ވެމްކޯ އިން މިއަދު ބޭއްވި ޕްރެސް ބްރީފިންގައި އެ ކުންފުނީގެ އެމްޑީ އާދަމް (ކ-3) އާއި އެހެން ބައެއް އިސްވެރިން ވާހަކަ ދައްކަވަނީ.---ފޮޓޯ: ނިޝާން އަލީ/މިހާރު
10 މާޗް 2019 - 15:11
40 comments
މާލޭގެ މަގުތަކުގައި ކުނި ގިނަވާ ސަބަބުތައް ދެނެގަތުމުގެ ސާވޭއެއް ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން މިއަދު ފަށައިފި އެވެ.
އެ ކުންފުނިން މިއަދު ބޭއްވި ނިއުސް ބްރީފިންއެއްގައި މެނޭޖިން ޑައިރެކްޓަރު އާދަމް މުހައްމަދު ވިދާޅުވީ، މާލޭގެ މަގުތަކުގައި ކުނި ގިނަ ވަނީ ވެމްކޯގައި ރަޖިސްޓަރީ ނުކުރާ ގޭގެ އިން މަގުތަކަށް ކުނި ނެރޭތީ އާއި ކުންޏަށް ނުވާ ފަދަ ބޮޑެތި ކުނި މަގުމައްޗަށް ނެރެފައި ބަހައްޓާތީ ކަމަށެވެ.
އޭނާ ވިދާޅުވި ގޮތުގައި، މިހާރު ވެސް މާލޭގެ 10،000 ގެއެއް ވެމްކޯގައި ރަޖިސްޓަރީ ކޮށްފައެއް ނެތެވެ.
"ހަމަ ގައިމު ވެސް އަޅުގަނޑުމެންނަށް ޔަގީންވާ ކަމަކީ މި ހުރިހާ ތަންތަނެއްގެ ކުނި ވެމްކޯ އަށް އެބަ އާދޭ. މި ދޭ ހިދުމަތުގެ އަގު އަޅުގަނޑުމެންނަކަށް ނުލިބޭ. އެހެންވީމާ އާޅުގަނޑުމެން ސާވޭއެއްކޮށް، މި ވަނީ ކިހިނެތްކަން ދެނެގަންނަން މަސައްކަތްތަކެއް މި ފަށަނީ،" އާދަމް ވިދާޅުވި އެވެ.
ވެމްކޯގެ މުވައްޒަފުންތަކެއް މާލޭގެ ގެއަކުން ކުނި ގެންދިއުމުގެ މަސައްކަތް ކުރަނީ.--- ފޮޓޯ: ހުސެއިން ވަހީދު/މިހާރު
މި ސާވޭގައި، ވެމްކޯގެ ހިދުމަތަށް ރަޖިސްޓަރީ ނުކޮށް ހުރި ގެތަކާއި ކޮމާޝަލް ޔުނިޓްތައް ރަޖިސްޓަރީ ކުރުމުގެ މަސައްކަތް ކުރާނެ އެވެ. އަދި ރަޖިސްޓަރީ ވުމަށް ފަހު ވެސް ބިލްތައް ނުދައްކާ މީހުންގެ ބިލްތައް ދެއްކޭނެ ފަސޭހަ ނިޒާމެއް ވެސް ގާއިމް ކުރާނެ ކަމަށް އެތަނުން ބުންޏެވެ. ނަމަވެސް، ސާވޭ އަށް ގޭގެ އަށް ދާ ވެމްކޯގެ އެއްވެސް މުވައްޒަފަކު، ބިލްތަކަށް ދައްކަންޖެހޭ ފައިސާއެއްގައި ނުހިފާނެ ކަމަށް އެތަނުން ބުންޏެވެ. އަދި، އެހެން އަމަލުކުރާ މީހުން ރިޕޯޓު ކުރުމަށް ވެސް ވެމްކޯ އިން އެދެ އެވެ.
ވެމްކޯ އިން ބުނީ، އެ ކުންފުނީގެ މުވައްޒަފުން ކުރިއަށް އޮތް ހަ މަސް ދުވަހު މެންދުރު 2:00 އިން ރޭގަނޑު 9:00 އާ ދެމެދު މާލޭގެ ގެތަކަށް ޒިޔާރާތް ކުރާނެ ކަމަށެވެ. އެ މުވައްޒަފުންގެ އަތުގައި ވެމްކޯގެ މުވައްޒަފެއް ކަން އަންގައިދޭ ކާޑެއް އޮންނާނެ އެވެ. އަދި އެފަދަ ކާޑެއް ނެތް މީހުން ސާވޭ ހަދަން ދާ ނަމަ، 1666 އަކަށް ގުޅައި ވެމްކޯ އަށް އެކަން އަންގަން އެ ކުންފުނިން އިލްތިމާސް ކުރެ އެވެ.
ވެމްކޯ އިން މިއަދު ބޭއްވި ޕްރެސް ބްރީފިންގައި އެ ކުންފުނީގެ އެމްޑީ އާދަމް ވާހަކަ ދައްކަވަނީ.---ފޮޓޯ: ނިޝާން އަލީ/މިހާރު
"މިހާރު ވެސް އިޝޫއެއް އައިސްފި، ޓީމެއް ވެމްކޯގެ ނަމުގައި ގެތަކަށް ޒިޔާރަތްކުރާ ކަމަށް. ކަސްޓަމަރުންނަށް އަޅުގަނޑު ހޭލުންތެރި ކުރަން ބޭނުންވަނީ، ސުވާލު ކޮށްލައްވާށޭ، ރަނގަޅު މައުލޫމާތު ހުރިކަން ޗެކް ކޮށްލައްވާށޭ. އަޅުގަނޑުމެންގެ ޓީމުން ދާ ނަމަ އަޅުގަނޑުމެންގެ ކަސްޓަމާ ބޭސްގެ މައުލޫމާތު ހުންނާނެ،" ވެމްކޯގެ އޮޕަރޭޝަންސް ޖެނަރަލް މެނޭޖަރު އަހްމަދު ޝާފިއު ވިދާޅުވި އެވެ.
ކުރީގެ ޒުވާނުންގެ މަރުކަޒު ހުންނަ ތަނުގައި ވެމްކޯގެ ހިދުމަތްތަކާ ގުޅޭ މައުލޫމާތު ދިނުމަށް ވެމްކޯގެ ޓެންޓެއް ހަދާފައި ހުންނާނެ ކަމަށް ވެސް އެ ކުންފުނިން ބުނެ އެވެ. އަދި އެތަނުން ވެމްކޯ އިން ފޯރުކޮށްދޭ އެހެނިހެން ހިދުމަތްތަކާ ގުޅޭ މައުލޫމާތު ވެސް ފަސޭހައިން ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މައިޝާނު ހަބީބު
11 March 2019
ކުނި ގިނަވަނީ ވެމްކޯ ނުހިންގޭތީ، ވެމްކޯ ނުހިންގެނީ ރަނގަޅު މެނޭޖުމަންޓެއް ނެތުމުން އަދި ކުންފުނީގެ ބޯޑެއް ނަތުމުން، ކުނި ގިނަވަނީ ލޮޖިސްޓިކް ހިންގަން ވެމްކޯއަށް ނެއެނގޭތީ، ކުންފުނީގެ އެތެރޭގެ ހިންގުން ހަރުދަނާ ނުވީމަ، ކުނި އުކާލާ މީހުންނަށް އެކަށީގެންވާ ތަމްރީނެއް ނުދޭތީ، އަދި ވެމްކޯ އިތުރަށް ތަރައްޤީނުވާތީ
ރަށުބޭބޭ
11 March 2019
މަގުމަތީ ކުނިގިނަވާ ސަބަބު ބަލަން އެންމެ ކުރިން މާލޭ މަގުމަތީ ނުކަތާވަރަށް މީހުން ގިނަވެ، ބަނދަރުތަކަށް ނުކަތާވަރަށް އުޅަނދު ގިނަވެ، ފްލެޓުތަކަށް ނުކަތާވަރަށް މީހުން ގިނަވެ، ޓެކްސީއަށް ނުކަތާވަރަށް މީހުން ގިނަވާ ސަބަބު ބަލައި، އިތުރަށް ގިނަކުރުމަށް ރާވާފަހުރި ރޭވުންތައް ބަލައި އެއިން ދިމާވާ ކަންތައްތައް ބަލަން ހިނގާބަހީ
ދޮން އާދަނު
11 March 2019
ކުނި ނަގާ މީހުން ހެލްމެޓު އަޅުވަން ފެނޭ!
އަހުމަދުބޭ
11 March 2019
މަގުމަތިން ކުދި ކުނި އެންމެ ފަސޭހައިން ހައްލު ކުރޭވެނެ ކަމަށް އަޅުގަޑަށް ފެންނަ ޚިޔާލަކީ ކޮންމެ ފިހައިރަ އަކަށް އަދި ކެފޭ އަކަށް ހުއްދަދޭއިރު މަގުމަތީގައި ޑަސްބިންއެއް ބަހައްޓަން ޖެހޭގޮތްހަދައި އަދި ފުރުނީމައި ސާފްނުކުރާ ތަންތަން މޮނިޓަރކޮށް ޖޫރިމަނާކޮށް ހަދަން ފެށުމުން އިސާހިތަކު މާލޭގައި އުޅޭރައްޔިތުން ޑަސްބިންއަަށް ކުނިއަޅަށް އާދަވެދާނެއެވެ. އަޅުގަނޑުގެ ޚިޔާލްގައި ވެމްކޯއަކަށް ޑަސްބިން ބަހައްޓައިގެން އެސާފެއް ނުކުރެވޭނެއެވެ.
ކޮބާ..ކޮބާ
11 March 2019
ކޮންމެ ގެއެއްގެ ދޮރުމަތި ސާފުކޮށް ބެލެހެއްޓުމަކީ އެ ގެއެއްގެ ވެރިފަރާތުގެ ޒިންމާއެއް..ޑަސްބިން ދީފަ ނަމްބަރ ލޮކެއް... ވެމްކޯ އަށް މާސްޓަރ ކީ.. ފުރަތަމަ ޖޫރިމަނާ.. ދެން ކަރަންޓު ނޫނީ ފެން ކެނޑޭ ހިސާބުން ސަމާލު ކަމަށް އަންނާނެ..ކޮންމެ ބްލޮކެއްގައި ޒިންމާދާރު ވެރިޔަކު ހުންނަންވާނެ....މާ ބޮޑު ރިސާޗެއް ބޭނުމެއް ނޫން..
އިބްރާ
11 March 2019
މާލޭގެ މަގުތަކުގައި ކުނި ގިނަވަނީ ކުރީގެ ސަރުކާރުގައެވެ. މިސަރުކާރު އައިފަހުން މަގުމަތީން ކުނިފެންނަ މީހަކު ނެތެވެ. ކުނި ހުއްޓަސް ނުހުންނާނެ. ހުންނާނީ ކުރީ ސަރުކާރުން އޮތްއިރު އަޅާފަހުރިކުނި،
އަޒާ
11 March 2019
އަމިއްލަޔަށް އެއްބަސް ވެވުނީ ތިމާގެ ނާޤާބިލްކަމާއި، ފެއިލްވުން. އިސްތިޢުފާ ދީފައި ގެއަށްދޭ... އެއީ ހައްލު.
ޕްރޮޕޯސަލް
11 March 2019
ދައުލަތުގެ ބަޖެޓު ޑިސެންޓްރަލައިޒްކޮށް، އަތޮޅުތަކުން ލިބޭ ފައިސާ އަތޮޅުތަކަށް ޚަރަދުކުރެވޭނެ ގޮތް ހަމަޖައްސާ، މާލެއިން ލިބޭ ޓެކްސް އިންސާފުވެރިކޮށް އެލޮކޭޓްކުރެވޭގޮތް ހަމަޖައްސާ، މާލޭ ސަރުކާރަކީ ކޯޑިނޭޓްކޮށް ގައުމީ ކަންކަން ބަލަހައްޓާ ފަރާތްކަމުގައިވެ، ރަސްގެފާނުކަމުގެ ވިސްނުން ދޫކޮށްލާ، އަތޮޅުތަކަށް ހައްގުމިންވަރު ލިބެނިކޮށް އަހަރުމެން ރާއްޖެތެރޭމީހުން ނުކުމެ މާލެ ސާފުކޮށްދިނުމުގެ މަސައްކަތް ކުރާނަން.
މާލެ މީހާ
11 March 2019
ޕްރޮޕޯސަލް ގަބޫލެއް ނުކުރެވޭނެ! ބާޠިލް!!!
ތިނެއް
11 March 2019
ބައެއް މީހުން ކޮންމެ މަހަކު ފައިސާ ނުދައްކަންވެގެން އެގޮތަށް މަގުމަތީ ކުނި ބަހައްޓާ. އަމިއްލައަށް ކުނި އުކާލި ބައެއް މީހުން ފައިސާ ދީގެން ކުނިއުކަން ބޭނުންނުވެދާނެ. އެމީހުން އަމިއްލައަށް ކުނި އުކަން ބޭނުންވާނަމަ ކައިރި ހިސާބަކަށް ކުނި އެޅޭނެ ގޮތެއްވެސް ހުރުމުން އެކަންވާނީ. މާލޭގެ ކޮންމެވެސް ސަރަހައްދުތަކެއްގައި އަމިއްލައަށް ކުނި ގެންގޮސް އެޅޭނެ ތަންތަންކޮޅު ހެދޭނެވަރުގެ ކުދި ބިންކޮޅުކޮޅު އެބަހުރި. އެތަނަކުން ވެމްކޯއަށް ކުނި ނެގިދާނެ ކޮންމެދުހުކު
ހަމަހޭ
11 March 2019
މިގައުމުގަ ދިރާސާކޮއްކޮއްވެސް ނޭގުނުކަމެއް ކުނިގިނަވުމާ ބިދޭސީން ގިނަވުމާނޫނީ ނެތް. މިދިޔަމަހު ވަރައްއަޑުގަދަކޮއްފަ ގަވާއިދާޚިލާފައް އުޅޭބިދޭސީން ހޯދަނީއޭކިޔާފަ އެއްފަހަރު ޒިކުރާމިސްކިތްކައިރިން 30 ހަކައްމީހުން ގެންދިޔަ، ދެދުވަސް ފަހުން ގެންދިޔައެންމެން ހަމައެތާއެބައޮތް ޖަމާވެފަ. ޕްރޮގްރާމް ޖަމަލުފޮޑިޔައް ދިޔައީ. ކުންޏޭ ބިދޭސީންނޭ ކިޔާފަ ނޫސްބަޔާންނެރެން ލަދުނުގަންނަކަން.