އައްޑޫ ޓާޝަރީ ހޮސްޕިޓަލްގެ އުންމީދު ހަގީގަތަކަށް ވާނެ: އަމީން

އާ ހޮސްޕިޓަލްގެ މަސައްކަތް ކުރިއަށް ދާ ގޮތް ހެލްތު މިނިސްޓަރު އަމީން ބައްލަވާލައްވަނީ

އަހުމަދު އަދްޝަން، މިހާރު

07 ޑިސެމްބަރ 2018 - 15:32

އައްޑޫ ރައްޔިތުން ޓާޝަރީ ހޮސްޕިޓަލަކަށް ކުރާ އުންމީދު މި ސަރުކާރުން ހަގީގަތަކަށް ހަދައި ދޭނެ ކަމަށާއި މިހާރުގެ އެންމެ ބޮޑު އަމާޒަކީ ހިތަދޫގައި ކުރިއަށް ގެންދާ 100 އެނދުގެ ހޮސްޕިޓަލްގެ މަސައްކަތް ނިންމައި ހިދުމަތް ދޭން ފެށުން ކަމަށް ހެލްތު މިނިސްޓަރު އަބްދުﷲ އަމީން މިއަދު ވިދާޅުވެއްޖެ އެވެ.

ކުރީގެ ރައީސް މުހައްމަދު ނަޝީދުގެ ވެރިކަމުގައި ހިތަދޫގައި އިމާރާތްކޮށްފައިވާ އިކްޓޯރިއަލް ކޮންވެންޝަން ސެންޓަރު (އީސީސީ) ހޮސްޕިޓަލަކަށް ބަދަލު ކުރަން ކުރިއަށް ގެންދާ މަސައްކަތްތައް ބައްލަވާލެއްވުމަށް ފަހު މިނިސްޓަރު މީޑިއާތަކަށް ވިދާޅުވީ އައްޑޫގެ އާ ހޮސްޕިޓަލަކީ ރައްޔިތުންގެ އުންމީދާ ވަރަށް ބޮޑަށް ގުޅިފައިވާ މަޝްރޫއެއް ކަމަށެވެ.

އެހެންވެ އެތަނުގެ މަސައްކަތް ނިންމައި ވީހާ އަވަހަކަށް ހިދުމަތް ދެވޭނެ ގޮތްތަކެއް ސަރުކާރުން ވަރަށް ހަމަޖައްސައިދޭން މަސައްކަތް ކުރައްވާނެ ކަމަށް މިނިސްޓަރު ވިދާޅުވި އެވެ.

އީސީސީ ހޮސްޕިޓަލަކަށް ބަދަލު ކުރުމުގެ މަސައްކަތް ކުރަމުން އަންނަނީ މިދިޔަ އަހަރުން ފެށިގެންނެވެ.

އައްޑޫގެ ކޮންވެންޝަން ސެންޓަރު ހޮސްޕިޓަލަށް ބަދަލުކުރަން ހިންގާ މަސައްކަތްތައް ހެލްތު މިނިސްޓަރު އަމީން ބައްލަވާލައްވަނީ

ކުރީގެ ރައީސް އަބްދުﷲ ޔާމީންގެ ސަރުކާރުން އެތަން ހޮސްޕިޓަލަކަށް ބަދަލުކުރަން ހަވާލުކޮށްފައި ވަނީ އެލިއާ ކޮންސްޓްރަކްޝަނާ އެވެ. އެގޮތުން މަސައްކަތް ނިންމައި މި އަހަރުގެ ޖުލައި މަހު ހޮސްޕިޓަލް ހުޅުވައި ހިދުމަތް ދޭން ފަށާނެ ކަމަށް ކުރިން ބުނެފައިވެ އެވެ.

އިމާރާތަށް ގެންނަން ޖެހޭ ބޮޑެތި ބަދަލުތައް މިހާރު ވަނީ ނިންމައިފަ އެވެ. ދެން މައިގަނޑު ކަމަކަށް ކުރަން އޮތީ ހޮސްޕިޓަލަށް ބޭނުންވާ ސާމާނު ހޯދައި، އިންސްޓޯލް ކުރުމެވެ. އެތަނަށް ބޭނުންވާ ސާމާނު ހޯދަން ފިނޭންސް މިނިސްޓްރީން ބީލަމަށް ލީ މިދިޔަ އަހަރުގެ އޮކްޓޯބަރު މަހު އެވެ.

އާ ހޮސްޕިޓަލްގެ މަސައްކަތްތައް ބައްލަވާލެއްވި ނަމަވެސް، އެތަނުގައި ހިދުމަތް ދޭން ފެށޭނެ އިރެއް އަމީން ވިދާޅެއް ނުވެ އެވެ. އެކަމަކު މިނިސްޓަރު ވިދާޅުވީ އާ ހޮސްޕިޓަލް ހިންގާނެ ގޮތަކާ ދޭތެރޭ ތަފާތު ވިސްނުންތަކެއް އެބަހުރި ކަމަށެވެ. އެގޮތުން ސަރުކާރުން އެ ހޮސްޕިޓަލް ހިންގާނީތޯ ނޫނީ އެހެން ބަޔަކާ ހަވާލުކޮށްގެން ހިންގާނީތޯ އަދި ނުނިންމާ ކަމަށް ވިދާޅުވި އެވެ.

"އައްޑޫގެ ސިއްހީ ހާލަތު ރަނގަޅު ކުރުމަށްޓަކައި ޓާޝަރީ ހޮސްޕިޓަލެއްގެ މުހިއްމުކަން ބޮޑު. އެހެންވެ މި އުންމީދު ހަގީގަތަކަށް ހަދައިދޭން މި ސަރުކާރުން މަސައްކަތް ކުރާނެ،" އަމީން ވިދާޅުވި އެވެ.

ހެލްތު މިނިސްޓްރީން ކުރިން ބުނެފައިވާ ގޮތުގައި އައްޑޫގެ އާ ހޮސްޕިޓަލް ވެގެން ދާނީ މާލޭން ވެސް ނުލިބޭ ހިދުމަތްތައް ލިބޭ އަދި ކަށީގެ މައްސަލަތަކަށް ހާއްސަ ތަނަކަށެވެ.

އާ ހޮސްޕިޓަލްގެ މަސައްކަތްތައް ބައްލަވާލެއްވުމަށް ފަހު އަމީން ނޫސްވެރިންނާ ވާހަކަ ދައްކަވަނީ

އަމީން އިއްޔެ އައްޑު އަށް ފެއްޓެވި ދަތުރުގައި މިއަދު ވަނީ އައްޑޫ ސިޓީ ކައުންސިލާ ވެސް ބައްދަލުކުރައްވައިފަ އެވެ. އެގޮތުން ސިއްހީ ހިދުމަތް ދިނުމުގައި ކައުންސިލާ ގުޅިގެން މިނިސްޓްރީން މަސައްކަތްތަކެއް ކުރައްވާނެ ކަމަށް ވިދާޅުވި އެވެ.

ސިއްހަތު ސ. ހިތަދޫ އައްޑޫ އަބްދުﷲ އަމީން، ކުރީގެ ހެލްތު މިނިސްޓަރު އައްޑޫ 100 އެނދުގެ ހޮސްޕިޓަލް ޝާހް އަބްދުﷲ މާހިރު

23 ކޮމެންޓް, 44 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހިޒްބުއްﷲ

09 December 2018

އައްޑޫއިން އެންމެ އަކައިންޗިއެއްވެސް ބޭރުބަޔަކަށް ދޭން ނުވިސްނާތި ވަރައްގޯސްވާނެ، މީވަރައްވާހަކަ؟؟؟؟؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބީބު

08 December 2018

އައްޑޫނޫނަސް ދެންހުރި ރައްރަށުގެ އުންމީދަކީވެސްތީ ކޮންމެހެން އައްޑޫ މީހުންގެ އެކަނި އުންމީދެއް އެކަނި ހާސިލުވުމަކުން އަދިނުފުދޭ އެކަން މިނިސްޓަރު ހަނދުމަބަހައްޓާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަގާނީ

08 December 2018

ބުނަން އައަޑުޓާޝަރީ ހޯސަޕިޓަލަކީ ރައިސްޔާމިންގެ ބުރަމަސަތްކަތް ކަލޯ އަލއަލަޔަށް ނަންބޯޑުޖަހަންނޫޅޭ އެއަރޕޯޓް އިންޓްނޭޝަނަލްކޮށް ސައތުއެފްރިކާއިން ބޯކޮންމީހުން އަންނަނީ އައްޑު އަތޮޅުގެ ތަރަށްގީ އަށް ރައިސް ޔާމިން ސަރުކާރުން ހަރަދުކުރި އެއްހާސް ހަތްސަތޭކަމިލިއަން ރުފިޔާ ރައްވެހި ތަރައްގީ ޑޮޓްކޮމްގަ އެހުރީ ހުރިހާ އެއްޗެއްފެއްނަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުރުމި

08 December 2018

އައްޑު އަތުޅު މީހުންކާރި ބުނަންބޭނުން ކަލޭމެން ތިޔަށްވުރެ ހޭލުންތެރިވާން އެބަޖެހޭ ކަލޭމެން ލޯމަތީ ތިކޮންވެންޝަންޝެންޓަރަ 900 ސަތޭކަ މިލިޔަން ހަރަދުކުރީ އެއްމެ300 މިލިޔަންނުން ނިއްމާލެވޭނެ، އަދި ސިފައިންނާއި ފުލުހުން ލައްވާއި މަސަތްކަތް ކޮށްގެން ވީވަރު ބުނަން މިއުޅެނީ ތިތަން ވީރާނަވަނިކޮށް ރައިސްޔާމިން ތިތަން ޓާޝަރީ ހޮސްޕިޓަލަކަށް ހަދާ ހުރިހާކަމެއް ނިއްމާ އެތަނަށް ބޭނުންވާ އިކިއުޕްމެންޓްވެސް ހޯދާނިއްމާފަވަނިކޮށް ރައިސްޔާމިން ސަރުކާރު ބަދަލުވީ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަބްރާ

08 December 2018

ބޭރު ބަޔަކަށް ތި ހޮސްޕިޓަލް ވިއްކާލައިގެން ނުވާނެ. ޢަމުދުން މިލިޓަރީ ބަޔަކަށް ދީގެން ނުވާނެ.. ސަރުކާރަށް ނުވަންޏާ އޭޑީކޭ ކަހަލަ ބަޔަކު ރަނގަޅުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖީލް

08 December 2018

ސާބަހޭ އަމީން. ވަރަށް މަސައްކަތް ކުރާ މިނިސްޓަރެއް. ކައިރީގަ ރަނގޅު ޓީމެއް އޮތްހެންވެސް ހީވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަންނަކަލޯ

07 December 2018

އައްޑޫއަކީ މާލެފިޔަވައި އާބާދީގެ ގޮތުން އެންމެ ބޮޑު ތަނަށްވާތީ، މިނިސްޓަރުގެ ފުރަތަމަ ދަތުރުފުޅުގައި އައްޑޫއަށް ދިޔުމަކީ އެއްވެސް މައްސަލައެއް ނޫން. މައްސަލައަކަށްވާން ވާނީ އައްޑޫއަށް ވަޑައިގެން އެހެން ރަށްރަށަށް ވަޑައިނުގެންފިއްޔާ. އެހެންވީމާ ދެންވެސް އަމަލުތައް ބަހައްޓަވާ ގޮތަށް ނަޒަރު ހިންގަވާލުމަށްފަހުގައި ނޫނީ ގުދޯ ގުދޯ ގޮވަން ފަށަންވާނީ. ވީމާ އެންމެ ބޭފުޅުން ކެތްތެރިވެވަޑައިގަންނަވާ! މި ސަރުކާރު ދާނީ ބާރަށް ކުރިއަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެކުރި

07 December 2018

އަނެއްކާވެސް އެވާހަކަ. މިދިޔަ 3 ދައުރުތެރޭ އެތަކެއް މިލިއަންޑޮލަރު ތިތަނަށް އަޅާފައި މިހާރު ތިބުނަނީ ސަރުކާރަކަށް ވާނެ ކަމެއްކަން އަދި ޔަގީނެއް ނޫނޭ؟ ވިއްކާލަން ރެޑީކުރީ ދޯ ތިތަންވެސް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙައްޕު

07 December 2018

ތެދެއް އައްޑޫގެ މީހުން އެކަނި ފޮނިހުވަފެން ދެކެނީ. ޢެހެން ރަށެއްގެ ބައެއްގެ ފޮނި އުއްމީދެއް ވެސް ނެތް. އަބަދުވެސް އައްޑޫ މީހުންނަށް ކަން ނުކޮށްދެވޭ ވާހަކަ ދައްކާނީ. ރަނގަޅުވަޒީފައެއް ވިޔަސް އެމީހުންނަށް.