ރައްދު ޕްރޮޖެކްޓްގައި ބޭނުން ކުރާ ތަކެތި އެ ޕްރޮޖެކްޓްގެ ފަރާތުން ވެމްކޯއާ ހަވާލު ކުރަނީ-- ފޮޓޯ: ހުސައިން ވަހީދު/މިހާރު
29 އެޕްރީލް 2019 - 18:09
27 comments
މަގުތަކަށް ކުނި އެޅުން ހުއްޓުވަން އަޅާ ފިޔަވަޅެއްގެ ގޮތުން ހިންގާ އަޖުމަ ބެލުމުގެ ޕްރޮޖެކްޓެއްގެ ދަށުން ކޮންމެ ޕްލާސްޓިކް ފުޅިއަކަށް ރުފިޔާއެއް ދޭން ވެމްކޯއިން ނިންމައިފި އެވެ.
ޔޫއެންޑީޕީ އާއި އުރީދޫ އާއި އެޗްޑީސީއާ ގުޅިގެން ވެމްކޯއިން ކުރިއަށް ގެންދާ "ސްމާޓް ސިޓީ" ކެމްޕެއިންގައި، އުކާލާ ކުނި މަދުކުރަން މާދަމާ ފަށާ ޕައިލެޓް ޕްރޮޖެކްޓްގެ ނަމަކީ "ރައްދު" އެވެ.
"ރައްދު" ކުރިއަށް ގެންދާ ގޮތަކީ ވަކި ސްޓިކާއެއް ޖަހާފައި ހުންނަ ފެން ފުޅިތަކެއް ހުޅުމާލޭ ވެމްކޯ އޮފީިހާ ހަވާލު ކުރުމުން ކޮންމެ ފުޅިއަކަށް ރުފިޔާއެއް ދެނީ އެވެ. އެ ސްޓިކާ ޖަހާފައި ހުންނަ ފުޅިތައް ގަންނަން ލިބޭނީ ހުޅުމާލޭ ވެމްކޯ ސައިޓް ކައިރި ހުންނަ ފިހާރަތަކުން ކަމަށް އެ ކުންފުނިން ބުނެ އެވެ.
ރައްދު ކުރުމުން ފައިސާ ލިބޭ ފުޅީގައި ޖަހާފައި ހުންނަ ސްޓިކާ-- ފޮޓޯ: ހުސައިން ވަހީދު
ވެމްކޯގައި މިއަދު ބޭއްވި ނޫސްވެރިންގެ ބައްދަލުވުމުގައި އެ ޕްރޮޖެކްޓްގައި މަސައްކަތް ކުރައްވާ އަހުމަދު އަފްރާހް ވިދާޅުވީ އެ ޕްރޮޖެކްޓްގެ މަގުސަދަކީ ޕްލާސްޓިކް ފުޅި ރައްދު ކުރަން ބާރު އެޅުން ކަމަށެވެ. މާދަމާއިން އަންނަ ހޮނިހިރު ދުވަހާ ހަމައަށް ކުރިއަށް ގެންދާ އެ ހަރަކާތުގައި 10،000 ފުޅި އެއް ކުރުމަށް އަމާޒު ހިފާފައިވާ ކަމަށް ވެސް ވިދާޅުވި އެވެ.
މަގުމައްޗަށް އަޅާ ކުނި ނެގުމަށް މިހާރު މަހެއްގެ މައްޗަށް ވެމްކޯއިން 2.5 މިލިއަން ރުފިޔާ ހަރަދު ކުރާނެ ކަމަށް އެ ކުންފުނިން ބުނެ އެވެ. ވެމްކޯގެ އޮޕަރޭޝަންސް ޖެނަރަލް މެނޭޖަރު އަހްމަދު ޝާފިއު ވިދާޅުވީ އެ ޕްރޮޖެކްޓްގެ ސަބަބުން މަގުތަކަށް ކުނި އެޅުމަށް ކޮންމެވެސް ވަރެއްގެ ހައްލެއް އަންނާނެ ކަމަށެވެ.
"ރައްދު" ޕްރޮޖެކްޓާ ގުޅޭގޮތުން މައުލޫމާތު ދެނީ-- ފޮޓޯ: ހުސައިން ވަހީދު/މިހާރު
"އާއްމުން ވަރަށް ބޮޑަށް އެބަ ހޭލުންތެރި ކުރެވޭ މީގެން. އެހެންވީމަ އަޖުމަ ބެލުމުގެ މި ޕްރޮގްރާމުން ނުކުންނަ ނަތީޖާއަށް ބިނާކޮށް އަދި ވެމްކޯއިން މި ޕްރޮޖެކްޓް އިތުރަށް ފުޅާ ކުރުމުގެ ވިސްނުން އެބަހުރި،" ޝާފިއު ވިދާޅުވި އެވެ.
ކުރިއަށް އޮތްތަނުގައި އަމާޒަކީ އެކިވައްތަރުގެ ތަކެތި އުކާލުމުގެ ބަދަލުގައި ވެމްކޯއާ ހަވާލު ކުރުމުން މާލީ އެހީއެއް ދިނުން ކަމަށް އެކުންފުނިން ބުނެ އެވެ. އެގޮތުން މުޅި ރާއްޖެ އަށް ފުޅާކޮށްގެން އެފަދަ ޕްރޮޖެކްޓްތައް ކުރިއަށް ގެންދާނެ ކަމަށް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޮޔަސޭޓް
30 April 2019
ރައްދުވެބަލަ...
ކަނޑުބޭރި
30 April 2019
ސުރުޚީގަ ރަނގަޅުވާނީ ވަކިބަޔަކު ވިއްކާ ސްޓިކާއެއް ވެމްކޯއަށް ގެންދިޔައީމާ ރުފިޔާދެނީއޭ ޖެހީމާ. ވަކި ފިހާރަޔަކުން ވިއްކާ ފުޅިތަކެއްގަ ސްޓިކާ މި ޖެހެނީ ކޮން އުސޫލަކުން. އެމީހުންނާ ވެމްކޯއާ އޮތީ ކޮން ގުޅުމެއް؟ އެ ފިހާރަޔަށް ނޫނީ ފިހާރަތަކަށް ބަދަލުގައި ލިބެނީ ކޯއްޗެއް ފުޅިތަކުގަ ސްޓިކާ ޖަހައިގެން ވިއްކީމާ؟ ވެރިން އެކި ދުވަސް ފާހަގަކުރަން ފިހިގަނޑު ހިފައިން ސެލްފީ ނަގާފައި އެދެން ތިމާވެށި ރައްކާތެރި ކުރެވުނީކަމަށް ހަދައިން ތިބެވޭކަށް ނެތް.
ފޫހި
30 April 2019
ވަކިތާކުން ވަކިފުޅިތަކެއް. ތިޔަ 10 ހާސް ގެންދާނީ ގަވާއިދާ ޚިލާފަށްއުޅޭ ބިދޭސީން. ރަނގަޅެއްނުދޯ
ގަމާރު
30 April 2019
މިކަންކުރާނެ ދިވެހިން ހޯދަބަލަ. ނުވަތަ ކަލޭ މިކަންކުރާނަންތަ؟ އެޔައްވުރެ ބޮޑާވާނެ. ލޯކަލް މާރުކޭޓު ގޮޅިތައް ހިންގަނީ އެމީހުން. މަސްބާނަނީ އެމީހުން. ދަނޑުވެރިކަން ކުރަނީ އެމީހުން. ގަވައިދާޙިލާފަށް އެމީހުން ގެންނަނީ ދިވެހިން. އިމިގްރޭޝަންގަ ތިބެނީ ދިވެހިން. ކަލޭ ބޭރުގައުމަކަށް ދާތަނުން ކަލޭ ގެންނަމީހާ މުސާރަނުދީ ލަނޑުދިނީމަ ކަލޭވެސް ޖެހޭނީ އެހެން މަސައްކަތް "ނުގަވައިދުން" ކުރަން. އެމީހުން ސާފުކުރިޔަސް މިތަން ރީތިވަންޔާ މޮޔަ ނުގޮވާ!
ތޮށަލިތަކުރު
30 April 2019
ވަކިތަންތަނަކުން ވިއްކާ ވަކި ސްޓިކާއެއް ޖެހިފުޅިގެންދިޔުމުން ލާރިދިނުމަކީ ތިޔަބުނާ މަޤްޞަދަށްވުރެ ބޮޑަށް ފޮރުވިފައިވާ އެހެން މަޤްޞަދެއް ހާޞިލްވެދާނެކަމެކެވެ. އެހެންނޫންނަމަ ޕްލާސްޓިކް ވިއްޔާ ކޮންމެ ވައްތަރެއްވިޔަސް ސްޓިކާއެއް ނެތަސް އަދި ކޮންމެ ތާކުން ވިއްކާ އެއްޗެއްވިޔަސް ވާނީ އެއްވަރެވެ. ތިޔައީ ވަކިބަޔަކަށް ވިޔަފާރިއެއް ހޯދައިދޭން ރީތިނަމެއްގައި ކުރެވޭކަމަކަށްވުން ވަރަށް ގާތެވެ.
ރައްދު
30 April 2019
ދިވެހި ޒުވާނުންގެ ތެރޭގަ ގިނައީ ހިހޫތަނުން ކާން ދަސްވެފަ ތިބި ޒުވާނުން އެހެން ވީމަ މިގައުމުގައި ބިދޭސީންނަށް ފުރުސަތު ބޮޑުވީ
ބައިރޯ
30 April 2019
އަދި ތިކަން ތާކުންތާކު ނުޖެހޭ ތިކަން ރާއްޖޭގެ ހުރިހާ ރަށެއްގައި އަބަދަށް ކުރިއަށް ގެންދެވޭނެ ގޮތެއްވީމަ ތާކުން ތާކުތިޖެހޭނީ
ރޮކެޓް
30 April 2019
ސްމާޓް ކުނި ނާޅާ ހޮޅި މާލެ ސިޓީ ތަ.
ހޭބަލިމިތުރު
30 April 2019
ޕާޓީ ބަޔަކައް ލާރިކޮޅެއްދެނީދޯ؟. ވަކިފިހާރަތަކަކުން ވަކިއަދަދަކައް ވިއްކާއެއްޗެއް، ޕާޓީކުދިން ލައްވާ ގަނޑުކޮން ގަނެގެން ގެންގޮސްފަ ފުޅިތައްހިފައިގެން ފައިސާބަލާ ވެމްކޯއައް!. ވަރައްސަޅި.
ހަގީގަތް
30 April 2019
ރަގަޅުކަމެއް އެކަމަކު ތިކަން ކުރަންވީ ހަމައެކަނި މާލޭގަތަ ކޮބާ އައްޑޫ..
މައުލޫމާތު
30 April 2019
ކޮބާ މާލޭގެ ކޮންމެ ގޭބިސީއަކުން 100 އާއި 150 ރުފިޔާނަގާ ވާހަކަ ކޮބާ؟؟ އެމްކޯ އައް އޭގެން ކިހާ އަދަދެއްގެ ފައިސާއެއްވަދޭބާ؟؟ ކިހާވަރެއްގެ ފައިދާއެއް ވޭބާ؟؟؟ މިވެސް މިކަހަލަ ވާހަކައެއް ލިޔާއިރު ބުނެދޭންޖެހޭ ކަމެއް ކަމުގައި ދެކެން... ދިވެހިން ދިވެހިންނާ ޖެހޭ ގޮތައް ނޫސްވެރިން ނުލިޔެ ތަންކޮޅެއް ތަރައްގީވުން އެދެން.
ހހހހ
30 April 2019
ވެމްކޯއަށް ފައިދާ ނުވަންޏާ ކުނޑަބަނޑޮސް ނޫނީ ކުރުނބާ ދީބަލަ. އޭގެން ލިބޭ ލާރިން ވެމްކޯ ހިންގޭނެ ރައްޔިތުން އަތުން އެކައްޗެއް ނުނެގިއަސް. މިހާޜު ކޮއްޔާ ޑީންއާ އެމީހުން ދަރިން މިރިމިރީންނަށް ދަންދެން ގައިމު މަދުުނުވާވަރަށް ލާރި ހުންނާނީ ލިބިފައި.
ވާނުވާގައުމު
29 April 2019
ތިޔަ ފައިސާ ހަރަދު ކުރަންވީ މަގުތަކުގައި ޑަސްބިން ބެހެއްޓުމަށްދޯ. އަދި އެންވަޔަރަމަންޓް ޕޮލިސް އެކުޓިވްކޮށް ކުނިއަޅާ ފަރާތްތަށް ހޯދައި ފިޔަވަޅު އަޅަންވީދޯ. ކެމެރާތަކާއި އަދިވެސް މަގުތަކުގައި ބާރަށްދުއްވާ އުޅަދު އަދި ގާނޫނާއި ގަވާއިދަ ހިލާފުވާ މީހުން ދެނެގަނެވޭނެ ނިޒާމުތަށް ގާއިމު ކުރަންވީދޯ. މަގުތަށް އަމާން ވެސްވީ އަދި ސާފުވެސްވީ. ތިޔަ ފަރާތްތަކަށް ކޮމިސަނެއްލިބެނީހެން ހީވަނީ އެފިހާރަތަކުން