އެހެން މަޝްރޫއުތައް ނުހުއްޓައި، އެމްއެމްޕީއާރްސީގެ މަޝްރޫއު ހުއްޓުވުމުން ޖަމީލު ސުވާލު އުފައްދަވައިފި
ކުރީގެ ރައީސް ޑރ. މުހައްމަދު ޖަމީލު ޖޭޕީގެ ކައުންސިލް ބައްދަލުވުމަށްފަހު--ފޮޓޯ:ހުސައިން ވަހީދު/މިހާރު
27 މެއި 2019 - 15:53
35 comments
ކުރީގެ ރައީސް އަބްދުﷲ ޔާމީންގެ ސަރުކާރުން ހިންގާފައިވާ ކޮރަޕްޝަނުގެ އަމަލުތަކުގެ ގޮތުގައި ތުހުމަތު ކުރެވޭ އެހެން ޕްރޮޖެކްޓްތައް ނުހުއްޓުވައި، ހަމައެކަނި އެމްއެމްޕީއާރްސީން ދޫކުރި ރަށްތަކާ ގުޅޭ މުއާމަލާތްތައް ހުއްޓުވުމުން ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދު ކަންބޮޑުވުން ފާޅުކުރައްވައިފި އެވެ.
ޖަމީލު ކުރައްވާފައިވާ ޓްވީޓުގައި ވިދާޅުވެފައިވަނީ މުއާމަލާތްތައް ހުއްޓުވުމުގެ ސަބަބުން އިންވެސްޓަރުންނާއި މަޝްރޫއުތަކަށް ފައިސާ ދޭ ފަރާތްތައް ރާއްޖޭގައި އިންވެސްޓް ކުރަން ޖެހިލުންވާނެ ކަމަށެވެ. މިފަދަ ކަމެއް ކުރުމުން ސަރުކާރަށް ގާނޫނީ ގޮތުން ގޮންޖެހުންތަކާ ކުރިމަތިލާން ޖެހިދާނެ ކަމަށް އޭނާ ވިދާޅުވި އެވެ.
ޖަމީލު ވިދާޅުވީ، މިފަދަ ނިންމުންތައް ނިންމުމުގައި އެއް އުސޫލަކުން އަމަލު ކުރަމުން ނުދާ ކަމަށާއި އޭގެތެރޭގައި އެނބޫދޫ މަޝްރޫއު އާއި ނަސަންދުރާ އާއި ނިއުޕޯޓްގެ މައްސަލަ ހިމެނޭ ކަމަށެވެ. މިއީ އަނެއްކާވެސް ސަރުކާރުގެ ގޯސް ނިންމުމެއް ކަމަށް އޭނާ ވިދާޅުވި އެވެ.
Decision by @TourismMv to halt transactions involving MMPRC leases is illegal & exposes govt to legal challenges & investors/lenders to uncertainty. Govt can’t act so erratically when Emboodhoo, Nasandura & Newport are cleared. Another instance of ill-advised decision-making. https://t.co/Bjar5Oe3M0
— Mohamed Jameel Ahmed (@MJameelAhmed) May 27, 2019
ކުރީގެ ނައިބު ރައީސް މުހައްމަދު ޖަމީލުގެ ޓްވީޓް
ޖަމީލު މިހެން ވިދާޅުވެފައިވާ އިރު ނަސަންދުރާއިގެ މައްސަލަ ދިރާސާ ކުރުމަށްފަހު ޕޮލިސީ ލެވެލްގައި ގޮތެއް ނިންމުމަށް ކަމާ ގުޅޭ އިދާރާތަކަށް ވަނީ ފޮނުވާފަ އެވެ. ނިއުޕޯޓް ހުސްކުރުމަށް ސަރުކާރުން އެންގުމުން ވެސް އެތަން ހުސް ނުކުރުމުން ތަން ހުސް ކުރުމަށް ކޯޓު އަމުރެއް ހޯދުމަށް މަސައްކަތް ކުރި ނަމަވެސް ސިވިލް ކޯޓުން ކޯޓު އަމުރެއް ނެރެފައެއް ނުވެ އެވެ.
އެމްއެމްޕީއާރްސީ މެދުވެރިކޮށް ފަޅު ރަށްރަށާއި ފަޅުތަކުގެ ގޮތުގައި 55 ތަން ވަނީ ދޫކޮށްފަ އެވެ. މިތަންތަނާ ގުޅޭ މުއާމަލާތްތައް ވަގުތީ ގޮތުން މެދުކަނޑާލާފައިވަނީ ސަރުކާރުން އުފައްދާފައިވާ ޕްރެޒިޑެންޝަލް ކޮމިޝަން އޮން ކޮރަޕްޝަން އެންޑް އެސެޓް ރިކަވަރީ އިން މި ރަށްތަކާ ގުޅޭ މައްސަލަތައް ބަލަމުންދާތީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮލެޖު ބޯއި
28 May 2019
ތީވާނީ ޖަމީލުގެ ގާނޫނީ މަސްލަހަތު އޮތީ ތިއާއި ގުޅިފައިކަމަށް ވާތީ. މުޅިންވެސް އަމިއްލަ މަސްލަހަތު އިސްކުރާ މީހެއް.
ޒުވާނާ.
28 May 2019
މުސްތޮފާބެ ގޮވާކަހަލަ ކޮސްއަނގަ ތަޅަންފެށީ މިހާރު ބަލަތިމާގެ ދާއިރާއިން ތިމާ ފޭލިވީމަ އަދިވެސް ސިޔާސީވެގެން އުޅެންލަދެއްނުގަނޭތޭ
އަނގަފިނދު
28 May 2019
ތީ މިގައުމައް ޖެހިފަ އޮތް ވަބާއެއް!. ތިއީ އިންތިޙާބުުން މޮޅުވިޔަސް ވެރިކަން ހަވާލު ނުކުރާނަމޭ ބުނި މީހާނު!. ދެން ކޮން އިންސާފެއްގެ ވާހަކަ ތިދައްކަނީ؟ ފުރަތަމަ ތިމާ މީހާ އިސްލާހުވެ ބަލަ.
މަ މިއު މަ
28 May 2019
އެމްއެމްޕީއާރްސީގެ ހިޔާނާތް ނުފެންނަނީތަ ހަމަ ސުވާލު ތި ކުރަނީ؟
ޙަސަންފަހީމު
28 May 2019
ޖަމީލު، ރައްޔިތުން ބަލައިނުގަތެީމަ ދެންތިހެންއުޅެގެން ހުޅުނބުފައިބާނީ. ރައްޔިތުންގެ ލޯބިހޯދައިގެން ނޫނީ އެއްވެސް ގައުމަކު މަތީފަޑިއަކަށް ނޭރޭނެ.
އަލީ ސަމީމް
28 May 2019
އިންވެސްޓަރުންގެ އިތުބާރު ހޯދާ މިގައުމުގެ އިކޮނޮމީ ވަރުގަދަ ކުރަން ކުރަންޖެހޭ ކަމެއްގެ ވާހަކަ ޖަމީލް އެވިދާޅުވީ. ބަލަގަ ބޮލުން ވިސްނަބަލަ.
ޒިލް
28 May 2019
ޖަމީލަކީ ސިޔާސީގޮތުން ފޭލިވެފާވާ މީހެއް. ރަައްޔިތުންނޭ ކިޔައިގެން ވާހަކަ ދައްކަން ނުނިކުމެ، ގޭގައި މަޑުން އޮވެވޭތޯ ބަލާބަލަ
ހޮޅިކަލޯ
28 May 2019
ދޮގެއް ނޫން.
އުމަރު ބޑދ
28 May 2019
ޖަމީލޫ ގައުމު ހަލަބޮލި ކުރަން ނޫޅޭ މިހާރަކު ނޫޅޭ ކަލޭގެ ވާހަކަ އަޑުއަހާމީހަކު ތީބޮޑުތަނުން ފެއިލް ވެފާތިބިބަޔެއް.ހެދުން ބަދަލު ކުރާފަދައިން ޕާޓީ ބަދަލުކުރާމީހުން މުޅިން ވެސް ހިހޫތަނުންކާ ފިޑިން.
އަބްދުﷲ
28 May 2019
ޑރ.ޖަމީލު ތީދެން ކާކުތަ؟
ޝިޒް
28 May 2019
މިއީކާކު؟