ގާނޫނަށް އަމަލުކުރަން ފަށާތާ ތިން މަސް ތެރޭގައި ކޮންމެ ބިދޭސީ މުވައްޒަފަކު ވެސް ބޭންކް އެކައުންޓެއް ހުޅުވަން ޖެހޭނެ. މުސާރަ ބޭންކް އެކައުންޓަށް ޖަމާނުކޮށްފި ނަމަ، ވަޒީފާ ދޭ ފަރާތް ބޮޑު އަދަދަކުން ޖޫރިމަނާ ކުރެވޭނެ. ކޮންމެ ބިދޭސީއެއް އަތުން ނަގާނީ ރާއްޖޭން ބޭރަށް ފޮނުވާ ފައިސާއިން ރެމިޓެންސް ޓެކްސްގެ ގޮތުގައި ތިން ޕަސެންޓް.
ބިދޭސީންތަކެއް ދޯންޏަކަށް މުދާ ބަރު ކުރަނީ. ގާނޫނަށް އަމަލު ކުރަން ފަށާތާ ތިން މަސް ތެރޭގައި ކޮންމެ ބިދޭސީ މުވައްޒަފަކު ވެސް ބޭންކް އެކައުންޓެއް ހުޅުވަން ޖެހޭނެ. - ފޮޓޯ:ނިޝާން އަލީ/މިހާރު
17 އޯގަސްޓް 2016 - 14:16
39 comments
ރާއްޖޭގައި މަސައްކަތްކުރާ ބިދޭސީންގެ މުސާރަ ބޭންކަށް ޖަމާކުރަންޖެހޭ ގޮތަށް ވަޒީފާއާ ބެހޭ ގާނޫނަށް ޕީޕީއެމްގެ މެމްބަރަކު ހުށަހެޅުއްވި އިސްލާހު ރައްޔިތުންގެ މަޖިލީހުން މިއަދު ފާސްކޮށްފި އެވެ.
ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހިމް (ވައްޑެ) ހުށަހެޅުއްވި މި އިސްލާހު ފާސްވީ އިސްލާހު ދިރާސާކުރި ކޮމެޓީ އާއި މަޖިލީހުގެ ތަޅުމުގައި ގެނައި ބައެއް އިސްލާހުތަކާ އެކު ވޯޓުގައި ބައިވެރިވެވަޑައިގެންނެވި 66 މެމްބަރުންގެ ތެރެއިން 41 މެމްބަރުންގެ ވޯޓާ އެކުގަ އެވެ. މި އިސްލާހު ފާސް ކުރަން ނުފެންނަ ކަމަށް 25 މެމްބަރަކު ވޯޓު ދެއްވި އެވެ.
މި އިސްލާހުގައި ވަނީ ވޯކް ވިސާ ލިބިފައިވާ ބިދޭސީންނާއި ވިސާ ލިބިގެން މެނުވީ ވަޒީފާ އަދާކުރުން މަނާ އެއްވެސް ބިދޭސީއަކަށް ވަޒީފާ ދޭ ފަރާތުން މުސާރަ އާއި އިނާޔަތްތައް ޖަމާކުރަން ވާނީ ރަޖިސްޓްރީކޮށް ހިންގުމުގެ ހުއްދަ ލިބިފައިވާ ބޭންކެއްގައި އެ ބިދޭސީއެއްގެ ނަމުގައި އޮންނަ އެކައުންޓަކަށް ކަމަށެވެ.
ލޯކަލް މާރުކޭޓު ސަރަހައްދުގައި ބަނދަރުކޮށްފައިވާ ދޯންޏަކަށް ދެ ބިދޭސީން މުދާ ބަރުކުރަނީ: ބިދޭސީ މަސައްކަތު މީހުން ގެންނަ ގިނަ އެޖެންސީތައް ހަރަކާތްތެރި ނޫން ކަމަށް އިކޮނޮމިކް މިނިސްޓްރީން ބުނޭ.-- ފޮޓޯ: ނިޝާން އަލީ/ މިހާރު
ބިދޭސީންގެ މުސާރަ ބޭންކަށް ޖަމާނުކުރާ ނަމަ، ވަޒީފާ ދޭ ފަރާތް 10،000ރ. އާއި 50،000ރ. އާ ދެމެދުގެ އަދަދަކުން ޖޫރިމަނާ ކުރާނެ އެވެ. ވަޒީފާ ދޭ ފަރާތްތަކުން ގާނޫނަށް އަމަލުނުކުރާ ނަމަ، ވަޒީފާ ދޭ ފަރާތަކަށް ސަރުކާރުން ފޯރުކޮށްދެމުން އަންނަ ހިދުމަތްތައް ހުއްޓާލުމުގެ ބާރު މި އިސްލާހުން ވަނީ ލިބިދީފަ އެވެ.
ބިދޭސީން އަންނަ އޮކްޓޯބަރު އެކަކުން ފެށިގެން ރާއްޖޭން ބޭރަށް ފޮނުވާ ފައިސާގެ ގޮތުގައި ތިން ޕަސެންޓް ރެމިޓެންސް ޓެކްސްގެ ގޮތުގައި ދައުލަތަށް ފައިސާ ނެގޭނެ ކަމަށް ވެސް އިސްލާހުގައި ބުނެފައިވެ އެވެ. ރެމިޓެންސް ޓެކްސް ނަގާނީ މޯލްޑިވްސް އިންލޭންޑް އޮތޯރިޓީ (މީރާ) އިންނެވެ.
ރެމިޓެންސް ޓެކްސް ބިދޭސީން އަތުން ނަގައި، އެ ޓެކްސް ދައުލަތަށް ދެއްކުމަކީ ރާއްޖޭގައި ހިންގާ ބޭންކްތަކާއި ބޭންކް ނޫން މާލީ ވިޔަފާރި ހިންގާ ފަރާތްތަކުގެ ތެރެއިން އެއްވެސް ސިފައެއްގައި ރާއްޖެއިން ބޭރަށް ފައިސާ ފޮނުވައިދިނުމުގެ ހިދުމަތްދޭ ފަރާތްތަކުގެ ޒިންމާއެއް ކަމަށް އިސްލާހުގައިވެ އެވެ. އަދި މިއާ ހިލާފުވާ ފަރާތްތައް ޓެކްސް ނެގުމާ ބެހޭ ގާނޫނުގެ ދަށުން އަމަލު ކުރެވޭނެ އެވެ.
މި އިސްލާހު ހުށަހެޅުއްވި ސަބަބެއްގެ ގޮތުގައި ވައްޑެ ވިދާޅުވީ ރާއްޖޭގައި ވަޒީފާ އަދާކުރަމުން އަންނަ ބިދޭސީންނަށް މުސާރަ އާއި އިނާޔަތް ދިނުމުގައި އަމަލުކުރާ އުސޫލު މިހާރަށް ވުރެ ހަރުދަނާ ކުރުން ކަމަށެވެ.
ރައްޔިތުންގެ މަޖިލީހުގެ މެމްބަރުން އިއްޔެގެ ޖަލްސާގައި ބައިވެރިވެވަޑައިގަންނަވަނީ. މަޖިލިސް މެމްބަރުން އިތުރު ނުވާ ގޮތް ހަދަން މަޖިލީހުގެ މިނިވަން މުއައްސަސާތަކުގެ ކޮމެޓީން ވަނީ ނިންމާފައި. - ފޮޓޯ: މަޖިލިސް
މިދިޔަ އަހަރުގެ ނިޔަލަށް ބިދޭސީންނަށް މުސާރަ އާއި އިނާޔަތުގެ ގޮތުގައި ލިބުނު އާމްދަނީގެ ތެރެއިން 363 މިލިއަން ޑޮލަރު (5.5 ބިލިއަން ރުފިޔާ) ރާއްޖެއިން ބޭރުކޮށްފައިވާ ކަމަށް އެމްއެމްއޭއިން ވަނީ ބުނެފަ އެވެ.
އިމިގްރޭޝަންގެ ތަފާސްހިސާބުތައް ދައްކާ ގޮތުން ރާއްޖޭގައި ލައްކައަކަށް ވުރެ ގިނަ ބިދޭސީން މަސައްކަތް ކުރެ އެވެ. އަދި ގަވައިދާ ހިލާފަށް ގާތްގަނޑަކަށް 20،000 ބިދޭސީން އުޅޭނެ ކަމަށް ލަފާކޮށްފައިވެ އެވެ.
މީގެ އިތުރުން ވިލުފުށި ދާއިރާގެ މެމްބަރު ރިޔާޒް ރަޝީދު މަޖިލީހަށް ހުށަހެޅުއްވި ޕޭމަންޓް ސިސްޓަމްތަކާ ބެހޭ ބިލު 47 މެމްބަރުންގެ ވޯޓާއެކު މަޖިލީހުން ފާސް ނުކުރަން ވަނީ ނިންމައިފަ އެވެ. އެއީ މި ބިލު ދިރާސާކުރި އިގްތިސާދީ ކޮމެޓީން ވެސް ނިންމި ގޮތެވެ.
މި ބިލަކީ ރާއްޖޭގައި ހިންގާ ޕޭމަންޓް ސިސްޓަމްތަކާއި ސެކިއުރިޓީސް ސިސްޓަމްތަކާއި ކްލިޔަރިން ހައުސްތަކާއި ޕޭމަންޓް ސްކީމްތަކަށް ފައިނޭންސް ދޫކުރުމާ ބެހޭ އުސޫލްތަކާއި ސިސްޓަމްތައް ރެގިއުލޭޓްކޮށް ސުޕަވައިޒް ކުރުމާއި ރައްކާތެރި އަދި ހަރުދަނާ ގޮތެއްގައި ސިސްޓަމްތައް ހިންގުމަށްޓަކައި އަމަލު ކުރަންޖެހޭ އުސޫލްތައް ގާއިމް ކުރަން ހުށަހެޅި ބިލެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފ.ފަތުހުﷲ
18 August 2016
އަޅެ ކެރެންޏާ ރާއްޖޭގައި ހިންގާ ކޮންމެ ރިސޯޓެއްގެ ފައިސާ ، މަދުވެގެން 1 މަސް ރާއްޖޭގެ ބޭންކެއްގައި ބެހެއްޓުމަށް ފަހު ނޫނީ ރާއްޖޭން ބޭރަށް ނުގެންދެވޭނެ ބިލެއް ފާސްކޮށްލަދީބަލަ ، ބޭރުގެ ބޭންކަށް ފައިސާ ގިނަވެގެން ޖަމާކުރާ ކޮންމެ ފަރާތަކަށްވެސް މިފަދަ އުސޫލެއް ކަނޑައަޅައިދީބަލަ...އިހްލާސް ތެރިކަމެއް ހުރެގެން ޤައުމު ކުރިއަށް ގެންދެވޭނީ.....
ޔޫސުބް
18 August 2016
މީ ދެން ކިހާ ބޮޑު ނުހުރުއްޕާނެއް! ރާއްޖެތެރޭޣެ ކޮންމެ ރަށެއްގަ ނުހުރޭ ބޭންކްގެ ބްރާންޗެއް! 2000 ނުވަތަ 3000 ރުފިޔާ ދީފަވީ ބޭންކް ހުންނަ ރަނށަކަށް 2500 ރުފިޔާ މުސާރަ މީހަކަށް ޖަމާކޮށްދޭން ދާން. މިކަހަލަ ދެކޮޅު ނުޖެހޭ ކަންތައްތައް ކުރާނީ ތިބެގެން. ބިލް ފާސްކުރާ އިރު ރާއްޖެތެރޭގެ ނިކަމެތި ބިކަހާލުގަ ދިރިއުޅޭ މީހުންގެ މަތިން ހަނދާނެއް ނުހުރޭ!
ބޯބޯ މަތިން
18 August 2016
ބޭންކްތަކުގެ ވަސް ވަރަށް ރަނގަޅުވާނެ ތިކަމުގެ ސަބަބުން
އިބްރާހީމް
18 August 2016
އެންމެ ފުރަތަމަ ޝުކުރު ދަންނަވާލަން، ތިކަހަލަ ބިލެއް ފާސް ކުރުން ތީ ރާއްޖޭގައި ގަވާއިދާ ހިލާފަށް މަސައްކަތް ކުރާ ފަރާތްތަށް ހުއްޓުވުމަށް އެޅުނު ވަރަށް ބޮޑު ފިޔަވަޅެއް. ގަވާއިދާ ހިލާފަށް އުޅޭ ހުރިހާ ބިދޭސީން އަތުލެވި ބޭރުކޮށްގެން ނުވަތަ ގަވާއިދަށް ފެތިގެން ނޫނީ މިގައުމު ލިޓްލް ސިންގަޕޯއަށް ދުވަހަކުވެސް ނުވާނެ، މިގައުމުގައި އުޅެންޏާ ގާނޫނާއި ގަވާއިދާ އެއްގޮތަށް އުޅެން ޖެހޭނީ، ނޫނީ ދިވެހިންނާއި ބޭރުމީހުންނާއި ވަރަށް ބޮޑަށް ތަފާތު އެބަ ކުރެވޭ.
ނަމޫނާ
18 August 2016
ތިޔަބިލުން ކިހިނެއް ގަވައިދާއި ހިލާފަތް އުޅޭ މީހުން ހުއްޓުވޭނީ، އެމީހުންގެ މުސާރަތަށްދޭގޮތް ބަލާނެ އިތުރު ބޯޑެއް ތިޔަ ބިލާއެކުގައި އުފެއްދީތޯ؟ އެމީހުން ހޯދާ ނުފެނިގެން އުޅޭއިރު ކިހިނެއް އެމީހުންގެ މުސާރަ ހޯދާނީ؟ ގަވައިދާއި ހިލާފަތްއުޅޭ މީހުން މަދުކުރުމަށް އެންމެ ރަނގަޅު އުސޫލަކީ އިމިގްރޭޝަނުގެ ދަށުން ވިސާދެއްކުމާއި ކޯޓާދޫކުރުން ހުއްޓުވާލުން، އެއިރުން ގަވައިދާއި ހިލާފަތްއުޅޭ މީހުން ވަގުތުން މަދުކުރެވޭނެ
ތިނޭ
18 August 2016
3 ޕަސެންޓޭ. މަށަށް ފެންނަނީ 6 ޕަސެންޓް ވަރު ނަގާލަން. އަންްނަ އަހަރުވާނެ ތީތި 10 ވަރަކަށް ޕަސެޖންޓް ޖައްސާލަން. ތީ ބިލް ހަމަ ވަރަށް ސަޅި. ތިކަހަލަ މަސައްކަތް މަޖްލިހުންވެސް އަބަދު ކުރާނަމަދޯ ސަކަރާތް ނުޖަހާދޯ.
އަލީ
17 August 2016
މިއީ ދެން ތަންކޮޅެއް ބޮޑު ވަރު. އެމީހުން އެތައް ހާލަކުން އުޅެގެން ލިބޭ ފައިސާކޮޅުވެސް ބަހައްޓަނެ ތަނެއްވެސް މި ކަޑައަޅަނީ ސަރުކާރުން؟ އަދި އަބި ދަރިންނަށް ފޮނުވަން ލިބޭ ލާރިކޮޅުން ޓެކްސްވެސް ނަގަން ފެށީ! މިއީ ވޯކް ޕާމިޓާ އަނެއް އެއްޗަކާ ދައްކައިގެން ތިބޭ ބައަކަށް ކުރާ ވަރު!
Cawq
18 August 2016
ބިދޭށީންނަކީ ތިގޭގައި މަސައްކަތު އުޅޭމީހުން އެކަނި ކަމަށް ދެކެނީތަ؟
މަރިޔަމް
17 August 2016
މީ ކޮންފަދަ ވިސްނުމެއްނެތް މީހަކު ހުށައަޅައިގެން ކޮންފަދަ ވިސްނުމެއްނެތް މެންބަރުންތަކެއް ފާސްކުރި އިސްލާހެއްބާ؟ ބިދޭސީންނަށް ޖެއްސުންކޮށް އެމީހުންނަށް ލިބޭ މުސާރައިން ތިނަގަންވިސްނާ ޓެކްސްގެ އަގު ދައްކާނީވެސް ހަމަ ނިމޭއިރު ދިވެހި ރައްޔިތުން. އެއީ މުދަލުގެ އާއި ޚިދުމަތްތަކުގެ އަގު ބޮޑުވެގެން ދިއުމުން. ކިތަންމެ ޓެކްސެއް ނެގިޔަސް ސަރުކާރުގެ ޚަރަދުތައް ތިހުންނަގޮތުންނެތް ނުފުދޭނެ. މިހާރު ލިބޭ ޓެކްސްލާރި މަދީތަ އަޅެ؟
ހަނާނު
17 August 2016
އެމީހުނަށް -/200 ޑޮލަރު މުސާރަ ދޭން ގަންނަން ޖެހެނީ -/17 ރުފިޔާގެ ރޭޓުން އަދި ޜެމިޓެންސް ޓެކްސް ވެސް ދައްކާދެން ޖެހޭނީ ވަޒީފާ ދިން ފަރާތުން މީވަރުގަދަކަމެއް
ސަރީފާ
18 August 2016
ބިދޭސީންގެ ތެރޭގައި ޕްރޮފެޝަނަލް އެތައް ސަތޭކަބަޔަކު ވަޒީފާ އަދާކުރޭ. މުސާރަ 10 ހާސް ޑޮލަރު ލިބޭ މީހުން އުޅޭ. އެނގޭތަ އެކަން.
އަހައްމަދު އަހައްމަދޭ
17 August 2016
މިހާރުވެސް ބިދޭސީންގެ މުސާރަ ޖަމާކުރެވެނީ ބެންކުތަކަށެވެ ،މިބުނީ ފަތުރުވެރިކަމުގެ ދާއިރާގަ ބޯކޮއް މުސާރަލިބޭ މީހުންގެ ވާހަކަ އެވެ، ނަމަވެސް އެ ޖަމާކުރަނީ ރާއްޖެ ބޭންކުނޫން ބޭންކުތަކަށެވެ.އަހަރެމެން ދިވެހިންގެ މުސާރަ ދަނީ ދިވެހި ބޭންކަށް އެތަނުން ރަށޫގެ ނުވަތަ އަތޮޅު ބުރާންޗްތަކުން ދޭނީ ފަހަރަކު 200 ،މާލެއިން ފަހަރެއްގަ 500 ލިބިދާނެ ،މި ދިވެހި ބޭންކަށް ޑޮލަރުކޮޅު ދާގޮތައް ހަދައިގެން ނޫނީ ތި އެކައުންޓްތަކަށް މުސާރަ ޖަމާކުރިއަސް ތީގެން ފައިދާ ވާނީ އެ ބޭންކުތަކަށް ،ރާއްޖެ ބޭންކަށް ލައިފިއްޔާ 200 ޑޮލަރުން ދޫކުރާތީ ގިނަދުވަހު ބޭންކުގަ ތިލާރިކޮޅު ހަރުލަފާނެ،
ޢެދުވަސް
17 August 2016
ކިހިނެތް ބެންކަށް ޖަމާކުރާނީ ނުގަވައިދުން ތިބި މީހުންގިނަކަމުން ވެރިއެއް ގެރިއެއް ވަކިނުވޭ