިމުމަކަށް އަށްނަނީ!
އައްޑަން
22 June 2018
މިޤައުމު ސަލާމަތް ނުކުރެވިގެންމިއުޅެނީ ރައީސް ނަޝީދުގެކިބައިން އޭނާގެކިބައިން މިޤައުމުސަލާމަތް ކުރެވިއްޖެއްޔާ ހުރިހާކަމެއްރަނަޅުވީ އެއިރުންދެންތިބިމީހުންނައްވެސް ވެރިކަމައްކުރިމަތިލުމުގެ ފުރުސަތުލިބޭނެ ހުރިހާރައްޔިތުންވެސް މަސައްކަތްކުރަންވީމިކަމައް
ހަސަން
22 June 2018
ރަނގަޅު ވާހަކައެއް. މިމުސީބާތުން ސަލާމަތް ވުމަށް އެންމެ ރަނގަޅު ގޮތަކީ 2 އަހަރު ދުވަހުގެ ވަގުތީ ސަރުކާރެއް ގާއިމު ކުރަން އެހެނީ ޕާޓީތަކުން ބޭނުންވާ މީޙާއެއް ކުރިމަތިލިޔަކަ ނުދިން މިކަން ރަނގަޅުކުރަން ފުރަތަމަ ޕާޓީތަށް އެކުގައި އެއްއަމާޒެއްގައި މަސަތްކަތް ކުރަން މުހިންމު. ޑިމަކްރަސީގެ އުސޫލުން މ.ޑ.ޕ ހުށައެޅި ޕާޓީތަކުގެ މެދުގައި ޕްރައިމެރީ ބޭއްވުން އެއީ އެންމެ ރަނގަޅު ގޮތް އެކަމަކު ގައިދެކެން. އެކަމަށްވެސް މިހާރު މިއޮތީ ލަސްވެފަ ... ދެން ޖެހެނީ އެންމެ ބޮޑު ޕާޓީ ބުނާގޮތަށް ރުހެން. މިދެއަހަރު ތެރޭ އެންމެ އިސްކަމެއް ދޭންޖެހޭނީ 'ދޮވެ ސާފް ' ކުރުމުގެ މަސަތްކަތް.
މީ؟؟
22 June 2018
އަސްލުތަ؟ 2 އަހަރައްވެސް ސަރުކާރު ހޮވޭތަ؟ ތި ޖޯކެއްނުން
ޝޮކްތެރަޕީ
22 June 2018
ނަޝީދުގެ އަމިލްލައެދުމާހެދި މިކަމެއްނުވާނެ ނަޝީދުގެ ކިބައިން މިރާއްޖެ ސަލާމައްކުރަންޖެހޭ.
ޙިތިބެއް
22 June 2018
ކޯލިޝަނަށް ވޯޓް ދޭންވީ ކީވެގެން ޔާމީނު އަށް ނުދީ؟ ދިވެހި ރާއްޖެ ދުއް އެންމެ ދުރުވިސްނޭ ރައީސުންނަކީ ޔާމީނާއި ނާސިރު މިކަމަކަށް ދެބަސްވާނީ ހޯދާ ނުބަލާ މީހުން އަދި ރާއްޖެ ދުއް އެންމެ އަމިލަށް އެދުން ބޮޑު އިގްތިސާދީ ތަސަވަރު ނެތް ރައީސުން ނަކީ ނަޝީދު އާއި މައުމޫން، ހަމަ ހިލާ ވެރިކަން ބޭނުމީ ދޯ؟ މިހާރު އާދާލަތު ޕާޓީ އަކީ ދިވެހިން ކުރިމަތީ އަގެއް އޮށްބައެއް ނޫން
ސަރީފް
22 June 2018
މި ގައުމު އެމީހެއްގެ ކިބައިން ސަލާމަތްކުރަންޖެހޭ މީހާ ހުރީ ތިފަޅީގަ. ޢޭރުވެސް ކަލޭމެން ގޮވަމުންދިޔައީ އެހެން. މިހާރު އަދި ވަކިން މާބޮޑަށް އެމީހެއްގެ ކިބައިން މި ގައުމު ސަލާމަތް ކުރަންޖެހޭ. މިހާރުން މިހާރަށް އިސްލާހުވުމަށް ގޮވާލަން.
ފޒުހި
22 June 2018
ގައުމު މިހާލަތަށް ދިޔައީ ކާކު އަޑީގައި ހުރެގެން ކަން އެންމެންނަށްއެނގޭ
ޙަރީ
22 June 2018
ޢެއްކެނޑިޑޭޓެއް ނެރިނެރި ކަންފަތިވެއްޖެ ވެރިކަން ވެސް ތިއޮތީ ބަދަލުވެފަ . ރައްޔިތުންކުރިމަތީ ބުނި މި ބުހުތާނުތައް ރޯދަ މަސް ނިމެންވާއިރަށް ރއސޔމނ ވެރިކން ނިންމާނަމޭ. ޜައީސް ޔާމީން ރއްޔިތު މީހާ ކުރިމަތީ. ދޮގެއް ނުހައްދަވާ . މި އަދާލަތޭ ކިޔައިގެން އުޅޭ މުނާފިގު މީހުން ހާދަ ހާ އަދާވަތްތެރި އޭ. ތިހެން ކަލޯމެން މިޤައުމު ވެރިކަމަށް އެރިޔަސް ގުއިއުދުޅިއަށްވާނީ. މިޤައުމު ފަސާދަ ނުކުރޭ