އަންހެން މީހާގެ އަތުން ދަބަސް ފޭރޭ ވީޑިއޯ
04 ސެޕްޓެމްބަރ 2018 - 13:51
34 comments
ސައިކަލުގައި ދިޔަ އަންހެނެއްގެ އަތުން ދަބަހެއް ފޭރިގަތް މައްސަލައެއް ފުލުހުން ތަހުގީގުކުރަން ފަށައިފި އެވެ.
ފުލުހުން މިއަދު ކުރި ޓްވީޓެއްގައި ބުނީ މަގުމަތިން ސައިކަލުގައި ދިޔަ އަންހެނެއްގެ އަތުން، އެހެން ސައިކަލެއްގައި ދިޔަ ދެ ފިރިހެނަކު ދުވާލުގެ ވަގުތެއްގައި ދަބަހެއް ފޭރިގެންފައިވާ މައްސަލައެއް ބަލަން ފަށާފައިވާ ކަމަށެވެ.
އެފަދަ ހާދިސާތަކުގެ ވީޑިއޯ ސޯޝަލް މީޑިއާގައި ދައުރުކުރުމުގެ ބަދަލުގައި އެ މައުލޫމާތުތައް ފުލުހުންނާ ހިއްސާ ކުރުމަށް ވެސް ފުލުހުން އެދެ އެވެ.
Vakkamaai, feyrun ginavejjekan #Yageen pic.twitter.com/C8mBlY94gG
— uchen (@uchen__) September 3, 2018
މަގުމަތިން ދިޔަ އަންހެނެއްގެ ދަބަސް ފޭރޭ ވީޑިއޯ
ސޯޝަލް މީޑިއާގައި ވައިރަލްވެފައިވަނީ މިދިޔަ ހޮނިހިރު ދުވަހު މަގު ފޭރުނު ހާދިސާއެއްގެ ވޯޑިއޯ އެކެވެ. އެ ވީޑިއޯ އިން ފެންނަ ގޮތުގައި، ސައިކަލުގައި ދިޔަ އަންހެން މީހާގެ އަތުން، ދަބަސް ޖަހައި ނުގަނެވުމުން ދެ ފިރިހެނުން ތިބި ސައިކަލް، އެ އަންހެން މީހާގެ ސައިކަލުގެ ކުރި މައްޗަށް މަޑުކޮށް އޭނާ ހުއްޓުވަ އެވެ. އެ އަށް ފަހު ސައިކަލު ފަހަތުގައި އިން ފިރިހެން މީހާ ފައިބައި ގޮސް އަންހެން މީހާގެ ދަބަސް ޖަހައިގަނެ ސައިކަލަށް އަރައިގެން ދިޔައީ އެވެ. އެ އަންހެން މީހާ ސައިކަލުން ފައިބައިގެން އެހީތެރިކަމަށް އެދި ގޮވައި ހަޅޭއްލެވި ނަމަވެސް އެ ސަރަހައްދުން އެ ވަގުތު ދަތުރު ކުރި މީހެއްގެ ފަރާތުން އެކަމަށް މާ ބޮޑު ސަމާލުކަމެއް ދިން ތަނެއް ނުފެނެ އެވެ.
MPS is investigating the case of a street robbery where suspects are seen to be snatching a handbag from a female cyclist. Public is urged to refrain from sharing videos of such incidents on social media but forward relevant information to police for immediate action.
— Maldives Police (@PoliceMv) September 4, 2018
ފުލުހުންގެ ޓްވީޓް
ފޭރުމުގެ އެ ހާދިސާ ހިނގި އިރު އެ ސަރަހައްދުގައި އިތުރު ބަޔަކު ވެސް ތިއްބެވެ. ނަމަވެސް އެކަން ހުއްޓުވަން އެކަކު ވެސް ކައިރިއެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހަކަ
05 September 2018
މިކަންތައް ތައް ރަގަޅަށް ތަހުޤީގު ކުރޭ!. ހަމައެކަނި ވަކި ކަމަކަށް ފޯކަސް ކުރިއަސް ވެސް ނުވާނެ. ޢާންމު ދިރިއުޅުން އަމާނާތްތެރިކަމާއި ހަމަޖެހުމާއި އެކު އުޅެވޭނެ މާހައުލެއް މި މާލެ އަށް ބޭނުންވަނީ. އުއްމީދު ކުރަން ރާއްޖެއިން މިފަދަ ދުވަހެއް ފެންނާނެ ކަމަށް. މިތާތިބީކީ ހަމައެކަނި ސިޔާސީ މީހުންނެއް ނޫން. އަދިވެސް ގިނައީ ޢާންމު މީހާ. ވަރަށް ގިނަ ވާހަކަ
ނެޝަނަލިސްޓް
05 September 2018
ފުލުހުންނަށް މިހާރު ތަހުގީގު ފެށޭނެ ކަމަށް ހީވޭ!
ހުސައިން
05 September 2018
ތަޅާނެކުދިން ހޯދައި ގުޅުން ބާއްވަނީ ކާކުބާ?
އެމްސް
05 September 2018
ތިކަންވެސް ތިޖެހުނީ ބޮޑުތާ، ނިމުމެއްނެތް ތަޙްޤީގާ!
ހައްލަކީއުމަރުތަ
04 September 2018
އެހީތެރިކަމެއް ދޭން ކެރޭނީ ކިހިނެއް. އެމީހުން ޖަހާނީ ވަޅި. އަތް ދަބަހަކާ ހެދި ފުރާނަ ދުއްވަލެވޭތަ. އަދި އެމީހުން ކަމެއް ކުރިއަސް އިންސާފު ހޯދެނީކީ ނޫން. މަށަށް ހީވަނީ މިހާތަނަށް މަ ތަޖުރިބާ ކުރި ސަރުކާރުތައް އޮންނަނީ މި ގޭންގުތަކަށް ބަރޯސާވެފަ ކޮންމެވެސް ގޮތަކުން. ސިޔާސީ ފަރާތްތަކުގެ އެކިއެކި ކަންކަމުގަ އެމީހުން ބެނުންކުރޭ. ދެން ކިހިނެއް ފިޔަވަޅެއް އަޅާނީ؟ ހަގީގީ ގަޓު ރައީސެއް ބޭނުންވަނީ. ފޭކު ގަޓު ރައީސުންނެއް ނޫން.
ކަލޯބެއްޔާ
04 September 2018
މިފަހަރު ރިޔާސީއިންތިހާބުގައި އަހަރެންވޯޓުލާނީ ގޭންގުތައް ނެތިކޮށްލާ އަދި މިގައުމުން މާރާމާރީތައް އެއްއަހަރުތެރޭ ފޮހެލާނެކަމުގެ ވައުދެއްވާ މީހަކަށް.
ހަގީގަް
04 September 2018
އެހީތެރިނުވަނީ ކީއްވެކަންއެނގޭތަ؟ މިފަދަމީހުން ހައްޔަރުކޮށްފަ އަނެއްދުވަހު ދޫކޮށްލާތީ. މިފަދަ މުޖުރިމުންނާދެކޮޅަށް އެހީތެރިވެދީފިއްޔާ އަހަރެންގެ އަނބިދަރިންނާ އާއިލާގެ ރައްކާތެރިކަންވެސް ނުރައްކަލަކަށްހުށަހެޅޭތީ. ދެން ސުވާލުކޮށްބަލަ ފުލުހުންނަށް އިތުބާރުނުކުރަނީ ކީއްވެގެންހެއްޔޭ؟؟؟؟؟
ބހލކ
04 September 2018
މިގައުމެއްނެތް. ބޯހަލާކު
މޫސާ ސާއިދު
04 September 2018
"އެފަދަ ހާދިސާތަކުގެ ވީޑިއޯ ސޯޝަލް މީޑިއާގައި ދައުރުކުރުމުގެ ބަދަލުގައި އެ މައުލޫމާތުތައް ފުލުހުންނާ ހިއްސާ ކުރުމަށް ވެސް ފުލުހުން އެދެ އެވެ" އެކީއްވެ؟ އެކީއްވެ؟ އެކީއްވެ؟ އެކީއްވެ؟
ޢަސްލަމް އަލީ
04 September 2018
ތިކަމުގެ ހައްލަކީ ފޭރިގަންނަން އައުމުން ޖެހިގެން ހުރިގޭ ފުރާޅަށް އެދަބަސް ހޫރާލުން
ރަންބުއްދި
05 September 2018
މިހާރު މާލޭގަ ނުހުރޭ އެހާތިރިކޯށްހަދާފަ ހުންނަގެތަކެއް.އިމާރާތްތައް އުސްވެ ހީވަނީ ޓޯކިޔޯ ހެން