ޝާހިދުގެ ދަތުރުތަކުން ހިލޭ އެހީގެ ގޮތުގައި 1.9 ބިލިއަން ރުފިޔާ

ފޮރިން މިނިސްޓަރު އަބްދުﷲ ޝާހިދު: ރާއްޖެ އިން ބޭރަށް މިހާތަނަށް ކުރެއްވި ދަތުރުތަކުން ހިލޭ އެހީގެ ގޮތުގައި ދެ ބިލިއަނެއްހާ ރުފިޔާ ހޯއްދެވި. -- ފޮޓޯ:ހުސެން ވަހީދު/މިހާރު

ފަޒީނާ އަހުމަދު، މިހާރު

01 އެޕްރީލް 2019 - 11:29

46 comments

ފޮރިން މިނިސްޓަރު އަބްދުﷲ ޝާހިދު ވޭތުވެދިޔަ ހަތަރު މަސް ދުވަހު ރާއްޖެ އިން ބޭރަށް ކުރެއްވި ދަތުރުތަކުން ހިލޭ އެހީގެ ގޮތުގައި 1.9 ބިލިއަން ރުފިޔާ ލިބިފައިވާ ކަމަށް ފޮރިން މިނިސްޓްރީން މިއަދު ބުނެފި އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުގެ ޚާރިޖީ ސިޔާސަތުގެ ސަބަބުން، ރާއްޖެއާ ގާތް ގައުމުތަކުގެ ގުޅުން އޮތީ ވަރަށް ބޮޑަށް ހީނަރުވެފަ އެވެ. ރައީސް އިބްރާހިމް މުހައްމަދު ސޯލިހް މަގާމުގެ ހުވާ ކުރެއްވުމާ އެކު އެ ގުޅުން އިޔާދަކުރައްވަން ފޮރިން މިނިސްޓަރު ޝާހިދު ވަނީ ގިނަ ގައުމުތަކަށް ދަތުރު ކުރައްވައިފަ އެވެ.

އެ ދަތުރުތަކުގައި ކުރެއްވި މަޝްވަރާތަކުން ރާއްޖެ އަށް ހިލޭ އެހީގެ ގޮތުގައި ގިނަ އެހީތަކެއް ވަނީ ހޯއްދަވައިފަ އެވެ. އެކަން ފާހަގަކުރައްވައި، މިދިޔަ ހަފުތާގައި ރައީސް އިބްރާހިމް މުހައްމަދު ސޯލިހް ވިދާޅުވެފައި ވަނީ، އޭގެ އެތައް ގުނައެއް އިތުރު ހިލޭ އެހީ ރާއްޖެ އަށް އަދިވެސް ހަމަޖެހެމުން އަންނަ ކަމަށެވެ.

ފޮރިން މިނިސްޓްރީން ބުނިގޮތުގައި މި ސަރުކާރުގެ 100 ދުވަހުގެ ތެރޭގައި ހިލޭ އެހީ ހޯދި މިންވަރަށް، ވޭތުވެދިޔަ ފަސް އަހަރުގައި ވެސް ހޯދިފައެއް ނުވެ އެވެ. މީގެ ކުރިން ބޭރުގެ ފަރާތްތަކުން ރާއްޖެ އަށް ހިލޭ އެހީ ދެނީ ލޯނެއް ނުވަތަ އެހެން ކަމެއް ކުރިމަތި ކުރުވާފައި ކަމަށް ވެސް މިނިސްޓްރީން ބުންޏެވެ.

ގައުމުތަކުން ހިލޭ އެހީ ދިން ގޮތުގެ ތަފްސީލް:

- އިންޑިއާ އިން 771 މިލިއަން ރުފިޔާ (50 މިލިއަން ޑޮލަރު)

- ޔޫއޭއީން 771 މިލިއަން ރުފިޔާ (50 މިލިއަން ޑޮލަރު)

- އެމެރިކާ އިން 308 މިލިއަން ރުފިޔާ (20 މިލިއަން ޑޮލަރު)

- އިންޑިއާގެ އެކްސްޓާނަލް އެފެއާޒް މިނިސްޓަރު ރާއްޖެ ވަޑައިގަތް ދަތުރުގައި އެ ގައުމުން 100 މިލިއަން ރުފިޔާ ހަމަޖައްސައި ދެއްވި.

މަގާމާ ހަވާލުވެވަޑައިގަތުމަށް ފަހު ޝާހިދު އެންމެ ފުރަތަމަ ވަޑައިގަތީ ގުޅުން ގޯސްވެފައި އޮތް އިންޑިއާ އަށެވެ. ދެ ގައުމުގެ ޒަމާންވީ ގުޅުން ދެމެހެއްޓުމުގެ އެއްބަސްވުމާ އެކު ހިލޭ އެހީގެ އިތުރުން މާލީ އެހީގެ ގޮތުގައި އެއް ބިލިއަން ޑޮލަރު ދޭން ވެސް އެ ގައުމުން އޮތީ ނިންމައިފަ އެވެ.

މީގެ އިތުރުން އެ ގައުމަށް ދިވެހިން ދަތުރުކުރުމުގައި ވިސާގެ ލުއި ފަސޭހަކަން ވެސް ހަމަޖައްސައިދިން ކަމަށް ފޮރިން މިނިސްޓްރީން ބުންޏެވެ.

އޭގެ ފަހުން ޔޫއޭއީ އަށް ކުރެއްވި ދަތުރުގައި ވެސް ވިސާގެ ލުއިތައް ދިވެހިންނަށް ހޯއްދަވައި ދެއްވި އެވެ. އެ ގައުމަށް ވިސާއާ ނުލައި ދިވެހިންނަށް މިހާރު ދަތުރު ކުރެވެ އެވެ.

އެންމެ ފަހުން ވިސާގެ ފަސޭހަތަކެއް ދިވެހިންނަށް ދިނީ ތައިލެންޑުންނެވެ. ޓޫރިސްޓުންގެ ގޮތުގައި މިހާރު އެ ގައުމަށް ވިސާ ނެތި ދިވެހިންނަށް ދެވޭނެ އެވެ.

ރާއްޖެ އަށް ގިނަ އެހީތަކެއް ލިބުނު ދަތުރުތަކަށް ފޮރިން މިނިސްޓްރީން ޚަރަދުކޮށްފައި ވަނީ 3.7 މިލިއަން ރުފިޔާ ކަމަށް ވެސް އެ މިނިސްޓްރީން ބުންޏެވެ.

ދިވެހި ސަރުކާރު އަބްދުﷲ ޝާހިދު (ކުރީގެ ފޮރިން މިނިސްޓަރު) ފޮރިން މިނިސްޓްރީ ރައީސް އިބްރާހިމް މުހައްމަދު ސޯލިހް

46 ކޮމެންޓް, 115 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑިމީހާ

02 April 2019

ގައުމު ވިއްކާފަ ހޯދާ އެހީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ތޮއްތޮންބެ

01 April 2019

‫އަޅެ ޝާޑުހާދަ ގަދައޭ ހީވެސްނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

01 April 2019

މިދުވަސްކޮޅު މިކަހަލަ މީހުން މީހުން ހައްދާނެ. މީގެ ފަހަތުގަ އޮތީ އަޅުވެތިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

10000

01 April 2019

މީ މުޅިން ރަނގަޅު ވާހަކައެއް ނޫން، ހުރިހާ ގައުމަކުން ދޭ އެހީގެ ކުރެޑިޓް މީނާ އަކަށް ނުނެގޭނެ، މީ ސާހިދުގެ ދަތުރު ހަރަދު ބޮޑު ވާހަކަ ދާއްކާތި ޖަހާއިގެން އުޅޭ ވާހަކައެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނާނާ ރައީސް

01 April 2019

އޯކޭ އެހީލިބިއްޖެޔޯ!ދެން ތިއެހީން ދިވެހިރާއްޖޭގަ ހިންގުނު ޕްރޮޖެކްޓްތަ އިގެންބޭނުމީ. ކީއްކުރީ ތިފައިސާއިން. ދިވެހި ދައުލަތުގެ ހަޒާނާއަށް ތިފައިސާ ވަންކަންއިގެންޖެހޭ. ތިއީ ކަރުދާސް ނޫޓުތަ؟ނޫނީ ހިލަވެއްޔާ ރަބަރުވަޒަނާ ހަނޑޫ ހަކަރު ކޯޓާއާ ހިލަޔާ ހިލަވެއްޔާ ފިޔާ ބިހުގެ ކޯޓާތަކަކީވެސް ހިލޭއެހީގެތެރޭގަ އިންޑިޔާއިން ގުނާއެއްޗެހި. އެހެންވީމަ ސްވާލުވެވޭ. ހެލިކޮޕްޓަރު ބަލަން ރާއްޖެއަށް ގެނެއްސަތިބި ސިފައިންވެސް މިއެހީގެތެރޭގަ ހިމެނޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޮށި

01 April 2019

މީނާ 2 އަހަރެއް ހާ ދުވަހު ބޭރުގަ ބަހައްޓާލަނި ކޮއް ތި އެމެރިކާ ތަން ތަނައް ވުރެ ރާއްޖެ މުއަްސަދި ވާނެ. ޝާހިދައް ހީފުޅު ވަނީތޯ އަދިވެސް ދިވެހިން މިތިބީ 70 ގެ އަހަރު ތަކުގައޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޭވަޓް

01 April 2019

ތި އެހީ ޗައިނާއައް ދީ އެއްކޮން ... ދަރަނި ކުޑަކޮއްލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާ..ކޮބާ

01 April 2019

ޝާހިދަކީ ތަޖުރިބާކާރު ޑިޕްލޮމެޓެއް. އެހެންވެ، ވިސާގެ ލުއި ތައް ލިބިގެން އެ ދިޔައީ.. ކުރިންވެސް ހޯދެން ޖެހޭނެ ލުއި ތައް މިހާރު އެލިބުނީ... ގުޅުން ތައް ރަނގަޅު ކުރެވުނީ...ޝާހިދު ގެ މަސައްކަތައް ސާބަސް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިލިއަނަރ

01 April 2019

ކިތައް ދަތުރަށްތޮ 3.7 މިލިއަން ހޭދަވީ. 3.7 މިލިއަން ހޭދަވިގޮތްވެސް ހިމަނާލުން ކިހިނެއްވާނެތޯ. ޓިކެޓަށް، ހުރުމާ ކެއުމަށް، ޕޮކެޓް މަނީއަށް. މިހިރަ ހިސާބުތައް ދަތުރު ރިޕޯޓުތަކުން ލިބެންވާނެ ކަމަށް ދެކެން. އަދި ޚަރަދު ނުވެ ބާކީ ހުރި ލާރި އަނބުރާ ދައުލަތަށް ރައްދުކުރޭތޯވެސް ބަލަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިރާޒް

01 April 2019

މީގެ ކުރިން އޮތް 29 މިލިއަން ރުފިޔާ ހަމަ އެކަނި ދަތުރުތަކަށް ޙަރަދު ކުރި ކަމަށް މިހާރު މި އޮތީ 3.7 މިލިއަނޭ، މިވީ އެއްޗެއް އެނގެން ބޭނުން .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންދި

01 April 2019

ސާބަހޭ ޝާހިދަށް އަދި ހާއްސަކޮށް އިބޫއަށް. މިގައުމަށް އޮތީ ޓެކުސް ސިސްޓަމް ހަމަޖެހުމުން ރައްޔިތުނަށް ފައިދާ. މިކަން ހުއްޓުވަން އުޅެނީ ވިޔަފާރިވެރިން. އެކަން މިފެންނަނީ.