ދަފުތަރު މީހުންނަށް ފްލެޓް ދިނުމުގައި ޕޮއިންޓް ދޭ އުސޫލު އާންމުކޮށްފި

ހިޔާ މަޝްރޫއުގެ ދަށުން ފްލެޓަށް ކުރިމަތިލި މީހުންނަށް ފޯމު ދޫކުރަނީ

އާމިނަތު ޝިފްލީން، މިހާރު

11 ޖުލައި 2018 - 13:55

މާލޭ ދަފުތަރުގައި ރަޖިސްޓްރީ ވެފައިވާ މީހުންނަށް، ސަރުކާރުގެ ހިޔާ މަޝްރޫއުގެ ދަށުން ފްލެޓް ދިނުމުގައި ބަލާނެ ކަންކަމާއި ޕޮއިންޓް ދޭ އުސޫލު އާއްމުކޮށްފި އެވެ.

މާލޭގެ ރަށްވެއްސެއްގެ ގޮތުގައި، ދަފުތަރުގައި ރަޖިސްޓްރީވެފައިވާ މީހުންނަށް ހިޔާ މަޝްރޫއުގެ ދަށުން ދެ ކެޓަގަރީއެއް ވަނީ ކަނޑައަޅައިފަ އެވެ. އެއީ ދަފުތަރުގައި ރަޖިސްޓްރީ ވެފައިވާ މީހުންނަށް ދޭ ދެ ކޮޓަރީގެ ފްލެޓާއި އެއް ކޮޓަރީގެ ފްލެޓް ހިމެނޭ ކެޓަގަރީ އެވެ.

ގެޒެޓުގައި މިހާރު އިއުލާންކޮށްފައިވާ ގޮތުން މި ދެ ކެޓަގަރީއަށް ވެސް ވަނީ އިސްލާހުތަކެއް ގެނެސްފަ އެވެ. އެ ގޮތުން، މި ކެޓަގަރީތަކުގައި ހިމެނޭ މީހުންނަށް ފްލެޓް ދިނުމުގައި ބަލާފައިވަނީ ދަފުތަރުގައި ދެމިހުރި މުއްދަތަށާއި މާލޭގައި މެދުނުކެނޑި ދިރިއުޅުނު މުއްދަތަށެވެ. އެގޮތުން އެންމެ ގިނަ ޕޮއިންޓް ލިބެނީ ދަފުތަރުގައި ރަޖިސްޓްރީވެފައިވާތާ އެންމެ ގިނަ ދުވަސްވީ މީހުންނަށާއި މާލޭގައި ދިރިއުޅޭތާ އެންމެ ގިނަ ދުވަސްވީ މީހުންނަށެވެ.

ޕޮއިންޓް ދޭ އުސޫލު - (ދަފުތަރުގައި ދެމިހުރި މުއްދަތު)

- ދަފުތަރުގައި ރަޖިސްޓްރީވެފައިވާތާ ފަސް އަހަރު ނުވާނަމަ- 5 ޕޮއިންޓް

- ދަފުތަރުގައި ރަޖިސްޓްރީ ވެފައިވާތާ 5 އަހަރުވެ، 10 އަހަރު ނުވާނަމަ - 10 ޕޮއިންޓް

- ދަފުތަރުގައި ރަޖިސްޓްރީ ވެފައިވާތާ 10 އަހަރުވެ، 15 އަހަރު ނުވާނަމަ - 15 ޕޮއިންޓް

- ދަފުތަރުގައި ރަޖިސްޓްރީ ވެފައިވާތާ 15 އަހަރުވެ އިތުރުވެފައިވާނަމަ - 20 ޕޮއިންޓް

މާލޭގައި މެދުނުކެނޑި ދިރިއުޅުނު މުއްދަތު

- މާލޭގައި ދިރިއުޅޭތާ 5 އަހަރު ނުވާނަމަ - 5 ޕޮއިންޓް

- މާލޭގައި ދިރިއުޅޭތާ 5 އަހަރުވެ، ދިހަ އަހަރު ނުވާނަމަ - 10 ޕޮއިންޓް

- މާލޭގައި ދިރިއުޅޭތާ 10 އަހަރުވެ، 15 އަހަރު ނުވާނަމަ - 15 ޕޮއިންޓް

- މާލޭގައި ދިރިއުޅޭތާ 15 އަހަރުވެ އިތުރުވެފައިވާނަމަ - 20 ޕޮއިންޓް

Dhaftharugai registry vaan maadhamaa hulhuvaalanee

The most trusted news source in the Maldives

Mihaaru

މީގެ އިތުރުން ޕޮއިންޓް ދިނުމުގައި އާއިލާގެ ކުޑަބޮޑުމިނަށް ވެސް ބަލަ އެވެ. އެގޮތުން ދަރިއަކު ނެތް ނަމަ ފަސް ޕޮއިންޓް ލިބޭއިރު، ދަރިންގެ އަދަދު ތިނެއް ނުވަތަ އެއަށް ވުރެ އިތުރު ވާނަމަ 20 ޕޮއިންޓް ލިބެ އެވެ. އަދި އާއިލާގައި ހާއްސަ އެހީއަށް ބޭނުންވާ ކުއްޖަކު ހުންނަ ނަމަ އިތުރު ޕޮއިންޓް ލިބޭއިރު، ދިރިއުޅުމުގެ ހާލަތަށް ބަލާފައި އިތުރަށް ޕޮއިންޓް ދެ އެވެ.

ފްލެޓަށް އެދި ކުރިމަތިލާއިރު މި ދެ ކެޓަގަރީގައި ހިމެނޭ މީހުން ވެސް، އެ މީހުން މާލޭގައި ދިރިއުޅުނު މުއްދަތަށް ހެކިވާ ދެ ހެކިންގެ އައިޑީކާޑުގެ ކޮޕީ ހުށަހަޅަން ޖެހެ އެވެ. އޭގެ އިތުރުން، މި ކެޓަގަރީތަކުގެ ދަށުން ދޫކުރާ ފޯމަށް ބަދަލުތަކެއް ގެނެސް، ތިން ސަފުހާ ވަނީ އިތުރުކޮށްފަ އެވެ.

މާލޭ ދަފުތަރުގައި ރަޖިސްޓްރީވުމުގެ ފުރުސަތު މިއަދު ވަނީ ހުޅުވާލައިފަ އެވެ. އަދި ދަފުތަރުގައި ރަޖިސްޓްރީވުމަށް ހުށަހަޅަން ވަކި އޮފީހެއް ހަދައި، ދަފުތަރުގައި ރަޖިސްޓްރީވާ މީހުން ފްލެޓަށް އެދޭ ފޯމު އެތަނަށް ހުށަހެޅޭނެ ކަމަށް ގެޒެޓުގައި ވަނީ ބުނެފަ އެވެ.

މީގެ 31 އަހަރު ކުރިން ހުޅުވާލި "ހާއްސަ ދަފުތަރު"ގައި މިހާތަނަށް މާލޭގެ 3،264 މީހުން ރަޖިސްޓްރީ ވެފައިވެ އެވެ. އަދި މާލެ އަށް ރަޖިސްޓްރީ ބަދަލުކުރުމަށް އެކި ރަށްރަށުން 12،000 އަށް ވުރެ ގިނަ މީހުން ރަޖިސްޓްރީ ވެފައިވެ އެވެ.

ހައުސިން މިނިސްޓްރީ ހައުސިން ޔުނިޓް ޑރ. މުހައްމަދު މުއިއްޒު، މާލޭގެ މޭޔަރު މާލޭ ދަފްތަރު ހިޔާ ފްލެޓްތައް

10 ކޮމެންޓް, 39 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޚިޔާލް123

11 July 2018

ހެޔޮނުވައިނެ، ކީއްތަ ކުރަން ތިއުޅެނީ،. ވިހައި މަރުވާ މީހުން ބެލެހެއްޓުމެކޭ، ފެލެޓަށް ފޯމް ލުމެކޭ ހަމަ އެއްގޮތް، ދުވަހަކުވެސް މިފޯމްލައި ނިމޭތަނެއްނާދޭ، ބަލަ އެކްސެލް ސީޓެއްގައި ފޯމް ލީއެންމެން ލިޔެ ނުބެލެހެއްޓޭ، ކޮންމެ ފުލެޓަކަށް ހަމަ ކޮންމެ ފަހަރަކު ގަނަތަޅުވައި އުސޫލުން މިއީ ދެން ކޮންކަމެއް މިއޮއްފަދަ ޒަމާނުގައި، އެންމެ މަތިން ޕޮއިންޓް ލިބޭ ތަރުތީބުން ފުލެޓް ދެމުން ގެންދިޔައިމައި އަޅެފަހެ ކާފަރުވަނީތަ، ނޫނީ ވެބްސައިޓެއް ހަދައި ތަރުތީބުން ފުލެޓް ނިމޭވަރަކުން ފުލެޓް ދެމުން ގެންދިޔައިމާ ނިމުނީދޯ، މައުލޫމާތް ބަދަލް ވަމުން ދާވަރަކަށް މައުލޫމާތް އަޕްޑޭޓް ކުރެވޭނެދޯ، ހަމަ ކޮންމެ ފުލެޓް މަސްރޫއަކަށް ރައްޔިތުން ގަނަ ނުތެޅުވިޔަކަސް.. މަހައްދާ މީހަކަށް 10 ޕޮއިންޓޭ، ޕާފިހަން އެގެންޏާ 15 ޕޮއިންޓޭ، ތިންދަރިން އެއްދަރި މަރުވެއްޖިއްޔާ 6 ޕޮއިންޓޭ ކޮންމެ ފަހަރަކު ނުކިޔަކަސް ތިކަން ކުރެވޭނެދޯ، ކިހައިބޮޑުވެއްޖެ ކަމެއްދެންމީ.. މިކަންވެސް ނަގައި މިލީ އިންތިހައިބުގެ ކުރިމައްޗަށް،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޝާރަވީ

11 July 2018

ދުވަސް ކޮޅަކުން ރާއްޖެތެރޭ މީހުންނެއް ނުތިބޭނެ ހުސްމާލެ މީހުން ތިބޭނީ.............ބައެއް ރާއްޖެތެރޭ މީހުން ލަދުގަނޭ ރާއްޖެތެރޭ މީހެކޭ ބުނަންވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަހާލަތު

12 July 2018

ލަދުގަތުން އެއީ ކަމެއްނޫން ސަަބަބަކީ، ހަގީގަތުގަ މުހިންމީ ދިވެއްސަކަށް ވީތީ ފަހުރުވެރިވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން ތަކުރު

11 July 2018

ތިޔަ އުޅެނީ ވޯޓު އިތުރުކޮށްލަން އިތުރު ރަޖިސްޓްރީއެއް ހަދާލަން ހެއްޔެވެ. ކޮންމެ ދިވެހި ރައްޔިތަކު މިހާރު ތިވާގޮތުން ތިޔަ ރަޖިސްޓްރީގައި ނަން އޮޅިގެން ޖެހިފައި އޮތްތޯ ބަލަން ވާނެއެވެ. 20،000 މީހުންގެ ނަން ހަމަ ހައުސިންގ އަމިއްލަ އަށް ވެސް ތީގައި ހިމަނައި މިއިން ކޮންމެ މީހެއްގެ ނަމުގައި ފޭކު އައިޑީ ހަދާލަނިކޮށް ބަންގާޅީން ނުވަތަ ދިވެހިން ލައްވައި ނަމަވެސް މި ސަރުކާރަށް 20،000 އިތުރު ކުރެވިދާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާމިން

11 July 2018

ބޮޑު އޮޅުވާލުން ގަނޑެއް އެބައުޅޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒީރޯޓޮލަރެންސް

11 July 2018

ރަށްފުށުގެ 40 އަހަރުންމަތީގެ މީހުން ހަމަކޮންމެހެންވެސް މާލޭދަފުތަރަށް ބަދަލުވާންޖެހެނީ އޭގައި ކޮންސިއްރެއްވާތީހެއްޔެވެ. މިހާރުވެސް ހުރި ކެޓަގަރީއަކަށް 40 އަހަރުންމަތީގެ މީހުންނަށްވެސް ފްލެޓަށް ކުރިމަތިލެވޭނެ ކަމަށް ނުނިންމަނީ ކީއްވެބާއެވެ. މީ ރައްޔިތުމީހާ އާއި ސަރުކާރަށްވެސް ލުއިވެފަ ތަކުލީފުކުޑަގޮތެއް ނޫން ހެއްޔެވެ. ރަށްފުށުގެ 40 އަހަރުންމަތީގެ މީހުންނަށް ފްލެޓަށް ކުރިމަތިނުލެވޭއިރު 40 އަހަރުންމަތީގެ ރަށްފުށުމީހުންގެ ވޯޓް ބޭނުންވާނެބާއެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިކުރުކުރަމާތޯ

11 July 2018

ޕޮއިންޓުން ވީ ކަމެއް ބުނެދެވެނެތަ.؟ ކުރިންވެސް ތި ފޯމެއްލީ ވީކަމެއް ހަމަހަރާން ހަދާނެއެއްޗެއް ހަދާފައި މުއިއްޒު ވިދާޅުވި އަދުލުވެރިއޭ އެތައް އަހަރެއްކުރިން ލީ ފޯމުގެ އަގުވަޒަން ނުކުރާތަނަކަށް ފޯމު ލުމަކީ ހުސްފަޔަށް ފެންފުރުން. ދެންނުލާނަށްފޯމެއް. ފޯމު ނުލިޔަަސް ލިޔަސް ލިބޭނެ މޮޅެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުވާލު

11 July 2018

ދަފުތަރުގައި ރަޖިސްޓްރީ ވެފައިވާތާ 10 އަހަރުވެ، 15 އަހަރު ނުވެ، މާލޭގައި އުޅޭތާ 20 އަހަރު ވެއްޖެނަމަ 35 ޕޮއިންޓް ލިބޭނެތޯއެވެ. (15+20) ދަފްތަރުގައި ނުޖެހި މާލޭގައި އުޅޭތާ 20 އަހަރު ވެއްޖެނަމަ ލިބޭނީ 20 ޕޮއިންޓް ތޯއެވެ. ދަފްތަރުގައި ޖެހުނުތާ 20 އަހަރު ވެ މާލޭގައި އުޅޭތާވެސް 20 އަހަރު ވެއްޖެ ނަމަ 40 ޕޮއިންޓް ލިބޭނެތޯއެވެ. ރަށްވެހިކަމުގެ ކެޓަގަރީގެ ޕޮއިންޓްގެ ޖުމްލަ އަކީ 40 ތޯއެވެ.