އއ. މަތިވެރީގައި މިރޭ ބޭއްވި ޖަލްސާގައި އަމީން ވާހަކަ ދައްކަވަނީ
17 އޯގަސްޓް 2018 - 00:05
29 comments
ވެރިކަން ކުރެއްވުމަށް ރައީސް އަބްދުﷲ ޔާމީނަށް ދެ ވަނަ ފުރުސަތެއް ދީފި ނަމަ ރާއްޖޭގެ ރަށްތައް ފަޅުކުރައްވާނެ ކަމަށް، ޖުމްހޫރީ ޕާޓީގެ ޑެޕިއުޓީ ލީޑަރު އަބްދުﷲ އަމީން މިރޭ ވިދާޅުވެއްޖެ އެވެ.
އިދިކޮޅު ޕާޓީތަކުގެ ކޯލިޝަނުން މިރޭ އއ. މަތިވެރީގައި ބޭއްވި ޖަލްސާއެއްގައި ވާހަކަ ދައްކަވަމުން އަމީން ވިދާޅުވީ ރައީސް ޔާމީންގެ ވިސްނުންފުޅަކީ މާލޭގެ ސަރަހައްދަށް މީހުން ޖަމާކުރުން ކަމަށާއި ދެ ވަނަ ދައުރެއްގައި، ރަށްތައް ފަޅުކޮށްގެން ވެސް އެ މަނިކުފާނު މި ސަރަހައްދަށް މީހުން ޖަމާކުރައްވާނެ ކަމަށެވެ.
އެހެންވެ، އަންނަ މަހުގެ 23ގައި އޮންނަ ރިޔާސީ އިންތިހާބުގައި ވޯޓުލާއިރު އެކަމާ ރައްޔިތުން ވިސްނަން ޖެހޭ ކަމަށް އޭނާ ވިދާޅުވި އެވެ.
އަމީން ވިދާޅުވީ ރާއްޖެއަށް ބޮޑެތި ތަރައްގީތަކެއް ގެންނެވި ކަމަށް ރައީސް ވިދާޅުވާއިރު، ވޭތުވެ ދިޔަ ފަސް އަހަަރުގެ ތެރޭގައި ހިންގާފައިވާ މަޝްރޫއުތަކުގެ ސަބަބުން ގައުމު ދިހަ އަހަރު ފަހަތަށް ސޮއްސާލާފައިވާ ކަމަށެވެ. އެގޮތުން 650 މިލިޔަން ޑޮލަރު ހަރަދުކޮށްގެން ތަރައްގީ ކުރެވެން އޮތް އެއާޕޯޓަށް، 1،200 މިލިޔަން ޑޮލަރު ހަރަދު ކުރަން ނިންމެވުމަކީ ފަހަތަށް ނެންގެވި ފިޔަވަޅެއް ކަމަށް ވިދާޅުވި އެވެ. އަދި 25 ބުރީގެ ދަރުމަވަންތަ ހޮސްޕިޓަލް އެޅުމަށް އެންމެ ބޮޑުވެގެން، 50-60 މިލިޔަން ޑޮލަރު ހަރަދު ކުރެވެން އޮތް އިރު، އެ މަސައްކަތް 150 މިލިޔަން ޑޮލަރަށް ކުރެއްވުމަކީ ވެސް ފަހަތަށް އެޅުއްވި ފިޔަވަޅެއް ކަމަށް އޭނާ ވިދާޅުވި އެވެ.
"މިއީ ތިޔަބޭފުޅުންގެ ނަރުދަމާގެ ހިދުމަތާއި ސިއްހީ ހިދުމަތް ތަރައްގީ ކުރުމަށް ހޭދަކުރަން ހުރި ފައިސާ. އެހެންވެ، ފަސް އަހަރުގެ ތަރައްގީގެ ވާހަކަ ދައްކާއިރު، އެހެން ހިދުމަތްތަކުން މި ވަނީ ވަރަށް ބޮޑަށް ފަހަތަށް ގޮސްފައި،" ރައީސް އޮފީހުގެ މިނިސްޓަރުކަން ވެސް ކުރެއްވި އަމީން ވިދާޅުވި އެވެ.
އޭނާ ވިދާޅުވީ ރައްޔިތުންނަށް ބޭނުންވާ އެންމެ އަސާސީ ހިދުމަތްތައް ނުލިބޭނަމަ، ގައުމު ތަރައްގީވި ކަމަކަށް ނުބެލޭނެ ކަމަށާއި ގިނަ ރަށްރަށް އެ ހިދުމަތްތަކުން މަހުރޫމްވެފައިވާ ކަމަށެވެ. އަދި ގައުމުގެ ހަގީގީ ހާލަތު ހުރީ އެ ހިސާބުގައި ކަމަށް ވިދާޅުވި އެވެ.
"ގައުމުގެ ހަގީގީ ހާލަތު ހުރި ހިސާބަކީ، ގިނަ ރަށްރަށުގައި ނަރުދަމާގެ ހިދުމަތެއް ލިބޭކަށެއް ނެތް. ބޭސް ފަރުވާގެ ހިދުމަތް ލިބޭކަށެއް ނެތް. އެކަމަކު މިއީ ރައްޔިތުން ޓެކްސް ދައްކައިގެން ހޯދާ ހިދުމަތްތަކެއް،" އަމީން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެކުރި
18 August 2018
ފަޅުވެއްޖެއްޔާ ރިސޯޓްހަދާލާ ނޫނިއްޔާ ތިކުދިން ވެރިކަމަށް އައިސް ވިއްކާލާ ނޫނިއްޔާ ތިތަނުން ކުއްޖަކަށް ހިލޭދޭން އޮންނާނެއްނޫން.
ލޯމާފާނު
17 August 2018
ކޮންމެ މީހަކު މިއޮއް ހުރިހާ ދުވަހު ރައީސް އޮފީހުގަ އޮވެފަ އައިސް ބޭރުކޮއްލީމަ ޕޯޑިއަމަށް އަރާ ފަޅޮލޭ ބަރަބޮލޭ ކިޔަކަސް ތިވާހަކަ ގަބޫލެއް ނުކުރެވޭނެ. އެކަމަކު މިމީހުން ދައްކާ ވާހަކަ ވެސް އަޑު އަހާފަ އަތް ޖަހަން ބަޔަކު ތިބޭ އަދިވެސް.
ރާއްޖެ
17 August 2018
ރަށެއްގަ 500 މީހުން ބައިތިއްބައިގެން މުޅި ރާއްޖެ ތަރައްގީއެއް ނުކުރެވޭނެ ކަން އެންމެންނަށް ވެސް އެނގޭނެ. މީގެން ކޮންމެ ރަށެއްގަ ޓާޝަރީ ހޮސްޕިޓަލް އަޅަން ޖެހޭ. އެތަނަށް ދާނީ ދުވާލަކު 5 ޕޭޝަންޓުން. ތިބެން ޖެހެނީ ޕްރޮފެސަރުން ބަލިމީހުން ބަލަން. ކޮންމެ ރަށެއްގަ ޔުނިވަރސިޓީއެއް އަޅަން ޖެހޭ. މީ ރިސޯސަސް ވޭސްޓް ކުރުން. 5000ން ދަށުގެ ހުރިހާ އާބާދީއެއް ގެނެސް އެއްތަނަކަށް އަޅާލަންވީ.
ޙަފްޞާ / މާލެ
17 August 2018
ިސޮރުވެސް އެބަ އުޅޭދޯ؟
ފަލަޑޭ
17 August 2018
މީނައާއި ދެންއުޅޭ މަލީހް ޖަމާލްއާހެދި މަމިހާރު ވޯޓްދޭން ޖެހިލުންވޭ.
ސޮފިއްޔާ
17 August 2018
ކަލޭ ކައިރީ ބުނީތަ ފަޅު ކުރާނެ ވާހަކަ؟ ނޭންގި އޮތީމަ އަހާލީ ހަމަ. ވަރައް ވެދުން
ރާވެރިބެ
17 August 2018
މިހާރުވެސް ރާްޖޭގައި ގިނައީ ފަޅުރަށް ...
ބެނޭ
17 August 2018
އަމިން ތިވިދާޅުވާގޮތުގަ ރާއްޖޭގެ ހަރުމުދާ ވިއްކުމަކީ ގައުމުފަހަތައް ދިއުމެއްނޫން ދެއްތޯ. އަޅުގަނޑުމެން ދެކޭގޮތުގަ ހަރުމުދާވިއްކުމަކީ ގައުމު ފަހަތައްދުއްވާލުން.
ލިޕޭ
17 August 2018
އެހެންވެދޯ ބޮޑެތި މަޝްރޫތައް ކުރިއައްގެން ދަނީއެ
ނަސީރާ އަހުމަދު
17 August 2018
ތެދެއް އަމީން. ޢެފަސްކުރުމޭ ކިޔާފަ ހަމަ މަކަރުވެރިގޮތަކަށް މާލެއަށް އެންމެން ގެންދަން އުޅެނީ. ޢަހަރެމެން ރަށް ރަށުން މިހާރު ގެސްޓް ހައުސް ހިނގާތީ ނިކަން ރަގަޅަށް އާންދަނީ ލިބޭ. ށަތުކާރުން ފެނާ ނަރުދަމާ އަޅާލީމަ ނިމުނީ. ޢަހަރެމެން ދަތިން ބޭރުގަ މޮޅުތަންތަނަށަ ފޮނުވައިގެން ކިޔަވަދީފާނަން. ޢަހަރެމެން ބޭނުމެއް ނޫން ވިލިމާލެއަށް ނުވަތަ މާލެއަށް ދާކަށް. ޢަމީން ހަމަ ޔަގީން މިރަށްކު ވިއްކާލަން އެރާވަނީ ދުރާލާ