ޚަބަރު / ރިޔާސީ އިންތިޚާބު 2018

އިދިކޮޅުގައި އޮތީ ހިޔާލު ތަފާތުވުން، ވެރިކަމެއް ނުކުރެވޭނެ: ޝަހީމް

ޝަހީމް މިއަދު ކަލައިދޫގައި ވާހަކަ ދައްކަވަނީ: އިދިކޮޅަށް ވެރިކަން ލިބިއްޖެ ނަމަ އޮންނާނީ ހަމަނުޖެހުން ކަމަށް ވިދާޅުވި --ފޮޓޯ/ޕީޕީއެމް

މުއިއްޒު އިބްރާހިމް، މިހާރު

25 އޯގަސްޓް 2018 - 13:23

43 comments

އިދިކޮޅު ކޯލިޝަންގައި އޮތީ ހިޔާލު ތަފާތުވުންތައް ކަމަށާއި އެ ކޯލިޝަނަށް ވެރިކަމެއް ނުކުރެވޭނެ ކަމަށް ރައީސް އަބްދުﷲ ޔާމީންގެ ރަނިން މޭޓް މުހައްމަދު ޝަހީމް އަލީ ސައީދު މިއަދު ވިދާޅުވެއްޖެ އެވެ.

ލ. އަތޮޅަށް މިހާރު ކުރައްވާ ދަތުރުގައި ކަލައިދޫ ކެމްޕެއިން ޖަހަގަ ހުޅުވައި ދެއްވުމަށް ފަހު ޝަހީމް ވިދާޅުވީ ތަފާތު ޕާޓީތައް އެކުލެވޭ ބަޔަކަށް ވެރިކަން ދީފި ނަމަ އަބަދުވެސް އޮންނާނީ ހަމަނުޖެހުމާއި ތަޅާފޮޅުން ކަމަށެވެ.

"އޭގެ ތެރޭގައި ތިބީ ހައްތަހާ ވެސް ވެރިން. ވެރިކަމާ ހަވާލުވާން ބޭނުންވާ އަސްލު މީހާ ހުރީ އަދި. އަސްލު މީހާއަށް ކޮށާ މަގެއް މިއީ،" ކުރީގެ ރައީސް މުހައްމަދު ނަޝީދަށް އިޝާރަތްކުރައްވައި، ޝަހީމް ވިދާޅުވި އެވެ.

"އެހެންވީމަ މި ފުރުސަތު ނުދޭންވީ. އަނެއްކާ ގައުމުގެ ވަލިއްޔުލް އަމްރު ކަމަށް އަންނަން ޖެހޭނީ ކިޔަވާފައި ތިބި ގާބިލް، ތަޖްރިބާ ތިބި މީހުން."

އޭނާ ވިދާޅުވި ގޮތުގައި އިދިކޮޅު ފަރާތްތަކަށް ރިޔާސީ އިންތިޚާބު ކާމިޔާބުވެއްޖެ ނަމަ މިހާރު ހިންގަމުން އަންނަ ހުރިހާ މަޝްރޫއުތަކެއް ހުއްޓި، ސިޔާސީ ހަލަބޮލި ކަމެއްގެ ތެރެއަށް ދާނެ އެވެ. ހުއްޓުމެއް ނެތި، ގައުމު ކުރިއަށް ގެންދެވެން އޮތީ ރައީސް ޔާމީނަށް ވޯޓު ދީގެން ކަމަށް ވިދާޅުވި އެވެ.

"މި ވޯޓުން ރައްޔިތުން ނިންމަންވީ ރާއްޖޭގެ މުސްތަގްބަލް. އަޅުގަނޑުމެން ދަނީ ފަހަތަށްތޯ ނުވަތަ ކުރިއަށްތޯ ފިޔަވަޅު އަޅާނީ؟. އަޅުގަނޑުމެން ބޭނުންވަނީ ކުރިއަށް ފިޔަވަޅު އަޅަން،" ޝަހީމް ވިދާޅުވި އެވެ.

އޭނާ ވިދާޅުވި ގޮތުގައި މި ސަރުކާރު އައީ ގިނަ ކަންތައްތަކެއް ރައްޔިތުންނަށް ދަތިވެފައި ވަނިކޮށެވެ. އޭގެ ތެރެއިން ވަރަށް ގިނަ ކަންކަން ސަރުކާރުން މިހާރު ހައްލުކޮށް ދީފައިވާ ކަމަށް ވެސް ވިދާޅުވި އެވެ. އަދި ދީނީ އިލްމުވެރިންނަށް ފަތުވާ ދިނުމުގެ މިނިވަންކަން ހޯދައިދިނީ މި ސަރުކާރުން ކަމަށާއި ދީނީ ފަތުވާއެއް ދީގެން އެއްވެސް މީހަކަށް ސަރުކާރުން ގޯނާކޮށްފައި ނޯންނާނެ ކަމަށް ވެސް ވިދާޅުވި އެވެ.

"ރާއްޖޭގެ ތާރީޚު ވަނީ ދެކެފައި ރާއްޖޭގެ ދީނީ އިލްމުވެރިންގެ ތެރެއިން ކިތަންމެ ބަޔަކު ނުހައްގުން އަނިޔާކޮށް، ޖަލަށްލެވި، އެ މީހުންގެ ތުނބުޅިތައް ބާލައި، ޗިލީ ސޯސް ޖަހައި، އެ ބާވަތުގެ ކިތަންމެ ކަމެއް. އެހެން ނަމަވެސް މިހާރު އެހެންތޯ އެކަންކަން އޮތީ؟. އެހެނެއް ނޫން އެކަން އޮތީ،" ޝަހީމް ވިދާޅުވި އެވެ.

އޭނާ ވިދާޅުވި ގޮތުގައި ދެވަނަ ދައުރެއް ރައީސް ޔާމީނަށް ލިބިވަޑައިގެންފި ނަމަ ރައްޔިތުން ބޭނުންވާ ހުރިހާ ތަރައްގީއެއް ލިބޭނެ އެވެ. އަދި ރައްޔިތުން ބޭނުންވާ ކަންކަން ހައްލުކޮށް ދިނުމަށް ރައީސް ޔާމީނަށް އެންމެ ބޮޑަށް ބާރު އަޅުއްވާނީ އޭނާ ކަމަށް ވެސް ޝަހީމް ވިދާޅުވި އެވެ.

އިދިކޮޅު ފަރާތްތައް ޑރ. މުހައްމަދު ޝަހީމް އަލީ ސައީދު (މިނިސްޓަރު) ރައީސް އަބްދުﷲ ޔާމީން

43 ކޮމެންޓް, 115 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބުޅޯ

26 August 2018

ކެމްޕޭނު ދަތުރުތަކުގައި އަރިހުން ތިއަ ފެންނަ މިރާއްޖޭގެ ބޮޑެތި ފުންނާބު އުސް ދީނީ ޝައިޚުންތައް ފެނުނީމަ ވެސް އަންދާޒާ ކޮށްލެވޭ މަނިކުފާނަށް ކިހާ ވޯޓެއްކަން ހޯދޭނީ، ބުނަން ވާހަކައެއް، ތިއަ ތާޅަފިލިތައް ގޮއްވަން ދެން އޮތީ އެންމެ 28 ދުވަސް ، 23 ސެޕްޓެމްބަރުގަ ރައިީސް ޔާމީނުގެ އަނިޔާވެރި ވެރިކަން ނިންމުމަށް ރައްޔިތުން ވޯޓުދޭން މިތިބީ ކެއް މަދުވެފަ، ވޯޓުން ދިވެހިރާއްޖޭގެ ރައީސަކު ތާރީޚުގެ އެއްވެސް ހިސާބެއްގަ ކުރިންވެސް އަދި ފަހުންވެސް ބަލި ނުވާނެހާ ބޮޑު ތަފާތަކުން މިއިންތިޚާބުގަ ރައީސް ޔާމީނު ބަލިވާނެ އިންޝާﷲ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަތަށަގޮވި

26 August 2018

މީނަގޮވައިގެން ނުކުމެ ފަހަރެއްގަވެސް ޔާ އަށް ވެރިކަން ލިބިއްޖިއްޔާ މީނަަ އަށް ވާނެ ގޮތް ހިތައްއަރަނީ ސިޔާސީ ގޮތުން މީނަ ގަމާރު ކަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބަރު

25 August 2018

ތަންކޮޅެއްކުރިން މީނައަށް އިހްތިރާމުގެ ނަޒަރަކުން ބެލެވުނެވެ. މިހާރު މިވަނީ އަގު ވެއްޓިފައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަހޯބަރާ

25 August 2018

ހިޔާލު ތަފާތުވުން ނެތީމަ ދައުލަތުން އެކެއް ޕޮއިންޓް ތިންބިލިއަން ރުފިޔާ ނެގިއިރުވެސް ތިބީ ހޔާލު އެެއްްގަޮތް ކޮށްގެން އަތްޖަހަން... އިހްލާސްތެރިކަން ނެތިއްޔާ ވާނެއެއްޗެއްވާނެ. އެއީ ކޮންމހެން ހިޔާލު އެއްގޮތްކޮށްގެން ވާކަމެއް ނޫން.!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

--- ހަޗާ- ހުއްބު

25 August 2018

ތިޔަ މީހާ ކައިރީގައި ހުރެ ބަލިވާ ތަން ބަލަން؟ ފަހުން އަގަ ޗޭކޮށްގެން ނައަންނަށްޗޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

25 August 2018

ދެން ޖޯކޭ ޖޯކޭ ކިޔާނެ ކަމެއްނެތް. ބޭފުޅާ އަދާލަތުޕާޓީން ވަކިވީ ލޮލައް ނިދިނައިސްގެންތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

25 August 2018

ޝާހީމް އަށް އޮންނަނީ ކޮޅު ބަދަލު ކުރުން، އެއްގޮތެއްގައި ނުހުރެވޭ! އެކަމަކުވެސް ހަމަ މުއުމިނެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޯރާ ބޯރާ

25 August 2018

ގައުމުގެ ވަލިއްޔުލް އަމްރު ކަމަށް އަންނަން ޖެހޭނީ ކިޔަވާފައި ތިބި ގާބިލް، ތަޖްރިބާ ތިބި މީހުން ކަމަށް މަނިކުފާނު ދިވެހި ޖުމްހޫރިއްޔާގެ ޤާނޫނު އަސާސީ ބައްލަވައި ނުލައްވައި ރަނިންމޭޓްކަމަށް ކުރިމަތި ލެއްވީމަމަށް އެބަ ބެލެވެއެވެ. އަދި ތިޔަވިދާލުވާ ކިޔެވުން ކިޔަވަން ޖެހެނީ ތޮރާ ބޯރާ ޔުނިވަރސިޓީ އިން ކަމުގައިވެސް ވިދާޅުނުވީ ކޭއްވެތޯ ސުވާލު އުފެދެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު ރަޝީދު

25 August 2018

ޝަހީމު ވިދާޅުވީ އޮތީ ހިޔާލު ތަފާތުވުން، ވެރިކަމެއް ނުކުރެވޭނެ، މިއަދު ޔަގީން މިވީ ޕީޕީއެމް ކޯލިޝަން ގައި ވަރަށްބޮޑަށް ކިޔާލުތަފާތުވުން އޮތްކަން އަދި އެމްޑީއޭއިން މާދަން އެކަމައްގޮތެއް ނިންމަވާނެކަން ވެސް.....