އިންތިޚާބު ކާމިޔާބު ކުރުމަށް ބަދަހި ސަފުތަކާ އެކު މަސައްކަތް ކޮށްދިނުމަށް ޑރ. ޝަހީމް އެދިވަޑައިގެންފި
ތިނަދޫ ޕީޕީއެމް އޮފީސް މިރޭ ހުޅުއްވައި ދެއްވުމަށް ފަހު، ޝަހީމް ވާހަކަ ދައްކަވަނީ.---ފޮޓޯ: ޕީޕީއެމް
19 އޯގަސްޓް 2018 - 23:42
45 comments
އަންނަ މަހު ބާއްވާ މި އަހަރުގެ ރިޔާސީ އިންތިޚާބު ޕީޕީއެމަށް ކާމިޔާބު ކޮށްދިނުމަށް އެކުވެރިކަމާއި ބަދަހި ސަފުތަކާ އެކު މަސައްކަތް ކޮށްދިނުމަށް ރައީސް އަބްދުﷲ ޔާމީންގެ ރަނިންމޭޓް، ޑރ. މުހައްމަދު ޝަހީމް އަލީ ސައީދު މިރޭ އެދިވަޑައިގެންފި އެވެ.
ގދ. ތިނަދޫގެ ޕީޕީއެމް އޮފީސް ހުޅުއްވައި ދެއްވުމަށް ފަހު ވާހަކަ ދައްކަމުން ޝަހީމް ވިދާޅުވީ އަންނަ މަހުގެ 23 ގައި ބާއްވާ ރިޔާސީ އިންތިޚާބު ޕީޕީއެމަށް ކާމިޔާބު ކޮށްދިނުމަށް ބުރަ މަސައްކަތް ކޮށްދޭންޖެހޭ ކަމަށެވެ. އަދި އެކަން ކޮށްދެވޭނީ ރައްޔިތުންގެ ހިތްވަރާއި އަޒުމުން ކަމަށް ވުމުން، އެކުވެރިކަން އޮންނަން ޖެހޭ ކަމަށް ވިދާޅުވި އެވެ.
"ރިޔާސީ އިންތިޚާބު 2018 ކާމިޔާބު ކޮށްދެއްވުމަކީ ތިޔަބޭފުޅުންގެ ހިތްވަރާއި އަޒުމާއި ދުއާއިން ކުރެވޭނެ ކަމެއް. އެހެންކަމުން އަޅުގަނޑު އެދެނީ، މި ރަށުގެ އެންމެހައި ލޮބުވެތި ރައްޔިތުންނަށް، އެކުވެރި ކަމަކީ ގަދަފަދަ ބާރެއް. ވަކިވެ ގަތުމަކީ ނިކަމެތި ކަމެއް،" މިދިޔަ ބުރާސްފަތި ދުވަހުން ފެށިގެން ތިނަދޫގައި ކެމްޕެއިން ކުރައްވަމުން ގެންދަވާ ޝަހީމް ވިދާޅުވި އެވެ.
"އަޅުގަނޑުމެން ހައްގަށްޓަކައި ކުރާ މަސައްކަތެއް މި ކުރަނީ. އަޅުގަނޑުމެންގެ ދީނާއި ސަގާފަތާއި ތަރައްގީ އާއި ކުރިއެރުމާއި މިތަނުގެ މުސްތަގުބަލަށްޓަކައި އަޅުގަނޑުމެން ކުރަން ހައްގު މަސައްކަތެއް މި ކުރަނީ. އެ ހައްގު މަސައްކަތުގައި އަޅުގަނޑުމެން ދެމިތިބެން ވާނީ އެކުވެރިކަމާ އެކުގައި."
އޭނާ ވިދާޅުވި ގޮތުގައި، ތިނަދު އަކީ، ވެރިކަން ކުރާ ޕާޓީ ޕީޕީއެމަށް ބޮޑު ތާއީދެއް އޮންނަ ރަށެކެވެ. އެގޮތުން، ރައްޔިތުންނަށް ދިމާވާ ދަތިތަކާއި ކަންބޮޑުވުންތަކާއި ހިޔާލުތައް ބެލުމަށް ރަށުގެ ހުރިހާ ގެއަކަށް ޒިޔާރަތް ކުރަން ޖެހޭނެ ކަމަށް ވެސް ޝަހީމް ވިދާޅުވި އެވެ.
"ޕީޕީއެމްގެ މެމްބަރުން ވާންވީ، މި ރާއްޖޭގައި ތިބި އެންމެ އޯގާތެރި މެމްބަރުންނަށް. އެންމެ ހެޔޮ މެމްބަރުންނަށް. އޭރުން އިރާއްދަކުރެއްވިއްޔާ ޕީޕީއެމް ވެރިކަން ދެމި އޮންނާނީ އިންޝާﷲ." ޝަހީމް ވިދާޅުވި އެވެ.
ތިނަދު އަށް އުފަން، މިހާރުގެ ނައިބު ރައީސް އަބްދުﷲ ޖިހާދަަށް ތައުރީފް ކުރައްވައި ޝަހީމް ވިދާޅުވީ، އެއީ ގައުމަށް ވަރަށް ޚިދުމަތްތެރި ބޭފުޅެއް ކަމަށެވެ. އެހެންވެ، ރިޔާސީ ދެވަނަ ދައުރަކަށް ރައީސް ޔާމީން ހޮވިވަޑައިގެންފި ނަމަ ޖިހާދުގެ ޚިދުމަތްތަކަށް، ބުރުލެއް ނާރައި އެމަނިކުފާނުގެ ޚިދުމަތް ރަށަށް ލިބިގެންދާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެބެ
22 August 2018
ޔާމީން އަކީ ނުލަފާ އަނިޔާވެރިއެއްކަމަށް ދިވެހި ގިނަ ރައްޔިތުންނާއި، ދުނިޔޭގެ ގިނަ ޤައުމްތަކުންނާއި ކޮމަންވެލްތާއި އަލިފް ދާލު ފަދަ ޖަންމިއްޔާތަކުން ބޫލުކުރޭ. އެފަދަ މީހަކު އިންތިޚާކުރަން ނިކުންނާނީ ނުލަފާ މީހުން ނުވަތަ ސިކުނޑިއެއް ނެތް މީހުން.
ކަނބިލި
21 August 2018
އޯގާތެރިތެރިއޭ! މިމާތް ސިފައަށް ހަޖޫޖަހަނީތަ ޝައިޚު؟ ނޫނީ މިމާތް ސިފައިގެ މާނަ އެނގިވަޑައިނުގަންނަވަނީތޯ؟
ކަކުނި އިއްބެ
21 August 2018
2018އިންތިޙާބު ރައީސް ޔާމީން އަށް ކާމިޔާބު ކޮށްދިނުމަށްޓަކައި ރައްޔިތުން ތިބީ ވަރަށް ބަދަހި ކަމާއި އެކު އަތުކުރި އޮޅާ ލައިގެން ...
މަނިއްޕޮޅު
21 August 2018
މަނިއްޕުޅަށް ބުނެލަންއޮތީ ތިޔަހުންނެވުނީ އަނިޔާވެރިންގެ ފަޅީގަކަން އަދި މަނިއްޕުޅަށް އޮތް ގަދަރު ގެއްލެމުން ފަނޑުވަމުންދާކަން. އިންތިހާބް ކާމިޔާބްކުރަން ކިތަންމެވަރަކަށް ދީން ހަތިޔާރަކަށް ނެންގެވިއަސް އެކަމެއް މިހާރަކުނުވާނެ. ސަބަބަކީ މިސަރުކަރުގެ އަނިޔާވެރިކަން މާބޮޑަށް ކުލަގަދަ. ކޮރަޕްޝަން ކުލަގަދަ. ދެންސަލާމް
އީމަން
21 August 2018
ގައުމުގެ ރައީސުލް ޖުމްހޫރިޔާ އަކީ އެހެން ހުރިހާ އެންމެނަށް ނަމުނާ އަކަށް ވާޖެހެވެ. ސީފައިންނާ ފުލުހުން ވެސް އެހެނެނެވެ. ނަމަވެސް ރައީސް ޔާމީނުގެ އޯގާތެރިކަމުގެ ޒައްރެއްގެ މިންވަރުވެސް ނެތް، އީސާނިޔަތު ކަމެއްނެތް، ބަހާ އަމަލާ ދިމައެއް ނުވެއެވެ.
ސީމާ1
21 August 2018
އޯގާތެރިކަމުން ރަށުގެ އިންޖިނުގޭގައި ހުރި އެއްމެ ތަންދޮރު އޮޅުންފިލާމީހާ ވަކިމުއްދަތެއްނެތި ފޮނުވާލީ ރ އަތޮޅަށް. ޢެއްމެފަހުން އާއިލާއިން 50ފޯމް ގެނައިމާ ރަށަށް ބަދަލުކުރީ.
ކިޔުންތެރިއެއް
21 August 2018
ވެރިޔާގެ އޯގާތެރިކަމިން ރައްޔިތުމީހާގެ ދެލޯ ނުހިކެ
ހަސަންމާހިރު
20 August 2018
"ޕީޕީއެމްގެ މެމްބަރުން ވާންވީ، މި ރާއްޖޭގައި ތިބި އެންމެ އޯގާތެރި މެމްބަރުންނަށް. އެންމެ ހެޔޮ މެމްބަރުންނަށް. އޭރުން އިރާއްދަކުރެއްވިއްޔާ ޕީޕީއެމް ވެރިކަން ދެމި އޮންނާނީ އިންޝާﷲ." ޝަހީމް ވިދާޅުވި އެވެ. މިއީ ރަނގަޅުވާހަކަ އެއް. ޖުމުލަކޮށްބަލައިފިނަމަ މިހާރުވެސް އެންމެ ހެޔޮ އެންމެ އީމާންތެރި ޙުލުގު ރަނގަޅުމީހުން ގިނަވާނީ ޕީޕީއެމް ގައެވެ.
ބައްބު
20 August 2018
ޢަސްލު ޕީޕީއެމްއަކީ އޯގާތެރި ބަޔަކަށް ވެދާނެ.. ފުރަތަމަ ފޭރިގެން އުޅެ ޕާތީއެއްތީ. ދެން ކޮން އޯގާތެރިކަމެއްގެ ވާހަކަ މި ދައްކަނީ
ނާސްތާ
20 August 2018
ޕީޕީއެމް މެމްބަރުންތޯ އަދިވެސް އޯގާތެރި ނުވެގެން މި އުޅެނީ.. ބައްލާވާ ފާރިޝް އާއި މައުމޫން އާއި ނަދީމު އާއި ނާޒިމް ވެސް ހަމަ އޯގާވެރިނުވެގެންތޯ ޖަލުގަ އެ ތިއްބަވަނީ.. އެއީ ހުސް ޕީޕީއެމް މެމްބަރުން.. އެ މެމްބަރުން ޖަލުގަ ތިއްބެވީ ޕީޕީއެމް މެމްބަރުން ބޭނުންވެގެންނެއް ނޫން..