ބްރޯޑްކާސްޓިން ކޮމިޝަންގެ ރައީސް މުހައްމަދު ޝަހީބާއި ނައިބު ރައީސް ޒައިނާ. ދެ ބޭފުޅުން ވަކި ކުރަން މިނިވަން މުއައްސަސާތަކުގެ ކޮމިޓީން ވަނީ ނިންމާފައި.--- ފޮޓޯ: މިހާރު
24 ޖުލައި 2019 - 16:39
15 comments
ބްރޯޑްކާސްޓިން ކޮމިޝަންގެ ރައީސް މުހައްމަދު ޝަހީބާއި އެ ކޮމިޝަންގެ ނައިބު ރައީސް ފާތިމަތު ޒައިނާ މަގާމުން ވަކިކުރުމަށް މިނިވަން މުއައްސަސާތަކާ ބެހޭ ކޮމިޓީ މިއަދު ނިންމައިފި އެވެ.
މިނިވަން މުއައްސަސާތަކުގެ ކޮމިޓީން ޝަހީބާއި ޒައިނާ ވަކި ކުރަން ނިންމީ އެ ކޮމިޓީ އަށް ހާޒިރުކޮށް ސުވާލު ކުރުމަށް ފަހު އެވެ. ބްރޯޑްކާސްޓިން ކޮމިޝަންގެ މެމްބަރުން ވަކިވަކިން ހާޒިރު ކުރި މި ބައްދަލުވުންތައް ކުރިއަށް ގެންދިޔައީ މީޑިއާ އަށް ސިއްރުކޮށްގެންނެވެ.
ޝަހީބާއި ޒައިނާ ބްރޯޑްކާސްޓިން ކޮމިޝަންގެ މެމްބަރަކަށް އައްޔަން ކުރީ އޭޕްރީލް 5، 2016 ގަ އެވެ.
ޝަހީބު މީޑިއާގެ ދާއިރާއާ ގުޅިވަޑައިގެންފައިވަނީ 1989 ގައި، "ހަވީރު" ނޫހުންނެވެ. އަދި އެ ނޫހުން ވަކިވެވަޑައިގެން ސަންއެފްއެމް ރޭޑިއޯއެއް ހިންގެވި އެވެ. ނޫސްވެރިކަމުގައި 21 އަހަރު އުޅުއްވި ޝަހީބު ވަނީ އެ ދާއިރާ އިން އެކި އެވޯޑުތައް ވެސް ހާސިލް ކުރައްވައިފަ އެވެ. އޭގެ ފަހުން، ޝަހީބު ވަނީ ނޫސްވެރިކަމުގެ އެކިއެކި ކޯސްތައް ވެސް ހިންގަވައިފަ އެވެ.
ބްރޯޑްކާސްޓިން ދާއިރާއާ 2007 ވަނަ އަހަރު ގުޅިވަޑައިގެންނެވި ޒައިނާ އެންމެ ފުރަތަމަ އަދާ ކުރެއްވީ ވީޓީވީގެ ވީޑިއޯ ޖާނަލިސްޓެއްގެ މަގާމެވެ. އޭގެ ފަހުން ޗެނަލް 13 ގައި މަސައްކަތް ކުރެއްވި އެވެ. އެ ސްޓޭޝަންގައި އަދާކުރެއްވީ ސީނިއަ އެޑިޓަރުގެ މަގާމެވެ. ބްރޯޑްކާސްޓިން ކޮމިޝަންގެ މެމްބަރު ކަމަށް އައްޔަން ކުރެއްވުމާ ހަމައަށް "އަސުރުމާ ޔަގީން" މަޖައްލާގެ އެޑިޓަރުކަން ކުރެއްވި އެވެ.
ބްރޯޑްކޮމްގައި ދެން ހިމެނިވަޑައިގަންނަވާ މެމްބަރުންނަކީ މެމްބަރު ޒީނާ ޒާހިރު، އައިމިނަތު ސަރާހަތު އިއްޒަތު އަދި އަމްޖަދު ވަހީދެވެ. އެ ކޮމިޝަންގެ މެމްބަރުންގެ ތެރެއިން ހަސަން ނަބާހާއި ކޮމިޝަން މެމްބަރު އިސްމާއިލް ސޮފްވާން ވަނީ މަޖިލިހުން މައްސަލަ ބަލަން ފެށުމާ އެކު އިސްތިއުފާ ދެއްވައިފަ އެވެ.
ކުރީގެ ސަރުކާރުގެ ނުފޫޒާ އެކު ވަކިވަކި ޗެނަލްތަކާ މެދު ފިޔަވަޅު އަޅައި ޖޫރިމަނާ ކުރުމުގައި އިސްކޮށް އުޅުއްވީ ބައެއް މެމްބަރުން ކަމަށް ކަމަށް ތުހުމަތު ކުރެ އެވެ. އަދި ބައެއް މައްސަލަތައް ކޮމިޝަނުން ނިންމީ އިންސާފުން ނޫން ކަމަށް މަޖިލީހުގެ ކޮމިޓީގައި މެމްބަރުން ވަނީ އެއްބަސްވެވަޑައިގެންފަ އެވެ.
އަބުރުގެ ގާނޫނުގެ ދަށުން ބޮޑެތި އަދަދުތަކުން ރާއްޖެ ޓީވީ ޖޫރިމަނާކުރި އެވެ. އަދި ސަންގު ޓީވީ އާއި ވީޓީވީ ވެސް ވަނީ ޖޫރިމަނާކޮށްފަ އެވެ. އެކަމަކު، ރައީސް އިބްރާހިމް މުހައްމަދު ސޯލިހް ވެރިކަމަށް ވަޑައިގެން ފުރަތަމަ ވެސް ކުރެއްވި އެއް ކަމަކީ އަބުރުގެ ގާނޫނު އުވާލެއްވުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަންބުއްދި
25 July 2019
ވަކިކުރުމަކުން ނުފުދޭ.ގާނޫނުން މަތިކޮށްފައިވާ ޒިންމާގެބޭރުން އެކިފަރާތްތަކަށްދިން ގެއްލުމުގެ ބަދަލު ނަގަށް ދައުވާއުފުލާ
ހަލަނގު ފޭބީ
25 July 2019
އަދަކީ ނާއިންސާފުން ށަހީބު ކުޅަ ކަންތަކަށް އިންޞާފު ކިރެވުނު ދުވަސް ބައެއް މީޑިޔ ހައްދެއްނެތި ޖޫރިމަނާ ކުރުން ފަދަ ށަހީބު އިން ގޮނޑި ހަތިޔާރަކަށް ވީ ދުވަހަށް ލިބުނު އިންޞާފު ށަހީބު އިންދި ގޮވާން ށަހީބޭ ކަނޑާ ދުވަސް
މަރޭމިތުރު
24 July 2019
މާލަސްވެއްޖެ ވަކިކުރަން، ބާލަން އަވަހަށްވީ ގޮނޑިގެން...................... މިދެވެރިން ވަކިކުރަން މާބޮޑަށްވެސް ލަސްވެއްޖެ.
ސިރީ
24 July 2019
ބިސާމް ދެން ހަނދާން ނައްތާލާ އަޅުންނަށް ހެން ބަވާ ރޮއްވާފަ މުވައްޒިފުން ގެންގުޅުން..އަނިޔާ މަތި މައްޗަށް މީހުނަށް ދިން ބިސާމްވެސް އަވަހަށް ވަކިކުރުމަކީ އިސްލާހަށް އެޅޭނެ ބޮޑު ފިޔަވަޅެއް...ޔަގީނާ ގާތަށް އެނގޭކަމަކީ އޭނަ އިސްތިއުފާ ނުދޭނެކަން..އެ ހިތްވަރު ނުވެސް ހުންނާނެ..އަދި އެހާ ދަހިވެސް ވާނެ
ހިލް
24 July 2019
އެކަކު ގޮޑި ޖަހައިދެނީ ޖަލްސާ ބާއްވަން. އަނެއް މީހާ ފުވައްމުލަކަށް ދިޔައީ ކޮންމެވެސް ގަޑެއް ގަންނަން. އޭރު ހިތަކަށް ނާރާ މިދުވަސް އަންނާނެއެކޭ.
ހަކީމް
24 July 2019
ވަކިކުރަން ނުޖެހޭ އެކަކުވެސް ... ގެނެސް ސުވާލު ކޮއްލީމަ މިއެނގެނީ މަގާމުގައި ދެމިހުންނަން ހާވާފަ ހުރި ހަޑި. ކުރީގެ އޮޑިޓަ ޖެނެރަލް ނިޔާޒް ކަހަލަ މަދު ބަޔަކު ޔާމީނަށް ކުރުނީސް ނުކޮއް ތިބީ. ޔާމީނު އަށް 5 އަހަރު ނިންމާލެވުނީވެސް މިމީހުންގެ ސަބަބުން.
ހުތާނި
24 July 2019
ނިޔާޒް ޔާމީންދެކެ ރުޅިއައީ އޭނާ ބޭނުންވި ކަންކަން ޔާމީން ނުކޮށްދިނީމަ. ތިއީ ހަސަދައިން ފޯވެފައި ހުންނަ މީހެއް. ރީނދޫ ގައިގައި ވަށައިގެންހުރެ ވާހަކަ ދައްކނީ
ރަދީފުއްދީނުލް އަކްބަރު
24 July 2019
ބިޝާމު ކޮންއިރަކުންނޯ ވަކިކުރަނީ؟
ފުންއަސަރު
24 July 2019
މިއޮތީ އެބުނާއެއްޗެއް އެމީހުނާ އަރާ ހަމަކޮށްފަ. ވަﷲ އައުލަމް.
ބޭރޭކުރަންވީ
24 July 2019
މިނިވަން މުވައްސަސާތަކާ ބެހޭ ކޮމިޓީ މިފެންނަނީ މިނިވަންކަމާއެކު މޫނަކަށް ކަނދުރާއަކަށް ބެލުމެއްނެތި ނިންމުން ނިންމާތަން..ސާބަހޭ..ނަމަވެސް ރައްޔިތުންގެ އުންމީދާ އެންމެ ބޮޑަށް ގުޅިފަވާ ޖުޑީޝަރީ ކޮމިޓީ ފެންނަނީ ވަރަށް ފިނޑި ކޮމިޓީއެއްގެ ގޮތުގަ..ބިސާމް ކޮމިޓީއަށް ގެނެސް ފިރުމީ..ބިސާމްއެހެން ހެދިއޯ މިހެން ހެދިއޯ އަދި ރައްޔިތުން ބަލައިނުގަންނަކަން އިނގޭކަން ރޭގަ ފަލަސުރުހީގަ އިންތި ބުނިއިރު އަދި ދެންހަދާނެ ގޮތެއް ނޭނގޭކަމަށްވެސް އިންތި ބުނި..ކިހާމޮޅު
އިބުރާ
24 July 2019
ހިސާންއަށް އެކޮމިޓީގަ އިނދެވިގެންނ ނުވާނެ. އެކަމަކު އިންތިމެން އެތިބީ ހަމަ ހުހިގެންނެއްނު! މިހިރީ މިމީހުންގެ ވެސް ހުރިވަރު
އައިންތު ނަޒުމާ
24 July 2019
ހެޔޮދެން ވަކިކުރިޔަސް، ދައްތަވަނީ 3 ފުލެޓު ހޯދައިފަ އަދި ކުރިޔަށް އޮތް 20 އަހަރުވެސް އުޅެލެވޭވަރުގެ ތަނަވަސް ކަން އެބަހުރި، ދަތް ހުރިއިރު އޮންނާނީ ކާށިކައިފައި