އިންތިހާބީ ރައީސް އިބޫ ރައީސް ނަޝީދާއެކު ސްރީ ލަންކާގައި: މާދަމާ ސްރީ ލަންކާއަށް ފުރާވަޑައިގަތުމަށްފަހު އިބޫ މާލެ ވަޑައިގަންނަވާނީ ނަޝީދާއެކު ނޮވެމްބަރު، 1 ގައި -- މިހާރު ފައިލް ފޮޓޯ
30 އޮކްޓޯބަރ 2018 - 15:40
ކުރީގެ ރައީސް މުހައްމަދު ނަޝީދު ބަލާ، އިންތިހާބީ ރައީސް އިބްރާހިމް މުހައްމަދު ސޯލިހު (އިބޫ) ސްރީ ލަންކާއަށް މާދަމާ ވަޑައިގަންނަވާނެ ކަމަށް އެމަނިކުފާނުގެ ތަރުޖަމާނު މާރިޔާ އަހްމަދު ދީދީ މިއަދު ވިދާޅުވެއްޖެ އެވެ.
ނޫސްވެރިންނާ ބައްދަލު ނުކުރައްވާތާ ދެ ހަފުތާއަށް ވުރެ ގިނަ ދުވަސް ފަހުން ފުރަތަމަ ފަހަރަށް ބޭއްވި ނޫސްވެރިންގެ ބަައްދަލުވުމުގައި މާރިޔާ ވިދާޅުވީ އިބޫ އެނބުރި ވަޑައިގަންނަވާނީ ނަޝީދުގެ އަރިހުގައި ކަމަށެވެ.
"ރައީސް ސޯލިހު މާދަން ފުރާވަޑައިގަންނަވާނެ ސްރީ ލަންކާއަށް. ސްރީ ލަންކާއަށް ފުރާވަޑައިގެންފައި އެނބުރި ވަޑައިގަންނަވާނީ މާދަމާ ނޫން އަނެއް ދުވަހު ނޮވެމްބަރު، 1ގައި، ރައީސް ނަޝީދާ އެކީގައި،" މާރިޔާ ވިދާޅުވި އެވެ.
ޓެރަރިޒަމްގެ ދައުވާއެއް ސާބިތުވެ 13 އަހަރުގެ ޖަލު ހުކުމެއްގައި ހުންނެވި ނަޝީދު، ތިން އަހަރެއްހާ ދުވަހު ރާއްޖެއިން ބޭރުގައި އުޅުއްވުމަށް ފަހު ރާއްޖެ ވަޑައިގަންނަވާ އިރު އެ ހުކުމް ތަންޒީފުނުކުރަން ސުޕްރީމް ކޯޓުން މިއަދު ވަނީ އަމުރެއް ނެރެފަ އެވެ. އެހެންކަމުން އެއްވެސް ހުރަހެއް ނެތި، އެމަނިކުފާނަށް ރާއްޖޭގައި ދެން އުޅުއްވޭނެ އެވެ.
ސުޕްރީމް ކޯޓުގެ އަމުރުގައި ބުނެފައި ވަނީ ޕީޖީގެ ފަރާތުން އެ ކޯޓަށް ހުށައެޅި މައްސަލާގައި ވަކި ގޮތެއް ނިންމުމުގެ ކުރިން އެމަނިކުފާނުގެ ހުކުމާ ގުޅިގެން ދައުލަތުގެ އެއްވެސް އިދާރާއަކުން ފިޔަވަޅު ނޭޅުމަށެވެ.
ނަޝީދަށް މަރުހަބާ ދަންނަވަން އެމްޑީޕީން އަންނަނީ ވަރަށް ބޮޑަށް ތައްޔާރުވަމުންނެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ހެހެ
31 October 2018
ދެން 1 ލައްކަ އެތައް ވޯޓެއް ލީ އެންމެން މަރްހަބާ ކިޔަން ނިކުންނަންވާނެ އިބޫވީމަ...
ވަހީދު
31 October 2018
ދެން އިބޫވެސް ނުޖެހޭ ދޯ އަންނިބަލާ ލަންކާއަށް ދާކަށް. އަހަރެމެން ވޯޓުލައިގެން ހޮވީ އިބޫ. އަންނި ކަމަކުނުދޭ
މޫސާފުޅު
31 October 2018
ތީދެން ތަންކޮޅެއް ބޮޑުވަރު. ބޮޑު ތަސައްރަފުފުދިފަވާ ފިރިހެނަކު ބަލައި ޤައުމުގެ ރައީސް ދާންޖެހުމަކީ ވަރަށް ދެރަކަމެއް.
ބޮލި މުލައް
31 October 2018
ހައްހައްހާ ޤައުމުގެ ރައީސް!!!!!!!!! ކުރިމަގު ވ ސާފު
އަސްރަފް
31 October 2018
އަޅުވެތިކަން އެއްވަނަ ދަރަޖައަށް
ފޭން
31 October 2018
އިބޫ ނުޖެހޭ ދާކަށް!! އަހަރުމެންގެ ރައީސް ޖެހޭތަ ދާން؟ މީތި ކަޑަ..އަންނި އަށް ވެސް އާދެވޭނެ ދޯ!
ބަތަލް.
31 October 2018
އިބޫގެ ސަރުކާރު ތިހިސާބުން ފޭލިވީ ކަމުގައި ބެލެވެނީ، ވޯޓުދިން ހުރިހާއެންމެންވެސް ވޯޓުލީ އިބޫ ވެރިކަންކުރަން މިއީ ވަރަށް ވާހަކަ.
ސދފަފސަ
31 October 2018
އެހެން ކުށްވެރިންނާއި މެދުވެސް ގޮތެއް ނިމެންދެން ޙުކުމްތަންފީޛު ނުކޮށް މަޑު ނުކުރަނީ ކީއްވެބާ؟
ތިމާ
31 October 2018
މިބާ އެބުނާ އަދުލްް އިންސާފަކީ؟ މީ ބާރުގެ ބޭނުން ކޮށްގެން ކުރާ ކަމެއް އިންސާފް ވެރިއެއް ނޫން އިބޫ ކަލެއަށް ތިކަމެއް ނުވާނެ މި އޮތީ ބޮއްކުރާ ދޮށައް ނަވު ކަބަން ޖެހިފައި
އަލީއާދަން
31 October 2018
މިގައުމުގެ ސިޔާސީ ކަންކަމުގައި ނަޝީދު ކުރައްވާ މަސައްކަތް ހިތުގެ އަޑިން ފާހަގަ ކުރަން. އެކަމަށް ޝުކުރު ކުރަން. އިބޫ ގެ މަޑުމަތިރިކަމާއި ތެދުވެރިކަން ގަބޫލު ކުރަން. އެކަމަކު މިހާރު ނަޝީދު މާލެ އައުމުގަ ގެންދަވާ މިންގަނޑު އަޅުގަޑަކަށް އެހާ ރަގަޅެއް ނޫން. މިހާ ޑްރާމާ ބޮޑުކޮށް މުޅި ގައުމު މާލެއަށް އެއްނުކުރިޔަސް ނަޝީދަކީ ތާއިދު އޮންނަ މީހެއްކަން އެނގޭ. މީހަކަށް އަޅުކަންކުރުން ކަހަލަ، މިއީ އިންޑިއާ އިން ފެންނަގޮތް، އަޅުގަދުމެން ގޮތެއްނޫން