ޚަބަރު / ރައީސް އިބްރާހިމް މުހައްމަދު ސޯލިހް

ކޮމަންވެލްތުގައި ބައިވެރިވާން ރަސްމީކޮށް ރައީސް ހުށައަޅުއްވައިފި

އަހުމަދު ސާއިލް އަލީ، މިހާރު

07 ޑިސެމްބަރ 2018 - 13:36

ރާއްޖެ އަލުން ކޮމަންވެލްތުގައި ބައިވެރިވާން ކެބިނެޓާއި ރައްޔިތުންގެ މަޖިލީހުން ފާސްކޮށްފައިވާތީ އެ ޖަމާއަތުގެ މެމްބަރަކަށް އަލުން ހަދައިދޭން އެދިވަޑައިގެން ރައީސް އިބްރާހިމް މުހައްމަދު ސޯލިހް މިއަދު ހުށަހަޅުއްވައިފި އެވެ.

ކޮމަންވެލްތްގެ ސެކްރެޓަރީ ޖެނެރަލް، ޕެޓްރީޝިއާ ސްކޮޓްލެންޑް އަށް ރައީސް ފޮނުވި ސިޓީފުޅުގައި އެ ޖަމާއަތުގެ އުސޫލުތައް ގަބޫލުކޮށް އެކަންކަމަށް ރާއްޖޭން އިހުތިރާމް ކުރާނެ ކަމުގެ ޔަގީންކަން ދެއްވާފައިވާ ކަމަށް ރައީސް އޮފީހުން ބުނެ އެވެ.

ރައީސް އޮފީހުން ބުނި ގޮތުގައި ރައީސްގެ ސިޓީފުޅުގައި، އިންސާނީ ހައްގުތަކާއި ޖިންސީ ހަމަހަމަކަމާއި ދެމެހެއްޓެނިވި ތަރައްގީގެ އުސޫލުތައް ރާއްޖޭން ގަބޫލުކުރާ ކަމަށާއި ތަރައްގީވަމުން އަންނަ ގައުމަކަށް ރާއްޖެ ވާއިރު އެކަންކަން މުހިންމު ކަމަށް ވެސް ބަޔާންކުރެއްވި އެވެ. އަދި ރާއްޖޭން ބޭނުން ވަނީ އެހެން ގައުމުތަކާ ވަކިވެގެން އުޅެން ނޫންކަމަށް ރައީސް ވިދާޅުވި ކަމަށް ރައީސް އޮފީހުން ބުނެ އެވެ.

ކޮމަންވެލްތުގައި އަލުން ބައިވެރިވުމަކީ ރައީސްގެ 100 ދުވަހުގެ އެއް ވައުދެވެ.

ކޮމަންވެލްތުގެ މެމްބަރު ގައުމެއްގެ ގޮތުގައި 34 އަހަރު ވަންދެން ރާއްޖެ އޮތުމަށް ފަހު އެ ޖަމާއަތުން ރާއްޖެ ވަކިވީ ކުރީގެ ރައީސް އަބްދުﷲ ޔާމީންގެ ވެރިކަމުގައި 2016 ވަނަ އަހަރު އެވެ. އޭރުގެ ސަރުކާރުން ދެއްކި ސަބަބަކީ ރާއްޖޭގެ އެތެރޭގެ ކަންކަމާ ކޮމަންވެލްތުން ބެހުމެވެ.

ކުރީގެ ރައީސް މުހައްމަދު ނަޝީދާއި އެހެން ސިޔާސީ ލީޑަރުން ޖަލަށް ލާން ފެށުމާއި، އަސާސީ ބައެއް ހައްގުތަައް ސަރުކާރުން ހަނިކުރަން ފެށުމުން، އެކަމާ ދެކޮޅަށް ކޮމަންވެލްތުން އަޑު އުފުލި އެވެ. އެކަމަކު ކުރީގެ ސަރުކާރުން ގަބޫލުކުރީ އެއީ ރާއްޖޭގެ ދާހިލީ ކަންކަމާ ބެހެން ކަމަށެވެ.

ރާއްޖެ ކޮމަންވެލްތްގައި ބައިވެރިވެފައިވަނީ ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި ޖުލައި 9، 1982 ގަ އެވެ. އެ ޖަމާއަތުން ވަކިވީ އޮކްޓޫބަރު 13، 2016 ގަ އެވެ.

ކޮމަންވެލްތުން ރާއްޖެ އަށް އެކި ދާއިރާތަކުން ގިނަ އެހީތަކެއް ފޯރުކޮށްދީފައިވެ އެވެ.

ކޮމަންވެލްތު ރައީސް އިބްރާހިމް މުހައްމަދު ސޯލިހް ރާއްޖޭގެ ޚާރިޖީ ސިޔާސަތު

15 ކޮމެންޓް, 33 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބުނެލަދީބަލަ

08 December 2018

ކޮންއެހީތަކެއްހޭ ފޯރު ކޮއްދިނީ؟ ކޮމަންވެލްތްގެ މަގްސަދަކީ ކޮބާހޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޅޭ

08 December 2018

ރާއްޖެ އަނބުރާ އިންޑިޔާ އާއި އިނގިރޭސިންގެ އަޅުވެތިކަމައް ދޯ. ގަދަ އިނގޭ. ގައުމުތަރައްގީ ވެލައިގެން ދާ ތަންފެންނާނެ ހަމަ ރާސްލާފަ. އޮސްޓްރޭލިޔާ، ސްކޮޓްލޭންޑ އަދި ނިއުޒިލޭންޑް ވެސް ބޭނުންވަނީ އިގިރޭސިންގެ ކިބައިން ސަލާމަތް ވާން، މިމީހުންބޭނުންވަނީ އެމީހުންނާގުޅެން. އަޅެ ބުނެލަދީބަލަ ގުޅުމުން ވާނެ އެންމެ ފައިދާއެއްވެސް، އައިދާގެ ދިވެހި ރައްޔިތަކައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޝްހޫދު

08 December 2018

ޔަހޫދީންނާއި ނަސާރާއިންނަކީ ދުވަހަކުވެސް މުސްލިމުންނަށް ހެޔޮ އެދޭނެ ބަޔަކު ނޫން ކަމާ އެމީހުންނަކީ އެކުވެރިންކަމުގައި ނުބެލުމަށް ކީރިތި ޤުރުއާނުގައި ﷲ ވަނީ އަހަރެމެންނަށް އަންގަވާފައި. އެކަމަކު މިހާރަކަށް އައިސް ﷲ ގެ ހުކުމްފުޅަށް ގޮންޖެހުމަކީ އާންމު ކަމަކަށް ވެއްޖެ. މިއީ ހިތާމަހުރި ބިރުވެރި ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއަލި

08 December 2018

ޖިންސީ ގޯނާއޭ އިޙުތިރާމޭބކިޔާިގެން ބުނާ ބަހަކާ އޭނަގެ ޢަމަލަކާ ދިމާނުވޭ. ާާާާާާާާާާާާާާާާާާާާާާާާާާާާާާާާާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗިއްލޫ

07 December 2018

އެއްސަރުކާރުގަ ކޮށްފަހުންނަ ކަންކަން އަނެއް ސަރުކާރެއް އައިސް ވިސްނާނުލާ ކޮންމެވެސް ބަހަނާއެއް ދައްކާފަ ބަދަލުކުރުމަކީ ހަރުދަނާ ކަމެއްނޫން މިފަދަ ކަންކަމަކީ ގައުމުގެ ހައިބަތު ގެއްލޭކަމެއް، ކޮމެންވެލްތަކީ އެހީއެއްދީފަ ގައުމުތަކުގެ ދާހިލީ ކަންކަމުގެ ތެރެއަށްވަދެ އެމީހުން ބޭނުންވާގޮތަކަށް ގާނޫނުބަދަލުކުރަން މަޖުބޫރުކުރާ އިސްލާމްދީނާ ބީރައްޓެހި ޖަމާއަތެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮއްލޫ

07 December 2018

ކޮމަންވެލްތުއެއީ ދީނަކަށް ކިޔާ ނަމެއް ނޫން. 1982 އިން ފެށިގެން ރާއްޖެ އޮތީ މެންބަރަކަށް. ކިތައް މީހުންގެ ދީން ބަދަލުކުރުވި؟ ހަމަ ކޮންމެ ކަމަކަށް ދީނޭ ދީނޭ ދީނޭ ދީނޭ ދީނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުފް

07 December 2018

ޢޫޕްސް އެނެއްކަާވެސް ކޮމަންވެލްތާ ޖޮއިން ކުރީތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮރިން އެނަލިސްޓު

07 December 2018

އެއީ އިނގިރޭސި ރާނީ އަކީ އަބަދުވެސް ކޮމަން ވެލްތުގެ ހެޑުކަމުގަ ހުންނަ ކުލަބެއް. ބޭނުމަކީ ފޮރިން ޕޮލިސީއަށް ނުފޫޒު ފޯރުވުން. އޭގައި ބަސްކިޔާ އުޅޭ ހަމައެކަނި ގައުމުތަކަކީ ރާނީ ހެޑް އޮފް ސްޓޭޓުގެ ގޮތުގަ ހުރި ގައުމުތަކާ އިންޑިއާ. އިންޑިއާ ކޮންޓްރޯލު ކުރާ ގޮތަކީ ޔޫކޭ، އޮސްޓްރޭލިއާ، ކެނަޑާ ފަދަ ނުފޫޒު ހުރި ގައުމުތަކުގެ ވިސާ ތާށިކޮށްލައިގެން. އަދި އިންޑިއާއަށް ބާރުތަކެއް ދީގެން. ކުރެވޭ ކަންކަމާ މެދު ވިސްނަވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރީމުއްދީން ބާޝާ

07 December 2018

100 ދުވަސް އަންނަންދެން މިތިބީ ބަލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިޓޭ

07 December 2018

ފިތުނަވެރި ލާދީނީ ޖަމާއަތުގައި ބައިވެރިވުމަކީ ދީނަށް ގޮންޖެހުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯޓޭ

07 December 2018

މެލޭޝިޔާ، ބަންގަލާދޭޝް، ބްރޫނާއީ އެއީވެސް ކޮމަންވެލްތު މެންބަރުން. މުސްލިމުން. އެއީ ދީނީ ޖަމާއަތެއް ނޫން. ދެން ކޮން ބޭކާރު ވާހަކައެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޝޯގީ

09 December 2018

ކޮމަންވެލްތައް ނުދެވިގެން މަރުދަންޖެހެނީ އިންގިރޭސީންގެ ދިވެހި އޭޖެންޓުން. ރާއްޖޭން ބޭރުކުރީމަ ފިލަން ވަންނަ ހޮރަކީ އިނގިރޭސިވިލާތައްވި.. އަދި ވިލާތުގެ ސިޔާސީ އަޅުން.. ވިލާތަކީ ޒަމާނުއްސުރެ ރާއްޖެ އެމީހުންގެ ނުފޫޒުގެ ދަށުގައި ބާއްވަންބޭނުންވާ އަދީ ރާއްޖޭގެ ތަރައްގީއާއި ގާނޫނު ތަކާއި ދީނީ މިނިވަންކަމައް ގޮތްކިޔާ ކަނޑައަޅަން ބޭނުންވެފަ ތިބޭ ބަޔެއް. ކޮމަންވެލްތަކުން ރާއްޖެއައް ޗައިނާއިން ނުވަތަ ޖަޕާނުން ދީފަވާވަރާ ގާތައްވެސް އެހީ ނުދޭ..