ބޯންމެރޯ ހަދަން އިންޑިއާއަށް ފުރުމުގެ ކުރިން އެ ކުދިންނާއެކު ހެލްތު މިނިސްޓަރު އަމީން ފޮޓޯއަކަށް ހުއްޓިވަޑައިގެން ހުންނެވިއިރު، ފަރުވާ ދެނިކޮށް މަރުވި އަޔާން (ރަތް ގަމީހުގައި) ކައިރީގައި މަޑުކޮށްލައިގެން.-- ފޮޓޯ: ހުސެއިން ވަހީދު/ މިހާރު
23 ޖުލައި 2019 - 15:18
8 comments
ބޯންމެރޯ ހެދުމުގެ ކަންކަން ކާމިޔާބު ކަމާ އެކު ނިމުނު ނަމަވެސް އޭގެ ފަހުން ދޭންޖެހޭ ފަރުވާ ކުރިއަށް ގެންދަނިކޮށް ފަސް އަހަރުގެ ކުއްޖަކު މަރުވެއްޖެ އެވެ.
އެ ކުއްޖާ މަރުވީ، ޒަކާތު ފަންޑުގެ އެހީގައި މިދިޔަ ފެބްރުއަރީ މަހުން ފެށިގެން އިންޑިއާގެ މަނިޕާލް ހޮސްޕިޓަލުން ފަރުވާ ހޯދަނިކޮށް އިއްޔެ ހެނދުނެވެ.
މޯލްޑިވިއަން ބްލަޑް ސާވިސް (އެމްބީއެސް)ގެ އެސޯސިއޭޓް ސްޕެޝަލިސްޓް ޕީޑިއެޓްރިކްސް ޑރ. އަހުމަދު އުމަރު ވިދާޅުވީ އެ ކުއްޖާ މަރުވީ ބޯންމެރޯ އަށް ފަހު ދިމާވި ކޮމްޕްލިކޭޝަންތަކަށް ފަހު ކަމަށެވެ.
ބޯންމެރޯ އަށް ފަހު ފަރުވާއަށް ހަތަރު މަސް ދުވަހު އިންޑިއާގައި މަޑުކުރަން ޖެހެ އެވެ. އަދި އެއްކޮށް ރަނގަޅުވާން ގިނަ ދުވަސްތަކެއް ނަގާނެ އެވެ. އެހެންވެ އެ ކުދިން އަނބުރާ ރާއްޖެ އައުމަށް ފަހު ވެސް އެއް އަހަރު ދުވަސް ވަންދެން ވަރަށް ފަރުވާތެރިވާތެރިކަމާ އެކު ބަލަން ޖެހޭނެ އެވެ.
ޑެންގީ ހުމަށް ފަރުވާ ހޯދަމުން ދަނިކޮށް ރޭ ވެސް ނުވަ އަހަރުގެ ތެލެސީމިއާ ކުއްޖަކު މަރުވެފައި ވެ އެވެ. އަދި މިދިޔަ ހަފުތާގެ އާދިއްތަ ދުވަހު، ތެލެސީމިއާގެ ދެ ޒުވާނުން މަރުވެފައިވާއިރު، މި އަހަރުގެ މިހާތަނަށް ތެލެސީމިއާގެ ހަ ކުދިން ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންހިޔަލަ
24 July 2019
މި ކުދިންގެ މި ހާލު ހަމައެކަނި އިޙްޞާޞްވާނީ އެފަދަ ވޭނެއް ތަޙައްމަލްކުރާ މީހަކަށް. ދިވެހިރާއްޖޭގަ ދެ ކެރިއަރުން ކައިވެނި ނުކުރެވޭ ގޮތަށް ހަދަންފެނޭ. ކިހާ ފައިސާއެއްތޯ ބޭކާރުވަނީ މިފަދަ އިޖުތިމާޢީ މައްސަލަތަކާ ހެދި. މިފަދަ ކުދިންނަށް މިހާލު ޖައްސާ މައިންބަފައިންނަށް އެބަޖެހޭ ފިޔަވަޅުވެސް އަޅަން.
ޙިނި
24 July 2019
މެލޭރިޔާ ބަލި ރާއްޖެއިން ނައްތާލެވުނަސް،، ކާބަފައިންގެ ފަރާތުން މެލޭރިޔާ ބަލީގެ ސްޓްރެއިން ވަނީ ދިވެހިންގެ ޖީނޯމްގަ އަށަގަންފަ، ވީމާ ފަސޭހައެއް ނުވާނެ ތެލެސީމިޔާބަލި ނައްތާލާކައް. ތެލެސީމިޔާ ބަލިން އިންސާނާގެ ހަށިގަންޑު ދިފާއުކޮއްދޭ ގަދީމީ މެރޭރިޔާ ބަލިން
މަރޭމިތުރު
23 July 2019
ބޯންމެރޯ ކުޑަކަމެކޭ ހީނުކުރައްޗޭ! ބޯންމެރޯ ގުޅިފައިވީ ކެންސަރާއި!........................ ބޯންމެރޯއަކީ އެހާ ކުޑަކުޑަ އޮޕްރޭށަނެއްނޫން. އަދިވެސް އެންމެ މޮޅު ޑޮކްޓަރުންތިބީ އިންޑިއާގައި.
ގެރިގުއި އިންޑިއާ
23 July 2019
ހިތާމަވެރި ހަބަރެއް.. ހުރިހާވެސް މައްސްލައަކީ އިންޑިއާ..
ސަޕޯޓަރ
24 July 2019
ކިހިނެއް؟ ބޯންމެރޯ ކެންސަރާ ގުޅިފައިވީ! ... ބްލަޑަށް ކެންސަރު ޖެހޭ! އޭގެ މާނައަކީ ބޯންމެރޯ ކެންސަރާ ގުޅިފައިވުންތަ! ތަންކޮޅެއް ސާފުކޮށްދީ ތި ކިޔާ އެއްޗެއް!
މޯމޯ
24 July 2019
އާދެ، ލެޔަށް ކެންސަރު ޖެހޭ. އެކަމު އެޔަށް ކިޔަނީ ލޫކީމިޔާ. ތެލެސީމިޔާ އަކީ ކެންސަރެއް ނޫން.
ޖަމީލުބެ
23 July 2019
އެ ފުރާނައަށް ﷲ ހެޔޮ ރަޙްމަތް ލައްވާށި، އަދި އާއިލާއަށް ކެއްތެރިކަން ދެއްވާށި. އާމީން
ހުވަން
23 July 2019
ޤައުމަށް އެކި ގޮތްގޮތުން ހިތްދަތި ދުވަސްތަކެއް. އިބްރަތުން ފުރިގެންވާ ދުވަސްތަކެއް