އިމާރާތްކުރުމުގެ މަސައްކަތް ކުރަމުން އަންނަ 163 ތަނެއް އިއްޔެގެ ނިޔަލަށް ވަނީ ބަލައި ފާސްކޮށްފައި. --ފޮޓޯ:މިހާރު
20 ޑިސެމްބަރ 2018 - 10:57
5 comments
ސަލާމަތީ ފިޔަވަޅުތައް އަޅާފައި ނުވާ ތިން ތަނެއްގެ މަސައްކަތް ހުއްޓާލަން ނެޝަނަލް ޕްލޭނިން އެންޑް އިންފްރާސްޓްރަކްޗާ މިނިސްޓްރީން އަންގައިފި އެވެ.
ޕްލޭނިން މިނިސްޓަރު މުހައްމަދު އަސްލަމް "މިހާރު" އަށް މިއަދު ވިދާޅުވީ އިމާރާތްކުރުމުގެ މަސައްކަތް ކުރަމުން އަންނަ 163 ތަނެއް އިއްޔެގެ ނިޔަލަށް ބަލައި ފާސްކޮށްފައިވާ ކަމަށާއި އިތުރު ސަމާލުކަމެއް ދީގެން ބަލަން ޖެހޭ ހަތް ތަނެއް ފާހަގަކުރެވިފައިވާ ކަމަަށެވެ.
"އިއްޔެއާ ހަމައަށް ޖުމްލަ 163 ތަނެއް ވަނީ ބަލާފައި. މަސައްކަތް ކުރަމުންދާ ސައިޓްތައް އަދިވެސް މިދަނީ ބަލަމުން. އިއްޔެ ތިން ތަނަކަށް ސްޓޮޕް އޯޑަރު ވެސް ވާނީ ނެރެފައި،" މިނިސްޓަރު ވިދާޅުވި އެވެ.
އޭނާ ވިދާޅުވީ މިނިސްޓްރީގެ ސާވޭޔަރުން މިހައިތަނަށް ބެލީ އިމާރާތްކުރުމުގެ މަސައްކަތް ކުރަމުން އަންނަ ތަންތަން ކަމަށް ވިޔަސް ބާ އިމާރާތްތަކުގެ ކަންތައްތައް ވެސް ބަލާނެ ކަމަށެވެ.
"އަދި މިބެލީ ހަމަ އެކަނި މަސައްކަތް ކުރަމުން އަންނަ ސައިޓްތައް. އެކަމަކު ބާ އިމާރާތްތަކުގެ ކަންތައްތައް ވެސް އަޅުގަނޑުމެން ބަލާނަން،" އަސްލަމް ވިދާޅުވި އެވެ.
އިމާރާތްކުރުމުގެ މަސައްކަތް އެކަށީގެންވާ ރަނގަޅު އުސޫލަކުން ކުރިއަށް ގެންދިއުމަށްޓަކައި ހަދަމުން އަންނަ ބިލްޑިން ކޯޑްގެ މަސައްކަތް މިހާރު އޮތީ ނިމުމަކާ ވަރަށް ކައިރީގައި ކަމަށް ވެސް އޭނާ ވިދާޅުވި އެވެ. އަދި އެ މަސަައްކަތް ނިންމައި އަންނަ ޖެނުއަރީ މަހު އެޓާނީ ޖެނެރަލްގެ އޮފީހަށް ފޮނުވޭ ވަރު ވާނެ ކަމަށް ވެސް މިނިސްޓަރު ވިދާޅުވި އެވެ.
"އެ މަސައްކަތަކީ ހަގީގަތުގައި މިދިޔަ މާޗް މަހާ ހިސާބަށް ނިމިފައި އޮންނަން ޖެހޭ ކަމެއް. ދެން ވަރަށް ބޮޑު ބައެއް މިހާރު އޮތީ ނިމިފައި. އަޅުގަނޑުމެން މި އުއްމީދުކުރަނީ ޖެނުއަރީ މަހު އޭޖީ އޮފީހަށް ފޮނުވޭ ވަރު ވާނެ ކަމަށް،" އަސްލަމް ވިދާޅުވި އެވެ.
މާލޭގައި އިމާރާތްކުރުމުގެ މަސައްކަތް ކުރަމުން އަންނަ ތަންތަނުގައި ސަލާމަތީ ކަންތައްތައް ހުރި ނެތްގޮތް ބެލުުމުގެ ހާއްސަ މައްސައްކަތެއް ޕްލޭނިން މިނިސްޓްރީން ފެށީ ހަދަމުން ދިޔަ އިމާރާތަކުން ވެއްޓުނު ސިމެންތި ބަސްތާއަކުން ޖެހި، ލިބުނު ޒަހަމް ތަކަކަށް ފަރުވާ ދެނިކޮށް، އުމުރުން ހަތް އަހަރުގެ ރަވްޝާން ޖިއާން މަރުވުމާ ގުޅިގެންނެވެ. އާދީއްތަ ދުވަހު ހިނގި އެ ހާދިސާގައި ޒަހަމްވި ބަންގްލަދޭޝްގެ ދެމަފިރިއެއްގެ ޖިއާން މަރުވީ ޖެހިގެން އައި ދުވަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހާރެހެންދި
20 December 2018
ތިޔަ 3 ތަނެއް ބަންދު ނުކޮށް މި ވޭތުވެދިޔަ ހަފްތާތެރޭ ބަޔަކަށް އަނިޔާވި ނަމަ ޒިންމާ ނަގާނީ ކާކު؟ ހެޔޮ ނުވާނެ ތި ހުރިހާ ތަނެއް ފުރަތަމަ ހުއްޓުވާފަ ޗެކް ކޮއްފަ ހުއްދަ ދީ ބަލަ. އިންސާނާގެ ފުރާނައަކީ ތިޔަ ކޮންސްޓުރަކްޝަންސް ކުންފުނިތަކުގެ ވެރިންގެ ފައިދާއަށްވުރެ މާ ބޮޑު އެއްޗެއް.
މުނި މާމަ
20 December 2018
މީ ދާއީމީ ގޮތެއްގައި ކުރިއަށް ގެންދާ ކަމެއް ކަމުގައިވާނަމަ ތިކުރާ މަސައްކަތަށް ސާބަސް.
ފޮސްކަލޯ
20 December 2018
ސަރުކާރަށް ބުނެލަން އޮތީ ކޮންސްޓްރަކްޝަން އިންޑަސްޓްރީއެއް ނޫނޭ އެކަނިއޮތީ މިގައުމުގައި ފެއިލްވެފައި، ހުރިހާ އިންޑަސްޓްރީއަކަށް ފެތޭ ނެޝަނަލް ފްރޭމްވޯކެއް ބޭރުގެއެކްސްޕަޓީޒް ބޭނުންކޮށްގެން ދުނިޔޭގެއެހެން ގައުމުތަކުގައި ކަންކުރާ އުސޫލު ގާއިމުކޮށް އަދި ސޭފްޓީވޮޗްޑޮގެއް ހަދާ ސޭފްޓީ ކަންކަންތައްތައް ހައްލު ކުރާށޭ. މާބޮޑަށް އެމޯޝަންވެގެން އަވަސްއަރުވާލާ ގޮތައް ކަންތައްތައް ނުނިންމާށޭ. އަދިނަހާދާށޭ ފާޑުފާޑުގެ ބޭކާރު ބޯޑުތަކާއި ކަމިޝަންތައް ތިކަމުގައި!
އެޑްމުންޑޯ
20 December 2018
ޝަހީދު އަލީ ހިގުމުގެ ހުންނަ ޗާންދަލިޔާ ބުކުޝޮޕް ފުރަގަހުން ހަދަމުންދާ އިމާރާތެއް މިހާރު 8 ވަނަ ފަންގިފިލާ އަޅާފި ، މުޅި އިމަރާތުގެ ހުރިހާ ތަބެއްވެސް ހަދަމުންދަނީ 12 އެމް އެމްގެ 4 ދަގަނޑު ލާގެން ، މިއީ ރައްފުށުގެ އެއްބުރިއަށް ހަދާ ތަންތަންނަށްވެސް ބޭނުންކުރާ ވަރު ، ތިޔަމިނިސްޓްރީގެ ޓީމު މިތަނަށްގޮސް ބަލާދީބަލަ ، ދުވަސްކޮޅަކުން އިމާރާތްވެއްޓި ބަޔަކުމަރުވީމާ ދެންކުރާނެ ކަމެއްނޯންނާނެ
ީއެއްކަލަ ސޮރު
20 December 2018
ތަނބު ތަކުގެ ދުރު ކައިރި މިނަށް ބަލާފައި ތީ އެކަށީގެންވާ މިންގަނޑެއް ކަމަށްވެސް ވެދާނެ. ކުރެހުމަށް ރިއާޔަތް ކޮއްފަ ތިކަހަލަ އެއްޗެއް ބުނަން ވާނީ. މި ދަނޑިވަޅު އެންމެން އިންޖިނިއަރުންނަށް ވުން ރަނގަޅެއް ނޫން