މަރުގެ މައްސަަލަތަކާއި ގެއްލުވާލާފައިވާ މީހުންގެ މައްސަލަތައް ތަހުގީގު ކުރާ ކޮމިޝަންގެ ރައީސް ސުއޫދު ނޫސްވެރިންނާ މިއަދު ވާހަކަ ދައްކަވަނީ. --މިހާރު ފޮޓޯ:ނިޝާން އަލީ
30 ޑިސެމްބަރ 2018 - 17:35
22 comments
ބައެއް ވިޔަފާރިވެރިންނާއި ގޭންގުތަކުގެ ނުފޫޒު ކްރިމިނަލް ކޯޓަށް ވަރަށް ބޮޑަށް ފޯރާފައިވާ ކަމަށާއި ކޯޓަށް ފަނޑިޔާރުން އައްޔަންކުރަން ގޭންގްތަކަށް ކޯޓާ ވެސް އޮންނަ ކަމަށް، މަރާލާފައިވާ މީހުންނާއި ގެއްލުވާލާފައިވާ މީހުންގެ މައްސަލަތައް ތަހުގީގުކުރާ ކޮމިޝަންގެ ރައީސް ހުސްނުއް ސުއޫދު މިއަދު ވިދާޅުވެއްޖެ އެވެ.
ރިޔާސީ ގަރާރަކުން އުފައްދާފައިވާ ކޮމިޝަނުން މިހައިތަނަށް ކޮށްފައިވާ މަސައްކަތްތަކާ ބެހޭ ގޮތުން މައުލޫމާތު ދިނުމަށް ރައީސް އޮފީހުގައި ބޭއްވި ނޫސް ކޮންފަރެންސްގައި ސުއޫދު ވިދާޅުވީ ފަނޑިޔާރުންނާ ގޭންގްތަކާ ގުޅިގެން، މަރުގެ ބައެއް މައްސަލަތަކުގައި މީހުންގެ މައްޗަށް ކުށް ސާބިތު ނުކޮށްފައި ވެސް އެބަހުރި ކަމަށެވެެ.
ގޭންގުތަކުން ބޭނުންވާ ފަނޑިޔާރުން ކޯޓުތަކަށް އައްޔަންކޮށްފައި ވެސް އެބަ ތިބި ކަމަށް ސުއޫދު ވިދާޅުވި އެވެ. ކޯޓަށް ނުފޫޒު ފޯރުވައިގެން ގޭންގުތަކުން ކުރާ ކަންތައްތައް ކަމަށް ސުއޫދު ތުހުމަތުކުރައްވާ ބައެއް ކަންތައްތައް ވެސް އޭނާ ވިދާޅުވި އެވެ. އެގޮތުން މައްސަލަތަކުގައި ބަންދުކުރަން ޖެހޭ ބައެއް މީހުން ބަންދުކުރުމުގެ އަމުރު ނެރެ ނުދިނުމާއި ބަންދުކުރަން ނުޖެހޭ މީހުން ބަންދުކުރުމުގެ އަމުރު ނެރުން ފަދަ ކަންތައްތައް ކުރާ ކަމަށް އޭނާ ވިދާޅުވި އެވެ.
"ހަމަ އެގޮތަށް ފަނޑިޔާރުންނަށް ނުފޫޒު ފޯރުވާފައި އެބަހުރި. އަނެއްކާ ފަނޑިޔާރުންގެ ސެކިއުރިޓީއަށް ބައެއް ގޭންގުތައް ބޭނުންކޮށްފައި އެބަހުރި. ބައެއް ގޭންގުތަކަށް އެބަ އޮވޭ ކޯޓާއެއް ލިބިފައި ފަނޑިޔާރުން އައްޔަން ކުރަން ބައެއް ކޯޓްތަކަށް. ކްރިމިނަލް ކޯޓަށް މިވެނި ގޭންގަކުން ކޯޓާއެއް. ގޭންގުން ނޯމިޓޭޓްކުރާ ފަނޑިޔާރުން ކޯޓުތަކުގައި ތިބުން. ހިނގާފައި ހުރި ކަންތައްތައް މިއީ،" އޭނާ ވިދާޅުވި އެވެ.
ސުއޫދު ވިދާޅުވީ ޝަރުއީ ނިޒާމު މިހާރު އޮތް ގޮތުން ކޮމިޝަނުގެ ތަހުގީގަކީ ނަތީޖާއެއް ނުނެރެވޭ މަސައްކަތަކަށް ވެދާނެ ކަމަށެވެ.
"އަޅުގަނޑުމެންނަކަށް ވެސް އުއްމީދެއް ނެތް، އިތުބާރެއް ނެތް ކްރިމިނަލް ކޯޓުގައި މިހާރު ތިބި ފަނޑިޔާރުން ބައިތިއްބައިގެން އިންސާފު ލިބިދާނެ ކަމާމެދު. އަޅުގަނޑުމެން ކިތަންމެ ރަނގަޅަކަށް ތަހުގީގުކޮށްފައި ފޮނުވިޔަސް ކްރިމިނަލް ކޯޓުގައި މިހާރު އެ ތިއްބެވި ގާޒީން، ފަނޑިޔާރުން ތިއްބަވައިގެން އިންސާފު ލިބިދާނެ ކަމަކަށް އަޅުގަނޑުމެންނަކަށް ގަބޫލެއް ނުކުރެވޭ،" އޭނާ ވިދާޅުވި އެވެ.
މަރުގެ ބައެއް މައްސަލަތައް އޮއްބާލުމަށް ގޭންގުތަކުން އެއްބަސްވުން ހަދައި، އެކި މީހުން ސަލާމަތްވާ ގޮތަށް ހެކިބަސްދީފައިވާ ކަމަށާއި އެފަދަ ކަންތައްތަކުގައި ފަނޑިޔާރުން ވެސް ޝާމިލުވެފައިވާ ކަމަށް ވެސް ސުއޫދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަމަރުބުލޫ
31 December 2018
މާތްކަލާކޯ! ދިވެހި ރާއްޖެ މިއޮތީ ދައުލަތުގެ ބާރުކެޑި ކޮލަމްބިއާ ފަދަ ގައުމަކަށް ވުމުގެ ތުންފަތްމަތީގަ. ޖުޑިޝަރީ އސްލާހު ކުރެވޭނީ ގޭންގުތަކުގެ ބާރުކެޑިގެން. ގޭންގުތަކުގެ ބާރުކެޑޭނީ އެމީހުން ހިމާޔަތް ކުރާ ސިޔާސީ ލީޑަރުންނާ ސޭޓުންގެ ގުޅުން ހުއްޓުވިގެން. މީގުޅިފަ އޮތް ޗޭނެއް. މީގައި ރިބާއަށް ފައިސާދޭ ސޭޓުންނާ، ވިޔަފާރިކުރާ ބިޔަ ސޭޓުންނާ، ފަނޑިޔާރުންނާ، ސަރުކާރުގެ މަގާމުތަކުގަތިބި ބައެއް މީހުންނާ، ގޭންގުތަކާ މީއެކި ގޮތްގޮތަށް ގުޅިފަ އޮތް މާފިޔާއެއް.
ބައްދި
31 December 2018
އެސްއޯއީ ކަނޑައަޅައި ހުރިހައި ވަގުންނާއި ގޭންގުތަށް އަދި ޖުޑިޝަރީ އެއްކޮށް ޖަލައްލިޔަސް މިޤައުމުގެ ރައްޔިތުން އެކަމާ ނުރުހުންވެގެން މަގުމައްޗަކަށް ނުދާނެ، ޖުޑިޝަރީ އުފުރާލައިގެންނޫނީ ހައްލެއް ނުގެނެވޭނެ
ހުސެން ތަކުރުފާނު
31 December 2018
ސުއޫދުގެ ވާހަކަ ފުޅަކީ ޚިޔާލީ ވާހަކައެއް ނޫން. މީބިރުވެރި ހަގީގަތް. މިގައުމުދެކެ ކުޑަކޮށްވެސް ލޯބިވާ މީހަކު ވިއްޔާ މިކަމާ ފިކުރު ކޮށް ކަންބޮޑުވާނެ. އަދިކޮބާ ސޫތަށް ފައިސާދޫކުރާ ސޭޓުންވެސް ތިބީ މިގޭންގުތަކާ ގުޅިފަ. އަދިމި ރިބާނަގާ ސޭޓުންތިބީ ގާޒީންނާ އަދުލު އިންސާފުގެ ދާއިރާގެ ތެރެއަށް ވަކި ހިއްޕައިގެން. މިމީހުންނަށް މަދަދުދޭ ސިޔާސީ ވެރިންވެސްތިބޭ.
ވާލުސޮރު
31 December 2018
ފުންނާބު އުސް ގާނޫނީ ވަކީލުން ގޭންގުތަކުގެ މީހުންގެ ދިފާއުގައި ވަކާލާތުކޮށްދޭ. މިވާހަކަވެސް ދައްކާ. އިންސާފު ގޭގެ ވާހަކަ ދައްކާއިރު ވަކީލުންގެ ކަރަޕްޓު ވާހަކަ ގާޒީންގެ ކަރަޕްޓުވާހަކަ ދައްކަންޏާ ދައްކަން ވާނެ. ދެން އޮތީ ދިވެހިންނަށް ނޭނގޭ ވާހަކައެއް ކަންމަތީ ފިހާރައިން ނުގެނެސްދޭ ޚަބަރެއް ތިޔަ ކަމިޓީއަށް ނޫސްކަންފަރެންސު ބާއްވާފައި ބުނެދެވިފައެއް ނެތޭ!
ޏައޫ
31 December 2018
ސުއޫދު ލޯ ފާމާ ގުޅުންހުރި ލޯޔަރުންވެސް
ތަންދޮރު ނޭނގޭ ފުންނާބު އުސްމީ
31 December 2018
ތި ގޭންގުތަކާއި ގުޅިފައިތިބީ ތިފަދަ ފުންނާބުބއުސް ވަކީލުން އެހެން ބިރެއްނެތި ކަމުގެ ޙަޤީޤަތް އެނގޭިއރުވެސް ޝަރީޢަތުގައި ދޮގު ހަދައިގެން ކުށްވެރިޔާ ސަލާމަތްކޮށްދެނީ.
ރާއްޖެ
31 December 2018
އެހެންވެއޭ އަލީ ހަމީދުއާއި ސައީދު ބޭރުކޮއްލީ. މިހާރު ގެޓް ވެއްޖެތަ؟
އަލިތަކުރު
30 December 2018
މިއަދު މިރާއްޖޭގަ. ވަކިން ހާއްސަކޮށް މާލޭގަ ގޭންގް ތަކުގެ ބިރުވެރިކަން މިއޮތީ އިންތިހާ ދަރަޖައަށް.. އެމީހުން ކޮންޓްރޯލް ނުކުރާ ދާއިރާއެއް މަދުވާނެ. ވަރަށް ގަޓްހުރި މީހަކު ހުރެގެންނޫނީ އެމީހުން މައިތިރި ނުކުރެވޭނެ.
ފެންވަރު
30 December 2018
ގޭންގުތަކާ ގުޅިފަތިބި ފަނޑިޔާރުންގެނަންތައްހާމަކުރަންނުކެރުނީކީއްވެބާ ތިހުރިހާއެއްޗެއްކީއިރު އެކަންވެސްހާމަކުރިނަމަ ރައްޔިތުންނިކުމެގެންނަމަވެސް އެކަންހަމަޔަކައްއެޅުވީސް
މުލޭ
30 December 2018
އެސްްއޯއީ ހިންގައިގެން ހައްޔަރުކުރަންވީ މިމީހުންނެއްނުން. ގޭންގްތަކުގެ ބާރު ހާދަ ގަދައޭދޯ. ހޯމް މިނިސްޓަރުގެ އެޑްވައިޒަރަކަށް ޢުމަރު ނަސީރު ލައިގެންވިޔަސް ގޭންގްތައް މުލުން ލުހެލަން އެބަޖެހޭ.
25.ލ
31 December 2018
އުމަރު ނަސީރު؟؟؟ ވަޓް؟؟؟ ހުސް ފޮނި ބައިސާއިން ހިފެހެއްޓީ... އެކްސްޕަޔަރ ވެފައޮތް ޕްރޮޑަކްޓެއް..
ބަދުރު
30 December 2018
މިސުއޫދަކީ ހަވާލުކުރެވޭ ނުވަތަ ކުރަންޖެހޭ ކަންކަމުން ފެއިލްވެ މިސްރާބު އޮޅި ފަހުވަގުތުގައި އެކަހެރިވާނެ މީހެއް. ބަލަންތިބޭ. މީނަޔަށް ކުރެވޭ ކަމަކީ ފޮނި ފޮނި ސްޓޭޓްމަންޓް ދިނުން ޓީވީގަ.