ޚަބަރު / ރިޔާސީ އިންތިޚާބު 2018

އިންތިހާބު ބާތިލު ކުރުމަށް ރައީސް އެބަ ރާއްވަވާ: މަހްލޫފް

ގޭ ބަންދުން ދޫކޮށްލުމުން މަހްލޫފް ސަޕޯޓަރުންނާއެކު: ސަލާމަތީ ބާރުތަކަށް އަދި އިލެކްޝަންސް ކޮމިޝަނަށް ގޮވާލައްވާފައި ވަނީ ރައްޔިތުންގެ ނިންމުން ބޮލާލައި ނުޖެހުމަށް -- އަހުމަދު ނިޝާތު / މިހާރު ފޮޓޯ

ހަސަން މުހައްމަދު، މިހާރު

26 ސެޕްޓެމްބަރ 2018 - 17:07

32 comments

މިދިޔަ އާދީއްތަ ދުވަހު ބޭއްވި ރިޔާސީ އިންތިހާބުގައި ބޮޑު ތަފާތަކުން ނާކާމިޔާބުވުމުން އެ އިންތިހާބު ބާތިލު ކުރުމުގެ މަސައްކަތް ރައީސް އަބްދުﷲ ޔާމީން ކުރައްވަމުން ގެންދަވާ ކަމަށް ގަލޮޅު ދެކުނު ދާއިރާގެ މެންބަރު އަހުމަދު މަހްލޫފް މިއަދު ތުހުމަތު ކުރައްވައިފި އެވެ.

ސޯޝަލް މީޑިއާގައި މަހްލޫފް ލިޔުއްވާފައި ވަނީ އިންތިހާބު ބާތިލު ކުރުމުގެ ގޮތުން، ވެރިކަން ކުރާ ޕީޕީއެމުން އެކިއެކި މަސައްކަތް ފަށައިގެން ކުރަމުންދާ ކަމަށެވެ. އެގޮތުން ޕީޕީއެމްގެ އާންމު މެންބަރުން ލައްވާ އިލެކްޝަންސް ކޮމިޝަނަށް ޝަކުވާ ހުށަހެޅުމުގެ މަސައްކަތް ކުރަމުންދާ ކަމަށް އޭނާ ވިދާޅުވި އެވެ.

"އަޅުގަނޑުމެން ރީތިކޮށް [ކަންކަން] ގެންދަން އުޅުނަސް އޭނާ [ރައީސް ޔާމީން] ހުރީ މަސްލަހަތު ގެއްލުވައިލާ ގޮތަށް،" މަހްލޫފް ވިދާޅުވެފައިވެ އެވެ.

Yameen bali gabooleh nukurey. Alhugandumen reethikoh gendhan ulhunas eyna huree maslahathu gelluvaalaagothah.
Inthikhaabu baathil kurumah dhanee raavamun.
Rayyithunge ninmun bolaalaa jahaa,dhivehi fuluhun,Sifain EC adhi SC inn efurusathu nudhevvumah govaalan. Rayyithun samaalu !
— Ahmed Mahloof (@AhmedMahloof) September 26, 2018

މަހްލޫފް ވިދާޅުވެފައި ވަނީ އެޗްޑީސީގެ ޗީފް އޮޕަރޭޓިން އޮފިސަރު އަހުމަދު ބުންޔާމީން އިސްވެ ހުންނަވައި ހުޅުމާލޭގައި ޝަކުވާ ފޯމު ފުރުމުގެ މަސައްކަތް ކުރިއަށް ގެންދާ ކަމަށެވެ. އަދި އެކަމަށް ރައްޔިތުން ސަމާލުވުމަށް އޭނާ ވަނީ ގޮވާލައްވައިފަ އެވެ.

"ވަރަށް ސާފުކޮށް ދަންނަވަން، ސަލާމަތީ ބާރުތައް އަދި މުއައްސަސާތަކުގެ ބިރު ކެނޑިއްޖެ،" މަހްލޫފް ވިދާޅުވެފައިވެ އެވެ.

މީގެ އިތުރުން ރައްޔިތުންގެ ނިންމުމާ ދެކޮޅު ނުހެދުމަށް އިލެކްޝަންސް ކޮމިޝަނާއި ސަލާމަތީ ބާރުތަކަށް މަހްލޫފް ވަނީ ގޮވާލައްވައިފަ އެވެ.

Bunyameen ge order ah Fathih dhanee PPM membarun lavvaa EC ah shakuvaa hushaelhumah HDC ga form furamun.

40000 vote ge bodu thafaathakun rayyithun noonekey buneemaves adhives maithirinuve.

Varah saafukoh dhannavan, salaamathee baaruthah adhi muahsaaaathakuge biru kendijje. pic.twitter.com/gboscbys95
— Ahmed Mahloof (@AhmedMahloof) September 26, 2018

އިންތިހާބީ ރައީސް އިބްރާހިމް މުހައްމަދު ސޯލިހު (އިބޫ)ގެ ތަރުޖަމާނު މާރިޔާ އަހުމަދު ދީދީ ބޭއްވި ނޫސްވެރިންގެ ބައްދަލުވުމެއްގައި، އިންތިހާބު ބާތިލް ކުރަން މަސައްކަތް ކުރޭތޯ ސުވާލު ކުރުމުން ވިދާޅުވެފައި ވަނީ ރައީސް ބަލި ގަބޫލު ކުރައްވާފައިވާ ކަމަށެވެ. ނަމަވެސް ސަރުކާރުން އިންތިހާބު ބާތިލް ކުރަން މަސައްކަތް ކުރާކަން ނުވަތަ ނޫންކަން ވެސް މާރިޔާ ވިދާޅެއްނުވެ އެވެ.

"އަޅުގަނޑުމެނަށް ވަރަށް ސާފު. ރައީސް ޔާމީން އެ ވަނީ ރައީސް އޮފީހުގައި ބަސް ވިދާޅުވެފައި. އެބޭފުޅުވާ ވިދާޅުވެފައި އެ އޮތީ އިންތިހާބުގެ ނަތީޖާ ވަރަށް ސާފު ކަމަށް އަދި ރައްޔިތުންގެ އިއްވި ބަސް ވަރަށް ސާފުކޮށް އެނގެން އޮތް ވާހަކަ. އެހެންވީމަ ބަލި ގަބޫލު ކުރައްވާފައި ވަނީ. ދުނިޔޭގެ އެއްވެސް ތަނެއްގައި އޮންނަ ގޮތެއް ނޫން އެއީކީ އެއަށްވުރެ ފަހުން އިތުރު ކަންކަމަށް ދިއުމަކީ،" މާރިޔާ ވިދާޅުވި އެވެ.

އިބޫ ރިޔާސީ އިންތިހާބު ކާމިޔާބު ކުރެއްވީ 58 ޕަސެންޓު ވޯޓާ އެކު ބޮޑު ތަފާތަކުންނެވެ. އިބޫ އަށް 134،146 ވޯޓު ލިބިވަޑައިގެންނެވި އިރު ރައީސް އަބްދުﷲ ޔާމީނަށް ލިބިވަޑައިގަތީ އެންމެ 95،623 ވޯޓެވެ. ދެ ކެންޑިޑޭޓުންގެ މެދުގައި 38،479 ވޯޓުގެ ފަރަގު ހުއްޓެވެ. މިއީ މިހާ ބޮޑު ތަފާތަކުން ރާއްޖޭގައި ރައީސަކު އިންތިހާބުވި ފުރަތަމަ ފަހަރެވެ.

މުޅި ރާއްޖޭގެ 18 އަތޮޅެއްގެ މެޖޯރިޓީ ވޯޓު އިބޫ އަށް ލިބިވަޑައިގެންނެވި އިރު ރައީސް ޔާމިނަށް މެޖޯރިޓީ ނެގުނީ މ. އަތޮޅާއި ފ. އަތޮޅުން އެކަންޏެވެ.

އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު ރައީސް އިބްރާހިމް މުހައްމަދު ސޯލިހް އިދިކޮޅު އިއްތިހާދު މާރިޔާ އަހުމަދު ދީދީ، ޑިފެންސް މިނިސްޓަރު ރައީސް އަބްދުﷲ ޔާމީން

32 ކޮމެންޓް, 147 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ިިއިސްމާއިލް ޒިޙާންް

26 September 2018

ޔާމީން ޖެހޭނީ ހަމަ މިފަހަރު ނޯށުން ރޯލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު ނިޔާޒު

26 September 2018

އެއްކަލަ ބެއްޔާ މިނިވަންވީކަން އެނގުނީ، އަވަހަށް ފިތުނަ ފަތުރަން ފެށީ އަވަހޭދޯ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިލިސް

26 September 2018

ޤައުމު ފަސާކުރުމަށް އެއްވެސް ބަޔަކު މަސައްކަތް ނުކުރުމަށް އެދެން. މިހާރު މިވަނީ އިންތިޚާބު ނިމި އިއްތިޙާދު ކެންޑިޑޭޓު މިވަނީ ރިޔާސީ އިންތިޚާބު ކާމިޔާބު ކޮށްފަ. މަރުޙަބާ އިބޫ އަދި ފައިސަލް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާދާލު

26 September 2018

ޔާމީނު މޮޔަ ނުވާތި.....އަހަރެމެން ގޮތް ނިންމާފަ އެއޮތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާލުސޮރު

26 September 2018

ސަލާމަތް ބުއްދި ހުރި އެއްވެސް މީހަކު މި އިންތިޚާބް ބާތިލްކުރަންޖެހޭ ފަދަ ސަބަބެއް ހުރިކަމަކަށް ގަބޫލެއް ނުކުރާނެ. "އިންތިޚާބް ބާތިލް ކޮށްފިނަމަ" އަނެއްކާ އަނެއް ބޭޒާރުވުން ނޫން އެއްކަމެއްވެސް ނުވާނެ. މީމުޖައްރިބު ކަމެއް. މުޅި ދުނިޔެ މި އިންތިޚާބް ބަލައިގެންފަވާތީ އިތުރު ހައިޖާނުހަދާކަށް ދެން ރައްޔިތުންނާ ބައިނަލް އަގްވާމީ މުޖުތަމަޢު ވެސް ފުރުސަތު ނުދޭނެ. ބަޔަކު އަނެއްކާވެސް އެއުޅެނީ ރައީސް ޔާމީނަށް އިތުރު "ލަނޑެއް" ދޭންހެން ވަރަށްހީވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

26 September 2018

ވެރިކަމުގަ ދެމިތިބެން ޕީޕީއެމްގެ މިހާރުގެ ލީޑަރޝިޕުން ކޮންމެ ފަދަ ކަމެއްވެސް ކޮށްފާނެކަން އެމީހުންގެ ކެމްޕެއިން ގެންދިޔަގޮތުންވެސް ދޭހަވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުއްޑާ

26 September 2018

ގައުމު ހަމަނުޖެހުމެއްގެ ތެރެއަށް ވައްޓާނުލައްވާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންސޫރު

26 September 2018

ނިހާން ތިޔަކަމަށް ފޫގަޅައިފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުމާލް 2

26 September 2018

ދެންވޯޓްލާން ޖެހިއްޖިއްޔާމު އިހުނަށްވުރެ ދެގުނަ އިބްރާހިމް މުހައްމަދު ޞާލިޙުއަށް ގިނަވާނެ. އަދި ދެވަނަ ބުރަކަށް ވޯޓްލުމުގެ ފުރުޞަތެއް ދެން ނުދެވޭނެ. ހުއްޓާލާ ތިކަން.