އެލްކަހޯލް ޓެސްޓުން ފެއިލްވި އެއާ އިންޑިއާގެ ޕައިލެޓް ތިން އަހަރަށް ސަސްޕެންޑްކޮށްފި

އިންޑިއާގެ ގައުމީ އެއާލައިން، އެއާ އިންޑިއާ އަށް ވަނީ ތަފާތު މައްސަލަތައް ކުރިމަތިވެފައި. --ފޮޓޯ:އީޕީއޭ

ހަސަން އާމިރު، މިހާރު

13 ނޮވެމްބަރ 2018 - 12:24

ނިއު ދިއްލީ (ނޮވެމްބަރު 13) - އެލްކަހޯލް ޓެސްޓުން ފެއިލްވި އެއާ އިންޑިއާގެ ސީނިއާ ޕައިލެޓަކު ތިން އަހަރަށް ސަސްޕެންޑް ކޮށްފި އެވެ.

އިންޑިއާގެ ގައުމީ އެއާލައިނުގެ ޑިރެކްޓަ އޮފް އޮޕަރޭޝަންސްގެ މަގާމު ވެސް އަދާކުރާ ކެޕްޓަން އަރްވިންދު ކަތުޕަލިއާ އަކީ މިދިޔަ އާދިއްތަ ދުވަހު ދިއްލީން ލަންޑަނަށް ދަތުރުކުރަން އޮތް އެއާ އިންޑިއާގެ ބޯޓުގެ ޕައިލެޓެވެ. ނަމަވެސް އެލްކަހޯލް ޓެސްޓުން އޭނާ ފެއިލްވުމުން ވަނީ ބަދަލުގައި އެހެން ޕައިލެޓެއް ހަމަޖައްސައިފަ އެވެ.

އޭވިއޭޝަން އޮފިޝަލުން ބުނެފައި ވަނީ މިދިޔަ އަހަރު ވެސް އޭނާ ވަނީ ތިން މަހަށް ސަސްޕެންޑްކޮށްފައި ކަމަށެވެ.

ކެޕްޓަން ކަތުޕަލިއާ ބުނީ އޭނާގެ މައްޗަށް ކޮށްފައި ވަނީ ދޮގު ތުހުމަތެއް ކަމަށެވެ. އަދި އޭނާ އަކީ އެއާލައިނުގެ އެތެރޭގައި ޖެހިގެން އުޅޭ މައްސަލައެއްގައި ޝިކާރައަކަށްވެފައިވާ މީހެއް ކަމަށް ވެސް ބުނެފައިވެ އެވެ.

މިދިޔަ ޖެނުއަރީ މަހު ވެސް ވަނީ އިންޑިއާގެ ދެ ޕައިލެޓަކު ފަސް އަހަރަށް ސަސްޕެންޑް ކުރަން ޑައިރެކްޓަރޭޓް ޖެނެރަލް އޮފް ސިވިލް އޭވިއޭޝަން އިން ނިންމައިފަ އެވެ. އެއީ، ޖެޓް އެއާވޭސްގެ ދެ ޕައިލެޓުން ކޮކްޕިޓުގައި ތަޅައިގަތުމުންނެވެ.

އިންޑިއާ އެއާ އިންޑިއާ

2 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައިންތު

14 November 2018

އަޅުގަނޑަށް އެނގުނު ގޮތުގައި ބޯޓު ފުރުމުގެ ކުރިން ޕައިލެޓުންގެ ހަދާ އަލްކަހޯލް ޓެސްޓުން އެ ޕައިލެޓް ފޭއިލްވީ، މާނައަކީ އަލްކަހޯލްއަށް ޕޮޒިޓިވް ވީ އޭ، މިތަނުގަ އެމާނައަކީ، އެންމެންގެ ފުރާނަ އަތްމައްޗަށް ލައިގެން މަތިންދާ ބޯޓެއް ވައިގެތެރޭގައި އޮންނައިރު ވާނުވާ ނޭނގޭ ޒާތުގެ ކަމެއްކޮށްގެން ހުރި މީހަކު ސަސްޕެންޑެއްނޫން އެކަނި ކުރަންވީ، ވަޒީފާ ބަދަލުކުރަންވެސް ޖެހޭނެ.