ރަނިންމޭޓަކަށްވުމަށް ފޯމު ހުށަހެޅުއްވުމަށްފަހު ޑރ. ހުސެއިން ރަޝީދު ނޫސްވެރިންނާ ވާހަކަ ދައްކަވަނީ: މިހާތަނަށް ވަނީ އެ މަގާމަށް ތިން ބޭފުޅަކު ކުރިމަތިލައްވާފައި -- މިހާރު ފޮޓޯ/ ނިޝާން އަލީ
11 ޖުލައި 2018 - 17:41
35 comments
އިދިކޮޅު ރިޔާސީ ކެންޑިޑޭޓު އިބްރާހިމް މުހައްމަދު ސޯލިހު (އިބޫ) ގެ ރަނިންމޭޓަކަށްވުމަށް ޖުމްހޫރީ ޕާޓީ (ޖޭޕީ)ގެ ނައިބު ލީޑަރު ޑރ. ހުސެއިން ރަޝީދު ހަސަން އާއި ކާށިދޫ ދާއިރާގެ މެންބަރު ފައިސަލް ނަސީމް ވެސް މިއަދު ކުރިމަތިލައްވައިފި އެވެ.
އިދިކޮޅު ރިޔާސީ ކެންޑިޑޭޓަކަށް އެމްޑީޕީގެ ކޮންގްރެސް އިން އެ ޕާޓީގެ ޕާލަމެންޓަރީ ގްރޫޕުގެ ރައީސް އިބޫ ހަމަޖައްސާފައި ވާއިރު ނައިބުކަން ދޭން ނިންމާފައި ވަނީ ޖުމްހޫރީ ޕާޓީން ކަނޑައަޅާ ބޭފުޅަކަށެވެ. އެ ޕާޓީން ރަނިންމޭޓަކު ކަނޑައަޅާފައި އަންނަ ހުކުރު ދުވަހު ބާއްވާ ޖޭޕީގެ ކައުންސިލްގެ 38 މެންބަރުންގެ ވޯޓުންނެވެ.
ރަނިންމޭޓް ކަމަށް ޖޭޕީގެ ޑެޕިއުޓީ ލީޑަރު އަބްދުﷲ އަމީން ވެސް އިއްޔެ ވަނީ ކުރިމަތިލައްވައިފަ އެވެ.
ޖޭޕީގެ އިދާރާއަށް ފޯމު ހުށަހެޅުއްވުމަށްފަހު ނޫސްވެރިންނާ ވާހަކަ ދައްކަވަމުން ފައިސަލް ވިދާޅުވީ ކައުންސިލް އިންތިހާބު ކާމިޔާބު ކުރެއްވޭނެ ކަމަށް އުއްމީދު ކުރައްވާ ކަމަށާއި މަގްސަދަކީ ރާއްޖޭގައި އިންސާފު ގާއިމުކުރެއްވުން ކަމަށެވެ.
"ހުރިހާ ބޭފުޅުންގެ އަރިހުން ވެސް އެދެން ބޭނުންވަނީ އަޅުގަނޑަށް އިތުރަށް ކުރިއަށް ދިއުމަށް މި ފުރުސަތު ދެއްވާށޭ. އަޅުގަނޑުގެ ވިސްނުމަކީ ﷲ އިރާދަކުރެއްވިއްޔާ އަޅުގަނޑުމެން އެންމެން މި ބޭނުންވާ އިސްލާހުގެ މަގަށް ދަތުރުކޮށް އަޅުގަނޑުމެންގެ ތެރެއިން އެއްވެސް ރައްޔިތަކީ އިންސާފުން ބާކީވެގެން ނުދާނެ ރައްޔިތެއް ކަމުގައި ހެދުން،" ފައިސަލް ވިދާޅުވި އެވެ.
ފައިސަލް ވިދާޅުވީ އޭނާގެ ތަޖުރިބާއިންނާއި މިހާރުގެ ސިޔާސީ ހާލަތުން ދިވެހިން ބޭނުންވާ ކަންކަން އެނގިވަޑައިގަންނަވާ ކަމަށެވެ.
"އަޅުގަނޑުގެ ހާއްސަ މަޖިލީހުގެ ތަޖުރިބާއިން އަދި މިހާރު މި ހިނގަމުންދާ ކަންތައްތަކުން ވެސް އަޅުގަނޑަށް ވަރަށް ރަނގަޅަށް އެނގޭ ދިވެހި ރައްޔިތުން ބޭނުންވަނީ ކޮންކަންތައްތަކެއްކަން. އާދެ، ހަމަޖެހުމާއި ސުލްހަމަސްލަސްކަމާއި އަމާންކަން އެއީ ރައްޔިތުން އެންމެ ބޮޑަށް ބޭނުންވާ ކަންތައް،" އޭނާ ވިދާޅުވި އެވެ.
ޑެޕިއުޓީ ލީޑަރު ޑރ. ހުސެއިން ރަޝީދު ވެސް ވިދާޅުވީ އުއްމީދަކީ މިހާރު މި ހިނގަމުންދާ ވެރިކަން ނިމުމަކަށް ގެނައުން ކަމަށެވެ.
"އަޅުގަނޑުގެ އުއްމީދަކީ ރިޔާސީ އިންތިހާބުގައި ވާދަކޮށް މިހާރު މި ހިނގަމުންދާ އަނިޔާވެރި ސަގާފަތް ނިމުމަކަށް ގެނެސް ރައްޔިތުންނަށްޓަކައި އިންތިހާބު ކާމިޔާބު ކުރުމަކީ އަޅުގަނޑުގެ އަމާޒު އަދި އެންމެ ބޮޑު އުއްމީދު،" އޭނާ ވިދާޅުވި އެވެ.
އޭނާ ވިދާޅުވީ ދިވެހިންނަށް އުފާވެރިކަމާއި ހިތްހަމަޖެހުން ހޯދައިދެއްވުމަށް މަސައްކަތް ކުރައްވާނެ ކަމަށެވެ.
އިދިކޮޅު ޕާޓީތަކުން އަދި ރަނިންމޭޓަކު ކަނޑައަޅާފައި ނުވިޔަސް ރައީސް އަބްދުﷲ ޔާމީންގެ ނައިބަކަށް މިހާރު ވަނީ ކުރީގެ އިސްލާމިކް މިނިސްޓަރު އަދި އިސްލާމިކް ޔުނިވާސިޓީ އޮފް މޯލްޑިވްސްގެ ޗާންސެލާ ޑރ. މުހައްމަދު ޝަހީމް އަލީ ސައީދު ހަމަޖައްސަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާތުމަތު
12 July 2018
ޑރ. މައުސޫމް އެންމެ ބެސްޓް ވާނި
ާަަަ
12 July 2018
ބަލަ ކައުންސިލް އިންތިޚާބު ތޯ ކާމިޔާބު ކުރަންތި އުޅުއްވަނީ
އަސްލަމް
12 July 2018
އަލީހުސެން އަކީ ޖޭޕީގަ ހުރި އެންމެ ރަންގަޅު މީހާ ރަނިން މޭޓަކައް ގެންނަން އަޅުގަންޑަކީ އެއްވެސް ޕާޓީ އަކައް ތާއީދު ކުރާ މީހެއްނުން ނަމަވެސް އަލީ ހުސެންގެ ސާބިތު ކަން ވަރައް ބޮޑައް ބަލައިގަންނަން ފައިސަލް އަކީވެސް އަޅުގަންޑު ދަންނަތާ ޒަމާންވި ބޭފުޅެއް ނަމަވެސް ފައިސްލް ވުރެ ފައިދާ ބޮޑުވާނީ އަލީހުސެން ނެގިއްޔާ އެއީ އެމްޑީޕީން ވެސް ހެދިހާ ގޮތެއް ހެދިގެން ނުހުންނާނެ އިންސާފައް ބަސް ބުނާނެ ބޭފުޅެއް.
އަލިފުއަލިފު2017
12 July 2018
ޒުވާނުންނާއި . ސައިލަންޓު ވޯޓަރސްގެ ތާއީދު އޮތީ އަލީ ހުސައިން އަށް. ޖޭޕީގެ ކައުންސިލުން މިކަމަށް ވިސްނާނެކަމަށް އުންމީދު ކުރަން.
ރުޝްދީ
12 July 2018
ފައިސަލް ނަސީމަށް އަޅުގަނޑު ތާއީދު ކުރަން
ހޮޓްކިންގ
12 July 2018
ދެން ނެތްތޯ އިތުރު މީހަކު ތިޔަ ޕާޓީގަ ވެރިކަމާހެދި އުޅޭ؟
އަލީ އަކުބަރު މުހައްމަދު
12 July 2018
އަލީ ހުސައިނަކީ، އެމްޑީޕީ ފިކުރުގެ ބޭފުޅަކަށްވާތީ، ކުރިމަތި ނުލައްވާނެ ކަމަށް އުއްމީދު ކުރަން... އަލީ ހުސައިނަށް ވަރަށް އާދޭހާއެކު ދަންނަވަން... ކުރިމަތި ނުލައްވާ މަޑުކޮށްލައްވާ... ދިވެހިޤައުމާ ރައްޔިތުންގެ ހައްޤުގައި މަޑުކޮށް ދެއްވާ..
މުހައްމަދު އަހްމަދު އަލީ
12 July 2018
ޔާމީނު ބަލިކުރުން ވަރަށް މުހިންމު... އެކަމަކު އެއަށްވުރެ ނުރައްކާތެރި ބަޔަކަށް ފުރުސަތު ދިގެނެއްނުން... ޖޭޕީން ކެންޑިޑޭޓަކު ނެރޭ... 2013 ރިޔާސީ އިންތިޚާބުގެ ފުރަތަމަ ބުރުގައި ޔާމީނަށްވެރެ ޤާސިމަށް މަދީ 2500 ވަރަކަށް ވޯޓް... އެއިރު ވަހީދަށް 10000 ވޯޓް... މައުމޫނާއި ޖަލުގައި ތިބި އެންމެން ޔާމީނާއެކު.. އެކަމަކު މި ޤައުމު މިއޮތް ހާލަތުން ޖޭޕީ އަށް ޔާމީނު ބަލިކޮށް ވަރަށް ފަސޭހަކޮށް 2 ވަނަ ބުރަށް ދެވޭނެ... އަދި ފަހުބުރުގައި އެމްޑީޕީ ބަލިކޮށް ރާއްޖެ ސަލާމަތުގެ އައްސޭރިއަކަށް ގެނެވޭނެ...
އައިސާ
12 July 2018
ކޮއިފުޅުމެންނޭ ތިޔަ ރަނިންމޭޓް ވެރިކަން ލިބޭ އިރަށް ނަގާ އެއްލާލާނެ..... ތީ ހަމަ އެއްވެސް މަޤާމެއް ނޫން. ތިޔަ ވުރެ ރަގަޅުވާނެ ޖޭޕީން ވެސް ވެރިކަމަށް ކުރިމަތިލިއްޔާ . އަންނިއަށް ބައިއަތު ހިފައިގެން އުޅޭ މީހަކަށް ވޯޓެއް މަ ނުލާނަ. ރަސޫލާއަށް ފުރައްސާރަ ކޮށް ، އިސްލާމް ދީންގެ އަސްލު އުޞޫލަ މަލާމަތް ކުރާތީ، އަދި ނޭގެ ހާލުގައި އަގަތަޅުވާތީ ކެނެރީގެ ނަޝިދަށް މަސަލާމް
މުހައްމަދު އަހްމަދު
12 July 2018
ޔާމީނު އަނިޔާވެރި.. އަންނިގެ ނުބައި ހުރިހައިކަމެއް އެބަހުރި... އެހެންވީމާ އެމްޑީޕީ ފަހަތަށް އަރަންވީކީ ނުން... ޖޭޕީ ން އަމިއްލަޔަށް ނުކުންނަންވީ.. ބޮޑު ދެޕާޓީ އަށް ވެރިކަން ދޭން ބޭނުން ނުވާ ކިތަންމެ ބަޔަކު އެބަތިބި.. އޭގެ ތެރޭގައި ޕީޕީއެމްގެ ބައެއް މީހުންނާ އެމްޑީޕީ މީހުންވެސް ހިމެނޭ.. އަދި ދީނީ އިލްމުވެރިން ވެސް ޕީޕީ ދޫކޮށްފަ ކަޑަބޮއްޖަހާފަ އަންނާނެ... އެމްޑީޕީ އާ ހުރެ ތި އުޅޭ ޑރ އިޔާޒުވެސް އަންނާނެ.. މިހާރު މިވަގޮތުން ޤާސިމުގެ މީހުންނަށް ހުރިހާ އަނިޔާ އެއް.. ޤާސިމަށް ލިބޭނެ ފައިދާ އެއް ނެތް.. އަތޮޅުކައުންސިލެއްގެ ރައީސް އަޅުގަނޑު ގާތު ބުނީ ދައުރުގެ މެދުން އިންތީޚާބެއް ބޭއްވިޔަސް ބާއްވާނީ ބާޣީ ޤާސިމު މެން ބަލިކޮށްފައޭ.. ޝާހިދާއި އިބޫ ވިދާޅޫވިއޭ...