ބެންގަލޫރަށް ފުރާވަޑައިގަތުމަށް އަނބިކަނބަލުން މަރިޔަމް ނަޝްވާ އެކު އަދީބު އެއާޕޯޓުގައި. --ފޮޓޯ/ސޯޝަލްމީޑިއާ
24 ޖޫން 2019 - 17:56
31 comments
ކުރީގެ ނައިބު ރައީސް އަހުމަދު އަދީބުގެ މައްސަލައެއް ދައުލަތުން ސުޕްރީމް ކޯޓުގައި އިސްތިއުނާފް ކޮށްފައިވާތީ އެ މައްސަލަ ނިމެންދެން އަދީބުގެ ޕާސްޕޯޓް ހިފަހައްޓަން ސުޕްރީމް ކޯޓުން މިއަދު އަމުރުކޮށްފި އެވެ.
ދެ މައްސަލައެއްގައި އަދީބަށް އިއްވި ދެ ހުކުމެއް ބާތިލްކޮށް، އެ ދެ މައްސަލަ އަލުން ބަލަން ހައި ކޯޓުން ވަނީ ދާދިފަހުން އަމުރުކޮށްފަ އެވެ. އެއީ ރިޔާސީ ލޯންޗް ފިނިފެންމާގައި އެއްޗެއް ގޮއްވާލި މައްސަލާގައި އިއްވި 15 އަހަރުގެ ޖަލު ޖަލު ހުކުމާއި ޅ. މާބިންހުރާގެ އިކުއިޒިޝަން ކޮސްޓްގެ ގޮތުގައި ލިބެންޖެހޭ ފައިސާއަށް ޚިޔާނާތްތެރިވި ކަމަށް ބުނެ އިއްވި އަށް އަހަރުގެ ޖަލު ހުކުމުގެ މައްސަލަ އެވެ. އޭގެ ތެރެއިން ޚިޔާނާތުގެ މައްސަލަ ދައުލަތުން އޮތީ ސުޕްރީމް ކޯޓުގައި އިސްތިއުނާފްކޮށްފަ އެވެ.
އެކަމާ ގުޅިގެން ސުޕްރީމް ކޯޓުން މިއަދު ނެރުނު އަމުރުގައިވަނީ ހައި ކޯޓުގެ އެ ނިންމުން އިސްތިއުނާފް ކުރަން ދައުލަތުން އެ ކޯޓަށް ހުށަހެޅި މައްސަލަ ބަލައިގަތުމަށް އެ ކޯޓުން ނިންމާފައިވާ ކަމަށާއި އެ މައްސަލާގައި ދައުލަތުން ވަގުތީ އަމުރަކަށް އެދިފައިވާތީ ގާނޫނީ އުސޫލުތަކާއި މައްސަލައިގެ ބާވަތަށް ރިއާޔަތްކޮށް، އެ މައްސަލަ ސުޕްރީމް ކޯޓުން ނިމެންދެން ނުވަތަ އެހެން ގޮތަކަށް އަންގަންދެން އަދީބުގެ ޕާސްޕޯޓް ހިފަހައްޓަން އިމިގްރޭޝަންގެ މައްޗަށް އަމުރުކުރާ ކަމަށެވެ.
އަދީބުގެ ޕާސްޕޯޓް ހިފަހައްޓަން ސުޕްރީމް ކޯޓުން އަމުރު ކުރިއިރު، އޭނާ މިވަގުތު ހުންނެވީ ސަރުކާރުގެ ހުއްދައާ އެކު ބޭސްފަރުވާއަށް ރާއްޖެއިން ބޭރުގަ އެވެ. މި މަހުގެ 14 ވަނަ ދުވަހު އަދީބު ބޭރަށް ފޮނުވީ ފުލުހުންނާއި ކަރެކްޝަނަލް ސާވިސްގެ ބެލުމުގެ ދަށުންނެވެ. ސަރުކާރުން ބުނެފައިވާ ގޮތުގައި ބޭސްފަރުވާއަށް ފަހު އަދީބު މި މަސް ތެރޭގައި ރާއްޖެ ވަޑައިގަންނަވާނެ އެވެ.
ޚިޔާނާތުގެ މައްސަލަ އަލުން ކްރިމިނަލް ކޯޓުން ބަލަންޖެހޭނެ ކަމަށް ހައި ކޯޓުން ކުރި ހުކުމް ދައުލަތުން ސުޕްރީމް ކޯޓުގައި އިސްތިއުނާފް ކުރިއިރު، ކްރިމިނަލް ކޯޓުން މިހާރު ވަނީ އެ މައްސަލަ ކުރިއަށް ނުގެންދެވޭނެ ކަމަށް ނިންމައި، އެ މައްސަލަ އަނބުރާ ފޮނުވާލައިފަ އެވެ. އެ މައްސަލާގެ އިތުރުން އަދީބަށް ދައުވާކުރާ އެހެން މައްސަލަތަކެއް ވެސް ކްރިމިނަލް ކޯޓުން ވަނީ އަނބުރާ ފޮނުވާލައިފަ އެވެ.
އެކި ކުށްތަކުގައި އަދީބުގެ މައްޗަށް އޮތް 33 އަހަރުގެ ޖަލު ހުކުމް އައި ނަަމަވެސް ހުކުމްތައް ވަނީ ބާތިލްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
8ފގ7
25 June 2019
މިދިޔަ ސަރުކާރުގައިވެސް ޓްރެވަލް ޑޮކިއުމެންޓްގައި ބޭނުން ސިޔާސީ މީހަކު ބޭނުން ގައުމަކަށް ގޮސް ދަތުރުކޮށް ހަދައިގެން އުޅުނީ. ޕާސްޕޯޓެއް އޮތެއް ނެތުން މުހިއްމުކަމަކަށްވީ ތަނެއް ނުފެނޭ. ޖަލުގައި ތިބެންވީ މީހުން ތިބީ އަރާމުގަ އެހެން ގައުމުތަކުގައި. އަންނަންވީމަ އެންމެންވެސް އައީ. އެއްވެސް ދައްޗެއްނެތް.
26 ޖޫން
25 June 2019
ކޮބާ މާދަމަ އަކީ 26 ޖޫން، އެ ސޮރު މި ކޮޅަށް އަންނަން ޖެހޭ ދުވަހެއްނު އެއީ! ކިހިނެތްބާ ވާނީ! ހަމަ ބަޗާފާނެ އިނގޭ އެއަރޕޯޓު ތެރޭންވެސް! ވަރަށް ޑޭންޖަރު މީހެއް ތީ!
އެޑްމުންޑޯ
25 June 2019
އަދީބު ރާއްޖޭން ބޭރުގައި ހުއްޓަ ކިހިނެއް އޭނާގެ ޕާސްްޕޯޓް ހިފެހައްޓާނީ ، ވިސްނާ ވިސްނާ ނޭގުނު ، ރާއްޖެ އައީމާތާ އިމިގްރޭޗަންވެސް އެލިބޭނީ
މަރިއްޔާ
25 June 2019
ޕާސްޕޯރޓް ހިފަހައްޓަނީ ޕާސްޕޯޓް ނަމްބަރު އިމިގްރޭޝަން އިން ބޮލޮކް ކޮށްލައިގެން. ދެން އެއްވެސް ތާކަށް ޓްރެވެލް ނުކުރެވޭނެ އެ ބޭނުން ކޮށްގެން އަތުގަ އޮތަސް.
ނަސީދު
25 June 2019
ޢަދީބު ގެއްލިގެން ހޯދާއަޑު އެހިން ސޯސްއެއްގޮތަކައްވެސް ނޭނގޭ
ިއިބްރާ
25 June 2019
ސަރުކާރުން ރާވައިގެން ހިންގާ ޖަރީމާއެއް. ކޯޓުން އަމުރުނެރުނީ ޕީޖީ އެކަމަށް އެދުނީމަ.
އަހަރުމެންވެސް
25 June 2019
މީދޯ މާ ހިނިއައިއްސަ މިހުންނަކަމަކީ! އަހަރުމެން މިތިބީ ހޭލާ ބަލަން!
ޙުސެންފުޅު
25 June 2019
ޙުސް ޑްރާމާ
އީސަބެ
25 June 2019
ދެންބޮޑުވަރު، ތިޔަތަނުން ކުރާ އަމުރު ރައްޔިތުން މިހާރު ބަލާނުގަނޭ، ތިޔައީ ރައްޔިތުން އިތުބާރުކުރާ ތަނެއްނޫން!
ރައީސް ނަޝީދު
26 June 2019
ރައްޔިތުންނަކީ ހަމަ އެކަނި އެމް،ޑީ،ޕީ އެއްނޫން ދިވެހިރާއްޖޭގެ އައިޑީ ކާރޑް އޮންނަ ކޮންމެ މީހަކީ ދިވެހި ރައްޔިތެއް
ސުޕުރީމް
25 June 2019
ސުޕުރީމް ކޯޓުން އެއޮންން ތާވަލަކައް މައްސަލަ ފަނޑިޔާރުން ނިންމުމުން އަޅަންޖެހޭ އިދާރީ ފިޔަވަޅު އަޅަން އަންގާނެ. އެއީ އޭނަ ކޮންތާކުތޯ ހުރީބަލާފަ ކުރާކަމެއްނޫން.
ބަނާނާ
24 June 2019
މަނީޓޯކްސް.
ކދޖދ
24 June 2019
ހަހަހަހަ. އޭނަ ދެން މިގައުމަށް ނާންނާށޭތަ ތިބުނީ؟ ލޮލް