ޚަބަރު / ރައީސް އިބްރާހިމް މުހައްމަދު ސޯލިހް

އީސީގެ މެމްބަރުކަމަށް ހަބީބް އައްޔަންކުރައްވައިފި

އާސިމާ ނިޒާރު، މިހާރު

13 މާޗް 2019 - 17:47

އިލެކްޝަންސް ކޮމިޝަން (އީސީ)ގެ މެމްބަރުކަމަށް މިހާރު އެ މަގާމުގައި ހުންނެވި އިސްމާއިލް ހަބީބް ރައީސް އިބްރާހިމް މުހައްމަދު ސޯލިހު އަލުން މިއަދު އައްޔަންކުރައްވައިފި އެވެ.

ހަބީބްގެ މެމްބަރުކަމުގެ މުއްދަތު ހަމަވެފައި ވަނީ މިއަދެވެ. އޭނާ އެ ކޮމިޝަނަށް އަލުން އައްޔަންކުރައްވާފައި ވަނީ މެމްބަރުކަމަށް ކުރިމަތިލާން ހުޅުވާލިއިރު، އެ މަގާމަށް ކުރިމަތިލި 16 މީހުންގެ ތެރެއިން އެންމެ މަތީ މާކްސް ލިބިގެންނެވެ. އީސީގެ މެމްބަރުކަމަށް އޭނާ އައްޔަންކުރަން މަޖިލީހުން ފާސްކޮށްފައިވަނީ މި މަހުގެ ހަ ވަނަ ދުވަހެވެ.

މެމްބަރުކަމަށް އައްޔަންކުރެއްވި ކަމުގެ ލިޔުން ހަބީބަަށް ދެއްވާފައިވަނީ އެކަމަށްޓަކައި ރައީސް އޮފީހުގައި ބޭއްވި ރަސްމިއްޔާތުގަ އެވެ. ލިޔުން ހަވާލު ކުރެއްވުމުގެ ކުރިން، ރައީސް އާއި ސުޕްރީމް ކޯޓުގެ ފަނޑިޔާރު އަބްދުލްޣަނީ މުހައްމަދުގެ ކުރިފުޅުމަތީގައި، ހަބީބު ވަނީ މެންބަރުކަމުގެ ހުވައި ކުރައްވައި އިގުރާރުގައި ސޮއި ކުރައްވައިފަ އެވެ.

އިސީގައި މިހާރު ތިއްބަވާ މެމްބަރުންނަކީ ހަބީބްގެ އިތުރުން، އެ ކޮމިޝަންގެ ރައީސް އަހުމަދު ޝަރީފާއި ނައިބު ރައީސް އަމްޖަދު މުސްތަފާ އާއި މެމްބަރު އަހުމަދު އަކްރަމާއި މެމްބަރު އަލީ ނަޝާތެވެ.

އިލެކްޝަންސް ކޮމިޝަން ރައީސް އިބްރާހިމް މުހައްމަދު ސޯލިހް

3 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަރޭމިތުރު

14 March 2019

މުތެއްވިއްޔާ އެނގޭނެ ކޮންމެތަނަކު އޮތަސް! މުތުން އެފެންނަ ދަޅައިނގޭނެ މުތެއްކަންވެސް!.................... ޖަވާހިރެއް އެނގޭނެ އޭގައި އެހުންނަ ޖެނުއިންގޮތުން. ހަބީބަށް މަރުހަބާ!! އިންސާފުގެ މަގުން ކަންކަން ގެންދަވާނެކަމަށް އުއްނީދުކުރެވޭ!!