ޕީޕީއެމްގެ ޖަލްސާގައި ނިހާން ސަޖިދައަށް-- ފޮޓޯ: އަލީ ނަޝާތު/މިހާރު
18 ސެޕްޓެމްބަރ 2018 - 22:05
93 comments
ޕީޕީއެމްގެ "ސައިޒް ދައްކާލުމަށް" މާފަންނު ސްޓޭޑިއަމްގައި މިހާރު ކުރިއަށް ގެންދާ ޖަލްސާއަށް އެއްވެފައިވާ މީހުން ފެނި، ޕީޕީއެމް ޕާލަމެންޓްރީ ގުރޫޕުގެ ލީޑަރު އަހުމަދު ނިހާން ހުސައިން މަނިކު އުފަލުން ސަޖިދަ ޖައްސަވައިފި އެވެ.
މާފަންނު ސްޓޭޑިއަމްގެ ވެލި ދަނޑުގައި މިރޭ 9:00ގައި ފެށި ޖަލްސާ އަށް ވަރަށް ގިނަ ބަޔަކު އެއްވެ ތިއްބެވެ. އެ ސަރަހައްދުގެ މެދުގައި "1" ނަމްބަރުން ހަދާފައިވާ ސްޓޭޖް ވަށައިގެން އެތައް ހާސް ބަޔަކު ތިއްބެވެ. ފްލައިޓް ޗާޓާކޮށްގެންނާއި ދޯނި ފަހަރުގައި އެތައް ބަޔަކު ގެނައި ޖަލްސާގައި ގިނަ ސަޕޯޓަރުން ތިބީ ރައީސް ޔާމީންގެ ކެމްޕެއިން ލޯގޯ ޖަހާފައިވާ ޓީޝާޓް ލައިގެންނެވެ.
ޖަލްސާ ފެށުމުގެ ގޮތުން ފުރަތަމަ ވާހަކަ ދެއްކެވީ ނިހާނެވެ. އޭނާ ވާހަކަ ދެއްކެވުމުގެ ކުރިން ސްޓޭޖަށް އަރާވަޑައިގެން ސަޖިދައެއް ޖެއްސެވި އެވެ. އެއަށް ފަހު ވާހަކަ ދައްކަވަމުން "ﷲ އަކްބަރު" ތަކުރާރުކޮށް ވިދާޅުވި އެވެ.
އެތައް ބަޔަކާއެކު ބޭއްވި ޖަލްސާގައި ނިހާން ވާހަކަ ދައްކަވަނީ-- ފޮޓޯ: އަލީ ނަޝާތު/މިހާރު
ކުރުކޮށް ދެއްވި ސްޕީޗުގައި ނިހާން ވިދާޅުވީ ރައީސް ޔާމީނަށް އިތުރު ދައުރެއް ދެއްވަން ޖެހެނީ ރާއްޖޭގެ ސަލާމަތާއި ދިވެހިވަންތަކަން ރައްކާތެރިކުރުމަށް ކަމަށެވެ. އަދި އިސްލާމް ދީނުގެ ހައްގުގައި ހުންނެވި ކަމަށް ވިދާޅުވި އެވެ.
"ހައްގުގެ މަގުގައި ލެހެއްޓެވުން އެދި އަޅުގަނޑުމެން ދުއާ ކުރަން،" ޖޯޝާއެކު ވާހަކަ ދައްކަވަމުން ނިހާން ވިދާޅުވި އެވެ.
ޕީޕީއެމާ ހިޔާލު ތަފާތުވުންތައް އުފެދި އެޕާޓީގެ ހަރަކާތްތަކުން އެކަހެރިކޮށްފައިވާ ކަމަށް ބުނާ، ވިލިފުށީ ދާއިރާގެ މެމްބަރު ރިޔާޒު ރަޝީދު މިރޭގެ ޖަލްސާގައި ވާހަކަ ދައްކަވަމުން ވިދާޅުވީ އޭނާ މިރޭ ފެނިލުމަކީ "އިދިކޮޅަށް ދިން ފިލާވަޅެއް" ކަމަށެވެ.
ރައީސް ޔާމީން ކެމްޕެއިން ޓީޝާޓް ލައިގެން ހުންނެވި ވިޔަފާރިވެރިޔާ ރިޔާޒު ވަނީ ރައީސް ޔާމީންގެ އިގްތިސާދީ ސިޔާސަތަށް ތައުރީފް ކުރައްވައި ވިދާޅުވީ ސަރުކާރު ހިއްސާވާ ކުންފުނިތައް މިހާރު ހިންގަމުން އަންނަނީ ފައިދާގައި ކަމަށެވެ.
މިރޭގެ ޖަލްސާގައި ޕީޕީއެމް ސަޕޯޓަރުން -- މިހާރު ފޮޓޯ: އަހުމަދު ނިޝާތު
"ރައީސް ޔާމީންގެ ހަނދާންތައް. ގެންނެވި ތަރައްގީ ހަނދާނުން އަދި ތާރީހުން ފޮހެއެއް ނުލެވޭނެ،" ރިޔާޒު ވިދާޅުވި އެވެ.
ޕީޕީއެމާ ހިޔާލު ތަފާތުވުން އުފެދިފައިވާ ކޯލިޝަން ޕާޓްނާ އެމްޑީއޭގެ ޑެޕިއުޓީ ލީޑަރު އަހުމަދު އާމިރު ވެސް ވަނީ ވާހަކަ ދައްކަވާފަ އެވެ. އޭނާ ވާހަކަ ފެށުމުގެ ގޮތުން "ހޯ" ގޮވަމުން އޭނާ ވިދާޅުވީ "ރައީސް ޔާމީންއަށް އޮތް ތާއީދު މިޖަލްސާއިން ވަރަށް ބޮޑަށް ހާމަކޮށްދޭ" ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަނާނާ
20 September 2018
ވޯޓުގެ ނަތީޖާ ހިތްނޭދޭ ގޮތައް އައިމަ ހަދާނެގޮތެއް ރާވާ.
ޢައިމިނަ
19 September 2018
ގަމާރު ވޯޓު ލަނީ ސައިޒުންބާ
ޙެކޮސް
19 September 2018
މަނިކުފާނުގެ ވަދާއީ ޖަލްސާއަށް
ތާރޭ
19 September 2018
އިންށާﷲ ހަމަވަދާއީ ޖަލްސާއަށް ވާނީ
އަހްމަަދު
19 September 2018
ދެ ޖަލްސާގަވެސް ދިހަ ހާހަށްވުރެ މީހުން ގިނަ ނުވާނެކަން ކަށަވަރު.
ރިޔާދޯނި
19 September 2018
މުސްލިމަކަށް އޭނަބޭނުންވި އުފަލެ ލިބޭހިދު ކުރަންއޮންނަ ކަމެ ޝުކުރުގެ ސަޖިދައަކީ. އެހެންވީމަ މިސަޖިދައަކީ ބަހުސްކުރަން ޖެހޭކަމެއްބާ ޕޕމ އިއުލާނުކޮއްގެން މީޑިޔާއަށް އަންގާއިގެން ރައރަށުން މީހުންގެނައީ އަދި އެމީހުން ގެނާއިކަމުގަވިޔަސް ޖަލްސާއަށް ނުގޮސް ކަޓުޖެއްސިދާނެ ދެން ހަމައެކަނި ގެނައިމީހުން އެކަންޏެނޫން އެތަނުގަތިބީ އެހެންވީމަ އެއީ ކުރިއެރުމެ ކާނިވަލަށް ޖަމާކުރެވޭނީ ކިހާވަރެއްތޯ ސްޓޭޑިޔަމަށް ޖަމާކުރެވޭނެ ވަރުއެގޭނެމިއަދު.
މުޙުއްމާ
19 September 2018
ސައިޒް ފެއްނާނީ އާދިއްތަ ދުވަހު. އިރާދުކުރެއްވިއްޔާ އިބޫ %95- ޔާމީނު %5.
ރަންރީދޫ ޓްވިޓަރޭ
19 September 2018
އިންށާﷲ ކައްޕި ބޮޑުތަނުން ބަލިވާނެ
ހުސޭނޫ
19 September 2018
ގޫގްލް މެޕް ބޭނުންކޮށްގެން، މީހުން އެއްވާ ސަރަހައްދުގެ ބޮޑުމިން (އޭރިއާ) ވަރަށް ފަސޭހައިން ހޯދޭނެ ޓޫލްތައް އިންޓަރނެޓް ގައި އެބަހުރި. އަދި މިގޮތައް ޖާގައިގެ ބޮޑުމިން ބެލުމަށްފަހު އެޖާގައަށް އެންމެ ގިނަވެގެން އެއްވެވޭނީ ކިތައް މީހުންނަށްކަން އެސްޓިމޭޓްކޮށްލެވޭނެ ޓޫލްތައްވެސް އިންޓަރނެޓްގައި އެބަހުރި. ވީމާ، ހަމައެކަނި މީހުން ކިޔާ އެއްޗެއް ގަބޫލުކޮށްލުމުގެ ބަދަލުގައި މިފަދަ ޓޫލްތައް ބޭނުންކޮށްގެން އަދަދުތައް އަންދާސާ ކޮއްލެވިދާނެ.
އަޙުމަދު
19 September 2018
އެމް.ޑީ.ޕީން ކާނިވާ ސަރަޙައްދުގައި ގޮނޑި ޖަހާފަ ހުރީ ދެސަފު ދޭތެރެ ވަރަށް ދުރުކޮށް. އަދި އެތަނަކީ މާފަންނު ވެލިދަނޑަށްވުރެ ސައިޒުގެ ގޮތުން ގާތްގަނޑަކަށް ދެގުނަ ކުޑަތަނެއް.. މިގޮތަށް ބެއްޔަސް މީހުންގެ ޢަދަދު ގިނަވާނީ ކޮން ޕަޓީއެއްގެ ޖަލްސާގެކަން އެނެގޭނެ ކޮންމެ ބަޔަކަށްވެސް
އައްޔު
19 September 2018
އެއްވެސް ޕާޓީއަކުން މީހުން ނުގެނެސް ޖަލްސާއެއް ނުބާއްވާ ކަމީ ހަޤީޤަތް. ވޯޓަކީ މީހުން އެއްކުރާވަރެއްގެ މައްޗަށް ބިނާވާ އެއްޗެއްނޫން. ވޯޓުލުމުގައި ޤައުމަށް އެ ކެނޑިޑޭޓަކު ކޮށްދިން ކަންތައްތަކާއި ކުރިޔަށް އޮތް ޕްލޭނަށް ނުވަތަ މެނިފެސްޓޯއަށް ރަނގަޅަށް ބަލަން އެބަޖެހޭ މާޒީގެ ސަފްހާތަށް ބަލާލަން އެބަޖެހޭ ޤާބިލް ކަމަށާއި ތަޖުރިބާއަށް ބަލަން އެބަޖެހޭ އޭގެފަހުގައި ވޯޓުލާންޖެހޭނީ ޕާޓީ މީހާވީމާ ވޯޓެއް ދިނުމުން އެވެވެނީ ޤައުމަށް ޚިޔާނާތް ރައްޔިތުންނޭ ވިސްނާ
އަޒީމް
19 September 2018
އެނަލަސިސްދަސައިކޯ/// ދެން އެކި އުޒުރު ތަކާއި ހެދި ނައާދެވުނު މީހުންގެ ަދަދު ކަމުގައި އަހަރެމެން 20000 ގެ ތެރެއަށް އޭގެ ދެގު (40000)ނަލާދީފަ ހިސާބުބެލިޔަސް ވަނީ 60000 ވޯޓު މިވަރުން ޔާމީނު ހޮވޭނެ ގޮތަކީ ހަމަ ކޯޓުން. އެނޫން ގޮތެއްނެތް...
Ahmed
19 September 2018
އެތަނުގައި ގޮނޑި ޖަހަމުން ދިޔައިރު އަޅުގަނޑު ދިޔަޢީ ގޮނޑީގެ އަދަދު ބަލަހައްޓމުން، ހުރަހައް 30 ގޮނޑި، ދިގަށް 25 ގޮނޑި އަދި މިގޮތައް ޖުމްލަ 8 ބަރި.ވިމާ އަލުގަނޑަށް އެތަނުގައި ޖަހާފައިވާ ގޮނޑިން ނިކުތް ޖުމްލަ އަދަދަކީ 25*30*8=6000 އަދި އޭގެ އިތުރަށް 100 ވަރަކަށް ގޮނޑި ނުޖަހާ ހުރި އެއީ އެތަނުގައި ގޮނޑި ޖަހާނެ ތަން ނެތުމުން. މިކަމާ ކެރެންނާ އެއްޗެއް ބުނެބަ ރަނގަޅަށް ހަޤީޤަތް އެނގޭ މީހަކު މިދޮގެއް ކުރާކަށް ނުކެރޭނެ. ގޮނޑި ޖެހީ އަޅުގަނޑުގެ އަތުން.