18 ޖުލައި 2018 - 14:00
59 comments
ގަވައިދާ ހިލާފަށް ޕާކްކޮށްގެން އަރާފައިވާ 7.8 މިލިއަން ރުފިޔާގެ ޓްރެފިކް ޖޫރިމަނާ ރައީސް އަބްދުﷲ ޔާމީން މައާފުކޮށްދެއްވައި، އެކަން ޓްރާންސްޕޯޓް އޮތޯރިޓީން މިއަދު އިއުލާންކޮށްފި އެވެ.
ޖުމްލަ 7،895،750 ރުފިޔާ އަރާ މި ޖޫރިމަނާއަކީ 2015 އާއި 2016 ގައި ޓްރެފިކްގެ ގަވާއިދާ ހިލާފު ވެގެން ފުލުހުން ތަތްކުރި ސްޓިކާތަކަށް ޖެހޭ މިންވަރެވެ.
ޓްރާންސްޕޯޓް އޮތޯރިޓީ ހިންގާ، އިކޮނޮމިކް މިނިސްޓްރީގައި ބޭއްވި ނޫސްވެރިންގެ ބައްދަލުވުމެއްގައި އެ މިނިސްޓްރީގެ ޑެޕިއުޓީ މިނިސްޓަރު އަބްދުﷲ ޝިޔާޒު ވިދާޅުވީ އެ ދެ އަހަރުގެ ޖޫރިމަނާ މާފުކޮށްދޭން ނިންމީ މަގުތައް މަރާމާތުކުރުމުގެ މަސައްކަތުގެ ސަބަބުން ޕާކްކުރަން ދަތިވެ އެތައް ބަޔަކު ޖޫރިމަނާ ވެފައިވާތީ ކަމަށެވެ.
އިކޮނޮމިކް މިނިސްޓްރީގެ ޑެޕިއުޓީ މިނިސްޓަރު ޝިޔާޒު ވާހަކަ ދައްކަވަނީ - ފޮޓޯ: ހުސައިން ވަހީދު/މިހާރު
މާލޭގެ އެންމެ ބޮޑު އެއް މަގު ކަމަށް ވާ މަޖީދީ މަގު އެއްކޮޅުން އަނެއްކޮޅަށް އަލުން ހަދަން ސަރުކާރުން ބޮޑު މަޝްރޫއުއެއް ހިންގި އެވެ. އެކަމަކު އެ މަސައްކަތް ކުރީ އެކި ހިސާބުތަކުން ބަންދުކޮށްގެންނެވެ.
ގަވައިދާ ހިލާފަށް ޕާކްކޮށްގެން ފުރަތަމަ ޖަހާ ސްޓިކާއާ އެކު 250 ރުފިޔާއިން ޖޫރިމަނާ ކުރާއިރު ދެވަނަ ސްޓިކާއާ އެކު ޖޫރިމަނާގެ މިންވަރު 500 ރުފިޔާއަށް ކުރެ އެވެ. އޭގެ ފަހުން ޖަހާ ކޮންމެ ސްޓިކާއެއްގެ އަގަކީ 750 ރުފިޔާ އެވެ.
ޖޫރިމަނާ ނުދައްކާ ކަމަށް ވަންޏާ އަހަރީ ފީއެއް ނުދެއްކެ އެވެ. އޭގެ މާނައަކީ އެ ވެހިކަލެއް ދުއްވަން ސަރުކާރުން ދޭ ރަސްމީ ހުއްދަ ނުލިބުމެވެ. އެހެންކަމުން 2015 އާއި 2016 ގައި ޖޫރިމަނާ ނުދައްކާ އުޅަނދުފަހަރު ދުއްވަމުން އެ ގެންދަނީ ގަވާއިދާ ހިލާފަށެވެ.
ބައެއް އުޅަނދުތައް ފުލުހުންގެ ޓޯޔާޑްގައި ވެސް ބަހައްޓާފައިވެ އެވެ. އަދި ނުގެންގޮސް ގިނަ ދުވަސް ވީ ގިނަ އަދަދެއްގެ ސައިކަލް ބާ ދަގަނޑަށް ވިއްކާލަން ކުރިން އިއުލާންކުރި އެވެ.
ޓްރެފިކް ޖޫރިމަނާ މީގެ ކުރިން ވެސް ވަނީ މައާފުކޮށްދީފަ އެވެ. އެގޮތަށް މާފުކޮށްދޭއިރު ސްޓިކާ ޖެހުމުގެ މަގުސަދު ހާސިލް ވޭތޯ ސުވާލު ކުރުމުން ޝިޔާޒު ވިދާޅުވީ ސްޓިކާ ޖަހާތީ ޓްރެފިކް މައްސަލަ ހައްލުވާ ކަމަށެވެ. އަދި މާލޭގެ ޓްރެފިކް މިހާރު އޮތް ވަރަށް ވެސް ހައްލުކުރެވެނީ ޖޫރިމަނާ ކުރާތީ ކަމަށް އޭނާ ވިދާޅުވި އެވެ.
ޓްރާންސްޕޯޓް އޮތޯރިޓީގެ ޗެއާމަން މަހުދީ އިމާދު ވިދާޅުވީ މާލޭގެ މަގުތައް އަލުން ހަދަމުން އަންނަ އިރު ޓްރެފިކް މައްސަލަ ހައްލުކުރަން ގިނަ މަސައްކަތްތަކެއް ކުރާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓަގު ބޯޓު
19 July 2018
އައްދެ، ތިޔާ އަތުލަން ފަސޭހަ އެއްޗެއް ނޫނިއްޔަ. ދެން މަޢާފު ކުރުން ނޫން އެހެން ގޮތެއް އޮންނާނެތަ؟ އެހެނަސް ސަބަބަކަށް ކޮންމެ އެއްޗެއްވެސް ދެއްކެދާނެ. ދެން މަގުތައް ހަދާ ނިމެންދެން އިސްޓިކާ ނުޖަހަންވީނުދޯ. އޭރުން އެ ފުލުހުންކޮޅުވެސް ބޭނުން ކުރެވިދާނެ އެހެން ކަމަކު.
ތޭރިހެރި
19 July 2018
ކޮބާ އެފައިސާ ބަރާބަރަށް ދެއްކި މީހުންގެ ހައްގު. ކުށްވެރިންނަށް މާފު. ގަވާއިދަށް ބޯލަނބާމީހުންނަށް ނާށިގަނޑެއް.
ގެދަބުޅި
19 July 2018
2015 އަދި 2016 ގައި ސްޓިކަރޖަހާ އަދި އެ ނުދައްކާ ހުންނާނެ އުޅަދުތަކަކީ ލަފާކުރެވޭގޮތުގައި ޓޯޔާޑުގައި ހުންނާނެ ތަކެތި. އެއީ އެ ޖުރުމަނީ ދައްކައިގެން ނޫނީ 2017 އަދު 2018ގެ އަހަރީފީ ނުދެއްކޭނެ ކަމަށް އަޑުއިވޭތީ.
ރޮބިން
18 July 2018
ރައީސުލްޖުމްހީރިއްޔާ ކުރިއަސް މިއީ ރައްޔިތުންގެ ފައިސާ ވަކިބަޔަކަށް ނަހަމަ ގޮތުގައި ބޭނުން ކުރުމަށް ދިނުމަކީ ކުރެވޭނެކަެއްނޫން.
ހުމް
18 July 2018
މަގޭ ލޯން ވެސް މާފް ކޮއްދީބަލަ
އަތްފުނާ
18 July 2018
ކުށެއް ކުރުމުން އެއޮނަ ޖޫރިމަނާ މައާފު ކުރުން އެއީ ދެވަނަ ފަހަރަށް ކުށްކުރުން ލިބޭ ފުރުސަތަކަށްވަނީ.ކުށެއް ކޮއްފިއްޔާ އަދަބު ލިބެންޖެހޭނެ..އެހެންނޫނަސް މިވަރުގެ ބޮޑު އަދަދެއް މައާފުކުރުން އެއީ ކޮއްގެންވާނެ ކަމެއްނޫން.މިއީ މުއްސަނދި ގައުމުތަކުންވެސް ނުކުރާނެ ކަމެއް.ހޭޖެހޭ ކަންކަން ކޮށްބަަލަ
ބޮޑު އިންޖިނިއަރު ކަޅޭ
18 July 2018
މިއީ ކާކުގެ ފައިސާއެއްތޯ ވޯޓާ ދިމާކޮށް އުދުއްސާލަނީ. ކޮބާ އޭސީސީ،
މާކުން
18 July 2018
ޓިޔަ ނުސީދާ ކޮށް ދެން ރިޝްވަތެއް ކަމުގައި ޤަބޫލު ކުރުމުގެ ފުރުޞަތު އެބަ އޮތް ދެއްތޯ؟
މިސްޓީރިއަސް
18 July 2018
ތިހާ ހެޔޮފުޅިއްޔާ ހުރިހާ ޖުރިމަނާ އެއް މާފު ކޮއްބަލަ...ކީއްވެ އެދެ އަހަރައް އެކަނި ކުރީ..
މަޒް
18 July 2018
ފުލުހުން ގައިން ހީބިހި ނަގުވާލަފަ ކުރި އެއޮއް ބޮޑު މަސައްކަތް ފަނު ފުލުން ދި ދުއްވާލީ.. ކޮބާ ސްޓިކާއަށް ކުރި ހަރަދު؟ އަނެއްކާ ފުލުހުން ޖޯސާ ފޯރިއާއެއްކޮއް ކުރި ކަންތައްކުގެ އެއްވެސް ފައިދާއެއް ދައުލަތައް ނުލިބުނު...
ކެނެޑީ
18 July 2018
ފުލުހުން ހިލޭސާބަހަށްތަ މަސައްކަތްކުރަނީ؟