ހުޅުމާލޭގައި އަޅާ 7،000 ފްލެޓަށް އެޕްރީލް މަހު ވަދެވޭނެ: މިނިސްޓަރު

ހިޔާ މަޝްރޫއުގެ ފޯމު ދޫކުރުމަށް ދަރުބާރުގޭގައި ބެހެއްޓި މޭޒެއްގެ ކައިރީގައި މިނިސްޓަރު މުއިއްޒު މަޑުކޮށްލައްވައިގެން. --ފޮޓޯ: ހުސެއިން ވަހީދު/މިހާރު

ފަޒީނާ އަހުމަދު، މިހާރު

23 އޯގަސްޓް 2018 - 11:35

46 comments

ލައްކައެއްހާ މީހުންނަށް ބޯހިޔާވަހިކަން ފޯރުކޮށްދޭން މި ސަރުކާރުން ފަށާފައިވާ "ހިޔާ" މަޝްރޫއުގެ ދަށުން ހުޅުމާލޭގައި އަޅާ 7،000 ފްލެޓަށް އަންނަ އެޕްރީލް މަހުގެ ތެރޭގައި ވަދެވޭނެ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވެއްޖެ އެވެ.

މިދިޔަ ޖޫން މަހުގެ ތެރޭގައި ފުރުސަތު ހުޅުވާލި މި މަޝްރޫއަށް މި މަހުގެ ނިޔަލަށް ފޯމު ހުށަހެޅޭނެ އެވެ. މި މަޝްރޫއު ކުރިއަށް ގެންދަނީ 17 ކެޓަގަރީއަކަށް ބަހާލައިގެންނެވެ.

މިނިސްޓަރު މުއިއްޒު މިދިޔަ ހަފުތާގައި "މިހާރު" އަށް ވިދާޅުވީ ފްލެޓްތައް ނިމެންވާ އިރަށް، ކުރިމަތިލާ މީހުންގެ ތެރެއިން ޝަރުތު ހަމަވާ މީހުން ކަނޑައަޅާނެ ކަމަށެވެ. މި މަޝްރޫއުން ފްލެޓަށް އެދި، ގާތްގަނޑަކަށް ބައި ލައްކަ އަށް ވުރެ ގިނަ މީހުން ފޯމު ނެގި އެވެ.

"ފޯމު ހުށަހަޅާ މީހުންގެ ތެރެއިން، ފްލެޓްތައް ލިބޭ މީހުން ލަސްތަކެއް ނުވެ ކަނޑައެޅޭނެ. އަޅުގަނޑުމެން ބޭނުން ވަނީ ފްލެޓަށް ހޮވޭ 7،000 މީހުން ވީހާވެސް އަވަހަކަށް އިއުލާންކުރަން،" މިނިސްޓަރު ވިދާޅުވި އެވެ.

އެކަމަކު، ފްލެޓަށް ޝަރުތު ހަމަވާ މީހުން ކަނޑައެޅޭނެ މުއްދަތު އެނގޭނީ، ކުރިމަތިލާ މީހުންގެ އަދަދު ސާފުވުމުން ކަމަށް މުއިއްޒު ވިދާޅުވި އެވެ.

7،000 ފްލެޓް ކެޓަގަރީތަކަކަށް

މިނިސްޓަރު ވިދާޅުވި ގޮތުގައި ފޯމު ހުށަހަޅާ މީހުންގެ ދިރިއުޅުމުގެ ހާލަތާ ބެހޭ ސާވޭއެއް ވެސް ކުރާނެ އެވެ. އެގޮތުން، މިނިސްޓްރީގެ ވިސްނުމަކީ ވީހާވެސް ފުރިހަމައަކަށް ފްލެޓު ދިނުމުގެ ހުރިހާ ކަމެއް ނިންމުން ކަމަށް ވިދާޅުވި އެވެ.

މުއިއްޒު ވިދާޅުވީ ފްލެޓްތަކުގެ ހައްގުވެރިން ކަނޑައަޅައި، މި އަހަރު ނިމުމުގެ ކުރިން އެއްބަސްވުން އެކުލަވާލައި އެ ފަރާތްތަކާ އެކު ސޮއިކުރާނެ ކަމަށެވެ.

ރައީސް އަބްދުﷲ ޔާމީންގެ ސަރުކާރުން ހުޅުވާލި ބޯހިޔާވަހިކަމުގެ ފުރަތަމަ މަޝްރޫ އަށް ގާތްގަނޑަކަށް 15،000 މީހުން ކުރިމަތިލި އެވެ. އެ މަޝްރޫއުގެ ފުރަތަމަ ބުރުން ފްލެޓް ދިނީ އެންމެ 704 މީހުންނަށެވެ.

އެ މަޝްރޫއުން ފްލެޓް ނުލިބުނު މީހުންނަށް ސަރުކާރުން ދެއްކި ހައްލަކީ ހުޅުމާލޭ ދެ ވަނަ ފިޔަވަހީގައި އިމާރާތް ކުރަން ނިންމާފައިވާ 80،000 ފްލެޓެވެ. އެ މަޝްރޫއު ރައީސް ޔާމީން ފައްޓަވައި ދެއްވައި، ފްލެޓް އަޅަން ހަވާލުކުރީ ސަރުކާރުގެ އެކި ކުންފުނިތަކާ އެވެ. މި މަޝްރޫއުގެ ބޮޑު ބައި މި އަހަރު ނިމޭނެ ކަމަށް ލަފާކޮށްފައިވާއިރު، މިއީ ބޯހިޔާވަހިކަމުގެ މައްސަލަ އަށް ވަރަށް ބޮޑު ލުޔެއް ލިބޭނެ ކަމެއް ކަމަށް ވެސް ސަރުކާރުން ވަނީ ބުނެފަ އެވެ.

މި މަޝްރޫއުގެ އިތުރުން ގުޅީފަޅާއި ފުށިދިއްގަރު ފަޅު ހިއްކައިގެން، ބޯހިޔާވަހިކަމުގެ މަޝްރޫއެއް ކުރިއަށް ގެންދަން ސަރުކާރުން ވަނީ ނިންމައިފަ އެވެ. އެ މަޝްރޫއުން ފްލެޓާއި ގޯއްޗަށް އެދުމުގެ ފުރުސަތު މިހާރު ވަނީ ހުޅުވާލައިފަ އެވެ.

ބޯހިޔާވަހިކަން ފްލެޓް ހައުސިން މިނިސްޓްރީ ހުޅުމާލެ ހައުސިން ޑރ. މުހައްމަދު މުއިއްޒު، މާލޭގެ މޭޔަރު ހިޔާ ފްލެޓްތައް

46 ކޮމެންޓް, 102 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖައުފަރު

24 August 2018

ދިވެހިދަރިންނޭ. ޔާމީނު ފުލެޓެއްނާޅައޭ ކިޔައިގެން ވާހަކަ ދައްކާއިރު އަންނި ވެރިކަން ނިންމާލާފަ ދިޔައިރު ދިވެހި ދަރިޔަކު ވަން ފުލެޓެއް ނުހުންނާނެ. އަންނިކެހި ކަނޑުލުގެ ހިތި ފިލުވަން ފުރަތަމަވެސް ޖެހުނީ ޑރ ވަހީދަށް. ދެންހުރިބައި އެތަށް ޙާލަކުން ނިންމީ ޔާމީނު. ހުޅުމާލޭގައި ޔާމީނުވެރިކަމުގައި އަމިއްލަ ފަރާތްތަކާ ހަވާލުކޮށްގެން ނިންމާ މީހުން ދިރިއުޅެމުންޢެދަނީ ކިތައްހާސް ފުލެޓްގަތޯ. 1100 ފުލެޓް އަލަށް ބިންގާއަޅައިގެން މާލެއާ އަތޮޅުތެރޭގައި ދޫކޮށް ދިރިއުޅެމުން އެދަނީ. އަލަށް ރަށެއްހިއްކައިގެން އެތައްހާސް ފުލެޓެއް އަޅަމުންއެދަނީ. ލޯސަލާމަތުންހުރި ބަޔަކަށްދޯ ފެންނާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިންގާ

24 August 2018

މިސަރުކާރުގައި ތިވަރު ފެންވަރެއްނެތް ފުލުހުންާ ސިފައިންގެ ފްލެޓްކޮޅުވެސް ނިންމާނުލެވުނު ތި ކުރެވުނުކަމެއްވެސް ތިކުރެވުނީ ގައުމުތަކުން ހިލޭ ކޮށްދިންކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤައުމު

30 September 2018

ތީ ފުލުހެއްތަ؟ ތީ ސިފައިންގެ މީހެއްތަ؟ ހަމަ ހިތައްއެރި ސުވާލެއް މީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚުނި

24 August 2018

އަޅެ ފުލުހުންނާ ސިފައިންގެ އެއޮށްމަދު އަދަދުގެ ފްލެޓްކޮޅު 5 އަހަރުން ނުނިންމުނީމާ މިސަރުކާރުގެ ގާބިލުކަން ވަރަށް ރަނގަޅަށް އެނގިއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޮށަލިތަކުރު

23 August 2018

ތިކަންވާނީ ސުލައިމާނުގެފާނު މިސްކިތް ބިނާކުރެއްވި ގޮތަށް ކުރާކަމެއްނަމައެވެ. ހަތްސަތޭކަ ފްލެޓް ނިންމަން ބުނިތާރީޚަށްވުރެ އެތަންތަނަށް މީހުން ވަންތާރީޚް އަހަރަކަށްވުރެ ދިގުވިއެވެ. ވީއިރު ހަތްހާސް ފްލެޓަށް ތިބުނާ ތާރީޚަށް މީހުންވެއްދޭނެގޮތެއް ނުވިސްނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަތްނެތްކުއްޖާ

23 August 2018

މުއީޒޫ ބަލަ މަމެން މިތިބީ މިހާރުވެސް ތިޔަ ބުނާ ފްލެޓް ތަކަށް ވަނދެއޭ. ދެން އިތުރަކަށް މަމެން ނަކަށް ފްލެޓް ދޭން ނޫލޭ މި ވެރިކަމުގައި. ﷲ ގެ ރަޙުމަތުން މި ކަން ނިމިއްޖެއޭ ވަޒީރޫ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޮންދު

23 August 2018

މިނިސްޓަރ ލިސްޓު އެކުލަވާ ނިމުނީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިޔަވަތި

23 August 2018

ކޮބާހޭ ސިވިލްސަރވަންޓުގެ ފްލެޓް ހަމައާ އިންޞަފުން އެއްވެސް ކަމެއް ހިންގޭނެބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފްލެޓަ

23 August 2018

ފްލެޓް އެޅިއަސް އިންސާފުނެތިއްޔާ ހިތްހަމަ ޖެހުމެއްނެތް. މުއިއްޒުމެން ނެތަސް މާރަނގަޅަށް ގޯއްޗާއި ފްކެޓް ލިބޭނެ. ވޯޓަށް ރަނުން ޖަރީކުރެވިފައިވާ ފްލެޓް އެޅިއަަސް އިޚްލާސްޔެރިކެއްނެތް ބައެއް ތިޔައީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިބޭ

23 August 2018

ކޮބާ ޓާޓާއިން ފްލެޓް ނުލިބުނުމީހުންނާއި ގުޅިފަޅުން ފްލެޓަށް ފައިސާ ދައްކާ ފްލެޓް ނުލިބުނު މީހުންގެ ކެޓަގަރީ، އެ ކެޓަގަރީ ނެންގެވީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލަތޭ

23 August 2018

ޒުވާނުންނޭ އަލަތުކައިވެންޏޭ ކިޔައިގެން ފުލެޓޭ ކިޔައިގެން ޒުވާނުންނަށް ދަޅަ ދައްކަން ދޯ ތިއުޅެނީ؟ އަލަތު ކައިވެންޏަށް ފޯމުވެސް ލެއްވި އެކަމު ހަރާން މިފަހަރު ދޭ ފުލެޓުތަކުގެ ތެރޭގެ ނެތް އެބައެއް ފެންނަންވެސް..ތިޔަ ބައި މީހުންގެ މަކަރުވެރިކަމާ ހީލަތްތެރިކަން ހުރި ހިސާބަކީ މިއީ