07 ސެޕްޓެމްބަރ 2018 - 16:05
162 comments
ވެލާނާ އިންޓަނޭޝަނަލް އެއާޕޯޓްގައި އަލަށް ހަދައި، އަދި ނުވެސް ހުޅުވާ އޮތް ރަންވޭގައި އެއާ އިންޑިއާގެ ބޯޓެއް މިއަދު ޖައްސައިފި އެވެ.
އެމްއޭސީއެލްގެ އޮފިޝަލަކު މިއަދު ވިދާޅުވީ ބޭނުން ކުރަން އަދި ހުއްދަ ވެސް ނުދީ އޮތް ރަންވޭ އަށް މިއަދު އެ ބޯޓު ޖެއްސީ މެންދުރު ކަމަށެވެ.
"އެކަން އަޅުގަނޑުމެން މި ދަނީ ބަލަމުން. ހުރިހާ އެއާލައިނަކަށް ވެސް އަޅުގަނޑުމެން ވާނީ އަންގާފައި އާ ރަންވޭއެއް ހަދަމުންދާ ކަމަށާއި އެ ރަންވޭ އަދި ބޭނުން ކުރަން ނުފަށާ ކަމަށް،" އޭނާ ވިދާޅުވި އެވެ. "އަޅުގަނޑުމެން މި ބަލަނީ އެ ބޯޓު ދުއްވީ އާ ކެޕްޓަނެއްތޯ."
އެއާ އިންޑިއާގެ ބޯޓު ވެލާނާ އެއާޕޯޓްގައި
އޭނާ ވިދާޅުވީ އެއީ އެއާ ޓްރެފިކް ކޮންޓްރޯލްގެ ކަމަކުން ދިމާވި ކަމެއް ކަމަށް ގަބޫލު ނުކުރެއްވޭ ކަމަށެވެ.
"އެއާ ޓްރެފިކުން ބުނާނީ ރަންވޭ ކްލިއާ އޭ،" އޭނާ ވިދާޅުވި އެވެ.
އާ ރަންވޭ އަށް އެއާ އިންޑިއާގެ އޭ 320ގެ ބޯޓު ޖެއްސި އިރު، އޮފިޝަލް ވިދާޅުވީ ރަންވޭ ސާފުކޮށްފައި އޮތް ނަމަވެސް ރަންވޭ މަތީގައި ރަސްގެ ޖަހާފައި ހުރި ފޮތިތައް ވެސް ހުންނާނެ ކަމަށެވެ. އަދި ވިދާޅުވީ އެ ބޯޓު ޖެއްސި އިރު އެއިން ފޮތިގަނޑެއްގައި އަޅައިގެންފައިވާ ކަމުގެ މައުލޫމާތު ވެސް ލިބިވަޑައިގެންފައިވާ ކަމަށެވެ.
ނުހުޅުވާ ރަންވޭ އަށް ބޯޓު ޖެއްސިކަން އެއާ އިންޑިއާގެ އޮފިޝަލަކު ޕްރެސް ޓްރަސްޓް އޮފް އިންޑިއާ އަށް ކަށަވަރުކޮށްދީފައި ވިޔަސް އިތުރަށް އެއްވެސް ވާހަކައެއް ނުދައްކަ އެވެ.
ދިގުމިނުގައި 3،400 މީޓަރު އަދި ފުޅާމިނުގައި 60 މީޓަރު ހުންނަ އާ ރަންވޭގައި ވޯޓުގެ ކުރިން އޭ 380 ގެ މަތިންދާ ބޯޓު ޖައްސާނެ ކަމަށް ރައީސް އަބްދުﷲ ޔާމީން މިދިޔަ ހަފުތާގައި ވަނީ ވިދާޅުވެފަ އެވެ. އެއީ ދުނިޔޭގެ އެންމެ ބޮޑެތި ބޯޓުފަހަރެވެ. މި ރަންވޭގައި ފުރަތަމަ ޖައްސާ ބޯޓަކީ ވެސް އޭ 380ގެ ބޯޓަކަށް ހެދުމަށް ސަރުކާރުން އަންނަނީ މަސައްކަތް ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަނީ
09 September 2018
ބުއްދިވެރި ގޮތަކީ އިންޑިިއަާ ކުރާ ކަންކަމާ ނުބެހުން.. މީ ޖަޒީރާ ރާއްޖެ އެއް، ހަނގުރާމަ ކުރާ ކަހަލަ ތަނެއް ނޫން، ސީސެލް އާވެސް ހަނގުރާމަ ކުރާނެ ފެންވަރު ނެތް ބައެއް، ވީމާ މިކަހަލަ ކަންކަން މާ ބޮޑު ކަމަކައް ނެހެދުން ބުއްދި ވެރި އީ
ދާލިޔާ ނަސީމު
08 September 2018
ސ. ގޭން އެއަރޕޯރޓުގެ ދިގުމިން އެނގޭ ބޭފުޅަކު ހުރިއްޔާ ޖަވާބެއް ދެއްވިދާނެތޯ.. ފުޅާމިން 80 މީޓަރ ކަމައް ބުނާތީ އަޑު އިވޭ
ހުސެއިން
08 September 2018
އެއަރ ޓްރެފިކް ކޮންޓްރޯލްގެ މައްސަލައެއް. އެއްވެސް ޕައިލެޓަކު އެވަރުގެ ރިސްކެއް ނުނަގާނެކަން ޔަގީން. ޕައިލެޓްގެ މައްސަލައެއް ނަމަ އެއަރލައިނުން ޕައިލެޓް ސަސްޕެންޑް ކުރަންޖެހޭ.
ކަސައުޓީ
08 September 2018
އިންޑިއާ އިން އާ ރަންވޭހުލުވުމުގެ ޕްލޭން ފޮލޮޕް ކުރީތަ؟ ވަރައް ކަސައުޓީ.
މާރނީ
08 September 2018
ޕައިލެޓް އިނީ ކުލާބުޖާނު ކައިގެން "ޝުގަރ ހައި" ވެފަ ކަމަށް ހަބަރު ލިބުުނު!
ކުނިރޮށި
08 September 2018
މިސާލަކަށް ގަސްތުގަ ޖެއްސީޔޯ، ސުވާލަކީ ކީއްހޭ ކުރެވޭނީ؟ އެއާލައިން ހުއްދަ ބާތިލްކުރާނީ؟ އެދިޔައީ ޓޫރިޒަމްގެ އެންމެބޮޑު އެއްމާކެޓު، ބަނޑަށް ޖެހުނީ. ބޯޓު ހިފަހައްޓާނީ؟ ޖެހިގެން އަންނަދުވަހު އިންޑިއާ ނޭވީ އޮންނާނީ އެތެރެވަރީގަ. މިހާރުވެސް ހެލިކޮޕްޓަރު މުއްދަތު ހަމަވެފަ، ކުރެވުނުކަމެއް އެބައޮތްތަ. މީގަ އެންމެ ބުއްދިވެރި ގޮތަކީ ކުކުޅަށްވުރެ ބިސްދޮށިނުވެ އުޅުން.
ބަގޭ
08 September 2018
ކަލޭ ތީ ދިވެއްސެއްތަ؟ އިންޑިޔާ މީހެއްތަ؟ އޮޅިއްޖެ.
ޏަން
08 September 2018
ތިވިސްނުން ކަމުބުދޭ، އަދަބު ދޭން ޖެހޭނެ، ތިވިދާޅުވާގޮތުން ބާރުގަދަ މީހުން ކުށްކުރީމަ އަޅާނުލަންވީ؟ ނިކަމެތިމީހާ ނިކަމެތިކަންމަތީ ހުންނަންވީ ހަމަ
ތާޒާރޮށި
08 September 2018
ހަރުބަސް ބޭނުންުރަން ނޭގުނަސް ބޭނުންކުރާތި... ޤައުމިއްޔަތެއްގެ ލޯތްބެއްނެތް ކުނި ރޮށްޓެއްގައި ހުންނާނީ ކޮން އަގެއް؟
ޑުލިކާ
09 September 2018
އޭ ކުރެވިދާނެ ބައިވަރު ކަން ކަން! ބުނަން ވިސްނައިގެން އޮންނާތި! އެ ކުޑަ ކުޑަ ހިނި ފަރުބަދަ ކެނޑީ ވެސް!
ކައުންސެލަރު
08 September 2018
ނޭނގޭ ވާހަކަ ނުދެއްކިއްޔާ މާތާހިރުވާނެ. ދެރަންވޭ ނޫނީ ހަތްދިހަ ރަންވޭ ވިޔަސް ރަންވޭގަ ހިސާބު އަދަދުން ޖަހާފަ ހުންނަ މާކު ފުރަތަމަ ދަސްކުރޭ. އެ މާކުތައް ހުންނާނީ 01-36 އާ ހަމައަށް. އެދަދަދު ތަކުން ދައްކައިދެނީ ރަންވޭ އޮންނަ (ސަމުގާ) މިސްރާބު. ރަންވޭގަ ޖަހާފަ އޮންނަ އަދަދުގެ ފަހަތަށް 0 އިތުރު ކުރީމާ އެރަންވޭއެއްއޮންނަ މިސްރާބު އެނގޭނެ. ތިން އަދަދު ނުޖަހަނީ ޕައިލެޓުންގެ އެރަރ ކުޑަކުރުމަށް. ރަންވޭގަ ޖަހާފަ އޮންނަ މާކަކާ އޭޓީސީ އަކާ އެއްވެސް ގުޅުމެއް ނޯންނާނެ. އެއްޗެއް ނޭނގޭ ކަންކަމަށް ގުއިއުދުޅި ނުބޭނިއްޔާ މާކަމުދާނެ.
ހައްބޯ
08 September 2018
ތިޕައިލަޓުން އަވަހަށް ހައްޔަރުކުށް ތަހުގީގުފަށާ.
މާ އެނގޭ
08 September 2018
ތިކަމުގަ ޖީއެމް އާރުގެ އަތެއް ނުވާނެ ކަމާއިމެދު ޝައްކު. ރައީސް ވިދާޅުވި އިންތިހާބްގެ ކުރިން އެންމެ ބޮޑު މަތިންދާ ބޯޓް އާ ރަންވޭގަ ޖައްސާނޭ. މި މިހުންގެ ބޭނުމަކީ އޭގެ ކުރިން އެ ރަންވޭއަށް ގެއްލުން ދިނުން. ބޯޓްގެ ސަބަބުން ތާރުގަނޑު ހަލާކުވި ނަމަ އެތައް ދުވަހަކަށް އެ މަސައްކަތް ލަސްވެ އެތައް ރުފިޔާއެއް ގެއްލުން ވިސް. ހަސަދައިގެ ސަބަބުން އެތައް ބައެއްގެ ފުރާނަ ނުގެއްލުނު ކަން ނަސީބް
ޕައިލެޓް
08 September 2018
އެއަރ ޓްރެފިކް ކޮންޓްރޯލަރ ހުރީ ހަމައިގަތަ ބޯޓު ނުބައި ދިމަލަކަށް ޖައްސަން ދިޔައިރު؟ ރަންވޭ ކްލިއަރެންސް ކޮންފަރމްކޮއްފަ ކޮފީބޯން ދިޔައީދޯ؟