ޕީޕީއެމުން، "ބްރިޖު ސަޅި" ނަމުގައި އަލިމަސްކާނިވަލުގައި ބޭއްވި ޖަލްސާގައި ރައީސް ޔާމީން ވާހަކަފުޅު ދައްކަވަނީ -- ފޮޓޯ: އަހުމަދު ނިޝާތު/ މިހާރު
08 ސެޕްޓެމްބަރ 2018 - 00:28
72 comments
ރިޔާސީ އިންތިޚާބާ ގުޅުވައި ބޭރުގެ ގައުމުތަކުން ސަރުކާރުގެ އިސްވެރިންނަށް ފިޔަވަޅު އަޅާނެ ކަމުގެ އިންޒާރުދީ، ބިރު ދައްކަމުންދާ ކަމަށާއި އެއީ އެމަނިކުފާނުގެ އިންތިޚާބީ ހައްގަށް އަރައިގަތުން ކަމަށް ރައީސް އަބްދުﷲ ޔާމީން މިރޭ ވިދާޅުވެއްޖެ އެވެ.
ރާއްޖޭގައި މި މަހުގެ 23 ގައި ބާއްވާ ރިޔާސީ އިންތިޚާބަށް ވަގުތު ކުޑަތަންވަމުން އަންނައިރު ވެސް ޑިމޮކްރަސީގެ ހަމަތައް ގެއްލެމުން ދާތީ ކަންބޮޑުވާ ކަމަށާއި ޑިމޮކްރަޓިކް މިނިވަން އިންތިޚާބަކަށް ހުރަސްއަޅާ މީހުންނަށް ފިޔަވަޅު އަޅަން ޖެހިދާނެ ކަމަށް ބުނެ އެމެރިކާއިން އިއްޔެ ވަނީ އިންޒާރު ދީފަ އެވެ. އެއާއެކު، ރާއްޖޭގެ ހާލަތު ރަނގަޅުކޮށް މިނިވަން އިންތިޚާބަކަށް ފުރުސަތު ނުދީފިނަމަ، ޔޫރަޕިއަން ޔޫނިއަންގެ ކައުންސިލުން ފާސްކޮށްފައިވާ އޮނިގަނޑާ އެއްގޮތަށް، ސަރުކާރުގެ ވެރިންނަށް ފިޔަވަޅު އަޅާނެ ކަމަށް އީޔޫގެ ގައުމުތަކުން ވެސް އަންނަނީ ބުނަމުންނެވެ.
ފިޔަވަޅު އަޅާނެ ކަމުގެ ބިރު ދެއްކުމަކީ އިސްތިއުމާރުގެ އަމަލެއް. އެއީ، ދިވެހިންނަށް ހައްގު ގޮތެއް ނޫން. --ރައީސް
ޕީޕީއެމުން، އަލިމަސްކާނިވަލުގައި މިރޭ ބޭއްވި ބޮޑު ޖަލްސާގައި، ރައީސް ޔާމީން ވިދާޅުވީ އެގޮތަށް ބިރު ދެއްކުމަށް ވުރެން ބޮޑަށް އިންތިޚާބަށް ނުފޫޒު ފޯރުވޭނެ އިތުރު ގޮތެއް ނޯންނާނެ ކަމަށެވެ. ވެރިކަން ބަދަލުވުމާ ދިމާކޮށް، ކޮންމެ ފަހަރަކު ވެސް ރާއްޖެއަށް ބޭރުގެ ގައުމުތަކުން ޕްރެޝަރުކުރާ ކަމަށް ވިދާޅުވެ ހިތްހަމަނުޖެހުންފާޅުކުރައްވައި ރައީސް އެއްސެވީ "ރާއްޖެ ނޫން އެހެން ގައުމެއް ނެތީތޯ" އެވެ.
"ވޯޓާ ދިމާކޮށް މި ކަހަލަ [ބިރުދައްކައި ފިޔަވަޅު އެޅުން ފަދަ] ކަންކަން ކުރަންޏާ، އެއަށް ވުރެން ބޮޑަށް ވޯޓަށް ނުފޫޒު ފޯރުވޭނެ ގޮތެއް ނޯންނާނެ. އެއަށް ވުރެން ބޮޑަށް މި ރައީސްގެ ނޫނިއްޔާ މި ކެންޑިޑޭޓުގެ އިންތިޚާބީ ހައްގަކަށް އަރައިގަނެވޭނެ ގޮތެއް ވެސް ނޯންނާނެ،" ގިނަ އަދަދެއްގެ ބަޔަކު ބައިވެރިވި ރައީސް ޔާމީން ވިދާޅުވި އެވެ.
ޕީޕީއެމްގެ ޖަލްސާގައި ސަރުކާރާއި ޕީޕީއެމްގެ އިސް ބޭފުޅުން ބައިވެރިވެވަޑައިގަންނަވަނީ. --ފޮޓޯ: އަހްމަދު ނިޝާތު/މިހާރު
އެމަނިކުފާނު ވިދާޅުވި ގޮތުގައި ފިޔަވަޅު އަޅާ ވާހަކަ ތަކުރާރުކޮށް ދައްކަމުންދާތީ، ދެރަވެ، ޖެހިލުންވެވަޑައިގަންނަވަ އެވެ. އެހެންވިޔަސް މިފަދަ ބިރުދެއްކުންތަކާ ހެދި ރައްޔިތުން މާޔޫސް ނުވުމަށް އެދިވަޑައިގަތެވެ.
"އަޅުގަނޑުމެން ދެރަވޭ، ޖެހިލުންވޭ. އެކަމަކު އަޅުގަނޑުމެންގެ ހުރިހާ ކަމެއް އެކަމުގެ މައްޗަށް ނިންމައިގެން ތިބެންޏާ އަބަދު ތިބެން ޖެހޭނީ އަޅުވެތިކަމުގައި. އިސްތިއުމާރުގެ އަޅުވެތި ކަމުގައި. މިއީކީ ދިވެހިރައްޔިތުންނަށް ހައްގު ގޮތެއް ނޫން،" ރައީސް ވިދާޅުވި އެވެ.
އިންތިޚާބަށް ނުފޫޒު ފޯރުވަން ބިރުދައްކަމުން ދަނީ އިދިކޮޅު ފަރާތްތަކުން ރާއްޖޭގައި ނެތް ހާލަތެއް ބޭރުގެ ގައުމުތަކަށް ދައްކައިގެން ކަމަށް ވެސް ވިދާޅުވި އެވެ. ހަގީގީ ސަބަބަކީ، ރައްޔިތުންނަށް ވައުދުތަކެއްވެ، އެ ވައުދު ފުއްދާނެ ފަދަ ވެރިކަމެއް ކުރުމުގެ އުރައްޕެއް އިދިކޮޅުގައި ނެތުމުން ކަމަށް ވެސް ވިދާޅުވި އެވެ.
"ދެން، ހުރިހާ ކަރަކަރައިގައި ތިބި ފާދިރީންނާއި ދެން ވެސް ތިބިއްޔާ ތިބިހާ ބައެއްގެ ވާހަކަތައް އަޅުގަނޑުމެންނަށް އިވިގެން މިދަނީ. މިއީ އިސްތިއުމާރު. އިސްތިއުމާރުގެ ދަށުވީމަ މިނިވަންކަމާއި ސިޔާދަތު އަނެއް ދޮރުން ނުކުންނަނީ،" ރައީސް ޔާމީން ވިދާޅުވި އެވެ.
ީޕީޕީއެމުން މިރޭ ބޭއްވި ޖަލްސާގައި ރައީސް ޔާމީންގެ ސަޕޯޓަރުން: ގިނަ އަދަދެއްގެ ބަޔަކު މި ޖަލްސާގައި ބައިވެރިވި. -- ފޮޓޯ: މިހާރު
އެމަނިކުފާނު ވިދާޅުވި ގޮތުގައި ދުނިޔޭގެ މައިދާނުގައި ބަސް ބުނުމުގެ ޝަރަފު ރާއްޖެ ވަނީ ހޯދައިފަ އެވެ. އެ ހައްގު ނިގުޅައިގަނެވޭ ގޮތަށް، އަޅުވެތި ކަމަށް ދާން ދިވެހިން ބޭނުމެއް ނުވެ އެވެ.
އެމްޑީޕީގެ ވެރިކަމަށް އައީ ވެސް ރާއްޖޭގެ މިނިވަންކަމަށް އަރައިގަތުމަށް ބޭރުގެ ފަރާތްތަކަށް ދައުވަތު ދެމުން ކަަމަށާއި ވެރިކަމުގައި ތިބެ ވެސް އެ ފުރުސަތު ދިން ކަަމަށް ވިދާޅުވި އެވެ. އެ ޕާޓީ އަށް ދެން ވެރިކަން ލިބިއްޖެ ނަމަ ވެސް ރާއްޖޭގެ މިނިވަންކަމަށް އަރައިގަތުމުގެ ފުރުސަތު ބޭރުގެ ފަރާތްތަކަށް ދޭނެ ކަމަށް ރައީސް ޔާމީން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑު ބަންޑާރަ
08 September 2018
މަނިކުފާނު ވިދާޅުވި ގޮތުގައި ދުނިޔޭގެ މައިދާނުގައި ބަސް ބުނުމުގެ ޝަރަފު ރާއްޖެ ވަނީ ހޯދައިފަ އެވެ. އެ ހައްގު ނިގުޅައިގަނެވޭ ގޮތަށް، އަޅުވެތި ކަމަށް ދާން ދިވެހިން ބޭނުމެއް ނުވެ އެވެ. **** މިއީވަރަށް އަޚްލާޤު ރަނގަޅު ބޭފުޅުންކޮޅެއް ހޯއްދެވި ޝަރަފެއް . އެޝަރަފް ދިވެހިން އަތުން ގެއްލެނީ އަމުއްލަ އެދުމާއި އަދުލުވެރިކަން ޤައުމުން ގެއްލިފައިވާތީ . މިޝަރަފު ޔާމިން ކިޔާ ބޭފުޅަކު ވެރިކަމަށް އެރުވީމާ ގެއްލުވާލީ . ޚާއްޞަކޮށް އންމެ ޝަރަފުވެރި އެންމެންލޯބިވި ތިމާމީހާގެ ބޮޑުބޭބެ ހުރަގެއަށް ލުމަކީ މަނިކުފާނަށް މިހާރު ތިޔަ ހަޖަމު ނުކުރެވިގެން އުޅޭ ސބަބު
މަޖޫރީ
08 September 2018
ބިރުދައްކާނެ އެކަން އެހެންވަނީ ދުނިޔޭގެ ބޮޑެތި ގައުމުތަކުގެ ނަމުގައި ޑޮކިއުމެންޓް ފޯޖްކޮށް މަނިކުފާނު އެހެން މީހުންގެ އިންތިޚާބީ ހައްގަށް އަރައިގަންނަމުން ދާތީއެވެ. ބޮޑެތި ބާރުގަދަ ޤައުމުތަކުގެ ޑޮކިއުމަންޓް ފޯޖްކުރަން މަނިކުފާނު ޖެހިލުން ނުވާއިރު ކޮންޖެހިލުމެއް ވާކަށްތޯއެވެ.
އަދަނު
08 September 2018
އަބަދު މާލޭ ބޭުޅުން ވެރިކަމަށް. މިފަހަރު ހޮވާނީ ރާއްޖެތެރޭ މީހެއް. މަނިކުފާނަށް ވެސް 5 އަހަރު ލިބިއްޖެ. ބެޔަސް ނުބެޔަސް 10000 ނުދެވުނު، ދަނޑުވެރިންނަށް 8000 ނުދެވުނު. ޢާއިލީ ޑޮކްޓަރު ނުލިބޭ. ހުސްނުވާ އާސަންދަ ނުލިބޭ - ބޭހަށް ސަލާންޖަހާމީހުން ބައިވަރު، މަތީތަޢުލީމް ހިލޭނުކުރެވޭ، 94000 ވަޒީފާ އުފެއްދިކަމަށް ބުނިއިރު 15000 ވެސް ދިވެހިންނަކަށް ނުލިބޭ. މަނިކުފާނުގެ އަމިއްލަ އެކައުންޓަށް ދަޢުލަތުގެ ފައިސާއިން މިލިޔަނުން ޑޮލަރުވައްދައިފި. ނިހާނު، އަދުރޭ އަދިވެސް މަނިކުފާނުގެ އަރިސް ކޮންމެ މީހަކު ދެތިން ފްލެޓް ބައްލަވައިގެންފި! ދެން ހެޔޮ. ވެރިކަމުން ބާލާފަ ނޫނީ މިފަހަރަކު ނުހުއްޓާނަން.
އަހްމަދުބޭ
08 September 2018
ރައްޔިތުންގެ ބައިތުލްމާލުން ވައްކަންކުރިމީހުންގެ ވާހަކަތައްއެހެރީ އޮޑިޓުރިޕޯޓުތަކުގަ އޮޑިޓަރޖެރެނެރަލް ވަރައްތަފްސީލުކޮށްލިއެފަ އެކަންހަޖަމްނުވެގެން ރައީސް ޔާމީނައް ވަގައްގޮވިޔަސް އެކަމާ ރައީސް ޔާމީން ކީއްކުރާނީ އެއީއެބޭފުޅުން އަމިއްލަޔައްކުރިކަންތައްނޫންތޯ
ތޫރި
08 September 2018
އިބޫ އިންތިޚާބު ކާމިޔާބު ކުރުމަށް މި ރައީސް ގިނަގިނައިން ޕޯޑިޔަމަށް އެރުވީމަ ނިމުނީއެވެ. ތިމާގެ އެންޓި ކެމްޕޭނު ކުރުމުގައި މިވަރުގެ މީހަކު އަދި މިވީހާތަނަކު ދިވެހިންނަކު ނުދެކެނޫއެވެ. މަނިކުފާނު ތިޔަ ކުރަށްވާ ހިތްވަރަށް ސާބަހެވެ. ރައްޔިތުންނަށް މަރުޙަބާއެވެ.
ެމެރިކާ
08 September 2018
ދެން ކޯޓައް މައްސަލަ ލާބަލަ
ޓެގު
08 September 2018
ދަރުބާރު ޕީޕީއެމްގެ މެނިފެސްޓޯއާ ވައުދުތައް އަޑު އެހި ކުއްޖަކު ޓެގު އަރުވާލަބަލަ.
falaku ain
08 September 2018
މަނިކުފާނު ވިދާޅުވީމުތާ ރައީސް ނަޝީދަށާއި ގާސިމް އިބްރާހީމަށް މި ރިޔާސީ އިންތިޚާބުގައި ރިޔާސީ ކެންޑިޑޭޓަކަށް ނުވެވުނީ ތިމަންނަ އެމީހުންގެ ޙައްގު ގެއްލުވާލީމަޔޭ. މީވެސް ދެ ދިވެއްސެއްގެ ޙައްގެއް ނޫންތޯ؟ އަދި އެކަން އެކުރީ މަނިކުފާނު ކަމަށް ވިދާޅުވުމުން އެދެބޭފުޅުންނަށް ވާދަނުކުރެވޭނެ ގޮތަށް ކަންކަން ނިންމަން ކޯޓުތަކަށް އަމުރުކުރިކަންވެސް އެވަނީ ބިޔޯންޑް ރީޒަނަބްލް ޑައުޓްގެ މިންވަރަށް ސާބިތުވެފައޭ. އެހެންކަމުން މަނިކުފާނަށާއި ކޯޓުތަކުގައި ޙުކުމް އިއްވަންތިބި ފަނޑިޔާރުންނަށާއި އެދެބޭފުޅުން ފްރޭމްކުރި ފުލުހުންގެ މައްޗަށްވެސް ދަޢުވާ އުފުލި ގާނޫނުގެ ތެރެއިން އަދަބު ދިނުމަކީ އިބްރާހީމް މުޙައްމަދު ޞާލިޙުގެ ސަރުކާރުން ކުރަންޖެހޭނެ ކަމެއްކަމަށް އަހުރެންދެކެން. އެކަން އެމަގަށް ހިންގާކަށް ދޭން މާގިނަ ދުވަހެއްނެތް. އިންޝާﷲ. ކޯޓުތައް މެދުވެރިކޮށް ދެން އެނގަޑެއް ގަންނާކަށް ދިވެހިރައްޔިތުން ދެން ފުރުޞަތެއް ނުދޭނެ.
އިބޫ 2
08 September 2018
ކުއްކުރާމީހުނަށް ވެރިކަމުގެ ފުރުސަތު ނެއް...ނަޝީދު މޮޔަވަނީ ވެރިކަމާ ހެދި...ރާއްޖެ އަށް ނަޝީދު ބޭނުންހާ ގޮތެއް ނުހެދޭނެ ރައީސް ޔާމީން އަޅުގަނޑު މެނާއެކީ ތިބިހާ ހިދަކު
ކުނި
08 September 2018
މީނާ މީހުނަށް ބިރުދައްކާ ޖަލަށްލީމާ އޯކޭ އެހެންމީހަކު ވިއްޔާ ހައްގަށް އަރައިގަތީ މީފުކެއް ބޮޑުވަރުދޯ
ތެމާ
08 September 2018
ސަޕްރައިސް މެނިފެސްޓޯއަކީ ނަޝީދުތަ އަރާކޮންމެ ތަނެއްގައި ނަޝީދު ކިޔާލަކިޔާާލާ