ލ. ފޮނަދޫގައި މިއަދު ބޭއްވި ސައިކަލް ބުރުގައި ޝަހީމާއެކު، ހުޅުހެންވޭރު ދާއިރާގެ މެމްބަރު މޫސާ މަނިކާއި އެ ރަށުގެ ގިނަ ބަޔަކު ބައިވެރިވަނީ
28 އޯގަސްޓް 2018 - 21:12
55 comments
އަންނަ މަހު 23ގައި އޮންނަ ރިޔާސީ އިންތިހާބުގައި، ޕީޕީއެމްގެ ކެންޑިޑޭޓް ރައީސް އަބްދުﷲ ޔާމީނަށް އެންމެ ބޮޑު އަޣްލަބިއްޔަތެއް ލިބޭނީ ލ. އަތޮޅުން ކަމަށް އެ މަނިކުފާނުގެ ރަނިންމޭޓު މުހައްމަދު ޝަހީމް އަލީ ސައީދު މިއަދު ވިދާޅުވެއްޖެ އެވެ.
އެ އަތޮޅު ފޮނަދޫން ރައީސް ޔާމީނަށް އޮތް ތާއީދު ދައްކާލުމަށް، މިއަދު ހަވީރު އެ ރަށުގައި ބޭއްވި ސައިކަލު ބުރު ނިންމާލުމަށް ފަހު ޝަހީމް ވިދާޅުވީ އެ ހަރަކާތުގައި ބައިވެރިވި މީހުންގެ އަދަދުން ވެސް، ކުރިއަށް އޮތް އިންތިހާބު، ތަނަވަސް އަޣްލަބިއްޔަތަކުން ރައީސް ކާމިޔާބު ކުރައްވާނެކަން ޔަގީންވެ ވަޑައިގަންނަވާ ކަމަށެވެ. އަދި ފޮނަދޫން އެ ހަގީގީ މަންޒަރު ފެނިވަޑައިގެންފައިވާ ކަމަށް ވެސް ވިދާޅުވި އެވެ.
ސައިކަލް ބުރު ނިންމާލެއްވުމަށް ފަހު، ޝަހީމް ވާހަކަ ދައްކަވަނީ
"އަޅުގަނޑު މިއައީ ރައީސް ވިދާޅުވެގެން، ކެމްޕޭންކޮށް އެ މަނިކުފާނަށް ތާއީދު ހޯދުމަށް. އެކަމަކު އަޅުގަނޑު މިއަދު ރައީސަށް ދަންނަވަން ބޭނުން ވަނީ މި ރަށަކުން އެ މަނިކުފާނަށް އިތުރު ކުރާނެ ތާއީދެއް ނެތޭ. މިތާ އެ ތާއީދު އެބައޮތޭ،" ޝަހީމް ވިދާޅުވި އެވެ.
އޭނާ ވިދާޅުވީ ލ. އަތޮޅުގެ ކޮންމެ ރަށަކުން ވެސް އެ ތާއީދު ފެނިވަޑައިގެންފައިވާ ކަަމަށާއި އެހެންވެ، އިންތިހާބު ފަސޭހަކަމާއެކު ރައީސް ޔާމީން ކާމިޔާބު ކުރައްވާނެ ކަމުގެ އުއްމީދާއި ޔަގީންކަން އެބައޮތް ކަމަށެވެ.
ޕީޕީއެމްގެ ނައިބު ރައީސް އަބްދުއްރަހީމް އަބްދުﷲގެ އުފަންރަށް، ފޮނަދޫގައި މިއަދު ބޭއްވި ސައިކަލް ބުރުގައި ގިނަ އަދަދެއްގެ ސަޕޯޓަރުން ބައިވެރިވި އެވެ. ފިޔާތޮށިކުލައިގެ ޓީޝާޓާއި ދިދަތަކާއެކު ބޭއްވި އެ ސައިކަލް ބުރުގައި އެންމެ ކުރީގައި އިންނެވީ ޝަހީމެވެ.
ލ. ފޮނަދޫގައި މިއަދު ބޭއްވި ސައިކަލް ބުރުގައި އެ ރަށުގެ ގިނަ ބަޔަކު ބައިވެރިވަނީ
ކުރިއަށް އޮތީ ރާއްޖޭގެ މުސްތަގްބަލް ކަނޑައަޅާ އިންތިހާބެއް ކަމަށް ސިފަކުރައްވަމުން، އިސްލާމިކް ޔުނިވަސިޓީގެ ޗާންސެލަރު ވިދާޅުވީ މި އިންތިހާބުން، ރާއްޖޭގައި ގެންގުޅޭނީ އިސްލާމްދީން ދެމެހެއްޓުމުގެ އުސޫލީ ސިޔާސަތުތަކެއްތޯ ނުވަތަ ކުރިއަށް ދާނީ ބައިބައިވެފައިވާ ސިޔާސީ ވެއްޓެއްގައިތޯ ކަނޑައަޅާނެ ކަމަށެވެ. އަދި ކުރިއަށް ދާން ބޭނުންވަނީ، ތަރައްގީގެ ފަލްސަފާ އާއި ވަތަނީ ފަލްސަފާއާ އެކުގައިތޯ ވެސް ކަނޑައަޅާނެ ކަމަށް އޭނާ ވިދާޅުވި އެވެ. އެހެންވެ، އިންތިހާބުގައި ރައީސްގެ ކެންޑިޑޭޓް ނަމްބަރު، އެކެއްގައި ހެޔޮ ފާހަގަ ޖެހުމަށް ޝަހީމް އިލްތިމާސް ކުރެއްވި އެވެ.
"އެއީ ރާއްޖޭގައި އިސްލާމީ ސަގާފަތާއި ރިވެތި އަހްލާގު ދަމަހައްޓާނެ ނަމްބަރު. ނަމްބަރު އެކެއް އެއީ ރާއްޖޭގެ އިގްތިސޯދު ކުރިއަރުވާނެ ނަމްބަރު. ބައިނަލްއަގްވާމީ ވައިގެ ބަނދަރު ތަރައްގީ ކުރާނެ ނަމްބަރު. ބަނދަރު ތަރައްގީ ކުރާނެ ނަމްބަރު. ނަމްބަރު އެކެއް އެއީ މަހާޖައްރާފު ގެނައި ނަމްބަރު،" ރައީސް ޔާމީނަށް ވަރަށް ބޮޑަށް ތައުރީފް ކުރައްވަމުން އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝާހީ
30 August 2018
ސާބަހޭ ރައީސް ޔާމީން ތީހަމަ ހީރޯއެއް. ރާއްޖޭގެ ތަރައްގީގެ މަޝްރޫއުއެއް ނުހިނގާ އެއްރަށެއްވެސްނެތް. ކޮންމެ ތަނެއް ތަރައްގީ ކުރިޔަސް ހަމަ ފަހުރުވެރިވާނީ ދިވެހި ދަރީން. ބޭރުމީހުނެއްނޫން.
ާާޙާލިދު ބުނި ވަލީދު
29 August 2018
ބުނަންތަ ވާހަކައެއް މިބޮޑު މާލޭއިން ޔާމީނަކަށް އަޣްލަބިއްޔަތު ނުލިބޭނެ ދެންކޮންވާހަކައެއް.....
ރޮކެޓް ސައިންސް
29 August 2018
އެކި ނަންނަމުގައި 1 ނަންބަރޭކިޔައިގެން ކޮމެންޓް ލިޔަނީ އެންމެ ކޯޑިނެޓަރެއްކަން ފަޅާ އަރައިފި.
އިޓްސް ނޮޓް ރޮކެޓް ސައިންސް
29 August 2018
ތިޔަހެން ވިދާޅުވަންޔާ އެކި ނަންނަމުގަ 2 ނަންބަރު ޖައްސަވައިގެން ކޮމެންޓް ކުރަނީވެސް ހަމަ އެންމެ ކޯޑިނޭޓަރެއް
ރޮކެޓް ސައިންސް
29 August 2018
ޝަހީމަށް ނޭގެނީބާ ލ. އަތޮޅަކީ މައުމޫންގެ ސަޕޯޓަރުންގެ ތަނެއްކަން. އަދި އެމީބުންނަކީ ހެސްކިޔާފަ ވައްކަމާ ދެކޮޅު ބައެއް. މިބުނީ ވައްކަމާ އެއްކޮޅު މަދު ބަޔަކު ނުތިބޭނެ ވާހަކައެއް ނޫން. ޔަގީނުންވެސް މައުމޫން ޖަލުގަ ބާއްވާކަށް ލ. އަތޮޅު މީހުން ބޭނުމެއްނުވާނެ. އެކަން ފެންނާނެ ވޯޓުން ވަރަށް ސަލާމް
ގުނބޯލި
29 August 2018
މަ ނެތިން އެއްޗެއް ބުނާކަށް. އެންމެ މޮޅަށް ދެނެވޮޑިގެންވަނީ ކީރިތިވަންތަ ﷲ..
އަޙުމަދު
29 August 2018
ލ. އަތޮޅަށް ތެއްހާ ބޮޑަށް އިހްމާލް ވި ރައީސެއް ނުހުއްނާ. މަ ނުދޭން ވޯޓެއް. އިބޭން ދީ:(
ފެން
29 August 2018
2018 ޔަޤީން.
ބޮޑުމަހުގެ ބަނޑު
29 August 2018
މިފަހަރު ހައްދުންމަތިންވެސް ފޯއްމުލަކުންވެސް އަދި ރާއްޖޭގެ އެހެން ހުރިހާ ރަށަކުން މެޖޯރިޓީ ހޯދާނީ ކެޑިޑޭޓް ނަންބަރު 1 . ރައީސް ޔާމީން. އަޅުގަނޑުމެންގެ ރައީސް. މާތްﷲ ވާގި ފުޅާއެކު އަންނަން އޮތް ފަސް އަހަރު ވެރިކަން ކުރައްވާނީ ރ. ޔާމީން
ޢަހްމަދު
29 August 2018
ފުވައްމުލަކުން ނުލިބޭނެ..ހަދާންނަތްތާލާ
ރެޑީ
29 August 2018
ރައީސް ޔާމީން މިޤައުމަށް ކޮށްދެއްވި ޙިދުމަތްތަކާ ގާތަށްވެސް އެހެން ވެރިއަކަށް ރައްޔިތުންނަށް ޙިދުމަތްކޮށްނުދެވޭ. ރައްޔިތުން ތިބީ ރައީސް އަށް އިތުރު ދައުރެއްދިނުމަށް ތައްޔާރަށް! އިންޝާﷲ 2018 ޔަޤީން!
ފްރެންޑް
29 August 2018
އެވަރަށް ވައްކަންކުރޭކިޔާއަޑުއިވޭ އަދި އަނިޔާވެރި ރައީސްއެއްވެސް ނެތޭކިޔާ.
ޑޮކްޓަރުންގެ ސިޓީ / އައްޑޫ ސިޓީ
29 August 2018
އަނެއްކާ އަނެއްކޮސް ގޮވީ. ޝޭހްއަށް ރަނގަޅަށް އެގިވަޑައިނުގަންނަވަނީތޯ ވޯޓްގެނަތީޖާއަކީ ނަމްބާރ އޮފް ވޯޓްސްއިން ނެރޭއެއްޗެއްކަން.؟! ރާއްޖޭގެ އެންމެބޮޑު ބިޔައާބާދީތަށްދިރިއުޅޭ މާލެ، އައްޑޫ، ފުވައްމުލަށް، ތިނަދޫ، ކުޅުދުއްފުށި ފަދަ ހުރިހާތަނަކުން ރައްޔިތުން ނިކުމެއެތިބީ ޔާމީންގެ ވެރިކަން ބަދަލުކޮށް “ޤާނޫނަށް ބޯލަބާ ދައުލަތުގެ ތިޖޫރިކަޅާކޮށްނުލާނެ” ރައީސެއް ވެރިކަމަށް ގެނައުމަށް. . . . ޔާމީނަށް އެންމެގިބަ ވޯޓު ލިބޭނީ މިދެންނެވި ބޮޑުއާބާދީގެ ތެރޭގައި ނުހިމެނޭ ލާމް އަތޮޅުން ކަމަށް ޝޭޙް ވިދާޅުވުމަކީ ހުދު ޔާމީން ވެސް ނުތަނަވަސްވާނެ ކަމެއް. . . . . އިންތިހާބުގައި ރައްޔިތުން ވޯޓްލާން ނިކުތުމުގެ ކުރިން މިއޮތީ ޔާމީންގެ ރަނިންގމޭޓް ބަލިޤަބޫލު ކުރައްވާފައި. . . . މިފަހަރު ހަޤީގަތަށް ވާހަކަ ދެއްކެވީތީ ޝޭޙްއަށް މަރުޙަބާ!