ތ. ތިމަރަފުށީގައި މިއަދު ހިނގި އެކްސިޑެންޓުގައި ގެއްލުން ލިބުނު ވޭން -- ފޮޓޯ: ޕޮލިސް
12 މާޗް 2019 - 10:48
3 comments
ތ. ތިމަރަފުށީގައި މިއަދު ހިނގި އެކްސިޑެންޓެއްގައި އަންހެނަކަށް ޒަހަމްތަކެއް ލިބިއްޖެ އެވެ.
ފުލުހުން ބުނި ގޮތުގައި މި އެކްސިޑެންޓްވީ ހިނގާފައި ދިޔަ 52 އަހަރުގެ އަންހެނެއްގެ ގައިގައި ދުއްވާފައި ދިޔަ ވޭނަކުން ޖެހުމުންނެވެ. އެ އަންހެން މީހާގެ ބޮލުގެ ތިން ތަނެއް ވަނީ ފަޅައިގެން ގޮސް، އެކިވަރުގެ އިތުރު އަނިޔާތަކެއް ވެސް ލިބިފަ އެވެ. އަދި އޭނާ އަށް ފަރުވާ ދިނުމަށް އެ ރަށު ހެލްތު ސެންޓަރުން ތ. ވޭމަންޑު އަށް ގެންދިއުމަށް ފަހު، މިހާރު އަންނަނީ މާލެ ގެނައުމަށް މަސައްކަތް ކުރަމުން ކަމަށް ފުލުހުން ބުންޏެވެ.
މި އެކްސިޑެންޓު ހިނގީ އެ ވޭން ދުއްވަން އިން މީހާ އަށް ވޭން ކޮންޓްރޯލް ނުކުރެވުމުން ކަމަށް ފުލުހުން ބުންޏެވެ.
އެ ރަށު އެއާޕޯޓަށް ދާން ހިއްކާފައި އޮތް ސަރަހައްދުގައި ހިނގި މި އެކްސިޑެންޓުގައި އިތުރު މީހަކަށް އަނިޔާއެއް ލިބިފައެއް ނުވެއެވެ. ނަމަވެސް އެ ވޭނުގެ ބިއްލޫރިގަނޑު ވަނީ ތަޅައިގެންގޮސްފަ އެވެ. ފުލުހުން އަންނަނީ މި މައްސަލަ ތަހުގީގު ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރޭމިތުރު
12 March 2019
އަންހެންމީހާ ވޭނެއްގައި ޖެހުނީތަ؟ ނޫނީ ވޭނުން އަންހެންހެންމީހާ ގައިގަޖެހުނީތަ؟ ތިޔަބޭފުޅުން މާނަކުރަނީ ކޮންގޮތަކަށް؟ އަންހެން މީހާ ވޭނެއްގައި ޖެހިއްޖެނަމަ ކުއްވެރިއަކީ އަންހެންމީހާ ދޯ؟
ފާތާނިކޭ
12 March 2019
ވޭނަކުން ޖެހިއްޖެޔާ ވަރަށް ވޭންއަޅާނެ.
ހަމަހޭ
12 March 2019
މިމައްސަލައިގަ އިތުރުމީިހަކައް އަނިޔާއެއްނުވެޔޯ!. ރަށުގެ އެންމެން މަރާލީމަތަ ޑްރައިވަރ އެކުރީކުށަކައްވެ އޭނަހައްޔަރު ކުރަންޖެހެނީ. ކޮންޓްރޯލް ނުވާވަރައް ބާރައްދުއްވިއިރުވެސް ކުށަކައްނުވޭދޯ؟. ތަހުގީގުކުރަނީ ...އެހިސާބުން އެނިމުނީދޯ؟.