13 ފެބުރުއަރީ 2019 - 10:42
42 comments
ރާއްޖޭގައި ވަޒީފާ ލިބުން ދަތިވެފައިވާ ކަމަށާއި އެހެންވެ ވަޒީފާ ހޯދުމުގެ ބޭނުމުގައި ރާއްޖެ ނައުމަށް ބަންގްލާދޭޝް ސަރުކާރުން އެ ގައުމުގެ ރައްޔިތުންނަށް އިލްތިމާސްކޮށްފި އެވެ.
ބަންގްލަދޭޝްގެ "ނިއު އޭޖް" ނޫހުން ބުނީ ރާއްޖެއަށް މީހުން ނުފޮނުވަން ބަންގްލަދޭޝްގެ މިނިސްޓްރީ އޮފް އެކްޕެޓްރިއޭޓްސް ވެލްފެއާ އެންޑް އޯވަސީސް އެމްޕްލޯއިމަންޓުން އެޖެންސީތަކަށް ވެސް އަންގާފައިވާ ކަމަށެވެ. އެ މިނިސްޓްރީގެ އޮފިޝަލަކާ ހަވާލާދީ ނޫހުން ބުނީ މިގޮތަށް ލަފާ ދިނީ ބަންގްލާދޭޝް މީހުން ރާއްޖެ އަށް ނުފޮނުވަން، ރާއްޖޭގައި ހުންނަ ބަންގްލާދޭޝް ހައިކޮމިޝަނުން ދިން އިރުޝާދަކާ ގުޅިގެން ކަމަށެވެ.
ރާއްޖޭގައި ތިބި ބަންގްލަދޭޝްގެ ގިނަ ބަޔަކު މިހާރު ވެސް ވަޒީފާ ނެތި އެބަތިބި ކަމަށް ހައިކޮމިޝަނުން ސަރުކާރަށް އަންގާފައިވާ ކަމަށް ނޫހުގައިވެ އެވެ.
"ބަންގްލާދޭޝްގެ މަސައްކަތްތެރިން ރާއްޖެ އަށް ދިއުން ހުއްޓާލަންޖެހޭ،" މިނިސްޓްރީގެ އޮފިޝަލް ވިދާޅުވެފައިވެ އެވެ.
ރާއްޖޭގައި ގިނަ އަދަދެއްގެ ބިދޭސީ މަސައްކަތްތެރިން އުޅޭއިރު އޭގެ ތެރޭގައި ސައްހަ ލިޔެކިއުންތައް ނެތް 63،000 މީހުން އުޅޭ ކަމަށް އިމިގްރޭޝަނުން ވަނީ ބުނެފަ އެވެ. މިދިޔަ މަހު 17 ގައި ބޭއްވި ނޫސްކޮންފަރެންސެއްގައި ކޮންޓްރޯލާ އޮފް އިމިގްރޭޝަން މުހައްމަދު އަހުމަދު ހުސައިން (ހަނަފީ) ވިދާޅުވީ ވޯކް ވިސާގައި 144،607 މީހުން ރާއްޖެ އެތެރެވެފައިވާ ކަމަށާއި އެކަމަކު އޭގެ ތެރެއިން 63،000 މީހުން އުޅެނީ ގަވާއިދާ ހިލާފަށް ކަމަށެވެ.
އިމިގްރޭޝަނުން މިހާރު ވަނީ ގަވައިދާ ހިލާފަށް އުޅޭ ބިދޭސީން ހޯދައި ފޮނުވާލުމުގެ އޮޕަރޭޝަނެއް ވެސް ފަށައިފަ އެވެ. އޮޕަރޭޝަން ފެށި ދުވަހު 80 މީހަކު އިމިގްރޭޝަންގެ ބެލުމުގެ ދަށަށް ގެންގޮސް ބެލި އިރު އޭގެ ތެރެއިން 69 މީހަކީ ގަވައިދާ ހިލާފަށް އުޅުނު މީހުން ކަމަށް އެ އިދާރާއިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮމީތަރބް ބަކައްޗަން
14 February 2019
މައްސަލައިގެ އަސްލަކީ އިމިގްރޭޝަން ގެ ތެރެއިން ކަޓުލައިގެން ވިޔަފާރި ކުރާ މީހުންނެވެ. މިމީހުންނަށް ގޮތެއް ނެހެދެންޏާ ސޫދާނުންވެސް މީހުން ގެނެސްގެން ހަމަ މި ސަކަރާތެއް ޖަހާނެއެވެ. ދިރުނބާކޮޅަށް އެރިއެއްކަމަކު އޮޑިއެއް ނުދުވާނެއެވެ.
މާރަނގާ - އައްޑޫ ސިޓީ
13 February 2019
މިއީއުފާވެރި އަދި އިތުބާރުކުރާންޖެހޭވަރު ޙަބަރެއްނޫން. މީގެބަދަލުގައި ސޯލީހްގެސަރުކާރުން މުއްދަތެއްނެތްގޮތަށް ބަންގްލަދޭޝް މަސައްކަތުމީހުން ގެނައުންހުއްޓާލަންޖެހޭ. * * އަދި ބަންގްލަދޭޝްމީހުންގެމައްސަލަ މުޅިންހައްލުވެ އިމިޤްރޭޝަންޤާނޫނާއިހިލާފުއެންމެން ޤާނޫނުގެތެރެއަށްގެނެވެންދެން އޮންއެރައިވަލްވީސާގަ ބަންގާޅުމީހުންއައުންމަނާކޮށް އެޑްވާންސްވީސާގައި ރިޓާރންޓިކެޓް އަދި ހުންނާންބޭނުންމުއްދަތަށް ހޮޓަލްބުކިންސް އޮވެގެންމެނުވީ ނާދެވޭގޮތަށް ހަދާންޖެހޭ.
ބޭބެ
13 February 2019
ވަރަން އުފާވާ ކަމެއް ބަގުލާދޭޝް މީހުން އިތުރަށް ނުގެނަސް ތިބި މީހުން ބޭރުކޮއް ދެއްވައިފިނަމަ ސަރުކާރަށް މަރުހަބާ ކިއަން
ބުރުހާނު
13 February 2019
ހާދަ އުފާވެރި ހަބަރެކޭ! ހަސީނާބީބީ ދެންނޮފުނުވައްޗޭ އެކަކުވެސް..
ދޯސްތީ
13 February 2019
މޯދީ ގެ ގެއަށް ތަށިދޮންނަން ދެވެނިކޮށް އެވީ
ވާލުސޮރު
13 February 2019
ރޯދަޔާ ދިމާކޮށް އިންޑިއާ އިން ކާބޯތަކެތި ރާއްޖެއަށް ފޮނުވުން މަޑުޖައްސާލަފާނެހެން ވެސް ވަރަށް ހީވޭ. އެއީ ސަރުކާރާ ދެކޮޅު ފަރާތްތަކުން އިންޑިއާ އާ ދެކޮޅުވެރިކަމުގެ އަޑުތައްވެސް މާ ގަދަދުވަސްވަރަކަށް ވާތީ.
ހުންން
13 February 2019
އިންޑިއާއިން ނުއުޅޭ މިހާރުގެ އިދިކޮޅު މީހުން ކިޔާ އެއްޗެއް އަޑުއަހާކަށް. އިންޑިއާއިން ބަލާނީ މި ސަރުކާރުގަ ބުނާހާ ކަމެއް އެމީހުންނަށް ކޮށްދޭތޯ. އެހުރިހާ ކަމެއް އެކޮށްދެނީ.
ދިވެހިިން
13 February 2019
އަމަލުކުރެވޭ މިިނިިމަމް ވޭޖެއް ކަޑަ އެޅިިއްޖެނަމަ މިިކަން ހައްލު ވާނެކަމަށް ފެނޭ.
ޖޯން
13 February 2019
ހުރި އުފަލެއްގެ ބޮޑުކަމާއެވެ.
ޣުއިއްޒު
13 February 2019
80 މީހުން ހޯދީމަ މަސައްކަތް ނިމުނީ؟ ތިކަމަށްވެސް ބަންގާޅީން ނެރެންވީ
އަޙުމަދު
13 February 2019
ތިކަމަކީދިވެހި ސަރުކާރު ބިރުގަންނަވަންކުރިކަމެއް، ވަޒީފާހޯދަން ރާއްޖެނައުމަށް ބަންގާލުސަރުކާރުން އެނގުމަށްވުރެ ތާހިރުވާނެ އަންނަމީހުންރާއްޖޭގައި ކަމާބެހޭގޮތުން ހެދިފަހުރި ޤާނޫނުތަކާ ޤަވާއިދުތަކަށް އިޙުތިރާމްކޮށްގެން މިތާއުޅެން އެންގިޔާ. ރާއްޖެއަންނަތާ 3މަސް ނުވަނީސްފިލައިގެންދާނީ, ކޮންމެވެސްތަނަކުން ބޮޑުމުސާރަލިބޭކަމުގެ އަޑުއިވޭއިރަށް ފިލައިގެންދަނީ . މިކަމުންއޭނައަށް ވާކަމެއް ނެއް،މިވަރުގެ ގޮތެއްފޮތެއް ނެއް ގައުމެއްގެ ބަޔަކު މިރާއްޖެއަކަށްނާދޭ.
ބަރު
13 February 2019
ބަންގްލަދޭޝްގެ އެތައް ބަޔަކު ހިއުމަން ޓްރެފިކިންގެ ވިކްޓިމްސްތަކަށްވެ އެހާ ހާލުގަ ދުނިޔޭގެ އެތައް ގައުމެއްގަ އުޅެނީ ބަންގްލަދޭޝް ސަރުކާރުގެވެސް އިހުމާލުން. ހަމަ ރާއްޖޭގަހެން އެތާގަވެސް މަތީ މަގާމުތަކުގަ ތިބޭ ބަޔަކު ކުރާ ވިޔަފާރިއަކަށް މިކަން ވާނީ. ކޮންމެ ހާލެއްގަ އުޅެފަވިޔަސް ފައިސާކޮޅެއް އަނބުރާ ރަށަށް ފޮނުވަނިކޮށް އެތާ ސަރުކާރަށް އެ ނިމުނީހެން ހީވަނީ. މިހާރުވެސް ގަވާއިދާ ހިލާފަށް އުޅޭ މީހުން ފޮނުވާލަން އުޅުނީމަ މައްސަލަ ޖައްސަން މިފެށީ.